Ka Nupepa Kuokoa, Volume XLIII, Number 34, 21 August 1908 — KUU LEI DAIMANA UA NALOWALE. [ARTICLE]

KUU LEI DAIMANA UA NALOWALE.

Mr. Lunahooponopono o ka Nupepa Kuokoa, Aloha, oe: —E oluolu mai kou ahonui no 'u kau wahi kaawale o ka kaua hiwahiwa e kookomo iho oe i kela mau hua e kau ae la maluna i ike mai ai na kini makamaka o maua e noho mai la i ka la puka i Haehae a hiki i ka welo ana a ka la i ka mole olu o Lehua. Ua oluola i ka Makua Mana loa ka lawe ana aku i ka hanu hope loa o ka maua keiki i aloha nuiia oia o Daniel K. Hao Jr., ma ka la 11 o Augate, 1908. Ua hanauia mai oia mai ka puhaka mai o Mrs. Elizabeth Hao ame Mr. Daniel K. Hao ma ka la 23 o lanuari, 15)08, a ua p»ha iaia eono mahina me 19 la ma keia ola ana, nolaila na ke Akua no i haawi mai a Nana no i lawe aku, e hoomaikaiia ka inoa o lehova ma na lani leiekie loa he malu ma ka honua be aloha no i kanaka, Amene. J. H. HAO. Honolulu, Augate 20, 1908.