Ka Nupepa Kuokoa, Volume XLVI, Number 30, 23 July 1909 — HE PUOLO HE WAIMAKA NA KE ALOHA. [ARTICLE]

HE PUOLO HE WAIMAKA NA KE ALOHA.

Mr, Lunahooponopono o ke Kuokoa, oe: E oluolu oe e hookomo iho i keia puolo waimaka a ke aloha ma kahi kaawale o kou kino lahilahi i ike mai ai ka ohana. aine na hoaloha o ka makou mea aloha he kaikamahine ua hala, ua haalele mai ia makou ka ohana e noho u aku nona. Ma ka po o ka Poaiua, ma Waipahu, lune 20, 1909, oiai au kona Aunty e nanea ana no ma ko'u honje nei, Poha"kupili me ka haupu mua ole ae he lono kaumaha ke hoea mai ana, ua hiki mai la ke kii a kuu keiki hanauna ia'u e hele o kuahine ua ehaeha ia. , Nolaila me ka pupuahulu au i liiki aku ai imua o kuu mea aloha lie kai- ! kamahine, oiai oia me kona mau helehelena me ka haupu mup ole ae, o ka ike hope ana iho 1a no ka ia me ke kupono. Nolaila eia iho kona wahi moolelo walohia: la'u i hiki aku ai e noho mai ana no kuu mea aloha iluna o ka noho oiai ka ehaeha nahunahu keiki ua hiki mai, nolaila ua ninau aku au iaia "Pehea oe?" o kana pane ia'u: "He ma'i kepolo keia," a ia'u e hoomakau-J kau ana i kona wahi e noho iho ai no ka haakohi keiki ana, ua hoi mai la! oia a mamua o kuu a]o a moe iho la' a pane mai la ia'u: "Makemake au e| kau i kuu wawae iluna o ko u-ha." Auwe ka mokumokuahua o ka naau j i ka lolie ana aku iaia e pane mai ana ia'u e hooluhiia ana ka hoi oukou e a'u. . Eia' ka o kona leo hope loa ia ia'u kona Aunty ame kona mau kupuna a moe kona mau maka pau no hoi ka pane hou ana mai. Hala ka uhane, pio ke kukui, aloha wale! j Nolaila iloko o ko makou kupilikii ua kiiia ke kauka o ka mahiko o Waipahu nei Dr. McGettigan a hiki mai, nana no hoi i olelo mai ia makou aole i kokoke i ka wa e hemo ai ke keiki, aole no he manaolana no ka pa]ekana o ke ola o kuu mea aloha he keiki. Ua haalele iho oia mahope nei he kaikunane, he mau kupuna, he mau makuakane a he mau makuahine e noho me ka luuluu kaumaha nona. Ua hanauia kuu Mary Sarah Kaeha ma ka Puukolo, Honolulu i ka la 20 0 lanuari i ka makahiki 1892 mai ka puhaka mai o Mary Kalamaku Kaeha ame John Kaeha, ua hala mua no laua a pela no hoi oia i aku la. Aloha kuu ]ei o. ka uka o Waimalu kahi hoi a kuu Sarah e holoholo ai i ka wa liilii, aloha ka nohona o Pohakupili, 1 pili ia e kaua ka uka o ka Pauma Elima, kahi hoi a kuu lei e holoholo ai me makou na makua me na kupuna, luuluu walel Nolaila ma!a]o o na hooponopono ana a ka Hui Oiwi o. na Wahine ua kiiia mai la kuu mea aloha a lawe ia aku no Honolulu a waiho ma kahi o Mr. Williāms, a ma- ka hora eha o ka Poaha i maneleia aku ai no Kawaiahao. 0 Sarah Kaeha he kaikamahine oluolu, heahea a mikiala oia ma na mea apau, a he makua no hoi no ka hale ame kona mau pokii. E Mr. -Lunahooponopono e oluolu hou mai hoi e haawi aku makou i ka makou mau hoomaikai i ka Hui Oiwi o na Wahine ame ko makou mau hoaloha. O makou o ka poe i hoone]e ia me ka makou mea aloha he kaikamahine, ke haawi aku nei i na hoomaikai palenaole ia oukou, a me ka oukou mau hoowehiwehi pua, nolaila me oukou apau loa ko makou aloha, Aloha oukou. A na ke Akua no e kokua ia kakou apau. Nana no i haawi mai, a Nana no i lawe aku e hoomaikaiia ka Inoa o lehova ke Akua Kiekie loa. MRS. MABY MONOTRO.