Ka Nupepa Kuokoa, Volume LVI, Number 7, 15 February 1918 — Page 7

Ka Nupepa Kuokoa

KE KILOHANA POOKELA NO KA LAHUI HAWAII.

 

            "Aole anei oukou i ike i kela lio eleele, me ka wahine iluna o kona kua o ke pelu hope ana mai nei?" "Aole makou i halawai iki me kekahi lio eleele, koe wale no kela manawa a kakou apau i ike ai a i hookolo mai ai no hui or mahope ona. o ia wale no ka wa a makou i ike ai: ina hui ha no ko makou ike i kela lio ame ka wahine e kau ana maluna o kona kua. nawai hoi ia e pakele aku, e paa ana kela wahine i ka hopuia e makou. aole nae pela, ua nanea pu wale no ka makou hele ana mai nei. a hui pu iho la me oe o ko makou haku." i pane mai ai no hoi na naita elima.

            Ma kela wahi i hoomaka aku aia ke Keikialii Marino e ho-ike i ke ano o kana mea i ike ai a i hoomaopopo ai hoi no kela wahine holoio oloko o ka ululaau o ia hoi he wahine maoli no kela. aole he akua lapu o ke kumu o kona mamo ana pela. aole e hiki i na akua lapu ke holo maluna o ka 'io. a o kekahi n hoi, in a kela he wahine uhane, alaila ua hiki oia ke nalowale honua me he aka la i maalo ae a nalowale aku. aole nae pela ke ano o kela mea ana i alualu ai aka he oni ana kona elike no me ke kino o na kanaka, e ani in a i kana huipa iluna o ka lewa. a e hookikina ana hoi i kona @. o ka mea wale no nae nana i hookahaha nui mai i kona aoo-noo, o ia no a hikiwawe loa o kona nalowale and mai iaia aku.

            Hoike aku la oia i kona noke ana i ke alualu i kela wahine ahiki i ke kokoke loa ana e pili ma ke aoao o kona lio. e a nae iaia i manao ai e paa ana ke kolohe i ka hopuia o ka wa ia i pelu hope ai ai kona lio a he pulelo ana no kona lole kana i hoomaopopo, o ka wa no ia i lele aku ai ka lio o ua wahine nei a nalowale ana iloko o ka ululaau, aku iho la oia i kahi o ka hoaa, me ka hoka.

            Oiai. aole he hana aku i koe, ua nalowale ka manu. he naele okoa oloko o ka ululaau e noke aku ai i ka huli. hoike okoa aku la ua keikialii nei, o ka mea pono wale no a lakou e hana ai, o ia ka huli hoi pololei ana aku no ke kulanakauhale. a iloko o na la elua mai kela la aku, e pii hou ana i kela wahine.

            Ua maikai kela mau hoakaka a ke kaikialii i ka manao o kona mau naita. nolaila noho nui iho la e ai i kekahi mau meaai mama. a kamau wahi waina no hoi, he hapalua hora ko lakou manawa o ka ai ana. kau hou ae la maluna o ko lakou mau lio. a hoi pololei aku la no ke kulana kauhale, no ka hoomakaukau hou ana no ka lakou huakai.

            Oiai hoi ka Keikialii Marino ame kona mau naita e huli hoi la me ka hoka no ke kulanakauhale, e hoakaka pokole aku hoi ka mea kakau maanei e pili ana ia Magarita.

            Ma kela manawa a Magarita i haalele aku ai i ke keikialii nana oia e uhai hele ana iloko o ka ululaau. ua hoi pololei loa aku la oia no ke Kakela Melodiana, a imua o ke Kilokilo Monika, i hoike aku ai oia i ke ano o kana huakai hololio, ame kona hahaiia ana e kekahi kanaka opio, pela hoi ka hoohokaia ana o ua kanaka nei eia.

            No kekahi mau minuke loihi, aole ke Kilokilo Monika i pane koke mai, aka kulou iho la nae kona poo ilalo a li‘uli‘u, ia wa i aea ae ai iluna a kamalilo mai la:

                        "Ke ole au e kuhihewa, o ke Keikialii Morino aku la kena o Hunegari nei, no ka mea o ke kanaka hookahi wale no ia ma keia aupuni i lako me na lio holo i pilipili mai mahope o kuu lio punahele nei o Pomelia.

