Ka Nupepa Kuokoa, Volume XLVI, Number 52, 24 December 1909 — HE NANE. [ARTICLE]

HE NANE.

E ka pukuniahi o ka lahui Hawaii, ka nupepa Kuokoa. Aloha nui kaua. E oluolu mai oe i kekahi wahi lumi kaawale o kou kino lahilahi, i kahua ulu maikai no 'u e hiki ai ke holo aku i ka !oa ame ka laula o ka aina a maluna hoi 0 ka ili laumania o ka moana Pakipika, 1 mea hoi e ike mai ai o'u mau kaiKuahine hookama e noho ana noi mai ka Mokupuni Pohai a ka Manu a hoea aku i ka makili ana a ka la i ka paa iluna i ka paa ilalo, mai ka hookui a ka hala« kai, hoohalawai mai ana hoi me kun puuwai, ke kikowaena o ke aloha. He papahi lei ko'u ua lei ia me he la he ipo aloha na'u ke ala me ke onaona i kanu ia a ulu a hua a kawowo, aia i na kuahiwi kaulana he 12 ou e Hawaii i hele a hooheno i ka maka o ka opua a i hooliloia e na manu i home no lakou. He kupa, he ewe, he kamaaina no ka ua Popokapa o Nuuanu a he hoa paio no ka ino me kd ua Kuahine o Manoa, he ohia kumakani no ka ua lililehua n Palolo, he punahele au na ke kanaka mahiai a he milimili hoi na kona mau lima. Pehea ua maopopo aku la ia oukou e o'u mau kaikuahine ke alahele a'u e kuhikuhi nei maluna ae? I poeleele loa no oukou i ke ala loa ea, e pono no ia'u e kuhikuhi hou aku. 0 pii nui i na kuahiwa kaulana, aia ilaila na kaikuahine aala o Aiwohikupua 'i kui mai kela ame keia i papahi lei nou iho, a eia mai na pua e hakupapa ai a lawa ka makemake: Ekahi/ Ka pua o ka ohia kumakua ka pua o ka lonomakua, ka pua o ka makaakua, ka pua o ka hauula, ka pua 0 ka pilipili, ka pua o ka hinahina, ka pua 6 ka lehu. Hele no hoi a loaa ole ho keu aleu nohoi leo oukou hhomaopopo ole a hoomanao ae la au i nei mau wahi lalani mele, penei: Aia i Nuuanu ka pua leLua, A i pulu i ka ua Popokapa* Elua maua alo i ka leo, I ka pa kololio a ka makani, He makani haihai lau kukui, Nihi hele i ke kula o Kapaa loa, Aohe loa i ka uku a loko, 1 ka uilani a kuu nui kino. A ma keia wahi ua laweia kuu papahi lei a hanai leama ia a milimili mailaniia e ka nani makolukolu o ke aloha, n'ona ka nani, ka u'i, ka ula ohelohelo i ka maka o ka la, maluna o na mamo ; a Akamu ame Ewa a hiki no i keia la, o ka mea nae a kou makua i ka lani e,koho ai iloko o nei oliana alaila ua kau aku la ka ohu ame ka wehi maluna ona, hemoole i na kau a kau. Maluna o ka ninau ekahi. Owai ka inoa o kuu papahi lei i laweia, a i hanai kamaia a milimiliia a lie hoa pupuu no ke anu o ka po ua lanipili? Ina he elua haina i 'hiki ae ma ke keena o keia nupepa i ka wa hookahi me ka'laua mau haina lea'u ke mio ame na kuhikuhi a kahi aumakua ina wehewehe ana me ka pololei, alaila e loaa no ka uku makana kau like he hookahi makahiki i kekahi a lie hookahi no hoi 1 kekahi e lawe wale i ka Nupepa Kuokoa. Ina he hookahi wale no manu i pili i ka'u kepau papala, ua maopopo e lei ana oe i ka lei a ka lahui e like me na kuliikuhi maluna ae, a ina hoi i ka hu! huli mea pohihihi e loaa ai e hooipoipo ana oe me ke Kuokoa, he ekolu mahina e lawe wale ai me ko'u manaolana no e ahu wale mai ana no au i ke kilokilo wahine o ka aina o Kaledea a ina aole, alaila, e hale kipa ana au me mahina malamalama kau ahiahi, ke hele la ka hoi a konane i nei mau po, he u'i mai hoi kau. A i ko'u hooki ana iho i ko'u mau manao ke haawi aku nei au i ko'u aloha Kalikimaka ame Makahiki Hou ia kakou apau loa, āme oe e ka Lunahooponopono ko'u ano.ai-ame na keiki paahana o kou keena pa'i ko'u aloha nui. Owau no me ka manao ulumahiehie, , KAHANUOPAINEKI. Helu 542, Alanui Moiwahine, Kawaiahaō.