Ka Nupepa Kuokoa, Volume XLVII, Number 16, 22 April 1910 — KUHIHEWAIA HE OPIUMA. [ARTICLE]

KUHIHEWAIA HE OPIUMA.

Ma ka Poaono i hala i loaa mai ai kekahi lono kelekalapa xnveao\e i ka Loio Ameiika Breckons mai Hawaii raai e olelo ana na paa kekahi Pake o Lee Kon ka inoa maluna o ka mokuahi Hauna Kea ma ke awa o Mahukona me eha kini i piha i ka opiuma a hc heluna nui o na kini i kuni ia e paa puia ana eia ia manawa. Ua hoopihaia ka Loio Amerika i ka hauoli no ka mea he makemake oia e paa kekahi mea hoOpae ma-Iu ika opiuma. E hoakaka ana ka lono kelekalapa aia ma ka lima o R. R. Elgin kela Pake kahi i paaia ai a e hoihoiia akt» ana i ka Hope Loio Amenka Rawlins oiai no oia ma Hawaii ia manawa. Ma ka Poaono i hala ua hoea mai la i Honolulu nei o Lee Kon me na kini opiuma piha eha ame na kini hakahaka he iwakalua-kumamawalu. Ua hoihoiia 0 Lee Kon i ka halepaahao a o na kini opluma ua hoihoiia i ke keena hana o ka Loio Amerika. Ua lilo kela paa ana mai la o na opiuma i mea hauoli nuiia, no ka mea o ka opiuma i kuaiia ai i kekahi manawa mamua aku nei no ke kini hookahi he $G.oO ua pii loa ae i keia manawa a ke $45 no ke kini. I ka wa i hiki aku ai kekahi Pake akamai i ka nana ana i ka opiuma i ke keena ua weheia ae la kekahi kini a nana ia iho la- ka niea oloko me ke kahaha nui, no ka nlea, ma kahi o kona ike iho he opnima ko loko ke poi kana mea i ike iho aL Hu ka aka! Ua ! maa ia aku nae mamua he akamai loa 'ka Pake i ka huaia ana, e uhi ana lakou i kekahi mea maluna a malalo iho Ihe opiūma a ua manao ka Loio Ame- ! rika pela paha i hanaia ai kela mau kini, nolaila eli loa iho la oia a hal.i loa ilalo o ke kini a ike iho la he poi wale no. Ua manao ka Loio Breekons oia wale no la hoi ke kini i hoopihaia me ka poi a hoao akn la i kekahi mau kini hou, eia nae i ka hemo ana ae he poi wale no, a pela oia i wehe ai i na kini apau eha he po-i wale no oloko. Mamuli o ka ikeia ana o ka poi iloko 0 kela mau kini i ulu mai ai ka ninau pehea i komo ai kela poi iloko o kela mau kinif O kela ka Breckons hana | nui e huli nei i ke kumn ame ka h&na . a kela poi i hookomoia ai iloko o kela mau kini. Ua hookuuia o Lee Kon 1 ma ka bona me kona kiai puia nae malia he alahele kekahi e hiki ai ke loaa kahi o ka opiuma i huna ia ai ame ka mea nana e malama ana i ka opiuma ia manawa.