                        "Nolaila e hoolohe loa oe e kuu kaikamahine i ka‘u mau mea apau e kauoha aku nei ia oe, o ia no kou makaala loa ana ia oe iho ma keia hope aku, no ka mea ke hali‘ali‘a e wale mai nei no ia‘u, ua paa ka manao o kela keikialii, e hahai ana oia mahope o kou meheu ahiki i kou paa ana iaia. i wahi e hookaulanaia a‘e ai kona inoa. a ke ike mai oia i ka u‘i o kou helehelena. aole ana e nele ka hoohihi o kona manao. a hoao e lawe aku ia oe i wahine nona. no ia kumu la makaala loa oe i keia keikialii

                        "Ma keia mua aku. e pono oe e noonoo i kau mau wahi e hele ai maloko o na ululaau, a mai pono hele nanea wale o hoea mai auanei i kou wa e halawai ai me na poino i oi aku i na popilikia au i alo ai i na la aku la i hala."

            I ka pau ana o na manao o kela Kilokilo Monika i ka hoakaka imua o Magarita, o ko laua nei hoi aku la no ia. no ka paina ana i ka aina kakahiaka, a mahope aku o kela manawa i hoi aku ai o Magarita maloko o kona rumi kula, a hoomaka aku la no e hoopaanaau i na haawina e a‘o mau ia ana iaia e kana kumu, no na makaukau i makemakeia ai e loaa aku iaia.

            Ma keia wahi. e waiho malie iki aku kaua e kuu hoa kaana o keia nanea i ka U‘i Magarita e hooikaika ana i ka hoopaanaau ana i na mea a ke Kilokilo Monika i a‘o aku ai iaia. a e huli ae hoi kaua a nana i ke Keikialii Morino. pehea aku nei la ua keiki nei, ke makaukau mai nei paha no ka lua o kana huaka‘i hookolo mahope o ke kinowailua ma alo oloko o ka ululaau.

            Ma keia huakai elua a ua keikialii nei. ua kauoha pu aku la oia i kona mau kanaka e lawe i kona mau lio holo loa elua. o na lio helu ekahi keia ma Hunegaria apuni, me ke ku ana iho o kana kaena. e loaa ana kela wahine hoopahaohao iaia. a e huli hoi aku ana hoi oia no ke kulanakauhale me na manao haahea, me kona moeuhane mua ole nae. e lilo ana kana mau kuko apau i mau moeuhane palaualelo, no ka mea e hoohokaia mai ana oia ma keia huakai. alia nae hoi oe e kuu makamaka heluhelu e pulale koke mai, pela iho ka ono. ahiki aku i ka piko, i kahi momona.

            Ua pahola aku ka lono no keia huakai elua a ke Kaikialii Marino aupuni ke kulanakauhale. nolaila mamua o kona haalele ana iho i kona halealii me kona mau kanaka. i lako me na makaukau apau no ka paa o kela wahine hookalakupua iaia. ua hele na alanui a hookeke i na kanaka. aia hoi iloko o lakou na manao paa. e huli hoi mai ana ko lakou keikialii, meka pomaikai, a me na leo huro o ka piha ohohia. i noke mai ai lakou i ka uwa. i ua keikialii nei, e hele ana ma ke alanui e moe ana nouka o ke kuahiwi.

            No ka piha ohohia loa o kekahi poe kanaka opio. ua hahai okoa mai la no lakou ma keia huaka‘i a ke keikialii. aohe no hoi he hooleia aku o ko lakou manao. o ka makemake no ia o ua keikialii nei. o ka nui o na hoa e pii pu ai ouka o ke kuahiwi.

            O keia la a ke Keikialii Mariano e pii hou nei nouka o ke kuahiwi. o ka piha ana ia o na la he umi-kumamahiku o ko Magarita noho ana malalo o ka malu o ke Kilokilowahine Monika: a he umi-kumamakolu hoi la i koe. alaila hookokokeia mai ka manawa e komohia aku ai oia iloko o ka noho hauoli ana.

