Ka Nupepa Kuokoa, Volume XLIII, Number 39, 25 September 1908 — KA ILIO UUKU LOA I IKEIA. [ARTICLE]

KA ILIO UUKU LOA I IKEIA.

Aia ma Nu loka i ikeia mai nei kekahi -wahi ilio uuku, nona ka loihi o elima wale no iniha, a he eha hoi iniha kona kiekie, me kona hulu puhuluhulu 0 ka waihooluu ulaula me na pohaka eleele ma kona kua. 0 ke kaumaha o kela wahi ilio, ua hiki aku ia i ka iwakalua-kumamalima wale no auneki, a o kona kumukuai i lilo aku ai ma ke kuaiia ana, he kanaha dala, auneki hookahi, ua like pu hoi ia me hookahi kaukani dala kona kumukuai. 0 keia ka ilio pii hookahi i ikeia, a o ka ilio uuku hookahi no hoi ma ke ao nei apuni, no ka mea o ka ilio uuku loa i paa ma ka moolelo o ke ao nei, ua hiki aku kona kaumaha i ka ekolu mau paona, aka ua haule loa iho ke kaumaha o keia ilio malalo o ka ilio mua, a pela i lilo ai keia i ilio uuku l°a. . He wahine ka mea nana i kuai mai la i kela ilio a lilo iaia, oia no o Mrs. Jolj»n T. Windrim, a o kahi o kela wahi ilio i ikeia ai, ma kekahi wahi kauhale no ia ma Brussel, aona makua i puka mai ai o keia ilio, he mau ilio no laua 1 a h a 'i i kekahi mau makana kiekie ma na wahi hoikeike ilio i malamaia ma Parisa ame Brussels.