Ka Nupepa Kuokoa, Volume XLVIII, Number 16, 19 April 1912 — HOOMOEIA KA POHAKU KIHI O KA HALEKULA NUI HOU [ARTICLE]

HOOMOEIA KA POHAKU KIHI O KA HALEKULA NUI HOU

Ma ka hora ekolu o ka auwina la Poalima aku nei o ka pule i haia i lawelaweia ai na hana hoolala no ka hoomoe ana i ka pohaku kihi o ka halekula hou ma Kaimuki, a nona ka inoa e o ia aku ana ma keia hope aku ka Halekula Liliuokalani. Na ka Moiwahine Liliuokalani 1 hoomoe i ka pohaku kihi, a na ka Lunakanawai Dale a Peregidena mua o ka Bepubalika o Hawaii i haawi ae i na haiolelo e pili ana ia kula. Malaila ae ka Bana Hawaii me kekahi poe lehulehu e ae i konoia. O kekahi ana. ke»a o na halekula hiehie a nani ke nana Aku ma keia mua aku ke paa pono, pela ka oleloia, a ke nana i'o iho no i ke kii * kahaia ai e ka mea kahakii, he maikai maoli io "no. Ua hoamanaia ke kukulu ana i keia halekula a ua hookaawaleia kekahi huIna dala mahuahua no wa lilo o ka hana ana ma ke kau ahaolelo i hala, mamuli o ka hooikaika loa o ka Lunamakaainana Towse, a na"na ka haiolelo hope loa ma keia auwina la. O ke kahua o kela halekula hōu aia ia ma kahi kokoke i ke kihi o na alanui Waialae ame ke alanui Koko Head. E kap'iliia ana ia me ka puna kawili wale no e like me kekahi man hale nunui i •paa i keia la, a o na lilo apau no ka hana ana a pau, e like me ia i hooholoia ai e ka ahaolelo, he $60,000. He $8000 na hoolilo no ke kahua o ke kula. O ka mea nana i kaha i ke ki'i oia o .T. H. Craig, a na A. P. McDoiiaM e kapili ana, ka mea i lilo ai ka "aelike no ke kukulu ana a hiki i ka paa ana. Tna no ka loaa ole o kekahi ulia a kumu keakea paha i ka holomua o ka hana ana 1 keia hale, e weheia ana ke kula maloko o kela halekula hou ma keia haule lau ae, pela ka mea i hooholoia. O na ha"na apau e pili ana i ka hoolaa ana i ka pohaku kihi malalo no ia o ka hookele ana a ka Hui Hooholomua o Palolo ame Kaimuki. Malaila pn ae ka Lnnahoohana Nui o ka Oihana Hoonaanao Willi? T. Pope ame kekahi poe e ae he "nui i konoia o na kane vn« na wahine.