Ka Nupepa Kuokoa, Volume XLVI, Number 18, 30 April 1909 — MAKAIKAI NA SOLONA I KE KULA HOOPOLOLEI. [ARTICLE]

MAKAIKAI NA SOLONA I KE KULA HOOPOLOLEI.

Ma ka la Sabati i halā, i hoohala aku ai na hoa hanohano o ka Ahaolelo ma ka hele makaikai ana ilalo o ke Kula Hoopololei o na keikikane ma Waialee, a ua mahalo lakou i ke kulana nee mua o ke kula ma na anuu e lilo aku ai kela mau keiki i poe hoomahu'i ma na hana no iakou e pono ai. Ua hoea. aku ke Komite Hoonaauao 0 na : Hale Kau Kanawai a elua ame kekahi poe lehuiehu e ae i ka wa pono lōa e ike ai i kexalii mau mahele hana a na keiki, a i ko lakou lawe hoomakaikaiia ana maloko o na keena kula ame na kee'na hana lima, ua 4ilo i mea hookahaha aku ia lakou, ka ike ana aku no na makaukau e loaa mai ana j i kela mau keiki mai keia kula mai. Eia na keiki ke a'oia nei no ka ma* kaukau amara, ka oihana mahiai, ke kamana ame kekahi mau oihana maa mau e ae e lilo ai i.mea kōkua nui mai 1 kela mau keiki i ko lakou wa e pau ai ka noho hana. ana maioko o kela Ua haawiia he mau ha'iolelo pokopoko e kekahi mau keonimana e hoomaikai ana i ke kumu poo Mr. Gibson, no kana mau hooikaika j?auaho ole ana, tna ke alakai ana i kela mau keiki ma ke alanui no lakou e pomaikai ai, ke lawe.a malama ia mau a'o ana. Ua hookipaia na malihini maluna o kekahi pakaukau i hoomakaukauia no lakou maloko o kekahi o na hale, a ua ai a lawa i ka lokomalkai o na keiki 0 Waialee. Ua hoomaaia no hoi kela mau keiki 1 ke kanu ko ana, ame kekahi mau hana mahiai e ae, i manaoia, ina e okiia ana ke'oo ko l keia makahiki, e hiki ana ke ukuia kekahi mau aie o ke kula me ke koe o kekahi huina mahuahua no ke kula.