            O ka pii hoi ia o ka huakai a ke Keikialii Mariano a hoea ma kahi e komo aku ai noloko o ka ululaau, ua lele iho la na mea apau mailuna mai o ko lakou mau lio, no ka hoomaha ana, a no ka ai ana hoi i kekahi mau meaai a lakou @ ka paa pu ana aku. Ua piha he hora me ka hapa kela hoomaha ana o lakou, ia wa no i pa‘i aku ai ke keikialii i kona mau kanaka, e hoomau aku  ka pii ana e hoea aku ai iloko o kahi hihipe‘a o ka ululaau.

            Elike me ka leo kauoha, pela na kanaka i hooko aku ai. a pii nui aku la a aole lakou i hoomaha iki a hoea wale i ke a wahi mua no a lakou i hoomoana ai. ma kela huakai mua. malaila i lele nui iho ai ilalo. a kakali aku la o ka ike hou aku i ka wahine hololio o ke kuluaumoe.

            O kela manawa a ka huakai a ke Keikialii Mariano o ka hoea ana aku ma kela wahi. o ka hora uni no ia o ka po. nolaila aole no he loihi o ka manawa e kakali aku ai, alaila oili mai ka wahine hookalakupua oloko o na ululaau. in a hoi. no kona hele hou mai i ka hololio ma ia po.

            He mea oiaio, oiai no ua poe nei e kakali ana. aia hoi, elike ma ka nu ana a kekahi makani ikaika. pela iho la lakou i lohe aku ai i kekahi halulu, a hoomanao mai la ua poe nei, o ua wahine hololio la ia o ka ululaau a o ka mea hoi a la kou e kekali aku ana. me na manao paa,e hopupio iaia me ka mama o na lio o ke keikialii.

            He manawa pokole loa, mahope iho o kela lohe ana aku a ua poe kanaka nei i ka halulu iloko o ka ululaau. aia hoi, maalo ae la he lio eleele mamua ponoi o ko lakou mau maka, a ma kahi o ke kino wahine hoopahaohao. ka mea a lakou i ake aku ai e kaa mai he pio na lakou, he kino kane ke kau ana maluna o ka lio, a ua kahikoia hoi oia me kekahi kapakila eleele. a he papale kila eleele no ke kau ana maluna o kona poo, a ke nana au. he elele wale no na mea apau, mai ka mea e kau ana maluna o ka lio, a hui pu iho hoi me ka elele o ka lio. he pouli hoi kau a kana mai.

            I kinohi, ua manao loa ke Keikialii Mariano, e kauoha aku i kona mau kanaka e huli hoi lakou no ke kulanakauhale. mamuli o kona noonoo ana iho, o ka wahine ana i ake loa ai e hopu a paa. aole ia he kino kanaka maoli. aka he kino lapu ia ma o keia ike ana aku. he kane ka mea maluna o ka lio eleele; aka nae he hoohiki paa kana i hana ai. e hookolo no oia mahope o ka meheu o kela kino wahine hoopahaohao ahiki i ka maopopo ana iaia o kona ano maoli. in a paha he akua lapu. a i ole he kino wahine maoli no paha.

            Mamuli o kela olelo hoohiki. ua huli awiwi ae la oia i kona mau hoa a i aku la: "E hookolo mai oukou apau mahope o‘u. e alualu ana au i kela mea maluna o ka lio elee. e ahiki i kona loaa ana ia‘u i keia po, a o oe e Sa Naita Romela ke hookolo ololei loa mahope o ko‘u alahele me kekahi lio o‘u, no ka mea i ka manawa e maloeloe ai keia lio o‘u, ua kokoke hoi oe mahope, alaila kau au maluna o ka lua o kuu mau lio, pela auanei e paa ai kela mea nana i hoouluhua loa mai i kuu noonoo."

            "Hakalia no a pau na olelo maluna ae i ke kamailioia ak e ua Keikialii Morino nei, o ka hoohuli ae la no ia i kona lio, ma kahi i nalowale aku ai o ka lio eleele, a pane iho la i keia mau huaolelo: "E Siama, kuu lio punahele, ka mea hoi a‘u i kapa aku ai, o ka makani puahiohio kou hoa e like ai, e ukali pololei aku oe mahope o ka meheu o kela lio eleele pahaohao ahiki i ka paapio ana o ka mea e kau ana maluna o kona kua ia‘u i keia po." o ka wa no ia i lilo aku ai o ua lio nei. nana aku oe ia la moe kololio, o ia no oe o ka uawhi o Kula. a elike me ka ilio hahai holoholona. e ukali ana mahope o ke dia opiopio, pela iho la ka lio o ua keikialii nei e alualu ana i ka lio eleele iloko o ka ululaau.

