Ka Nupepa Kuokoa, Volume LV, Number 20, 18 May 1917 — KE KANAWAI UKU O NA LIMAHANA [ARTICLE]

KE KANAWAI UKU O NA LIMAHANA

Ma keia kau i hookomoia ae ai ke Bila Kauawai iloko o ka Hale o na Lunamakaainana 110 ka uku o na limahana e ka Mea Hanohano Ed. Waiaholo o Lahaina, Maui, a o ia 110 ka bila helu elua o ka hale. Ua loihi ka waiho ana o keia Bila Kanawai iloko o na hale a elua, aka ma na la hope o ke kau i hooholoia ae ai, ua Bila Kaiawai la e lilo i kanawai. O ka uku o na limaliana o ia kekahi mea hana mau ia iloko o kela ame keia kau ahaolelo, no ka nana ana no i ko lakou pono, oiai lakou e hana ana i mea e ola ai lakou ame ko lakou ohana, aka ua holo mai la nae ke kanawai elike me ia i hookomoia e ka Hon. Ed. Waiaholo. He mea na na limahana e haawi aku ai i ka mahalo i kq kauwa hoomanai)vanui no ka hooikaika ana i ka pono e ola ai ka hoakanaka, aole no paha e manaoia ua lawa ia uku no keia v mau la ano nui e nee mai nei, oiai ke pii ae nei na mea kuai, aka, ua. hookoia nae ka makemake o na limahana no elua dala ($2.00) o ka la. O keia kekahi o na kanawai ano nui loa iloko o keia kau ahaolelo, no ke ola o na limahana o ka aina, ma ko makou aoao, ke haawi aku nei i na hoomaikai ana i ka Mea Hanohano Ed. Waiaholo. Me ka mahalo nui ia oe, hoi puolo mai la no ke keiki o Maui. S. K. KAAIKALA, Mea Hana Alanui. He nui wale na malihini koikoi o ke Aupuni ]\lakua, ī kipa mai i Hawaii nei. a ike i ke kulana hanohano o Meia Lane, a haawi mai i ko laj kou mahalo ana iaia no kona ano keonimana maopopo. O na hoa o j ka Ahaolelo o ka Aina Makua kekajhio ia poe. Ooe e Havv r aii Lahui jka i hanohano. Koho ia John C. j Lane i Meia.—Hoolaha.