Ka Nupepa Kuokoa, Volume XLIII, Number 5, 31 January 1908 — HE HOALOHALOHA. [ARTICLE]

HE HOALOHALOHA.

Aole o kakou home mau maanei. Nana no i haawl mai, Nana no i lawe aku, E hoomaikai ia Kona Inoa. Walohia wale. Ua hala i ke ala hoi ole m,ai, e noho mau loa me lesu, no ka mea, hele ke kanaka I kona hale mau, a hele ka poe kanikau ma na alanui. Ua moku ke kaula kala, ua naha ke kiaha gula. Ua hoi ka lepo i ka lepo, a o ka uhane e hoi ia i ke Akua nana ia i haawi mai. /Ja hala, ua hala aku la i ke ala hoi ole mai. Ua moe i ka moe kau a hooilo. Aloha no. Ma ke ahiahi Poalima, Dekemaba 13, 1907, ua kipa ae la o ka make me kona mau ole a lawe aku i ka hanu ola o Wm. Kahalemoku Manuia, ko makou makuakane aloha iloko o ka Ekalesia o ka Haku. Ua hanaula o Wm. Kahalemoku Manuia ma Kawaihapai, Oahu i ka la 15 o Augate, 1845 mai ka puhaka mai o Kahena ame Kapaila, he 62 makahiki,

2 mahina ame na la keu o kona hanu ana i na ea huihui o keia ili honua. He makua aloha ia 1 na mea apau he heahea, he hookipa ame ka lokomaikai, he home kona i pumehana mau no na haipule o ke Akua. • Ua haalele mai la oia i ka wahine, ka pokli, kona makuahine ame na makamaka e kanikau aku ma keia aoao 0 ka muliwai me ke aloha paumoko, Luuluu wale. Ke hul nei makou me ka ohana ame na kiini haipule e noi • aku i ka Makua Mana Loa e hoomama a hoomaha mai i ka makuahine i hoonele ia i ke keiki, ka pokii i hooneleia i kona hanau mua ame ka wahine i hooneleia 1 ke kane. A jia ka Haku, ke Akua Mana Loa e kiai a hoomaha msu loa ia kakou Amene. O makou iho no me ka walohia. REV. JNO. JAS. MATHEWS, G. UAIA, WM. KALAMA, Waialua, Oahu, lanuari 10, 1908.