            Ke kuupau la ke Keikialii Marino i ka holo o kona lio me kona ike ole aku i kekahi mea mamua on a, a hoea kona lio i kekahi kualapa iho aku la ilalo o ke awawa a pii iluna o kekahi kula oneanea. ilaila i kaohi mai ai oia i ka holo o kona lio, ke alaalawa la hoi kana nana ana ma o a maanei. aole no on a ike aku i kekahi mea i ka maalo ae, alaila pane iho la oia i kona lio:

            "E kuu Siama hoomanawanui, ke manao nei au. ua lalau loa ka kaua wahi o ka hookolo ana mai nei, no laila e hoohuli kaua i alahele okoa. malia o ke alahele ia e wi ai ka niho o ke kolohe," alaila hoohuli ae la oia i kona lio. me ka manao e holo aku ma ke kukulu hikina, o ka mea kupanaha nae. a he mea hoi ana i ike mua ole ai i kona lio e hana aku ana iaia pela. o ia no ka ae ole o kela lio e hele aku ma kana wahi i makemake ai.

            Ua lilo keia hana hoohoka a kona lio i kumu e hoalaia aku ai ka manao huhu me ka inaina iloko o ke Keikialii Marino, nolaila i uku hoopa‘i no kela hana a kona lio iaia. ua pahu ae la ua keikialii nei i ka aoao o kona lio me kona mau ke-pa, aole no nae ia he kumu no kona lio e hooko aku ai i kona makemake. aka lele ae la ua lio nei a ku pololei iluna. a haule hou iho la iluna o ka honua. me ke koo ana aku o na wawae mua iluna o ka honua. e hoike okoa mai ana i ka paa o kona manao. aole e neeu aku he hookahi inaiha imua, mai kela wahi ana e ku la.

            Ua lilo keia hana a ka lio i kumu ano e no ka noonoo o ke Keikialii Marino, nolaila lele okoa iho la oia ilalo, a alakai maoli aku la ma ke kaulawaha. akahi no ka lio a hele aku mahope o kona kahu, aka iaia nae i hoomaka ae ai e hoohuli ma ke alahele ana i makemake ai, ua hookololohe hou iho la kona lio. me ka hoopiha loa ia ana aku o ua keikialii nei me ka inaina. a nana pono mai la oia ma na maka o kou lio. aia hoi ua hele a eena, me ka moe pololei hoi o kona mau pepeiao imua, ne he mea la e hoolono ana no kekahi mea. a i ole. ua hele paha a kau ka weli no kekahi mea ana i ike ai.

            Ua hookahaha loa ia aku ka manao o kela keikialii no keia ano o kona lio, aole nae he mea hiki iaia ke hana aku, no ka mea ua noho haku mai ka lio maluna on a iloko o kela wa, nolaila kau hou ae la oia maluna o kona lio, a peku ae la no ka hele ana aku ma kela alahele no a laua o ka holo ana mai. a ma kahi nae o ka hele ana aku o ka lio imua. ua lele ae la oia a kiekie, a ia haule hou ana iho o kona mau wawae iluna o ka honua, o ka hoomaka aku la no ia e kupau i kona holo. elike me ka mama apau i loaa iaia. ke noke la ke Keikialii i ke kaohi, he ole ka paa mai, ke lilo la na ka lio ka hana.

            O kaua pu kekahi e ka makamaka heluhelu o keia nanea i hoopohihihi ia mai. mamuli o keia mau hana ano e a kela lio. aka nae. o ka mea oiaio. ua hoopuhiliia na kuko palaualelo o ke Keikialii Morino, e na hana hookalakupua a piha eepa a na uhane lapu oloko o ka ululaau.

