Ka Nupepa Kuokoa, Volume XLVI, Number 47, 19 November 1909 — Nuhou Kuloko [ARTICLE]

Nuhou Kuloko

Ua ikeia a!ku ma ke 'ahiahi Poakahi nei ke kau pu mai o ka mahina me ka Hoku Ahiahi Venus ma kahi hookahL O keia Poaha ae ka la hoalohaloha i ke Akua, ua kuahaua ae nei ke Kiaaina no ka lilo o ia la i la kulaia aupuni. O ka Poakahi iho nei, ka la 15 o keia mahLna, ka la hope o ka hookaa ana i na auhau waiwai ame ka auhau loaa makahiki me ka ukupanee ole. Eia i ke awa o Kou nei ka mokukaua Kepani Idzuma mai Kapalakiko mai a e haalele iho ana ma ka la 22, oia ka Poakahi ae nei, no YoKohama. Ina aole e loaa na kuia, alaila ma ka la 3 o ka mahina ae nei o Dekemaba e haalele iho ai ka Elele Lahui Kalanianaole ia. Hoiaolulu nei no Wakinekona. Hauleia kekahi haole limahana o ka halehanahao o Gatton & Neill ma Kakaako e kekahi pauku hao he % tona ke kaumaha a palahe liilii ke poo ; ma ka auina la Poakolu nei. Ma ke Siberia mai o ka Poakahi nei i huli hoi mai ai ke poo o ka oihana makaikiu o keia kulanakauhale, Joe Leal mai kana huakai aku nei no Kapalakiko. E hoohalaliala loa aku ana ka loio o Geo. Kaea ma i ka olelo hooholo a Lunakanawai De Bolt e ahewa ana ia lakou no ka piliwaiwai imua o ka Aha Kiekie. E hoomau ia aku ana ke kuai ana i na kamaa hila aulii ma Ki halekuai o Mclnerny no kekahi pule hou. Ina he makemake k.o oukou e loaa ia ano kamaa, e kipa ae a e wae no oukou iho. Ua hoopauia ka manao ana e hoohui i na Banako, Bank of Hawaii Ltd., me ka First Hawaiian National Bank, mamuli o ka hooholo ana a ka hapanui o ka Papa Alaikai e ku kaawale no pela.

Aohe lohelohe hou ia mai o na moho kukini paliu loa i keia mau la, malia paha eia no ke noke mau mai nei i ka hoomaamaa no ka ulele hou aku ma keia mau la kulaia e hoea mai ana.

Ma na mea i lolie waleia ae, e holo hou aku ana ka Moiwahine no Wakinekona, no lee kakali ana aku i ka hopena o kana koi e waiho mai la iloko o ka Ahaolelo Lahui. Ma ka Lurline o ka Poakolu nei ihaalele mai ai o Kiaaina Frear ia Hawaii nei no ke kulanakauhale poo o Wakinekona. Ua lilo ae la ka hooponopono ana o kona keena i ke Kakanoleio o ke Teritore Mott-Smith. Mamuli o ka nui loa o. na hoalohaloha a na makamaka o ka hoouna ana mai no keia keena, ua ka-uaia ka hoopuka ana aku i kekahi mau hoalohaloha a keia pule ae. 0 Willie Huddy o Kilauea, Kauai, ka ke Kiaaina. o ka hookohu ana ma fca Poaono j. hala i Lunakiai no ka Papa Lunakiai o Kauai ma kahi o Chas. Kahee i ahewaia imua o ka Aha Amerika. Ua makemake ia na Repubalika a pau o ka Apana 2, Mahele Koho 4 e hiki ae mai ka Hotele Seaside, Waikiki, i keia ahiahi Poalima, hora 7:30, no ka hoomaopopo hou ana i ko lakou kulana aoao kahiiaina. O ka Poakolu iho nei ka la hanau 0 ka Moi Kalakaua, a ua malama ae ke Keikialii Kalanianaole ame kana aliiwahine, ame na kahu o ka moi he paina hoom.anao no ia la hanau. E alawa ae e na lala o ke kalapu Repubalika o ka Mahele Koho Ekahi o ka Apana Eha, no ka halawai e malamaia ana ma ka la 27 o keia mahina ma kahi o ka peresidena .o ke kalapu, A. F. Cooke. O ka poe apau i kuleana i na palena aina o ke Ahupuaa o Keauhou, Honuaula, ma Miaui, ke konoia aku nei lakou e alawa ae i ka hoolawa a ke komisina o na palena e oili aku nei ma kekahi wahi o keia pepa i keia kakahiaka. £ malama ia ana he paina luau makaluhi e na wahine o ka Hui Kokua me ke Aloha a'na wahine Hawaii Poola ; ma ka hoime uluwehi i ka maluohai o { Kapena "Wm. Holi Thornton ma Wai- , kahalulu i. ka au)vina la o ka Poaono hora 4:30 p. m. Ma ke ahiahi o ka Poakahi ae nei, Nov. 22 e haawi ana ka Molekai 61ee Club} lie ahamele ame hulahula no ka pomaikai o ka Ekalesia o Halawa maloko o ke K. P. Hail. He 50 keneta wale no ko ke tikiki p loaa no ma ka i puka komo a ma ka lima o na komite 1 kuai. • • : * '