Ka Nupepa Kuokoa, Volume LV, Number 18, 4 May 1917 — MAKE MAMULI MAI O KA NAAUPO [ARTICLE]

MAKE MAMULI MAI O KA NAAUPO

Mamuli o ka naaupo, me ke kuhihewa i ka laau hoomake i ka ulu ana o ka nahelehele, he sake (rama Kepani), i poina ma'uwale mai nei ke ola o ia Kepani o ka mahiko o Piihonua, maloko o ka halema'i o Hilo, ma o ka inu hewa ana i kela laaumake, i kulike ai me kekahi meahou mai Hilo mai, i kai.n:ii mai i ka nupepa Advertiser, o ka Poakahi iho nei. Elike me kela meahou, ua kauohaia aku la he Kepani e lawe i kekahi kini o ka laau hoomake nahelehele no kekahi mala ko ma ka mahiko me Piihonua, a no ke kuhihewa o kela Kepani, he sake ka wai maloko o ka pakeke, mamuli paha o ka like, o ke ea me ko ke sake, ua inu ae la oia i kekahi wai i ka pakeke. Ua olelo aku ka haku hana o kela Kepani. e hoea aku ana oia no kahi o ka hana, a ua Kepani nei a he oiaio, iaia i hoea aku ai, e waiho mai ana ke Kepani iloko o ke kulana kupilikii, me ka olelo ana mai, ua inu oia i kekahi wai o ka laaumake, oloko o ke kini. Ua hoihoi awiwi loa ia aku kela Kepani noloko o ka halema'i, a he manawa pokele mahope mai, ua make loa aka la oia no ka mea, ua lohi loa ka hanaia ana aku o kekahi mau mea nona e pono ai.