            Ke noke la ka lio i ka aha‘i me ka ikaika apau i loaa i kona mama, me he mea la. aole kekahi kanaka maluna o kona kua. a o ka lio ahiu kona hoa e kohu ai. Ke holo la o Siama a iho ilalo o kekahi kahawai, malaila aku a pii iluna o kekahi kualapa. a hoomaka aku la e holo a mamua nae o ke komo ana aku iloko o ka ululaau. ua ku iho la ua lio nei. me ka neeu hou ole aku imua. a iole ia pelu mai paha ihope. aka ku maile iho la oia i kahi hookai, ua hele no hoi a pau ke aho.

            I ua lio nei no a ku iho i kahi hookahi. ia manawa i lohe aku ai o Marino i kekahi leo nahenahe loa. e mele ana i kekahi himeni. nana i hookomo mai i ka manao aloha walohia iloko on a: a o keia na olelo o ka himeni ana o ka lohe ana aku, e meleia mai ana e kekahi kileo nani a ka launa ole ana hoi i lohe ole ai mamua: "Imi au ia oe e ke aloha la, Ma na paia aala o Puna: Ihea la oe i nalowale iho nei, E hoi mai no kaua e pili. Nawai e ole ke aloha la. Ua silaia oe a na‘u mau; Hiaai wale hoi ka manao la, E ike ia oe e ke aloha."

            Hoolono maile aku la o Mariona i na olelo o kela mele ahiki i ka pau ana, ia wa i komohia okoa iho ai ka manao aloha iloko on a no ka mea nana e kanaenae mai ana i kela mele ku i ke aloha, iloko o na hora o ka pili o ke ao, alaila ala mai la na hoomanao ana iloko on a. o ka mea nana i mele mai i kela himeni, he ipo ia i hele a luulu na manao no kana mea i aloha ai. a e hoonana wale ana no hoi i na haawina ikiki kupouli i ka hana a ke aloha.

            No ka piha loa o Marino i ka ilihia no na huaolelo o ka himeni i mele ia mai me ka nanahe loa. ua ku maile iho la no oia ma kahi hookahi me ka nauwe ole. a i ole hoao aku paha e hoomau i ka hele ana imua ; eie nae, iaia no e ku malie la. a e nalu nui ana hoi i ka mea nona kela leo himeni. ame ka ipo nona. ua mele nei i kanaenaeia mai. ua lohe aku la oia i kekahi leo uwe niailoko mai o ka ululaau: aole ao nae i hoopilikia niai kona noonoo. aka ke hoolohe malie la no oia. ahiki i kona lohe okoa ana aku i keia mau olelo kaukau. ka me hoi nana i haawi mai ia kaua e ka makamaka heluhelu i ka ike. i ka mea nona keia leo. o ia no ka U‘i Magarita :   "E kuu Hawila aloha, eia oe ihea? Ke imi nei au ia oe i ka nae e i ka hihipe‘a o na laau. Eia iho nei oe ihea i nalowale ai. Hoi mai kaua e pili i hoomamaia ae nei puuwai."

            Ke hoolohe mane ia o Morino i ka e kaukau o ka mea ana i ike ole ai ahiki i ka pau ana, ala la hooholo iho la oia i kona manao, e hele aku no. ko o ka ululaau, a e hui pu me ka mea nona kela leo. ia wa i hoomaka ae ai oia e pahu i ke ke-pa ma ka aoao o kona lio. o ka mea apiki nae. aole oia i ka pekupeku ana i ko a i o me ka ikaika. me ka hahau okoa ana iho hoi i ka huipa. he ole no ka neeu aku o ka lio imua, a elike me ka noke iho o Mariona i ka hookikina i kona lio iaia. ahiki i ka pau okoa ana o kona aho. a hoomaha iho la oia. me ka hoonaukiuki pu.

            Oiai no nae ua o Mariona e hoomaha ana i ka mauluulu o kona lima i ka hahau i ka huipa ame kona mau wawae hoii ka noke i ke peku i na ke-pa ma ka aoao o kona lio, ia wa i lohe aku ai oia i ka halulu ana mai o kekahi mea, mailoko mai o ka ululaau ma kekahi aoao mai. a he manawa pokole, oili ana no kela lio eleele ana o ka ukali ana mai mahope, a e kau ana no hoi ke kino kane maluna o kona kua. me ke kapakila eleele.

