Ka Nupepa Kuokoa, Volume XLVIII, Number 48, 29 November 1912 — HE MOOLELO NO Cicilia Vanakouva A I OLE Ke Kaikamahine Iloko o na Hana Hoomaewaewa a Kona Kaikoeke Lokoino. [ARTICLE]

HE MOOLELO NO Cicilia Vanakouva A I OLE Ke Kaikamahine Iloko o na Hana Hoomaewaewa a Kona Kaikoeke Lokoino.

MOKUNA XVI. M Ma kela huli hoi like ana mai a kakeu no Nu loka, ua hele mku la au e hui pu me ia, a hoikeike aku Ia i na mea apau t pili ana ia'u a pela hoi me kuu kane, a ia wa i hoole loa mai ai oia i ka hookipa ana aku ia'u ame ka'u wahi kaikamahine malalo o na kaupoku 0 kona home, a i kuu manawa o ke noi ana aku iaia e kokua mai i kekahi huina dala, no ka uku ana aku i ko'u aie ia oe, ua noke mai la oia i ka aka pahenehene ia'u, me ka hoohoka maoli ana mai no, e ku a au i kahi o ka hilahila." "Ua hele au a piha maoli me ke kaumaha e Mrs. Monogomore no keia mau mea au e kamailio mai nei ia'u, eia ka hoi la ua nui maoli kou mau pilikia, ma kela wa o kuu haalele ana aku ia oe, eia nae aole ou wahi kamailio iki mai ia'u ia mau mea, ina ua haawi aku au i ka'u mau kokua ana ia oe iloko o kela manawa, eia nae huna mai oe i kou pilikia ia'u," i pane aku ai o Kauka Motimea, me ka aneane loa ana e hiolo makawalu mai na waimaka mai kona mau lihilihi mai. "Ua haalele aku au ia oe me kuu manao la, ua apoia mai oe e kou mau hoaloha, a ua hoopuniia kou mau aoao apau e na mea nou e hauoli ai, eia ka ua haalele aku au ia oe iloko o ka ehaeha, a ua lilo keia mau mea a'u e lohe nei, i ukana nui a luuluu na'u e hoomanao mau ai. eia ka ua noho oe me ka hoomanawanui maoli iloko o ke kaumaha." "He mea oiaio no kena au e Kauka .\īotimea e kamailio mai nei ia'u, aka ua hiki ole ia'u ke uwalo aku iniua ou, me kuu ike no nae, aole no e nele ana kou haawi ana mai i na kokua ana no ko'u pono, ua oi aku ka hilahila iloko o'u, mamua o kuu aa ana e hoike aku ia oe 1 na mea a kuu kaikoeke o ka hana ana mai maluna o'u. "Ua like maoli no na hana a kuu kaikoeke, me ke kipaku ana mai ia'u e hele ma na alanui elike me kekahi wahine makilo; a ia'u o ka ninau ana aku iaia e hoike mai i kahi i noho ai o ka loio nana e hooponopono ana i na waiwai o kuu kane, ua hoole loa mai oia, me ka olelo ana mai, e hele aku no au e huli no'u iho. a e ku-e mai ana hoi oia ma na ano apau, i wahi e loaa ole ai ia'u he hookahi dala a Hawada." "Ke olelo mai nei oe i ka loaa ole ana he mau kokua ia oe mai kou kaikoeke mai, eia nae, ua loaa no he huina dala mahuahua ia oe, no ka uku ana mai i kou aie ia'u, nohea mai kau mau dala o ka loaa ana?" wahi a Kauka Motimea, me kona mihi ana iho nae i Kona hoala ana aku i kela ninau i pili loa i ko Cicilia kulana nele a lako paha. "Ua loaa nui na dala ia'u, ma kekahi ano, a pela 1 hiki ai ia'u ke hoihoi aku i na da!a au o ka uku ana i ko makou ukumoku. O kahi j o ka loaa ana mai o ka'u mau dala, penei no ia: Ma kela manawa! a'u ame kuu kane o ka hele makaikaf ana, ua kuai aku oia i na lako hoonani he nui no'u, he mau mea e hiki ole ai ia'u ke hoohana aku mamuli o kuu menemene no kuu kane, a ma ia ano iho la, ua hooiilo aku la au i kela mau lako hoonani he nui, a o na dala i loaa mai *.a'u, o ka'u ia o ka uku ana