Ka Nupepa Kuokoa, Volume XLVI, Number 20, 14 May 1909 — KA HOOLAA KIA HOOMANAO. [ARTICLE]

KA HOOLAA KIA HOOMANAO.

Ma ka hora 11:30 a. m. o ke Sabati nei Mei 9, i malamaia ai ma ke kahua makai o ka luakini o Kawaiahao na hana no ka hoolaa ana i lea Papa Pohaku Kia Hoomanao no na poe apaū, mai na 'lii a ~na makaainana e moe nei ma ka ilina o Kawaiahao. He anaina piha malaila ia mp,nawa me ke kunahihi ame ka iiihia. E ikeia aku ana ka hapanui o na makuahine e kupenu mai ana i ko lakou mau maka me na hainaka no ka halialia aloha ae no ka lakou mau mea aloha i moe' nku ma ka moe kau a moe hooilo oiai na olelo hoolana e heluheluia aku ona me ka moakaka, ame na himeni eehia e meleia ana e ke anaina hoiookoa, a o ka panina 'hope o na hana, o ia ka huki ia ana o na hae Hawaii ame Amerika e uhi ana i ka Papa Pohaku a o ka manawa ia i meleia ai ke mele Lahui Hawaii Ponoi .e ke anaina holookoa.