Ka Nupepa Kuokoa, Volume LIII, Number 51, 17 December 1915 — HE HOOMAIKAI I O'U MAU HOA C. E. [ARTICLE]

HE HOOMAIKAI I O'U MAU HOA C. E.

Mr. Lunnhooponopono, Nou ko'u welina nui ana: —I kuu pua miulana e ala paoa lua nei i na mokupuni; ka opuu pua rose nani hoi e mohala ana i ke kakahiaka o Mahealani, ka ipu kukui pio ole i Kekauaula, ka ipu alabata nana e hoomalamalama nei i ko "Ke kilohana Pookela o ka Lahui Hawaii," mau kini heluhelu, ke poloai aku nei keia makasila i kou kapena hoohana nui e heokomo iho ma na kolamu kaawale 0 ka kaua wahaolelo hopo ole; no na mea i hanaia niai no'u, e na kauwa maikai a ke Akua. Ma ka la mua o keia mahina hope o keia makahiki e hele nei, ua loaa ia iho la au i kekahi ma'i, a ma ka la 8 mai, ua hoea mai la kekahi mau komite ola elua, o''a o Mrs. Makanoe ame Mrs. An* nie Kalaiwaa, a haawi mai la i kekahi himeni maikai me na pauku hoolana no ka mea ma'i a me na leo pule pu no hoi kekahi. Me ko'u moeuhane mua ole e loaa mai ana lie mau kokua ana ia'u mai na kauwa hoopono mai a ke Akua ola, eia ka auanei e loaa mai ana keia mau lokoniaikai palena ole i kekahi o kana lala i loohia i na onawaliwali o keia ola honua ana. No ka Ahahui C. E. o ka Ua Kanilehua o Kalepolepo keia mau leele i hoike ia ae la. ko laua mau inoa maluna ae. Ke nonoi ae nei ka'u mau pule ia īehova Sabaota, Nana no e haawi mai 1 na hoopomaikai aha he nui i Kana mau kauwa lioopono, a me Kona kokua ana e lawe pu aku i na ehaeha o kona kauwa nei. "O ke Akua no ke kiai mawaena o kakou; oiai nae kakou e noho knawale ana, Amene." Me ka Lunahooponopono ko 'u mahalo nui, ame na keiki hoonoho hua metala ko'u aloha nui. Kou oiaio, Ch K. PONIAULANI. Hilo, Hawaii, Dec. 10, 1915.