aku ia oe, a he nui okoa no ka'u mau dala i koe iho, e ike ole ai au i ka nele no kekahi manawa loihi, a pela i hiki ole ai ia'u ke kauka'i aku maluna o kekahi mea, no ka pono o ko'u noho ana ame ka'u wahi kaikamahine." * Ia Kauka Motimea e hoolohe la i ko Cicilia hoike i ke ano o na mea ana i hana aku ai, i wahi nona e ike ole ai i ka nele, a e kauka'i aku ai i kona pono maluna o kekahi mea e aku, me he mea la iloko 0 ka noonoo o ua kauka nei, aole oia i ike i kekahi wahine koa a maka'u ole i ka hakoko ana me na inea o keia ao, elike la me Mrs. j Monogomore, eia nae aole no ona pane wale mai, aka ke haka pono | mai la oia i kana nana ana maluna o ua wahine opio la, me ka makaukau mau e hoolohe aku i ke koena o kana mau niea i ake ai e hoike mai imua ona "Ma kela hui pu ana o'u me kuu kaikoeke, ua lilo maoli kela manawa i wa no maua a elua e paio ai me ka hahana loa, e hoohoka mai ana oia ia'u, aka e kupale ana nae au no ko'u pono iho, a o ka hope loa o kana mea o ka olelo ana mai ia'u, e haawi aku ka au i ka u kaikamahine nana e hanai mai, a e hoolilo mai iaia i hooilina nona, me kona i okoa ana mai, pela iho la ka e hoomamaia ae ai kekahi haawina kaumaha mai ia'u ae. "Ua hele au a pih'a maoli me ka hoonaukiuki īio kona olelo mai e haawi aku au i kuu lei momi malalo o kela wahine i nele i ke aloha no kona 'ohana ponoi elike me a'u nei, nolaila ua hoole aku la au iaia, me ka i ana aku, ua oi loa aku kuu kuewa hele ana ma na huina alanui me kuu keiki, mamua ae o kuu ae ana aku ia Magarita e kaa aku malalo o na maiuu o ka manu Aeko. "Na keia mau olelo a'u i hoopii aku i ka inaina iloko ona, a hiki 1 kona i okoa ana mai, ua haalele maoliia no au e Hawada, mamuli ka o ka pau o ko Hawada hoihoi ia'u, a ia wa no hoi oia i olelo pu mai ai, i ka hookoia ana o kana wanana, no ko'u haaleleia e Ha\vada." "He nana wahine wale ae no, aole au i ike i kekahi wahine a ka lokoino nui wale elike me kou kaikoeke," i pane mai ai o Kauka Motimca me ka piha i ke pihoihoi, alaila hoomau hou mai la i kana kaana. "Ua hoohokaia nae paha ko kaikoeke e oe ea, mamuli o ka loaa ana o kahi hana o ka loio o kau kane, a ma ia ano i loaa nui ai kau dala, no kou noho ana ame kau kaileamahine. aole anei pela?" "Aole i loaa ia'u kahi o ka loio o kuu kane i noho ai, eia wale no a # mahope mai o kona make ana, ia manawa au i lohe ai nona. eia nae ua hala ka wa pono. ka manawa a*u e ake loa ana e hui pu me ia, a e hoakaka aku hoi i ko'u pilikia iaia.. Mahope iho o ka make ana o kela loio, ua kaa koke aku la ka hooponopono ana o na waiwai apau 0 kuu kane iloko o ka lima o Mr. Lalana kona kaikoeke, a o ka pau loa ana ia o na manaolana no ka holo mai o kekahi pomaikai maluna o*u. "He hana maalahi wale no nae na'u, ka lawe ana aku i kekahi hoopii imua o ka aha hookolokolo, i wahi e kaawale mai ai he huina «'ala mahu?hua no ka malamaia o ko'u ola ame ko ka'u kaikamahine, eia nae, aole o f u makemake e lohe waleia ae ko'u mau pilikia e ka iehulehu, nolaila ua waiho malie wale aku la no au i kela waiwai o Hawada pela, malia e hoea mai ana no he manawa e kuleana ai au 1 ko'u mahele iloko o kela waiwai. 