Ka Nupepa Kuokoa, Volume XLVI, Number 24, 11 June 1909 — HAKALIA OLE KA PAA O KE KOLOHE [ARTICLE]

HAKALIA OLE KA PAA O KE KOLOHE

Iloko o na 'hora heiu wale no mahope iho o ka ikeia ana o kekahi Kepani e hoao ana e komo aihue iloko o kekahi hale ma ka po o ka la Sabati i hala, ua paa ae la ka mea i manao'waleia nana kela hana ma ke kakahiaka ae o ka Poakahl nei i ka hopuia e Makaikiu Leal. . Ma ka hora umi o ka po o ka la Sabati, ua lohe aku la o Mr. Curry i ka nakeke mahope /o kona haie ma Makiki ae nei, a iaia i hele mai ai ma ka aoao mahope o ka hale, i ike aku ai oia i kekahi Kepani e hoao ana e wehe i ka puka mahope o ka hale. No ka ike e ana mai o ke kolohe iaia nei, ua hoomaka aku la oia o holo me ka puahia nui, me ke alualu aku no nae o ka meā nona ka halemahope ona, eia nae no kona mama. ole I ka holo, aole oia i pilipili aku mahope o ke Kepani kolohe. Ua hoomaopopoia aku nae ke ano o kela Kepani, a ua hoikeia mai la ka lohe no kela hoaoia ana e komo aihue ka hale o keia haole, a hoomanao ae la o Leal no kekahi kepaui ana i hoohuoi ai. Me ko Leal manao nae/ eia kela Kepani maloko o ka halepaahao kahi i noho ai, aka ma ka ninaninau pono ana e pili ana nona, ua hoikeia mai la, ua hookuuia mai oia ma ke kakahiaka no o kela la i hoaoia ai ka hale e komo aihueia, a iloko o ia manawa i hele aku ai o Leal e hoomakakiu iaia. Ma ka hora eiwa o ia kakahiaka i ioaa aku ai ke Kepani i hoohuoi ia ma ke kihi o na alanui Alapai ame Young a o ka paa no ia i ka hopula. Mawaho ae o na mea i hoikeia mai ia Leal no ka hoaoia ana o kela hale e komo aihueia, ua loaa pu mai la iaia kekahi mau lohe no ka pau ana o ka waiu ame kekahi mau lako mea ai e ae a ka mea malama paka ma Kapiolani 1 ka aihueia.