Ka Nupepa Kuokoa, Volume LIV, Number 7, 18 February 1916 — E KOHO BALOKA ANA NA PILIPINO [ARTICLE]

E KOHO BALOKA ANA NA PILIPINO

Ina e pololei ana ka manao kanawai o ka Loio 'Kuhina Bteinbaek, no ka ninau pili i ka hookupaia o na Pilipino ma Hawa»i nei, alaila iloko o na makahiki eiua, a ekoiu mai keia manawa āku, e loaa ana' i na Pilipino he umikumamaha k&ukani e noho nei ma keia Teritore, ka mana koho baloka i na luna aupuni, kohoia e ka lehulehu. Ua hookahua ka Loio Kuhina Steinback i kona manao kanawai maluna o ka manao kanawai o ka Loāo 'Kuhina mua o Amerika, oia o Bonaparte, a pela no hoi kekahi mau olelo hooholo i hoopukaia ae e paa nei nmloko o na buke, 0 na olelo hooholo. Wahi nae a ka 'Loio Steinbaek, ina no ka hoolioloia mai o, ka bila kanawai i hookomoia aku iloko o ka ahaolelo lahui, e haawi ana i ke kuokoa ia Pilipine, a pela hoi kekahi mau kanawai hou i hooholoia mai nei, mahope o na mea i hookahua m'ua ia ai ka manao kanawai o ka Loio Kuhina Bonaparte o Amerika, alaila e hiki ole ana i na Pilipino ke hookupaia e 'loaa ka pono makaainana Amerika ia lakou. Ua paa loa kona manao, ina elike me ia e ku nei i keia manawa, aole mea nana e ku-e aku i ka loaa ana o na palapala hookupa i na Pilipino, ina e' waiho māi ana lakou i na noi, no ka lilo 1 mau kupa Amerika.

| Ma ka Poalua nei i hoakaka okoa ae | ai Kuhina'Steinback, aole no i I ui niaoli ia aku iaia ka ninau e pili ana i ka pono hookupa, o na Pilipino, alia no kona makemake no e loaa e ka makauli&u iaia maluna o kela ninau, nolaila, ua nana oia maloko o na buke kajiawai, aole i loaa iaia kekahi mea e leu-e ana i ka iilo aua o <na Pilipino i mau kupa Amerika, malalo o na palapala hookupa, ma kekahi mokuaina o Amerika, a Teritore paha, a ma ia ano hookahi no hoi, aole ia he mea e ku-e ia isku -ai ka pono o kela lahui, e komo mai ai, a lilo i mau koa, maloko o ka puali kiai lahui. Eia nae he mau palapala noi hoopuka kekahi' mau Pilipino, he 20 ka nui, l>e waiho wai nei maloko o ka aha t'ederala,. a ke kakali mai nei na poo ma Wakinekona, e ike i ka olelo hooholo a koonei nei aha federala maluna o kela ninau.