Ka Nupepa Kuokoa, Volume XLIII, Number 3, 17 January 1908 — PAU KA POE KUAI WAIONA LAIKINI OLE I KA HOPUIA. [ARTICLE]

PAU KA POE KUAI WAIONA LAIKINI OLE I KA HOPUIA.

O kekahi o na la i hului ia ae al o ka poe kuai waiona lalkini ole, oia no ka Poalua nei, a ua hiki aku ka huina o ka poe i hopuia ma kahi o ka eiwa, he poe Kepani malama haleaina wale no ka nui, a he hookahi Palee, he mea malama haiekual puaa. O Lukanela Luahiwa ame Lunanana Laikini Fennell na mea na laua i noke i ka hopuhopu i keia poe hakihaki kanawai. Ua oleloia ae he poe Kepani maa mau no keia i ke kuai malu i ka waiona, a i ko lakou laweia ana ad no ka halewai, -ua hookuu houia aku lakou ma ka waiho ana ae i ka bona o $250 pakahi. He nui ka poe i manaoia e hopuhopu ma ia, aka nae, i ka wa e hopuia ana kekahi o keia poe, o ka wa ia i hoikeia aku ai o ka lohe i kekahi o ko lakou mau hoaloha, a mamua o ka hoea ana aku o ka makai no ia mau wahl 1 hoohuoiia, ua pau mua na omole rama i ka wawahiia. Ma ka manao o ka makai, ua lawa na ike ma ka aoao o ke aupuni e hilti ai ke hoopa'i ia keia poe kuai waiona, ina paha e hookuuia ana he kakaikahi wale no ka poe e loaa ana fa lakou ia pono, oiai ua ku-e maoli no lakou i ke kanawai.