Ka Nupepa Kuokoa, Volume XLVI, Number 5, 29 January 1909 — E HOOMAHUI MA NA HANA MIKIALA. [ARTICLE]

E HOOMAHUI MA NA HANA MIKIALA.

Iloko o kekahi manawa pokole i hala ae nei, i lawe mai ai makou i kekahi manao waiwai nui o ka Makua S. N. Emekona a hoopiika aku maloko o keia pepa e pili ana i ke ano o ke kanu ana i ka uala, no ka makemake e lilo ia i mea hoeueu aku i ka manao o na kanaka Hawaii a o keia hanauna hou e pii ae nei i keia manawa. Maloko hoi o keia helu e -oili aku nei, e ike houia ana kana mau hoakaka waiwai nui e pili ana i ke kanu ana i ka maia, a o ka poe e helnlhelu ana a hoomaopopo, a hoohana aku i na mea e loaa io mai ai na pomaikai, e lilo auanei lakou i poe aie i ka mea nona keia manao waiwai. Aole he mea nana e hoole ae ka waiwai o keia hana o ke kanu maia, e like no me na hana e ae, he hookahi no pilikia o ka hoopalaleha o na kanaka ma ka hana ana i keia ano hana. He oiaio aole e ike nuiia ana na pomaikai ma Hawaii nei, aka aia nae ma kekahi mau wahi e ctku e loaa ai na mea e hoohauoli aku ai i ka manao o ka mahiai. >• —————— Ahea no la hoomaopopo ka poe e kau nei maluna o na kaauwila i ke ano o ka lakou lele ana mai ke kaa aku, no ka mea mamuli o ka pupuahulu o ka lele ana o kekahi wahine Pake ma ka Poalima aku nei i hala i halawai koke ai oia me ka make. He mau Kepani kekahi i make mamuli no o keia kumu hookahi i na manawa ae nei i hala, a ma ka aoao o na kanaka Hawaii, he mea nui ka malania ana i na rula paa o ke kaa, o ia hoi ke kali ana a hiki i ke ku ana o ke kaa, alaila lele aku ilalo, a o ke pale ana ae i kela rula, he kumu ia e alako aku ai iloko o ka poino mamuli o ka halawai ana me ka ulia. Eia mahea kahi e ku nēi o kā pilikia o ke Kulanakauhale ame Kalana o Honolulu nei? ; Ke «oielo nei na Demokarata, o ke koho oleia ana i poe Lunakiai Demokarata wale no ke kumu ku-eia o na hana a ka Meia Demokarata e lawelawe nei, a ua like no hoi ia me ke apono ana aku. i ka na Repubalika e koi mai nei, no ka hupo o ka Meia Denrokarata ke kumu i kuikahi ole ai o ka aila me ka wai, a pai ae no lakou aole e loaa aku o John Lane ke kanaka kupono loa ma kela wahi. Pehea keia?