Ka Nupepa Kuokoa, Volume XLIII, Number 5, 31 January 1908 — KUU KA LUHI O HON. WILLIAM J. WRIGHT. [ARTICLE]

KUU KA LUHI O HON. WILLIAM J. WRIGHT.

Mr. Lunahooponopono, Walohia wale —Me ka puuwai i wawahiia i ke aloha makua ame na waimaka kanikau e hanini ana ke kokolo aku nei keia makapeni imua o kou alo, a i ahonui ia mal e kou oluolu, e hookomo iho i keia waimaka o ke aloha ma kahi kaawale o ka kaua "Kilohana" a nana hoi i&. e paialewa aku ma na aekai o Hawaii Nui a Keawe a hoea loa aku i ka luu ana o ka la i Lehua. E ha'i aku hoi i ka ohana, na kini makamaka ame na hoaloha o Hon. William J. Wright, ua kuu, ua hala a ua nalo aku kona mau maka mai ia lakou aku. Ua pau ka lohe ia ana o kona leo ma na home ou e Kona Kai Opualkalai, ua huna na maka~a ua nalo mai ia oe e ka Makani Apaapaa o Kohala. me olua iho nei no oia; ua kupa a ua kamaaina, a o koia ia niau hookahl aku la no ia i ke ala loa, ke ala huli ole mai ihope, i ke alahele loa, ke ala hoi o na mea apau. Lihaliha wale! Ma ka home o kana keiki, ke keiki hoi a kona hanau mua, Ben J. Wright ma Kulaokahua, Honolulu, ma ke ahiahi Poalua, lanuari 28, 1908, hora 6:30 ua pio iho la ke kukui; noha na paia hale Mno, a puka aku la ke kanaka maoli a hele kohana aku la i ka Mea nana ia i hana mai. Ua hanauia oia na Mr. ame Mrs. W. E. Wright mS. Kaluaaha, Molokai, ma ka la 16 o Okatoba, 1857: holaila, a hala aki/ la oia ua hoea aku kona mau la i ke 50 makahiki, 3 malama, ame 12 la. Ua hoonaauaoia oia ma ke Kula Hanai o Hilo, a mahope mai, ma ke Kula Nui o Lahainaluna. Hoi mai a noho i ke alo alii o Honolulu, a lawelawe ma na hanalima. Mahope mai hoi no Kohana a lawelawe ma ka oihana kupakako no kekahi mau makahiki. Pau ka noho ana malaila, hoi no Kona Hema, a noho ma Honaunau, he hanai holoholona ka hana, a malaila loaa kona laikini loio, kana oihana i noho iho la a pauaho iho la i keia ola mauleule. Ua hoohuiia oia ma ka berita laa 0 ka mare me Miss Mary Kahula 1 ka 1882, a no na makahiki he 24 ko laua noho ana iloko o ia berita a pauaho e mai la kana wahlne, a noho

hookahi iho la keia a hiki I kona huii ana aku la mahope o ka mea aloha he Aole i hoopomaikaiia mai ko laua mau puhaka iloko o keia mau makahiki loihi o ka noho ohana aha, o na keiki nae a kona hanau mua Thomas Wright, ame na keiki a ke kaikaina o kana wahine, ua hiipoi mai oia fa lakou, a hooiilo ia lakou iioko 0 apo hookahi, he poe keikl ponoi nana!. He makua aloha i na keiki, he oluolu, a he halekipa no na hoaloha. I ke kau koho balota o 1902, ua koho pono ia oia i Lunamakaainana mai ka Apana o Kona Hema, Hawaii, a ua noho i ke Kau Ahaolelo o 1903, a ua loaa no na pomaikai i kona apana ma ia kau. >Ua walho iho ola mahope nei I kona fuaui makuahine, ame makou ka nui ohana, e paiauma aku mahope ona. Aka nae, aole no keia ao nei kakou, aole hoi no kakou keia ola ana. Ua hana mai no ke Akua e like me kana 1 hoopaa ai i kinohi loa, "he lepo oe a e hoi aku no oe i ka lepo." Nolaiia, e hoonaniia Kona inoa ia ao aku, a ia ao aku; a maluna hoi o ke Ke'a Laa o ko'kakou Mesia e kau aku al i na luuluu, i na kaumaha, a Nana no e hoomaha mai. Me ke aloha i ka Lunahooponopono ame kou mau keiki o ka papa pa'i. Kou oiaio, S. K. NAWAA, Helu 1454, Dement St., Honoiuiu, lanuari 28, 1908.