            Mamuli o ka oili hikiwawe ana mai o kela lio eleele mai kekahi aoao mai o ka ululaau. ua hoopioo loa ia mai kona noonoo. me ka hiki ole loa iaia ke koho aku, o kela mea no paha maluna o ka lio eleele. ka ea nona ka leo himeni ame ka leo uwe ana i lohe ai. a i ole he mea okoa loa no paha. aka, e huli aku ana nae oia akiki i kona ike maoli ana i ka mea oiaio.

            He manawa pokole kela noonoo ana iho o Marino hooholo koke iho la no ua keikialii nei. he mea pono e hele mua oia maloko o ka ululaau, malia aia no maloko olaila, ka mea nona ka leo himeni ana i lohe ai. nolaila hoeu ae la oia i kona lio no ka hele ana aku imua, a elike no me ka hana a kela lio mamua aku. pela iho la no oia i lele ae ai iluna, a ia haule hou ana iho o kona mau wawae ilalo. ua huli ino ae la ia ihope, a hoomaka aku la e holo me ka mama palena ole, ma kela alahele mua no ana i lawe mai ai i kona haku a hoea i kela wahi.

            He hana hoopahaohao loa keia a Siama i kona haku alii. ka mea ana i hana ole aku ai i kona haku pela mai kinohi mai ; aka nae, o na ulia iho la no ia o ka manawa. he mea i maopopo mua ole ia kakou apau.

            Ma key huli hoi hope ana aku a Siama. ua oi aku ka mama o kona holo ana. mamua o na manawa e ae. a ke ike la ke Keikialii Marino. o ka puliki wale no a paa i ka hulu a-i o kona lio, ke kumu e mai ai kona paa iluna o ke kua o kona lio, a aole i emo iho  ia holo ana aku a laua iho ana no ilalo o ke kahawai. ke wehewehe ae la kaio i kela manawa a hele no hoi a kau ma kekahi aoao. he kula oneanea ia. ike aku la ua keikialii nei i ka lio eleele i kahi mamao loa. a me he imo ana la na ka maka, ua nalowale aku la iloko o ka ululaau o Urania. a pau aku la kona ike hou ana ; akahi no a hoi pono mai ka noonoo maikai aloko o ua keikialii nei. me ka ika ana iho. aole he mea okoa ka mea nona ka leo himeni ame ka leo uwe ana i lohe ai, aka no kela mea no ia e kau ana maluna o ka lio eleele. a ua pololei hoi ka hookolo ana a kona lio mahope o ka meheu o ka mea hololio hoopahaohao.

            Hoopau loa ae la ua keikialii nei i kona mau manao kanalua apau. me ka hooiaio ana iho. aole he kino kane ka mea e kau ana maluna o ka lio eleele, aka o kela wahine hoopahaohao no ia ana o ka noke ana i ke alualu ma ka po mua a hoohoka@a ai oia : a no keia hoohoka hou ia ana mai on a. no ka lua o ka manawa, i kaohi okoa mai ai oia i ka ho‘o o kona lio, a noke ae la i ka akaaka. i kona ku i kahi o ka hoka.

            Iaia nae i hoomanao ae ai i na olelo o ka himni ana o ka lohe ana maloko o ka ululaau, akahi no a komo mai ka manao iloko on a. o ka mea nana i mele mai i kela himeni. me he mea la o ka ipo aloha no ia a Hawila o Rokenekai. ka Naita Pahaohao hoi, nana i aha‘i ae i ka lanakila o na hookuku apau o na lealea i malamaia ma Roma, no ka mea ua lohe oia. ua hookauia o Hawila maluna o ke kua o kekahi lio mai i kona manao. in a o Magarita kela e huli hele ana ia Hawila ma ke ano naauauwa. pehea la ua kaikamahine nei i hemo mai ai mailoo mai o ka halepaahao, a in a hoi aole kela o Magarita, alaila owai la keia wahine hookalakupua o na ululaau?

