Ka Nupepa Kuokoa, Volume XLVI, Number 32, 6 August 1909 — HULI HOI MAI ME KA WAHINE HAOLE [ARTICLE]

HULI HOI MAI ME KA WAHINE HAOLE

Mahope iho o ka hoohala ana i kekahi man makahiki eono ae nei i hala ina Amerika, ua huli hoi mai la o July Kealoha no kona aina hanau me kana •wahine haole iloko o kela mau la aku nei, *a eia oia ke noho mai nei ma ka home o kona makuahine mauka o Manoa \o ka hoohala ana i kekahi mau la ma Honolulu nei. I ka manawa o kela hoikeike nui o ke ao nei i malamaia ma Buffalo he «ono makahiki ae nei i hala, i haalele iho ai oia me kona mau hoa Hawaii tna ka lakou huakai himeni, a mai ia manawa mai kona nalo ana mai na maka aku o kona mau hoaloha a hiki i ka hoea hou ana mai me kekahi kalena kiekie i loaa aku iaia, a i lilo hoi i hana nana e hookaulana aku iaia. Ma ka hana himeni ame ka hulahula wale no oia me kona mau keiki ame kana wahine lakou i noho mai nei i Amerika, a i ka manawa e hoea mai ai ke kikina himeni o Nu loka, e huli hoi hou aku ana no oia me kana wahine me ka ukali pu aku o kona makuahine no ka makaikai ana ia Amerika. Ma ka hoike a ka poe i lohe i kona himeni ana ma keia huli hoi ana mai nei ana, un oi loa ae ka maikai o kona leo i ka himeni. Ua olelo puia ae no hoi. o kana wahine kekahi wahine akamai loa i ka hula o ke ano hana leeaka, a ua koiia aku oia e komo i ka hui .keaka a Mary Garden, eia nae aole ona ae iki. Ua hiki pu i keia wahine haole ke himeni i na mele Hawaii, a me ke kamailio pu ana i ka olelo Hawaii ma kekahi mau mea. Ua oleloia .ua makemake o John Ellis e komo pu aku me ka hui himeni a keia opio Hawaii, aka ua manaoia nae ua oi loa ae ka nui o kona leo e kohu ole ai ke komo aku me kela kamalii himeni.