Ka Nupepa Kuokoa, Volume XLVI, Number 46, 12 November 1909 — PUPU KE KAI O KE ALALAUWA I Pee na Makai Iloko o ke Kaa ke Kumu o ka Paa ana o ka Poe Piliwaiwai. [ARTICLE]

PUPU KE KAI O KE ALALAUWA

I Pee na Makai Iloko o ke Kaa ke Kumu o ka Paa ana o ka Poe Piliwaiwai.

I hoonana no ka hoi ka poe piliwaiwai i 'ka imi ole mai o ka oihana makai i kekahi alahele e paa nui ai i ka hopuia, a i hana akamai mai ka hana o na makai ma ke kakahiaka o ke Sabati i hala aku la mamuli o ka pee ana iloko o kekahi kaa ukana, o ka pau nui iho la no ia i ka paa i ka hopuia, me ka lilo o na kiu a lakou i inea ole. Ua ike mauia o Magoon Block makai o Kakaako i ka muimuia mauia e ka poe piliwaiwai i kela ame keia ma : nawa, aole o ka piliwaiwai a hoonalonalo ae, aka o ke kuu maoli no i ke akea, me ka noho ana he mau kiu no ka hoomakakiu ana i na makai, aka iloko iho la no nae o ia makaala, ua paa nui i ka hopuia, a pau nui no hoi i ke kapiia i ka paakai imua o ka Aha Hoomalu. Ma kela kakahiaka, ua kau aku la na makaikiu maloko o ke kaā ukana a hoomaka aku la e iho no kai o kahi o ka piliwaiwai i kamaaina i na makai. No ka manao mai no paha o na kiu, a pela no hoi me ka poe e piliwaiwai ana, he kaa lawe ukana no kela, nolaila aole he wahi manao hopohopo a pihoihoi iloko o lakou, aka ke hoomau la no i ke olokaa ana i ka ulu. I ke kokoke ana nae o ke kaa ma kahi e piliwaiwaiia ana, ua kaohi mai la ke kalaiwa i ka lio, a lele iho la me ka hoolalau ana me he mea la e Jawe aku ana oia he puolo no ka halekuai, a ia wa hookahi no i hemo like maī ai : na'makai mai ke, kaa mai, a ku ana" imua o ka poe hakihaki kanawai. Ma ka manawa i hooloheia ai ko lakou hihia ma ka Poakahi ae, ua pau nui i ka hoopa'iia ma ka pa iwa dala, a pela no hoi me kekahi puulu piliwaiwai makai o Iwilei, ua kau likeia no ka hoopa'i e like me keia puulu ae la.