Ka Nupepa Kuokoa, Volume XLVI, Number 52, 24 December 1909 — E WEHEIA AKU ANA KA AINA O KAMAOA. [ARTICLE]

E WEHEIA AKU ANA KA AINA O KAMAOA.

Ua hoike ae ka Lunanui o na Hana o ka Lehulehu ma ka Poaono nei, aole he loihi o ka manawa e kakali aku ai, alaila hiki mai i ka wa e hookoia ai ka weheia ana aku o ka aina o Kamaoa no ka hookuonoono ana i na kanaka o Waiohinu, Kau. 0 keia ka aina a ka Elele Kuhio o ke kapa ana aku i ke Kiaaina i ka hoopunipuni no ka hooko o?e ana i kana mea o ke kamailio mua ana i na kanaka, ana nae o ka maopopo mua ole ana i ke kumu o ka ulolohi ana o ka weheia ana aku o kela aina no ka hookuonoono ana. Wahi a Mr. Campbell o ka hoike ana ae ma ka Poaono aku la i hala, ma ka Poaha aku no ka pau ana o na kii palapala aina ame na pepa apau e pili ana i ka aina o Kamaoa, a mal ia la no i komo aku ai iloko o kona lima, a ua hoounaia aku na pepa ame na kii palapala aina i ka' akena alna Thos. C. White o Kona no ka huli pono ana aku i ke kmnukuai kupono o na apana aina e hookuonoonoia aku ana. Ua manao oia ma ka mahina ae nei o lanuari e makaukau ai na mea apau, a pela nd me kekahi mau aina ma kekahi mau wahi e ae, e waiho pu ia aku ai imua o ka lehulehu no ke kuai ana mai i mau home no lakou.