Ka Nupepa Kuokoa, Volume XLVI, Number 23, 4 June 1909 — PULAPUIA E KA POE KOA KOLOHE Hoopunipuniia ka Oihana Makai e Kekahi Poe Koa, i Mea e Hookuuia ke Kolohe. [ARTICLE]

PULAPUIA E KA POE KOA KOLOHE

Hoopunipuniia ka Oihana Makai e Kekahi Poe Koa, i Mea e Hookuuia ke Kolohe.

Ma ka po o ka Poaono aku nei i hala ua ikeia ka moe ana o kekahi koa nona ka inoa o Burdhu, mawaho pono iho o kekahi halekuai e ku nei ma ke alanui Betela, a i ka manawa nae i ike mai ai o ka ona nona ka halekuai, ua kii mai la oia e hoala i ke koa i manaoia ua ona i ka rama. No keia hoalaia ana aku ona, i ala ae ai oia iluna, a noke aku la i ke ku'i i ka Pake, a o ka hopena nae o ia hana ana, o ia no kona paa ana i ka hopuia e ka maki*. Aia no nae he mau hoaloha e ae ko keia koa, a i ko lakou lohe ana no ka pilikia 6 keia hoa koa o lakou, ua hoea aku la lakou no ka halewal, a koi aku la e hookuuia mai ka mea i hopuia, oiai o ke kauoha ia i loaa aku ia lakou mai Kahauiki mai. E like no hoi me na mea maa, ka hookuu mau ana 1 na koa e hookolokolo maoli ia mai no e na aliikoa, nolaila ua ae ia aku la ke noi a kela po& koa ekolu o ka hoea ana mai, aka eia aku nae kahi o ka aka. Ia lakoū nae i kaawale loa aku ai mai ka halewai aku, ua noke ae la lakou i ka uwa, me ka piha olloli no ka pulapuia ana o na makai ma o kela mau hana hoopunipuni a lakou, a e noke aku ana hoi keia poe koa 1 ka hoakaka i na mea apau imua o ko lakou hoa me ka manao ole ae, eia no ka makai ke hoolohe aku nei i ka lakou mau olelo. E ku kokoke aku ana no nae o Hope Makai Nui Rose, a ke lohe aku nel oia i na olelo apau e kamailioia ana, a ia manawa i hopu houia akii ai ke koa i hopu muaia ai, a laweia ae e hoopaa maloko o ka halewai no ka lua o ka manawa.