1 wahi nae no'u e ike ole ai i ka nele, a e hele weluwelu ole ai kuu kaikamahine ma na aianui elike me na keiki a ka poe ilihune, ua hooholo iho la au i ko'u manao, he mea pono ia'u e hele i ka hana» elike me na wahine i halawai m< na pilikia o keia noho ana elike me ko'u nei." "Heaha la hoi kou kumu o Ica hoike ole ana mai ia*u i kou mau pilikia, ina ua haawi kahiko aku au ia oe i na kokua ana, aole hoi o ke kakali a hala ka manawa pono, ia manawa oe e ui mai ai ia'u/' wahi a Kauka Motimea, me ka pahola mau no o kela nanaina kau* maha maluna ona. "Ua maopopo no ia'u, aole e nele ana kou kokua ana mai ia'a, ina no ko'u ui mai ia oe, aka nae ua ku ae au iluna elike me kekahi wahme koa, a paio aku ma na alaheie pono apau a'u i ike ai, e ku ole mai ai ka hoonaaikola a kuu kaikoeke ia'u. Mamua o kuu mare ana

I aku i ka'u kane, ua kapaia mai au e Mrs. Lalana, he wahi beb< wale |no ka au t i hiki ole ke hoomaopopo i na mea e pono ai ka'u kanc t a e hehihehi waleia iho ana no aa e na wawae o ka poe i oi ae ko lakou kulana imua o ko'u. "Ma ka manawa ana o ka hoohoka ana mai ia*ti r ua hooholo iho la au i ko'u manao, he mea pono ia'u ke hoikeike aku iaia a imua hoi I o ke ao holookoa, aole au he wahi bebe elike me ka kuu kaikoeke o | ke kapa ana mai, aka he wahine au i oi aku imua ona ame ka poe i !ike ko lakou ano me kona. No ka hoikeike ana aku iaia i ko'u ano maoli, ua hoohana aku au i na kalena apau i loaa ia*u t me ke kauka'i o!e aku maluna o na kokua ana mai a na hoaloha, a mai kela wa au 0 ka haaiele ana ae ia'u maioko o Nu loka a hiki i kuu hele ana mai la e huli i kuu kaikamahine, ua lako maoli ko*u noho ana ame ko'u mau hoa, oia o Maka ame Magarita a na ka aihueia ana o kuu kaikamahine, i kono mai ia'u e haaiele aku i ka'u mau hana mahope, a imi mai la, me ka manaolana, ia nei paha e loaa ai kuu momi ia'u." "Ua hookahaha mai oe e Mrs. Monogomore ia*u, ma kau mau mea apau o ka hoike ana mai la. a pehea la i hiki ai ia oe ke hana aku i na hana e pono ai oe ame kou ohana?" wahi a Kauka Motimea me ka hoopohihihiia ana aku o kona noonoo no ka Cicilia hana o ka lawelawe ana i ioaa nui mai ai kana mau dala. Ma kela manawa a Kauka Motimea o ka ike mua loa ana ia Cicilia /naluna o ka mokuahi a lakou o ka hoi like ana mai no Nu loka, ua haawi aku oia i kana mau mahalo kiekie ana no kela wahine. ma ke dno. me he mea la ua hoopuniia o Cicilia e na mea e ike ole ai oia 1 ka nele ma keia noho ana. me kona manao mua ole nae, he wahine keia i hiki ke hakoko me na inea o keia noho ana, elike me na keiki 4 ka poe waiwai; a iaia e nana hou mai nei ia Cicilia i keia manawa, dole oia o kela wahine o na makahiki ekolu i kaahope ae, aka he wahine ano hou oia i keia manawa a laua e hui hou nei, he wahine. i oi papalua ae kona u'i ame ke kulana hiehie, a ike pu aku la no hoi 0 Kauka Motimea maluna o Cicilia t ina e manao keia whine ma kana •nau mea e ake ai e hookoia, aole loa e hiki i kekahi mea ke hcx> ».ahu'a aku. *'Ua ninau mai nei oe e Kauka Motimea ia'u. i ke ano o ka'u hana iioko o keia mau makahiki ekolu; a e hoike aku ana no au ia oe i ka mea oiaio wale no, a o ia keia: O ka mua, ua waiho aku au i ko'u pono imua o ke Akua, aka