Ka Nupepa Kuokoa, Volume XLVI, Number 5, 29 January 1909 — HOOMANAOIA KA LA HANAU O BIHOPA. [ARTICLE]

HOOMANAOIA KA LA HANAU O BIHOPA.

Ma ka Poakahi nei i pilia ai na makahiki he kanawalu-kumamahiku ia Chas. K. Bihopa, kekahi o na haole kahiko ma Hawaii nēi, a i aie nui ai hoi o Hawaii iaia mamuli o kana mau hana i imi ai a i liooikaika ai no ka pono a no ka holomua o Hawaii nei. TJa malama ae kona mau hoalolia i na hoomanao ana nona ma kela la, a pela hoi me na Kula Kamehameha, ke kula a kana wahine Mrs. Bernice Paualii i kukulu ai no na opio o kona lahui ponoi. Eia oia ma Kapalakiko e noho paa mai nei i keia,manawa, aka ke o nei no nae kona inoa ame kana mau hana maikai ma Hawaii a pela no i hoomanao ae ai kona mau hoaloha maanei nei i kona la hanau. Me ke kanalua ole no hoi ke olelo ae, ua lioounaia aku he mau leka hoomaikai e kekahi heluna nui o na hoaloha ma Honolulu nei iaia ma na e lioea aku ana no Kapalakiko i keia mau la.