Ka Nupepa Kuokoa, Volume XLVI, Number 5, 29 January 1909 — HE LEO KAKOO NO KA LUNAHOOIA BLAKE. [ARTICLE]

HE LEO KAKOO NO KA LUNAHOOIA BLAKE.

E kakooia o Charley Blake e pono ai i Lunahooia no ke Kalana o Kauai o Mano o Kalanipo, e na kini ame na Lehua o ia kihapai, na I ame na Mahi a Kainehamelra, na Limahana hoi o ka Aina, e ike ana i ke anu, ke koekoo ame ka wela o ka la. Ua ike lea na poe hana ma ke alanui o ke ,Kalana o Kauai i na hana apakee a lea Lunahooia Kepubalika Mr. Omsted e pau ana; i na la ana i lawe ae ai ia kulana. No ia kumu ua hoiko ae na makaainana o ke Kalana o Kauai i ko lak(Ai makee a hilinai i ka moho Lunaliooia Charley Blake ma ke kulana hakoko kolio baloka i hala. O Mr. Blake kekahi o na keiki Hawaii i hoonaauao maikai ia, a ua lawa. ua lehia ma ke kulana ana e imi a uhaiaholo nei; aole ma ke ano he malama buke wale 110, aka, he loea, he noeau, he laeoo ma ke Kanawai pu, a he Loio oia no na makahikl he loihi loa a liiki i keia wa, oia ke kanaka ola na inakaalnana. Ma ke ano nohona makaainana, he opio healiea, he oluolu loa na kukaiolelo ana, ua kamaaina na poe ma Koloa iaia ame Kauai holookoa no apau. O ka loaa ana oia hanohano ia Hawaii opio ma ia kulana Lunahooia, ua papahi pu ia ia maluna o'u nei ka mea kakau, maluna hoi ou, o oukou no apau e na Kini, na Ewe, ma Kauai, e hoiko aku ana hoi i ko holookoa aia Kauai ,raa ka makee no ka onou ana i na opio Hawaii (makaainana Ameiika) no na kulana Hooponopono Au puni i, ike lea ia ka makaukau ame ka hoopoho; a o ka lawelawe pono ana a ia Hawaii me ka maikai, ua maikai pu kakou apau na makaainana. Nolaila, ke nonoi nei au i na mana koho o Kauai e kakoo ia Charley Blake i Lunahooia no ke Kalana o Kauai, i ke Kohō baloka kuikawa o ka mahina ae nei o Feberuari. GEO. KAINA LOWE. lanuari 26, 1909.

Ina aole oe e lohe aku i ka oiaio e paopao mai ana kela ma kou mau kuekuewawae. —Franklin.