aole i maopopo ia'u ka manawa, ua hoea mai kekahi hoaloha imua o'u a ninau mai la ina he hiki ia'u ke hana aku i mau ana lihilihi nana, a oiai o kekahi ia o na kalena i loaa ia'u, nolaila ua hoolawa aku la au i kona mau makemake apau, a hana iho la maua he aelike, no ko'u hana mau ana i na ana lihilihi no kona halekuai, a o ka'u hana ia a haalele wale aku nei au, ua hoopomaikai likeia maua a elua ma kela hana," alaila hoakaka pono aku la oia i na ano apau o kana hana a pela me kona noho haku ana nialuna o kekahi heluna nui o na kaikamahine haahaa. "Ua holomua maoli no ka'u oihana, mamuli o ka hana kino maoli ana, me ka hiki ana ia'u ke malama i ko'u ohana ma na mea apau e .•īauoli ai keia noho ana, me ko'u hoomakaulii pu i kekahi huina dala 1 kela ame keia manawa, a ina no aole e loaa mai ana he mahele ia'u o na waiwai o ka'u kane, aole no au e ike ana i ka nele, no ka mea ua nui no ka'u mau dala i keia manawa, a aole no hoi o'u hopohopo no keia noho ana aku, oiai e kauka'i ana no au maluna o ka'u oihana, | no ko'u noho ana aku; a'u no e manaoio loa nei, e mau aku ana no Ua holomua ma keia hope aku.'* Ku okoa ae la o Kauka Motimea iluna, a lalau mai la i ka lima o Cicilia me ka pane ana mai: "He mea na'u e haaheo loa ai nou e kuu hoaloha, ua hakoko aku oe me na inea o keia noho ana, a ua j lanakila oe maluna o na pilikia apau, a ina paha he nui na wahine ! ma keia ao, i like aku ko lakou mau ano me kou, aole e nele ka hoolluiliia o ka hapanui o na kanaka, a lilo i poe maikai, aole nae pela Va mea e ikeia nei, ua lilo ka hapanui o na wahine, i poe hookano, i p o e puni nani, a ma ia ano i hooliloia aku ai kekahi poe kanaka I maikai i poe ino, mamuli o ka hukiia e ka lakou mau wahine, ma na nani pau wale o keia ao, ame ka puni hanohano, a ake waiwai. "Ma ka'u hoomaopopo ana, mamuli mai o na wahine kekahi kumu nui o ke ala ana mai o kekahi mau karaima, na wahine i maa ole i ka hana, aka o ka noho hookano wale iho no, e ake ana i na mea nani o keia noho ana. me ka noke ana i ka lu i ko lakou waiwai ma na lear iea pau wale o keia ao, a i ka hoea ana mai o ka nele, o ka manawa ia e kukulu aku ai i ka lakou mau kane inuia o ke akea no ka hoohilahilaia mai, a hoolilo pu aku la no hoi ia lakou īho, ma na hana ; hilahila i wahi e hoomauia aku ai ko lakou noho ana iluna o ka hano- | hano ame ka aahu mau ana i na lole nani.' j "Mai mahalo wale mai oe e Kauka Motimea iau, no ka mea ina ; no paha aole i hookaawaleia mai au mai ka'u kane mai, īna no aoīe au e hele i ka hana, aka ke hoomaikai nei nae au, no ko'u halawai pu ina me na popilikh. na ia haawina i kukulu ae ia u iluna a kaokoa n-ai ka hapanui mai o na wahine. Heaha nae la mea he hana ia u, lieaha hoi kuu luhi o na makahiki ekolu i.hala ae nei a pela me na pomaikai au e upu aku nei e ili mai ana maluna o'u, ma aole au e ike hou aku ana i na maka o kuu kaikamahine aloha, ka manaolana hookahi wale iho no. nana i kono mai ia'u. e ola aku no kona pono, alaila hoomaka okoa iho la o Cicilia e uwe me ka ehaeha o ka naau 110 kana lei aloha he keiki. "Ua ike au i ka oiaio o kena mau mea au e kamailio mai nei e Mrs. Moonogomore, a e hoomanawanui