Ka Nupepa Kuokoa, Volume LIV, Number 27, 7 July 1916 — LOAA KE KINO O IA KEPANI ILOKO O KE KAI. [ARTICLE]

LOAA KE KINO O IA KEPANI ILOKO O KE KAI.

Mahope iho o nalowale ana no kekahi manawa pokole, i loaa aku ai ke kino make o kekahi Kepani o Ogata ka inoa, he Kepani nona kekahi halekuai, ma ke kihi o na alanui Puowaina ame Moiwahine, e lana ana maloko ae nei o ke awa i ka Hope Makai Nui Asch, ma kahi kokoke i ka uwapo o ka oihana kaua, ma ke kakahiaka o ka Poalua aku la. Na kekahi keiki Hawaii*i-ike i ke kino i ka lana iluna o ka wai, mailuna aku o kona waapa, ma ka hora eono 0 kela Kakaln'aka, a nana i hoike aku 1 ka oihana makai. I ka wa i hukiia mai ai o ke kino mailoko mai o'ke kai, a hoihoiia aku no ka halewai, aole i maopopo iki ka Mnoa o kela Kepani, i ka wa i hoea aku ai kona mau hoaloha i ka halewai/* e ninau ai no Ogata, me ko lakou manao, ua hoopaaia.paha no ka ona, akahi no a maopopo, eia ka ua make iloko o ke kai, a o ke kumu ia o kona nalowale ana. Ma ka olelo a na hoaloha, he Kepani inu nui o Ogata i ka waiona, ua haalele aku oia i kona hale ma ka po o ka Poakahi maluna o ko kaa otomobile a no ka huli hoi ole aku, i nokeia ai i ka huli, a na ka Joaa ana o kona kino make, i hoopau ae i na pohihihi i'.pau.