Ka Nupepa Kuokoa, Volume XLVI, Number 41, 8 October 1909 — LUULUU WALE HOI. [ARTICLE]

LUULUU WALE HOI.

I ka Lunahooponopono o ka Nupepa Kuokoa, Aloha oe: E oluolu mai kou hanohano no 'u kau wahi kaawale o kau nupepa ka hiwahiwa a ka .lahui, oiai he puolo kaumaha ka'u e pahola aku nei imua ou, a nau hoi ia e hoike ae i ke akea i ike mai ai hoi na ohana na makamaka, ame na lioaloha apau i kela mau hua e kau ae la maluna. Oiai ma ka hora 5:35 p. m. o ke ahiahi o ka la 25 o Sepatemaba, 1909 ma Honomakau, Kohala Akau, Hawaii i pauaho <>mai ai i keia ola ana kekahi 0 ko'u makuaKane Mr. Kapukui Keaweopala Keaoulumoku i ke 60 a oi o kona mau makahi o ke ola ana ma keia ao, a hoi aku la ka uhane me ka mea nana i* hana, a o ke kino hoi aku la i ka lepo. Auwe! he ni£fi ehaeha ke hoomanao ae i na la i hala aku la oiai oia e noho hookahi ana ma kona home. Ua loihi np ka hoomailo ana a ka ma'i iaia, a hiki i kona haalele Wale ana mai la ia makou na keiki, kona kaikaina Frank K. Kalama, ame lea ohana. He kupa, he kamaaina oia no Puakea: a me ia mau wahi apau, ua lawelawe ia kona anaina haipule e ka'u kane Mr. Paul K. Kaelemakule ma ko inaua home ma Honomakau, a na ka misiona Gordon T. Hyde jime kekahi o ko 'u kaikunane Mr. Chas. K. Kamalioahoa Kamalan| i lawelawe hope ma ka lua ma Puakea, a nalo aku la oia no kahi mau o na mea apau, E hoomaikai ia o/lehova nana no 1 haawi mai a Nana no i lawe aku, Amene. Ia ouleou e o'u mau hoahanau o ka Hui Manawalea o Honomakau, no oukou ka'u mau hoomaikai ana he nui, oiai ua haawi mai oukou i ko oukou lima kokua o ke aloha hoahanau oiaio, ma ko oukou ku kiai ana i ke kino puanuanu o ko'u makuakane aloha, a hiki i ke ao ana, a pela pu no oukou i hahai pu ai me a 'u a hiki i ka panina hope o na hana o ko'u makuakane. Ia oukou ,hoi e o'u mau kaikunane ka ohana, na makamaka na hoaloha, no oukou ka'u mau hoomaikai palena ole, ma o ko oukou haawi ana mai i ka oukou rnau kokua aloha oiaio, no ka'u mea aloha. Me ka Lunahooponopono ko'u aloha nui, ame na keiki hoonoho hua kepau o kou papa pa'i ko'u aloha pau ole. Me ke alolia, MRS. M. K. KAELEMAKULE. Kapaau, Kohala, Okatoba 1, 1909. — o Mrs. George Braner he wahine opio i mare no ekolu pule wale no ma Lawrence, Mass., i hooilina no kekahi elemakule ana ame kona makuahine i malama ai ma Bermuda me kona haawi makanaia he $100,000.