ka manao kaumaha, no ka mea ina eia io o Magarita maloko nei o keia kulanakauhale, a ai a e imi aku kaua iaia a hiki i ka loaa ana," a hoolanaia mai la ko Cieilia manao, no ke komo pu ana mai o Kauka Motimea e kaana 1 i kona kaumaha. MOKUNA XVII. ( "He manao koho wale no keia o'u me ka loaa ole o na hooia ma ko'u aoao, ua lawe aihueia mai kuu kaikamahine e Mrs. Lalana, koe wale no keia. o ka manawa o ka nalowale ana o kuu kaikamahine, o ka manawa hookahi no ia a Mrs. Lalana o ka haalele ana ia Nu loka no Kaleponi nei; a me he mea la e haupuupu mau ana au, ua lilo maoli ne o Magarita i kela wahine. "Me he mea la. ua hoea ae o Mrs. Lalana maloko o ka halekuai. a ike 1 ka noho o Magarita mamua o ka papa kua». o kona hopu aku !a no ia i kuu kaikamahine. a holo pu mai la me ia no ke.a kulanakauhale. He manao koho wale no nae keia o'u, me ka loaa oie: o kekahi ike maopopo nana e hooiaio mai, aka nac f na kona 01 paa kiki ia'u e ae aku e haawi ia Magarita nana. a pela hoi me kona k pe okoa ana mai ia'u, me kekahi uku makahiki maikai. ke he akuaui Kona manao, na ia hana i kono loa mai ia u me he mea a wahi e ae i nalowale ai kuu lei, na kela wahme lokomo maoli no !we aihue me ka manao kolohe maoli." -N& keia mua aku e hoike mai i ka pololei o kou manao koho ame ka ole. e ninau aku ana nae au ia oe. heaha la kau mau mea 1 manao ai e hana aku, i wahi e loaa ai o Magaritar i ninau aku ai o Kauka Motimea. Ua ike no o Kauka Moiimea, he uuku loa kahi manaolana e kauka'i aku ai maluna o kela manao koho wale o Cicilia. eia nae aole ona makemake e hoike ae i kona manao maoli, koe wale no o kona hoao aku e huli no ka pono o ka makuahine i hoehaehaia no kana kaikamahine. "O ka'u i manao ai, o ia no ka hele ana iloko o na buke oloko o na hokele o ka papa ekahi maloko nei o keia kulanakauhale, a ina e loaa ana ia'u ka inoa o Mrs. Lalana, alaila o ka manawa ia e hakilo pono loa aku ai, ina aia io me ia kuu kaikamahine, aole paha. "Ina e loaa ole kona inoa maloko o kekahi o na hokele» malia

Ipaha he mao hoaloha no kekahi ona m» keia kulanakauhaie. e waiho maoli aku ika huli ana i kuu kaikamahine iloko oka h m , 0 Ikekahi makaikiu. malia o ke alahele ia e hoopauia ae ai na ; -h hihi apau." 41 0 kena io ke alahele maikai loa a kaua e hana aku ai, a nei au me kena manao ou e Mrs. Monogomore, a i keia t ; no e hoomaka aku ai ka hookolo ana ma ka meheu o kela E hele aku ana au ike kulanakauhale i keia auwina la. ae h .u u ana au ma kekahi mau hokele. ana u e nana maloko ona b o poe e noho ana malaila iloko o keia mau la. i pane mai ai • Kuuka Motimea, me ka pahola ana ae o ka minoaka ma kona mau i a ? a!.na. Akahi no a hoomamaia mai la ko Cicilia noonoo, ma o ka ī 1 lo ana aku na Kauka Motimea e huli maloko o na hokele ina paha no ka maopopo o kahi o Mrs. Lalana e noho ai, aka nae aore ona nukeinake e noho wale, nolaila ua hooholo iho la oia, he mea poiv> e he hana iaia, i ole ai oia e hookaumaha loaia no kana kaikamahme. Ma kekahi la ae, ua uhi mai la oia i kona hekhelena a paa me kekahi uhi manoanoa, o kona hele aku la no ia maloko o na halekua:, no ke kuai ana i mau lihilihi, a iaia o ka huli hoi ana mai