Ka Nupepa Kuokoa, Volume XLVI, Number 1, 1 January 1909 — MAKAUKAU KA PAPA INOA O KA OIHANA MAKAI Kaiehuia o Kapena Waipa ame Kekahi Poe Makai Kahiko mai ka Oihana aku. [ARTICLE]

MAKAUKAU KA PAPA INOA O KA OIHANA MAKAI

Kaiehuia o Kapena Waipa ame Kekahi Poe Makai Kahiko mai ka Oihana aku.

Ma ka Poakahi nei i hoike maoli ae ai o Makai Nui hou W. P. Jarrett i ka papainoa o kana poe e hookohu aku ai no ka oihana makai o Honolulu nei, ma kona manawa e noho ae ai ma ke kianoa o ia oihana ma keia Poakahi ae ka la 4 o lanuari nei. Ua lawe ae ka Makai Nui hou i keia keehina hoomakaukau i hiki ai i ka poe i hoopauia ke huli hou aku i mau hana na lakou mamua ae o ka wa e paniia mai ai ko lakou mau hakahaka e na makai hou, ame kekahi mau wahi e ae iloko o ke keena makai. Maloko o ka papainoa malalo iho nei e ileeia ai na hoololiloli a ka Makai Nui Jarrett e like me kana i manao ai he pono. E ike puia ana no hoi ka hoopauia ana aku o kekahi poe makai i noho loihi iloko o ka hana, a ua paniia mai ko lakou mau makalua e na makai hou, ka poe paha hoi i hooikaika pu iho nei' ma ka aoao De* mokarata iloko o ka wa hakoko kalaiaina. O Kapena iHakal Robert P. Waipa kekahi i kaiehuia aku la, no ka mea aole he kulana o ia ano i makemakeia. ma keia au hou o ka hooponopono ana iloko o ka oihana makai, aka e lawe ae ana ka Hope Makai Nui i na hana i maa ia Waipa i ka Mi>o>tiia ;i Ltma mau la e ana iloko o ia keena. No ke kulana Makaikiu, ua hoomau ia aku la no o Kalakiela ma ia wahi, j a o Luahiwa o laūa ka mea i apahuia ■ ae la kona poo, a eia nae ua apoia mai la oia e Makai Kiekie Henry e hoi aku me ia e noho hana ai ma ke keena paahao o. Uwahipouli. No ke kulana na ka Makai Nui, ua lilo ae la ia wahi ia Julius Asch Jr., a o ka haole opu nui i noho makai kaa iho nei nona ka inoa o Harry Webb, ua kailiia mai la ia hana mai iaia mai, a haawi ia aku la ia M. J. Scully, kekahi o na kalaiwa kaa makai e noho hana nei i leeia manawa, a ua ili pu aku la no hoi maluna ona ke koikoi o ka nana ame ka makaala pono ana i ka poe hanaino i na holoholona, e like me ke kulana i paaia iho nei e Miss Eose Davidson. No kahi o George Lishman, ka hope aku o ka Makai kaa, ua paniia aku la ia wahi e George Holt, a ua hoomauia aku la no o Kauka Emekona ma kona wahi, oiai nae ma na mea i lohe waleia mamua aku nei, o Kauka Ateherley ka i noi ae ia wahi e haawiia aku iaia. O ke kulana kapena o na uwaki o

na makai kuhuina i hoopauia iho nei i ke au o laukea, ua hoihoi houia mai nei a ku hou i keia wa, a ua lilo mai la kela mau kulana ia Charles Baker, Wm. Punohu aine D, Kahaleaaha, oiai npe o na inoa hope elua, he mau kulana Lukanela iho ko laua malalo o laukea. Ua hoopauia o Kakiana John Aei ame kekahi poe kahiko e ae, a ua hoopihaia aku la ia kulana e N. T. Keilson, ka mea i noho makai iho nei no na uwapo, a o P. K. Ohulenui ama B. N. Kahalepuoa na kakiana e ae. Maiwaena ae o na inoa lehuleliu i hookomoia ae no ke kulana kakauolelo hoopaa lawehala, o D, Kamahu, A. Nawahi ame James 01ds aku la ka poe i apoia mai la no ia wahi, a kapaeia ae la kekahi poe ma kula. 0 J. K. Mokumaia, kekahi o na makai kaulio i keia manawa, oia aku 1» ke pani ma kahi o Seully ke kalaiwa o ke kaa makai. No ka puali makai kaulio, ua hoopauia aku la ke kulana lukanela, & koe wale no na makai, a ma ia ano iho la, ua hooneleia aku la o Diek Lane i ka hana, aka ua hoike ae no nae o Jarrett, ina aole e makaala pono ana na makai kaulio i ka lakou h&lUl, 4lttila. o hookoUu liou aku ana uo oia ia Mr. Lane. He mau hoololiloli hou ae no kekahi, e laa ka hoopauia ana aku o kekahi poe i noho hana no ka oihana mak.ii no ka manawa loihi a i ike maoliia ko lakou kupono. 1 ka manawa i puka mai ai ka papainoa o ka poe i manaoia no ka hookohuia aku ma na oihana lehulehu iloko o ka oihana makai, ua lilo i mea. e kamailio nuiia ai ma na alanui ke ano o keia hana a ka Makai Nui a i ole a ke Komite liooko paha o ka aoao Demokarata. No ka poe nae e noho nei iloko o ko lakou mau kamaa buti, ua ehaeha maoli ko lakou manao, a pau pu no me kekahi poe Demolcarata i hooikaika iho nei iloko o na hana kalaiaina no ko lakou hooneleia ana mai i na pomaikai iloko o ka oihana makai. \ Ua hele maoli aku kekalii o na pemokarata imua o ua alakai o ia aoao a hoike aku i ko lakou nana ole i kekahi kanaka i haawi i kona ikaika apau i mea e lanakila ai na moho a na Demokarata, a akahi no a hookaakaa ponoia na maka no keia mau hana nanakee i hanaia mai i kekahi poe