Ka Nupepa Kuokoa, Volume LIV, Number 52, 29 December 1916 — KO MAKOU AUNTY I ALOHA NUI IA, UA HALA. [ARTICLE]

KO MAKOU AUNTY I ALOHA NUI IA, UA HALA.

I ka Lunahooponopono o ke Kuokoa, Aloha oe: —E oluolu mai hoi kou ahonui ina he wahi keena kaawale kekahi o ka kaua hiwahiwa, no ka makou puolo waimaka a ke aloha e kau ae la mah:na, a nana hoi ia e hii hele aku maluna o kona kino lahilahi, e aloalo ana līoi i na ale hanupanupa o na kai ewulu. i ike mai ai na kini makamaka e noho ana me ka nanea ame ka haupu nu-.a ole hoi, 110 ka niau palamimo ana iLo nei o ko makou aunty aloha, Mrs. Keano Dudoit, mai ka hikina a ka la ma Kumukahi ahiki aku i ka a Ka la i ka mole olu o Lehua.

Ma ka leta a kuu pokii i aloha nui i» Mrs. Amos Mawae o Ka la i hala iho la, e ha'i mai ana i ka mea hou kaumaha no ka hala ana o ko makou ;\iinty a haalele iho la i kana mea aloha he kaue e noho u mau aku nona ma keia ao inea, ahiki i kona moe pu ana aku me ia. Ua haalele mai oia i keia ola ana ma k-. hora 9:30 o ke ahialii o ka po o Hol'u, la 8 o keia mahina, ma ko laua ho iee noho ma Waikiki, a huna aku la na maka i ke aouli, i ke ala polikua a Kane i ka moe kapu o Niolopua. t'a hanauia ko makou Aunty ma PeK'kane. Honokohau, Maui, mai ka puhak?i mai o Luka Kahoohuli (w) ame Kaieaina (k). 1 Makawao oia i hanaiia ai a nui, a mailaila i huli hoi mai ai a noho nia kona onehanau ma Honokohau nei. Maanei no oia i hoohui mua i:\ ai me ke kane a no ka manawa pokole ua hala no ia makua o na la opiopio. A mahope iho ua hoohui hou ia oia me Kapena Chas. Dudoit, a ua malama laua i ka berita maemae o ka marc iloko o kanakolu makahiki a oi oku palia, a i ole emi mai paha. Ma Honokohau nei no oia i hoonaaua( ia ai ma kana olelo makuahiue (Hawaii). Ua haalele oia i ka aina hanau nei a au aku i ke kai no ke kijlanakauhale o Honolulu i ka huikaulua o ke kaona, a malaila oia i hoohala ai i na l:«. loilii o keia ola ana ahiki wale no i !<cna hala ana aku la ma kela aoao niau o ka honua. He makuahine aloha keiki oia, oiai ua like kana malama ana ia makou na keiki a kona mau hanau mua me he mea hi he mau keiki mai kona puhaka ponoi mai. He makuahine oluolu, akahai, heahea. hookipa, lokomaikai ame na ano maikai no apau i hiki ole ke heluia aku. > Nolaila e ka Ua-ukiukiu ame ka Uaulalena o Piiholo, aole olua e hooma-u a e hoopulu hou ana i ke kino o ko makou Aunty i aloha nui ia. E ke kai holuholu o Kahului, aole e kapipi hou ana kou mau hunakai i kona mau papalina. E na Waieha e i ka makani kokololio o Waikapu, aole oe e pakolonahe malie ana ma kona mau papalina aloha. Ka maluhekuewa o Wailuku i ke pani wai o lao a kiei aku i ka Uahoehaili o Waiehu ame na huna wai lelehune o Eleile i ka makani kilioopu 0 Waihee, aole loa oukou e hoopulu hou ana i na papalina aloha o ko makou Aunty. E na pali hauliuli o na Honoapiilani 1 ka Ua-lulehua o Kaukini, aole oe e hooweliiwehi hou ana ma kana huaka'i hele. Nona paha keia mau lalani mele aloha ana malalo iho: He loa Puukoae he papa i ka makani, He mau puu kinikini he alu he kapekepeke. Ke nana iho oe ia Honokohau, Me he ku la na ka ahupea maikai Ka maloeloe i ke alo o na pali. E na Palipoikaohu ame na lalani mauna aloha o Eeke, e ku pohai mai ana me ko laua mau kulu kehau huihui ma na pali hauliuli, o ke one hanau o ko makou Aunty. aole olua e hoopulu hou ana i na lihilihi o kona mau maka oluolu. E ka bele kani ku'ilua o "Halelana Church" aole oia e heahea hou ana iaia ma kona puo'a alolia e komo mai a launa pu me na hoa uhaiaholo i ka pono o kona Haku aloha. E na pali hinahina i ka Uanahua o Kaanapali ame ka Ua lililehua o Napili, ua pau ko olua hoopili hou ana me ko makou Aunty oiai ua wehe mai la oia i ka pili hooko-o me makou kana mau keiki. E ka 'Ua Paupili o Lahaina i ka Malu Ulu o Lele i ka la'i o Hauola me ke kai nehe mai i ka aeone o Keawaiki ame na nalu paio lua o Uo, aolq oukou e hoopulu a e ka-pi-pi hou iho ana i ko oukou mau huneliune wai maluna e ke kino lahilahi o ko makou Aunty aloha i niau palamimo iho nei. E na ale hulilua aloha o Pailolo, a hoea aku i ka Mokupyni o Molokai Nui a Hina i ke ala kahi, e kiei ha-lo ana L»oi i ka Ulukukui o Lanikaula, a kilohi aku hoi i ka wai lele o Moaula i ka lft'i o Halawa, aole olua e ike hou ana i ka maaloalo ae o ke kino o ko makou Aunty aloha; luuluu wale. E ke one laula o Kamiloloa ame ka malu kiawe o Kalaiakamanu aole e hehihehi hou ana na kapuai o ko makou Aunty aloha maluna o ko olua mau huneone ame ka malumalu kiawe. E na ale hanupanupa o Kaiwi a hoea aku i ka la'i o Kou, i ka huikau lua o ke kaona uluwehiwehi o Honolulu, o ke kapikala hoi o ke Teritore Hawaii, kahi ! hoi ana i kukulu paa iho ai i kona home ma keia ao, ahiki wale i kona moe ana aku la i ka moe kau a moe hooilo. Pela paha i ko ai keia mnn olelo i palapala ia ma ka Baibala:

"Aole o kakou kulanakauhale e mau ana maanei." Aloha no! Ka lani kuu hOme e maha mau ai. Pokole paa ole kuu noho maanei; Xo keaha e ohumu ke kau paapu mai, Na eha, na luhi, na kaumaha e. E ka I'a Hamau Leo o Ewa, mai walaau ae oe; e Waianae i ka Ehukai o Puaena, e Waialua i ka la'i o Haleiwa Hotel; e Laie i ka eheu o na manu; e na pali hauliuli o Koolau ina koa amokumoku o Heeia a kaalo loa ae tna na lae kaulana o Makapuu ame Kawaihoa a hoea loa mai i ka luna o Daimana Hila, e kiei iho ai ia Waikiki, ka home aloha o ko makou Aunty i hookahua paa iho ai no na la i kaahope ae nei o keia noho inea ana. Aole loa e hehihehi ku hou ana kona mau kapuai wawae maluna o keia mau wahi ma kana huakai hele no ka mokupuni nui palahalaha o Kakuhihewa. Luuluu wale oia!

Nolaila e Kauakukalahale o Honolulu, e ka Uakuahine o Manoa, e ka Uapopokapa o Nuuanu, aole loa oukou e hoopulu hou ana i na lihilihi maka aloha o ko makou Aunty i aloha nui ia. E nn bele kuilua a kuikolu o na betela 0 Kawaiahao, Kaumakapili, Kealaulaokamalamalama me ko oukou mau ipuka laahia, aole loa oukou e ike hou ana 1 kona maaloalo a mele pu me na hoa puahana iloko o ka hana a kona Haku i aloha nui ai oiai oia e ola ana i keia ao nui akea. Aloha ino no ko makou Aunty. Ma lea mahina o Aperila i hala i kipa aku ai o Mrs. Annie Kapaku ame na moopuna ana e ike iaia ma kona liome. A ma ka la 11 hoi o lune i kipa aku ai au kana keiki ma kona home no ma Waikiki; eia ka o ko hope pu ana ka ia me ia; mo ka manaolana no nae e halawai hou aku ana no me ia i ka 1917, e hoea mai ana, aka, ua hilihewa nae ia mau upu ana. Nolaila, i ka hooki ana ae i ko makou mau waimaka aloha nona, ke komo V-u aku nei makou me ko makou unele i hoonele ia me kana mea aloha he wahine iloko o na haawina luuluu kaumaha, a u pu ana. Ia olua hoi e Mrs. Lucy ame Ben Keala ame Ella ame kana kane ame ko olua kaikunane Geo. Dudoit, no oukou ko makou waimaka aloha no ka haalele ana mai la o ka mama i aioha nui ia, ia oukou e paiauma aku ana ma keia aoao o ka muliwai eleele o ka make. Aloha, aloha, aloha wale no oia! Ke pule nei makou i ke x\kua Kiekie Loa, e oluolu Oia e lawe aku i ko oukou mau kaumaha luuliiu ame ko kakou pu apau, a na Kona lokomaikai no hoi e hoomama pu mai i ko kakou mau naau kaumaha luuluu no kona hala ana aku ma ke ala mau o na mea apau, I ka hoopau ana i keia mau manao luuluu no ko makou Aunty i aloha nui ia; me ka Lunahooponopono ame na keiki oniu hua mekala o kou papapa'i ko makou adieu. O makou iho no kana mau keiki me ka luuluu, DAVID KAPAKU, MRS. A. L. KAPAKU, MRS. A. J. MAWAE, MRS. L. B. KEALA. Honokohau, Maui, Dec. 20, 1916. +++