Ka Nupepa Kuokoa, Volume LIV, Number 33, 18 August 1916 — MAKE MA KA ULIA KAA OTOMOBILE. [ARTICLE]

MAKE MA KA ULIA KAA OTOMOBILE.

Oiai e paani ana mauka ae nei o ke alanui Moi, e kokoke la i ke alanui ololi Dowsett, ma ka auwina la o kn Poakahi aku la i halawai ae ai he keiki Kepani uuku nona ka inoa o Hara Mas6nori, mamuli o ka hooku'iia ana c ke kaa halihali ukana o ka oihana koa, me ka nui o kona poino, eia nae ua koe mai ,ke ola. Ma ka oleloia, .oiai ke kaa otomobile halihali ukana, o' ka oihana koa e holo mai ana ma ke alanui Moi, ua hoao kela keiki Kepani opio e a'e aku' ma kekahi aoao o ke alanui, ma ia hana ana nae i komo ai oia mawaena o na kukuna o ka huila, a wiliia kona mau wawae. Ua hele ka na wawae a palahe, me ka mokumoku ō na 010-na, a iloko nae o ka nui o ka eha, wahi a Kauka Ayer o ka halema'i o na ulia poino, o kela kana keiki i ike ai i ka hoomanawanui maoli, ma kona manawa e humuhumu ana i na wahi i poino o kona kino. Me ka nana maikai wale ia aku no ka e kela keiki, ahiki i ka pau ana o ka hana a ke kauka, alaila hoihoi loa ia aku la oia noloko o ka Halema'i Kauikeaouli, mauka ae nei o ke alanui Kuakini. Ma ke kakahiaka nae o ka Poalun nei, mamuli o ka nui loa o kona mau poino, ua make aku la oia; a ma ka olelo a na makai, aole e kau aku na sihewa ana māīuna' o ke kiakaa.