maloko o Kona mau rumi, ua hana iho la oia i kekahi mau ana, no ka hoouua ana aku ia Maka, a nana hoi e haawi aku i na kaikamahine hana iihil'hi no ka hoohalike ana mai elike me kela ana i hoounaia aku na ! lakou e hana mai. ! Aole i halawai hou o Cicilia me Kauka Motimea mai kela la aku [o kona hoea ana ma Kapalakiko a hiki wale i ka ha o na la, akahi no ! o Kauka Motimea a hoea aku, me ke kikeke ana mawaho o ka puka I o ko Cicilia rumi, a ia wehe ia ana mai o ka puka, me he mea la iloko I o ka noonoo o ua kauka nei, iaia o ka ike ana aku ia Cicilia, o kela ka wahine ana i hoohalike aku ai me ka anela, ka maemae ame ka hoopono i like ole me ka nui o na wahine o ka halawai ana me ia. t He bo-ke pua rose ka ua kauka nei i hui puia me ka iwaiwa lau nahenahe aeae. o ka hoouna ana aku ia Cicilia ma ka la aku mamua, t » ke ike la oia i ke kau mai o na pua rose ma ka lauoho a ma ka nmauma o Cicilia, a ia wa i pana kapalili ae ai ka puuwai o ua kanaka nei, ana no o ke koho ana iho iloko ona, ua loaa aku paha na manao hoohihi ia Cicilia no kela mau pua. Ua hoohihi io no o Cicilia i na pua rose, aole nae no kona hoomanao i ka mea nana aku kela mau pua rose, aka no ka hoomanao no i, i kana kane aloha ia Hawada Monogomore, oiai he mea haule ole ia Hawada na pua rose, a o ke kumu no hoi ia o Cicilia i kau mai ai i kela mau pua, no ka hoomanao ana i kana kane, aole no kekahi kumu e ae. Ma ka manawa i loaa aku ai o kela mau pua nani iaia, ua mawehe- • wehe malie aela oia i na lau iwaiwa mai na pua rose ae, alaila hoopili mai la i na pua rose ma kona ihu, me ka hoopuka ana ae i keia mau huaolelo: "O! e Hawada, kuu kane aloha, eia au ke honi aei i ko mau pua punahele, aka ua like nae ko lakou aala onaona ia'u, me he mea la tia no oe ma kahi kokoke loa mai ia'u." Ma kela koino ana aku nae o Kauka Motimea iloko o ka rumi o Cicilia, ua lalau aku la oia i na lima a elua o Cicilia, alaila puliki iho la, me ka haku'iku'i no o kona puuwai me he mea la ua eha koke nku la no oia i ke aloha i keia wahine, aka nae e kakali ana no oia a hoea mai ka manawa kupono, malia e hiki ana iaia ke hua'i okoa aku i ka ukana nui a kona puuwai e hiipoi ana. "I hele mai la au no ka hui pu ana me oe e Mrs. Monogomore, me he mea la, e hiki ana ia'u ke haawi aku i kekahi meahou i keia ka* kahiaka." Ua hiolo koke mai la na kulu waimaka mai na lihilihi mai o Cieilia, me he mea la, ua haili aku la no paha iaia, ke ano o ka nuhou a ke kauka e kamailio aku ana iaia, a o ia kana o ka ninau ana mai: "He nuhou maikai anei kau e kamailio mai ana ia'u i keia kakahiaka?" "Ae, manao au he nuhou maikai no." '*E hoike koke mai hoi ha oe ia'u i keia manawa, ua hele au a kuaki me ka piha nauki, e ake ana o ka lohe i ke ano o kau nuhou e Kauka Motimea," i ku okoa mai ai o Cicilia iluna, me ke koi ikaika mai i ke kauka e hoike aku i ka nuhou nana e hoohauoli aku iaia. "E noho aku oe e Mrs. Monogomore iluna o kena noho paipai, alaila e hoike aku no au i na mea apau, a mai hoopihoihoiia kou noonoo, 110 ke ano o ka nuhou a'u o ka hele ana mai la e hui pu me oe," wahi a Kauka Motimea, me ka uwai ana mai i kekahi noho a kokoke ma kona aoao no