Ka Nupepa Kuokoa, Volume XLIII, Number 35, 28 August 1908 — E WAE I MAU MOHO KUPONO A MAIKAI. [ARTICLE]

E WAE I MAU MOHO KUPONO A MAIKAI.

No ka makemake ana e hanaia mai ka maikai, ka pono ame ke kaulike i na mea apau iloko o ke Teritore a iloko hoi o ke kalana i makemake ai makou e kauleo aku i ka lehulehu, e loaa ona mau moho kupono a maikai no kau ko'ho baloka e hoea mai ana. Ma keia wahi nae i kaa aku ai nialuna o na aha elele wae moho ke koikoi o ka wae ana ae i mau moho na kela ame keia aoao kalaiaina e kukulu mai ai imua o ka lehulehu, a ka lehulehu hoi e haawi aku jai i na kakoo ame na apono ana mamuli o kona kupono, e like me. ka mea i ikeia nona ma kana mau hana. Ua pau aku nei ka wae ana a na Demokarata i ka lakou mau elele ma ka po aku nei o ka Poaha o ka pule i hala, a ma keia ahiahi. hoi ka na Repubalika, a o lakou nei ka poe na lakou e wae mai ana i na moho no na kulana lehulehu iloko o ka Ahaolelo a iioko o ke Kalana. O lakou' nei ka ka lehulehu e hoouna aku ana iloko o ka aha elele wae moho no ka wae ana i poe kupono, a e hoomanao e na elele o ka ioaa ana o na moho kupono a maikai i waeia e oukou i kulike me ka makemake o ka poe koho baloka o ia wale no ka mea e lanakila ai ma keia hakoko kolio baloka e hoea mai ana, a i nele |bukou i na manao kuokoa no ka wae ana i ka oukou mau moho ponoi e like me ke alakai ana a ko oukou mau lunaikehala iho, a pili wale aku malalo o ka hookikinaia mai e kekalii poe e komo ae ana iloko o ka aha elele, alaila e hio ana ka uwahi ma o, he makole koonei. Aole no nae i nele ka hoohanaia ana o ka mikini kalaiaina iloko o keia mau la, a me ia mikini i kau aku ai ka manaolana o ka poe e alualu ana no kekahi mau kulana no ka loaa ia lakou ka waeia mai e ka aha elele ma ka mahine ae nei o Sepatemaba e hoea mai ana. Nolaila i ka waiho ana i na inoa o na elele ma keia ahiahi iloko o na kalapu like ole, e akahele, a e makaala i ka poe maikai, e hiki ai ke manaoia aku, e loaa mai ana he mau moho kupono ma ka lakou wae ana, a e loaa pu ai hoi ke aponoia mai e ka lehulehu, a no ka mea aia i ka iehulehu kona lanakila ma ka la hoouka kaua koho baloka.

Ua lilo i mep na Hawaii e haaheo ai, ka lilo ana mai nei o ka inoa moho o ke ao nei ma ka hoohei'pipi i malamaia mai nei ma Cheyenne, Waioniina ma ka Poaono i hala, ka la 22 o Augate nei, ia Ikua Purdy, kekahi o na keiki Hawaii i au aku nei i ke kai loa, no ke kaili ana mai i kela hanoh'ano, a ina no hoi paha pela kahi Mokuheihei Hawaii ma ka heihei moku i hala iho nei ina ua oi loa aku ke kaulana o Hawaii uuku, a ke hui pu ae hoi me na hui kinipopQ, hele loa kakou i ke kaulana i ka waha o ko ke ao nei, eia nae. aole pela, i ahona iki aku la i keia kaa ana mai la o ke eo o kela hookuku hoohei pipi i keia keiki Hawaii. Aohe no ahe wa kau kona kokoolua, Archie Kaaua ma-ka helu elua, aka ua lilo iaia ka helu ekolu, eia nae ke kau la no laua a elua ma na helu kiekie.

Ua lilo i mea na kekahi poe e kahaha ai ka loheloheia ana ae nei o ka manao holo hou 0 A. M. Baraunu i Makai Nui no ke Kalana o Oahu nei, oia nae ka Baraunu i hoole loa ae ai i kona manao hou ana e alualu no kela kulana. Malia ke hamau mai nei ka lohe houia ana aku o ke kamailio nuiia o kona inoa mamuli o keia hoike okoa ana ae nei ona i kona manao, a i ka wa paha e waihoia ae ai kona inoa iloko 0 ka aha elele wae moho, o ka wa ia o kona mau hoaloha e alu like mai ai» ma ka haawi ana i ko lakou ikaika apau i w*ahi nona e waeia ai, o ia nae ka na alakai o ka aoao Repubalika i manao loa ai, he hana maikai ole na Baraunu ka manao ana e holo hou i keia -kau, ua likeia me ke kaualako ana i &a aoao i hope.