Ka Nupepa Kuokoa, Volume XLVI, Number 32, 6 August 1909 — PAKELE MAI PAU PE'APE'A I KE AHI. [ARTICLE]

PAKELE MAI PAU PE'APE'A I KE AHI.

Ma ke ahiahi Sabati i hala i a ia ae ai he hale ma Waipahu e ke ahi ; a oiai e hooikaikaia ana ka hu'e ana i na ukana iwaho no ka hoopakele ana mai ka hamuia ana aku e na alelo ana ole 0 ke ahi, aole i noonooia aku kekahi kanaka ona e moe ana no iloko o kela hale, aona pahu ame ka mikini liumuka mea e nokeia ana i ka hoohikihiki iwaho o ka hale. E ole wale no ka hoea ana aku o Makai Wills ame George Kealoha Pauole, na laua i hoopakele i kela kanaka, ina la ua lilo oia i moepuu na ke ahi. Ma ka oleloia e hele ana o Makai ~Wills ame kona kokoolua ma ke alanui a ike aku la laua i kekahi hale me he mea Ia ua a ia e ke ahi, a o ko laua hoomaka aku la no ia e hele e nana pono, a he oiaio ua ike aku la laua e a ia ana oloko o kela hale e ke ahi mamuli o ka huli ana o ka ipukukui, e moe ana hoi he kanaka i hele a luhe 1 ka wai o Paieie. He mau wahine kekahi malaila a o na ukana ka lakou e hooikaika ana e hoopakele mailoko aku o ka hale, aka i ko laua nei hoea ana aku nae, na laua i kinai aku i ke ahi me ka hulu* hulu a hiki i ka pio ana, a pela i hoopakeleia ae ai na mea apau a pakele pu no hoi ka hale. Aole i ike iki kela kanaka ona no kona kokoke loa ana e komo aku i kela ao ma o, aka ia hoi ana mai nae o kona noonoo maikai, akahi no oia a hoomapopopo iho i kona aneane loa ana ma ka'e o ka lua kupapau.