Cicilia. "Elike me ka'u o ka olelo mua ana aku ia oe, e hele ana au maloko 0 na hokele e nana ai i ka poe malihini maloko olaila, elike no hoi me ka kaua o ka manao mua ana, o ke alahele maalahi ia e loaa ai ko Mrs. Lalana wahi e noho nei; nolaila ua kipa mua aku la au makko o ka Hokele Palake. a ma ka'u nana ana i ka papainoa o ka poe apau malokko o kela hokele, aole i loaa ia'u ka inoa o ka wahine a kaua i ake loa ai e ike. "Kau aku la ka'u nana ana no ka Hokele Balauwina, he hokele emi mai ia o kona nani, aole elike me ka hokele mua aku la, a ia'u o ka nana ana iloko o ka papainoa o ka poe e noho ana malaila, ua ike aku la au i ka inoa o Mrs. Konela Lalana ame ke keiki." Ke noho hamau loa la o Cicilia oiai o Kauka Motimca e hoike aku ana iaia i keia nuhou, eia nae ua hele kona helehelena a haikea pu, ka mea hoi nana i hookomo aku i ka maka'u iloko o Kauka Motimea, e maule iho ana paha o Cicilia, a mihi iho la oia, no kona pupuahulu loa i ka hoike koke ana mai i kela nuhou, eia nae ua hookahaha loa ia aku ua kauka nei, i ka pahola ana ae o ka ula ohelohelo ma na papalina o Cicillia, alaila pane mai la: "Ua maopopo mua no ia'u, ua aihue maoliia no kuu keiki e Mrs. Lalana, aole hoi na kekahi mea e ae, a o ka manao ana o kela wahine nela iho 1a e hookoia ai kona mau manao kolohe, ua kuhihewa loa oia; no ka mea aole au e noho malie wale ana elike paha me kana o ke koho ana. me ka huli ole aku ma na wahi apau e loaa hou ai ia'u 1 V uu momi nalowale. t4 Manao iho la paha kela wahine, e hookohukohu i ka'u keiki ma ke ano pela iho la e lilo aku ai iaia, aole loa, a ke nonoi aku nei au ia oe e Kauka Motimea, e lawe koke aku oe ia'u i keia manawa i ka Hokele Halauwina. a e kaili mai i kuu Magarita mailoko mai o na : lima aloha ole o kela w*ahine a ka lokoino i noho ai !" i "Auhea oe e kuu hoaloha, ke hopohopo loa nei au, ua oi loa aku ka'u mau mea o ke kamailio ana aku nei ia oe mamua o kau i manao | ai, no ka mea, he hookahi wale no la a Mrs. Lalana o ka noho ana ! ;naloko o kela hokele, a ma kekahi la ae no. o kona haalele mai no ia | i ka hokele me kana keiki elike me ia o ke kakauia ana maloko o ka ! buke inoa o na maīihini." | Ua kunewa mai Ia o Cicilia ihope, me ke poho wale o kona mau manaolana, aka nae ua ninau hou aku la no oia ia Kauka Motimea: M Ua haalele koke mai no anei oia i keia kulanakauhale, a holo aku no kekahi wahi okoa no ka huna ana i kuu lei momi?" "Aole o*u manao, ua haalele mai o Mrs. Lalana i ke kulanakauhale nei, ka mea mamuli o ko'u niele loa ana aku ike kakauolelo o ) ela hokele, ua olelo mai la oia, ma kona manao, ua hoi aku o Mrs. Lalana me kekahi mau hoaloha, a ohana paha, maloko nei no o keia kulanakauhale. "Ma ka lua o na la o ka noho ana o kela wahine ma ka hokele, ua hoea aku la kekahi poe ,a o ka hoomakaukau koke no ia o Mrs. Labna \ kona mau ukana, a i ka haalele ana mai o kela poe, he hookahi ko lakou hele like ana, me ka lawe pu ana no hoi i ke kaikamahine uuku, a ma na ano apau a ke kakauolelo o ka hoakaka ana mai no kela kaikamahine, ua kulike loa oia me Magarit* T a ua koho iho ko'u manao, o ko kaikamahine no kela, aole he keiki okoa aku." (Aole i pau.)