Ka Nupepa Kuokoa, Volume XLVI, Number 50, 10 December 1909 — MOOLELO O KA AHAHUI KRISTIANO O NA AHAHUI C. E. O KA MOKUPUNI O KAUAI. [ARTICLE]

MOOLELO O KA AHAHUI KRISTIANO O NA AHAHUI C. E. O KA MOKUPUNI O KAUAI.

(Hoomauia.) Xa J. K. Kapuniai i heluhelu'mai i kana Htoike Papahelu o Waimea; na Maria EUis i ko Lihue; na Mrs, Sheldon i ko Kapaa; fia Miss Hannah Sheldon ? Elele Jr., i ko Lihue; na Mrs. Lily Ekekela, Elele Sr., i ko Koolau,! iomo i ke. Komite; na ke Kakauolelo i ka hoike a ke Alakai Mrs. Werner. f Na Kaia Hano i heluhelu mai -i kana hoike kok'ua Alakai o Koolau; na C. K. Haae i kana hoike Elele Sr. o Kapaa; na Miss Abbey Haae i kan® hoike Elele, Jr. o Kapaa; na Mrs. Allie Pritchard i kana hoike Elele o Lihue Sr.; na J. S. Hipa i kana hoike Elele. Sr o Koloa; na Mrs. Lucv Poili Paalua i kana hoike Elele Sr, o flanapepe; na MJrs. Margaret Ah Poi i kana hoike Alakai Jr. o Hanapepe; na Mr. A. G. Kaulukou i kana hoike Elele o Waimea Sr.; na Miss Aliee Apao i kana hoike Elele o Waimea Jr. komo i ke Komite. Himeni 158, pule mai ke Kahu Kamau, a hoopanee ka Aha, paina ahiahi. La Hana Ekolu, Poakahi, Okatoba 25, 1909, iora 2:30 p. m., peresidena ma ka noho, hoomaka na hana ma ka himeni 2 me ka pule mai a Rev. J. A. Akina. Na Mr. J. M. Kaneakua i heluhelu mai i kana hoike Kakauleka o ka Mokupuni o Kauai me na manao waiwai oia iho keia: Mr. Peresidena, Aloha oe: Hauoli nui au i ka hoike ana aku i keia halawai Makahiki ana o keia Ahahui i ka piha pono ana o na Apana o o ia hoi o Waioli, Koolau, Kapaa, Lihue, Koloa, Hanapepe ame Waimea me na Ahahui Opio no (na makua), na Ahahui Opio ame Pokii hoi, a hauoli pu no hoi i ka loaa ana he Ahahui ma Waliiawa, ma ka Apana o Koloa nei, a e hoomaikai nui aku kakou apau i ke Akua i ka lokomaikai ana mai e kokua i ka hooholo pono ia ana aku o keia mau hana a e kana mau kauwa ma kela ame keia mau wahi ae la, a e hoomanao no hoi kaleou me ke aloha i keia mau Ahahui ma ko kakou mau leo pule i na wa apau. Mai manao kakou ua pau iho la ka hana ma keia mahele aka; e hooikaika no kakou a e hooikaika mau e kukulu hou aku no i mau Ahahui hou aku ma na apana no o kakou ae la, a 0 keia no ka iini nifi e hoolehulehu aku kakou i na Ahahui a e loaa i mau Aha'liui ma kela ame keia wahi. ' Kukulu aku i mau Ahahui ma na wahi pupupu hale kakaikahi, ma na wahi kauliale ma na awawa, ma na wahi e noho kanaka ia ana e ka poe kakaikahi paha, no ka mea, lana no kuu manao a lana mau no hoi, oia ke alaliele a oia ke alahele, aole wale no ka hoolilo ana mai i ka lehulehu ma o a maanei, me kakou aole wale no ka hoolilo anā, mai i ka lehulehu e hui pu mai me kakou ma na hana, aka; e loaa mau ana hoi ka ikaika iloko o ka poe i hoohui ia mai i mau lala e noho ana ma na wahi mamao aku mai ka luakini aku e mau ai no lea noho ana ma na wahi mamao aku mai ka luakini aku e mau ai no ka palalelia ka nanea wale ,aole hoi ma ka noho makaala ana e lilo ai i mea e hoohauoli mai ai ia kakeu, a o na opio ame na pokii no hoi e pule mau ana no hoi lakou i na wa apau a paleela loa hoi i ka auwana wale ana aku. Eia hou, mamuli o ka hoopiha pololei ole ia ana o na Hoike Papahelu mai na Ahahui Apana mai, ua hiki Ole ke 1 ike maopopoia ka ikaika o na Ahahui | Eia hou keia manao ao ka manao | hope keia, e oluolu oe e paipai aloha aku no hoi i na Ahahui "apau e kauoha i na Kakauleka o lakou- a i na Peresidena no hoi ame na Alakai o na Ahaliui Pokii e makaala hoi i kela amo keia makahiki a hoike piha mai i ke Kakauleka o keia Aha, a pela aku lioi i ke Kakauolelo a- Kakauleka o ka Ahahui Paeaina, i na Lunanui e kohoia ana i kela ame keia manawa, no ka mea he mea no ia e„.pomaikai ai na hank o na Ahahui C. E. o kakou a pela pu no hoi me keia Aha. Ma keia manawa i kahea ia ai ka hoike a ka Puuku ame ke Kakauolelo, aole a laua hoike. Ua kaheaia na Komite Ha'iolelo ma keia manawa, oia hoi na Komite i hoo-. holoia i kela kau ma Waimea, oia na keonimana na Hope Makai Nui o Koloa ame Kawaihau, Henry Blakq ame S. W. Meheula. A ma ke noi, ua hoomau ia aku no laua no keia kau ae o Aperila, ea e na keiki mai hoomaauea olua i ka ke Akua i koho ai ia olua i | mau lona, no na C. E. j Hapaiia ke Kumuhana 3. I waiho na kokua i kekahi Opio ma ke Kula hanai. No keia ua kamaili 0 mai o Mr. Nakuina no ka noonoo ana i waihona no na keiki a keia Aha e hookomo ai i ke kula hanai, a e hooi komoia na keiki ma ka uku hapa; a hooholoia e kohoia i Komite Wae no ka imi ana i keiki a mau keiki paha. Jno. Mahiai Kaneakua, Sol. Kamaka, Kaulili ame Sam. W. Meheula,. Hapaiia ke Kumuhana 4. I Banner no ka Ahahui Mokupuni o Kauai nei. No keia Kumuhana, ua hoakaka mai o Mr. Nakuina, he hana hoohoihoi keia ia kakou a he mea pono e hana kakou me ka iokahi, a hooholoia pela, ma ko Mr. Ellis manao nae, e oluolu ka Peresidena e lawe i na lilo o keia Hae. Ke nui nae na loaa pa keneka o na lala o kela ame keia Ahahui. Ua oluolu loa ka Peresidena a lawe oia nana, hooholoia ia pela. (Aole i pau.) ;