Ka Nupepa Kuokoa, Volume XLVI, Number 51, 17 December 1909 — ELUA MALIHINI I KA LA HOOKAHI. [ARTICLE]

ELUA MALIHINI I KA LA HOOKAHI.

(Hoomauia.) Poalima la 19 o Novemaba, aia na Ha'i Euanelio ke komo kauhale la i na hale kamaaina o Kailua ponoi iho, e hui pu ana me na hipa o ka pa ame na hipa mawaho ae. Hora 6:30 p. m., malama houia no he halawai haipule ma ka luakini o Mokuaikaua, no ka pono o na haipule ma Kailua. I ka nana aku, ua pa no ka uhane o ia mau haipule i keia mau lawai'a kanaka, a ua pumehana no ka halawai a ua mau Ha'i Euanelio nei ma ia ahiahi. A hookuuia ke anaina me ka *ulumahiehie no na mea maikai. Poaono la 20, ua pii malihini aku o Moses K. Nakuina iuka o Kohanaiki (Apana Ekalesia o Kekaha) no ka hui pd ana me James Upchurch ame na haipule o ia Ekalesia, a pau no ka hana malaila a hoi mai no no Kailua, a inalama hou no i ka hana i ka hora 6:30 p. m. o ia Poaono. Sabati la 21 hora 9:30 a. m. ua malamaia ka ahaaina a ka Haku ma

ka luakini o Mokuaikaua, no ka hookomo ana ia Mr. ame Mrs. Keaulama Sam Lipette i mau hoahanau komo hou no keia Ekalesia. Ia Eev. M. K. Nakuina ko ke pa, ia Rev. C. M. Kamakawiwoole ko ke kiaha. I ka pau ana o ia hana, ua pii aku o M. K. Nakuina iuka o Helani, a ua koe iho ka Anela o Hamakua e ma,lama i ka pule o kai o Kailua. Ua alakai mai oia i ke anaina maluna o ke kumuhana, no ke kukulu liale. Ua hauoli ka poe apau e lohe mai ana, a hookuuia ke anaina nie ka hauoli no. Ika pau ana oke anaina pule ua hoea mai la ke kaalio no C>M. Kamakawiwoole e imi aku ai ia Nakuina a loaa iuka o Helani, a mailaila aka no Konawaena, i na hora ahiahi. Maanei i kaawale aku ai na mea Ha'i Euanelio mai keia makasila aku, aia no ka hui hou ana i ka Poaha Hoomaikai, Novemaba 25, hora 10 a. m. ma Keauhou-kai. Ma ka hora 3 p. m. i malamaia ai ke anaina hoomaikai i ke Akua ine ka liimeni ame ka leo pule mai ia Moses K. Nakuina mai. Ua alakaiia ka halawai maluna o ka hoomaikai a David i ke Akua ma ka Halelu 10S:1; a i ka pau ana o ia Halelu i ka heluheluia, ua hoakaka mai 0 M. K. Nakuina i ke kumu o ka lilo ana o keia la 1 la hoomaikai T ke Akua a ua lawe ae ke aupuni i la kulaia Aupuni, a ua hoolahaia mai e hooinaikai kakou i ke Akua. Nolaila, ke hoomaikai nei kakou i ke Akua. Heaha na kumu kupono ma ko kakou aoao e hoomaikai aku ai i ke Akua? Ma keia ninau, ua pa aku ia i ka uliane o kela ame keia i hui pu mai ma keia halawai, a ua ku ae kela ame keia e hoike ana: "E hoomaikai aku no au i ke Akua no ka nui o ko 'u mau la o ke ola ana no na pono ame na pomaikai i loaa ia'u." "E hoomaikai aku no au iaia no kona hea ana mai ia'u i kauwa hana i kona makemake, oiai ko'u mau la opiopio." He nui na hoahanau i hoike ae i na kumu maikai e hoomaikai aku ai kakou iaia. | A no ka haiki o ka manawa, ua haawiia ka manawa i koe no C. M. Kamakawiwoole, iaia aku hoi, hora 5 p. m., hookuu ka halawai, a hoi kela ame keia mea me ka piha i ka hauoli uhane. A ma ka home o ka Hope Makai Nui o Kona Akau, Jos. N. Kooinoa i hoopihaia ai i ko ke kino a lawa pono. Haawi na hoomaikai ana ame ke , aloha hope loa, a hookuu kela ame keia o lehova no ke kiai mai mawaena o kaua, oiai kaua e kaawale ana,'' a hui hou kakou i ka wa pono, e like me ia i keia la. Hoaumoe ma Keauhou na Ha'i Euanelio a ma ka la 26 ae no lalo o Napoopoo. Maanei i pau ai ka pili ana aku e ike i ka hana a na kanaka o ke Akua. A ke puana ae nei keia hapapulima; o ka Haku pu no me olua a ma ka, olua mau hana apau no kona inoa. | Amene. j DAVID ALAWA. 1 Kona Akau, Hawaii, Dekemaba 10, 1909.