Ka Nupepa Kuokoa, Volume LV, Number 25, 22 June 1917 — HOOKOHUIA O BAKER MA KAHI O KAULUKOU [ARTICLE]

HOOKOHUIA O BAKER MA KAHI O KAULUKOU

No ka pani ana ae i ka makalua, i hoohakahakaia iho, ma o ka make aua aku nei o ka Lunakanawai John L. Kaulukou, i hookohu ako ai o Kiaaina Pinkham, ia David K. Baker, o Keei, Kona, Hawaii i lunakanawai apana, no Kailua, no keia mau makahiki elua e nee aku nei. Mamuli o kona ano he loio, a i kamaaina hoi i na hana o na aha hookolokolo, ua manaoia, ua kupono loa o' David K. Baker, ma kela kulana lunakanawai apana no Kailua. He loio ka David K. Baker oihana, mamua o kona hookohuia ana aku la e ke kiaaina, ma kekahi o na kulana ano nni, o ka hooponopono aupuni Teritore; a he senatoa no hoi oia, no ka ahaolelo kuloko, no kekahi mau kau, a ma ke kau wale no i hala aku nei, i koho ole ia ai oia, mai Hawaii mai i hoa noloko o ka ahaolelo. I ke koho wae moho, o na kulana oihana mai nei o ke Kalana o Hawaii o David K. Baker, kekahi i alualu mai nei e loaa iaia ka waeia, ma ka aoao Demokarata, no ke kulana lunahoomalu o ka papa o na lunakiai, ua haule' nae oia, me kona wae ole ia ana, a o David Ewaliko ka mea i waeia ae, ma kona aoao fffalaiaina, eia nae, ua pono no kela wae ole ia ana i moho, eia ka he kulana oihana okoa, ka mea i hookaokoaia nana e lawelawe aku.