Ka Nupepa Kuokoa, Volume XLVI, Number 46, 3 December 1909 — HE KANAKA SAMARIA MAIKAI KEKAHI KAKIANA O KA PUALIKAUALIO. [ARTICLE]

HE KANAKA SAMARIA MAIKAI KEKAHI KAKIANA O KA PUALIKAUALIO.

Ma ka auina la o ka Poalua nei, ua hoike ae kekahi Kakiana o ka Pualikaualio i kona ano he kanaka Samaria maikai ma kana hana aloha. E holo mai ana ia maluna o ke kaa ukana no Honolulu nei mai Leilehua mai, a i ka hiki ana ma kekahi wahi mawaena o Kapukaki ame Halawa ike iho la ia i kekahi Pake e moe ana mahai o ke alanui. Ku iki iho la kona kaa a ninau iho Ia i ka Pake i ke kumu o kona moe ana malaila. Ua haiia kona wawae me ka makepu i ka makewai, he haawina ukali pu i ka wa e loaa ai o kekahi ulia poino e like me ia. Hapaiia ae ia ia ē ke Kakiana jS T ehls a hookauia i ke kaa, hoainuia i ka wai a lawe loa ia mai no ke kaona nei. Ma ka manao waleia he kaa paha ka kela Pake e kau ana a e holo mai ana no Honolulu nei, a me he mea la ua puiwa ka lio i kekahi bipi waiu hele "wale o ke kula oia ke kumu i holo ai a haule kela Pake me ke pekuia o kona wawae, a i kona haule ana ua holo ka lio a waiho malie iaia malaila. Ua laweia mai ka Pake poino e ke Kakiana i ka liale o ka ohana ma ke kaona nei a hoikeia mai i ka oihana makai. Ma ka huli pono ana ana makai ua ikeia he ohana hiki no kona ke malama maikai iaia, noiaila ua waihoia ia ilaila me ka lawe oleia i ka halema'i a kiiia kekahi Pake kauka e hele mai e lapaau iaia. 0 kela kaa a ka Pake i kau mai ai ,a haule ai ia a haki ka wawae, ua loai aku, mahope mai, i ke kula he mau mile ka mamao mai kahi aku o kela Pake i haule ai. M-» Hoko o na makahiki e nee mai ana aia ma kalii o ka $100,000,000 a Tureke e hoolilo aku ana no ka hoolako ana iaia me na mokukaua ikaika loa o ka papa e like me ke Dreadnought.