Ka Nupepa Kuokoa, Volume XLVII, Number 19, 12 May 1910 — E KOHO BALOKA ANA MAANEI. [ARTICLE]

E KOHO BALOKA ANA MAANEI.

SEATTLE, Aperila 25.—E loaa anu fca mana koho baloka i na wahine o Hawaii maloko o elima makahiki mai keia la aku, o keia ka wanana a Mrs. George Adrian Smith, o Alki Hema. ka Peresidena o ke Kalapu o na wahine koi koho baloka o Alki, i ke Seattle Post Intelligenee, i kona wa i hoi mai nei mai kekahi huakai makaikai koke aku nei ana i na mokupuni Hawaii. Ua holo aku nei o Mrs. Smith ilaila no ka hoomaha a no ka hooluolu ana, a iaia malaila ua noiia mai oia e haawi aku i kekahi mau ha'iolelo ma na wahi lehulehu ana i hele aku ai malu na o ke knlana koho baloka o na wahine maanei a ua hooi*aika aku ia manao iwaena o na Hawaii a no ia hana ua koi ikaikaia oia e hoomaha no kekahi mau la mahope o kona hiki ana i "ka-hale, pela kana olelo. "Malalo o ke kulana aupuni o Hawaii ua hiki loa i na kanaka o na mokupuni ke hooponopono i ko lakou pono koho baloka ponoi, a ina e manao ana lakou pela ua hiki no ia lakou ke haawi i ka mana koho baloka i na wahine," wahi a Mrs. Smtth.