Ka Nupepa Kuokoa, Volume XLVI, Number 46, 12 November 1909 — HOI HOU KA PAAKAI NO WAIMEA Kiola Houia o Mrs. Isenberg i Kapalakiko Mai ka Mokuahi Aku no ka Maka'u. [ARTICLE]

HOI HOU KA PAAKAI NO WAIMEA

Kiola Houia o Mrs. Isenberg i Kapalakiko Mai ka Mokuahi Aku no ka Maka'u.

E hoike ana ka Nupepa Chronicle o Kapalakiko i ka hoololi ana o Mrs. īsenberg i konji manao oiai oia ame kona ohana maluna o ka Mokuahi Korea a noi ikaika i ke kapena o ka moku e. hoolele hou ia lakou iuka o ka aina, me ka ae aku i ka hui mokuahi e lawe i ko lakou ukumoku i hiki aku ma kahi o ka elima haneri dala. Ua kau aku o Mrs. Isenberg maluna o ka mokuahi me kona ohana me ka makemake loa e holo mai no Honolulu nei, no ka hoolanalana ma'i ana a no kekahi mau hana nui no hoi i makemakeia ē nooponopono ma na mea pili waiwai a pili oihana. 1 ka haalele ana aku o ka moku ahi i ka a mamua hoi o ka hoopuka loa ana mai iwaho o ka nuku o ke awa, ua halii paaia ae la ke awa ■e ka ohu, e hiki ole ai ke ikeia aku kahi o ka moku e hoopuka aku ai, he pouli aaki hoi i like pu me ka pouli i loohia ai ka mokuahi Rio Jenairo i ka pilikia i leekahi mau makahiki i hala ae nei. Ua hbemi houia ka mokuahi ihope a hookuuia ka heleuma no ke kakali an» a hiki i ka mao ana ae o lea ohu, aka aia nae na olelo lehulehu ke pahola la maluna o ka oneki o ke Korea no ka poino i kau aku maluna o ka Rio Jenairo, a no kela poino paha hoi ka mea nana i hoouluku mai i Ika manao 0 Mrs. Isenberg a hiki i kona koi okoa ana aku i ke kapeua e hoihoi houia oia ame kona ohanā nouka" b ka aina. Ua hoao mai ke kapena e lie i kona manao me ka hoike' pū ana mai aole loa he pilikia e loaa ana i ka mokuahi a i na ohua paha, aka ua lilo kana mau hooikaika ana; i mea 'ole, a o ka hopena, o ia no ka haawipio ana o ke kapena, a kauoha aku oia e hookaniia ke oeoe, no ke kāhea ana aku i waapa mokuahi e holo mai e kii 1 kokahi mau ohua no ka hoolele hou ana aku iuka o ka aina. No ka ukumoku o Mrs. Isenberg ame kona ohana, aole ona noonoo no la mea, ina no e lawe ana ka hui mokuahi, a aole no hoi ona noonoo no kona mau ukana o ka hoouna muaia ana mai no Honolulu nei.