Ka Nupepa Kuokoa, Volume XLVI, Number 5, 29 January 1909 — MAIKAI KE KULANA O NA LIO. [ARTICLE]

MAIKAI KE KULANA O NA LIO.

Ma ke ku ana mai o ka mokualii Virginia ma ke kakahiaka o ka Poalua elua pule i hala, he aneane e piha ka elim'a haneri lio ana i lawe mai ai no ka pualikaua Ho Amerika Mahele Elima mai Kapa.akiko mal, malalo o ka malama ana a Lukanela Queekmeyer ame kekahi mau lunakoa e iho, a he./kanalima o na koa kaualio i kau pu mai maluna o ia moku oia na koa 0 ka pualikaua lio Mahele Elima, a o ka hapanui maluna mai o ka moku lawekoa Tliomas me na lako, oia ko lakou mau noho, na kaulawaha, pale, a j»ela aku, a ma ia kakahiaka nui ae ua laina ae la'lakou apau nui aku la 1 ka maki no Leilehua, a malaila lakou e hoomoana aku ai ma keia hope aku. No kekahi mau pule i hala aku nei, ua -hele ino ka hanaia ana o na halelole ma Leilehua no ka makemake ia e paa koke mamua o ka hiki ana mai o na koa o ka pualikaua lio, malalo o ke alakai ana a Kapena Castner, ka lunahoohana kukulu hale o na puali koa Amerika. I ka wā i hooleleia mai ai o na lio ua hōihoi loaia i kai o ka pa hookuu lio o ka Amerika ma īwilei; he huhulupii na lio ke nana aku aka ina e okiia aku ana ka hulu apau e lilo ana lakou i poe lio nanaina maikai. Ua nui ka ino o ka moana mai ka manawa mai no i hoomaka mai ai o ka moku e holo, a iwaena moana mai ua make kekahi mau lio mamuli o ka nui 0 ka eha o ka opu, no ka nui loa o ka lola o ka moku, a o ka lua o ka lio i make ai mamuli o ka puuwai. 0 ka hapanui o na Ho he maikai ko lakou kulāna a pae wale ianei. 0 kahi lio hope loa i hooleleia mai ai he wahi pone a no Lukanela Phillip 9heridan ka ia wahi lio. 1 ka wa i ninauia aku ai kekahi o na koa kaualio pehea la i inaopopo ai 1 kela ame keia koa leona lio. "He liana maalahi wale no ia," wahi ana aia ma ke kapuai o kela ame keia lio ua kuniia ka hoailona, ka lielu o kela ame keia puali, a nolaila, aole nalowale ka lio o kela ame keia koa ame kela ame keia pualii I ka wa i hooleleia mai ai na lio ame kekahi inau hoki mailuna mai o ka moku, e kuku koke aku ana no na kauka nana lio mauka, aole na liō wale no ame v na lioki he mau ilio kekahi i hooleleia mai; he mau ilio keia na na lunakoa o na ano like ole. I ka hiki ana aku o ka puali i Leilehua ua hookuuia na lio i ka pa hanai holoholona o Dowsett, a malaila e hoomaluia ai no elua pulē, a 'ina aole e puka ae ana kekahi ma'i īwaena o kela poe holoholona, alaila mahope aku e hoohanaia ana lākou ma na hana o ka pualikoa. 0 kekahi mea hoohauoli loa i ka nana aku he bana no ka kela pualikoa kaualio, maluna no lakou o na lio e puhi ai i ka la a lakou i laweia ai no Leilehua. O ka manao nui i malamaia ai he bana puhiohe na ka puali, i ka wa e liiki mai ai i ka la hookahakaha a i ole hiki aku paha kekahi o na lunakoa kiekie ilaila, alaila ia wa lakou e puhi mai ai i ka lakou bana maluna no o na lio, a oiai ua maa na Ho i ka lohe aku i ka leo o ka ohe, aole lakou e puiwaiwa ana i ka ya e hookaniia ai, - 1 ka wa e paikau hookahakaha aj ka holookoa, e pulea pu ana me kela bana a maluna no lakou o na lio e kau ai me ke puhi pu ia manawa hookahi. I ieela ame leeia la hope o ka mahina e puka maii ana ki bataliona a e puhi mau ana ka bana, a pela me na Poaono, a ma na manawa e ae e hookani mauia ana ka bana ma ko lakQu kahua pyhiohe.