            No ka nalowale ana aku o ka lio eleele me ka mea e kau ana maluna o kona kua. mai ka ike ana aku a ke Keikialii Morina. ua pau loa ae la ka hoihoi iloko o ua keiki nei e hookolo hou aku mahope o ka mea ana i hoohiki ai. e paapio ana iaia, nolaila hoomau mai la no oia i ke hele malie ana i kona lio, a ua ao loa ae la hoi i kela manawa, me kona hooluhi hewa ia nae. a maloeloe makehewa hoi kona lio i ka uhai i ka puahiohio, eia nae. ua pomaikai no oia, ua loaa aku iaia kekahi mea ano hou ma ia po.

            I ua o Morina e hoi malie la. a e kulou ana hoi ke poo ilalo. ke ano o ka pow hoihoi ole, a i poho na manaolana. lohe aku la oia i ke pahupahu mai o na kapuai o kekahi lio mahope pono aku on a. nolaila huli mai la kana nana ana ihope, he oiaia ua ike mai la oia i kekahi kanaka opi e holo aku ana maluna o kona lio, a kaohi mai la ua o Morino i kona lio me ka hoohuli ana mai no kahi a ke kanaka malihini e holo aku ana.

            Ke hakilo pono aku la ke Keikialii Morino i keia hololio o ke kakahiaka nui o ka mea i loaa aku uaua, o ia no na manao hoohihi me ka mahalo. no ka hieie o keia malihini a he kilakila hoi kona mau ano apau, e ume maoli ia aku ai no na mahalo ana a ka poe apau e ike aku ana iaia maluna o kona lio.

            I ka hookokoke ana mai o ua hololio malihini la. ia wa i hooho ae ai o Morina i ka pane ana ae i keia mau olelo : "He naita ae ka keia kanaka e holo mai nei, ke ike nei au i kona aahu, he kapakila omaomao, a he hulu omaoma hoi ke kilepalepa mai la maluna o kona papale kila. Ike aku la oia ma ka aoao akau o ua naita malihini nei. e lei ana oia he pila gita. nona na kaula e anaanapa ana i na kukuna o ka la, e hoolele mai la maluna o ka honua, a ma kona aoao hema hoi. he kailewa ana kana pahikaua.

            I ka holo ana mai o ka lio o ua naita nei a kokoke i kahi a Marino e ku aku ana. kaohi aku la oia i ka holo o kona lio. a haawi mai la i kona aloha kakahiaka iaia nei, me ka hoohela ana mai i kana ninau ana :  "Ke ole au e kuhihewa, o ke Keikialii Morino anei ka‘u i haawi aku nei i ke aloha?"

            "Ae owau i‘o no ia. elike me kau i hoomaoe mai la." i pane mai ai no hoi ke Keikialii Morina. me ka panai pu ana mai no hoi : "Ua loaa anei ka hanohano o ka ninau ana aku ia oe. o ka Naita anei o ke Kapakila Omaomo ka mea e kamailio pu nei me a‘u i keia wa omamaka o ke kakahiaka nui. a‘u hoi i lohe ai, e noho ana ma na ululaau o Hiela?"

            "Owau ua kanaka la au i lohe wale ai, a na kanaka o kou aupuni i kapa mai ai ia‘u. ma ka inoa ka Naita o ke Kapakila Omaomao, aka o ko‘u inoa pololei nae, oia no o Hawila."

            "E Sa Naita Hawila. ka mea nona ke kaulana i ku‘i aku apuni ke ao nei. ma ka ikaika ame ke akamai luaole i ka oniu ana i na meakaua. e ae mai oe e lawe aku i ka‘u mau hoomaikai ana. no keia hanohano nui i loaa ia‘u ma ka hui kino ana he alo a he alo me ka Naita Pahaohao o ka Luahuna Waiwai. a e lululima pu hoi kaua. i hoike no ka nui o ko‘u hauoli. no keia halawai ana o kaua ma ke ano malihini."

            "Me ka naau i hoopihaia me na haawina o ka hauoli. ke lawe mai nei au i kou lima akau e ka mea nona ke aupuni a‘u e noho kuewa nei maloko o na ululaau makamaka ole. he hookahi no makamaka. o ka hoihana a‘u i hoohiki paa ai maluna o ka‘u pahikaua." i panai aku ai no hoi o Hawila ma kona aoao. me ka lululima ana ae o ua mau kanak opio nei.

            Oiai ua mau kanaka opio nei e lululima ana. ua hoomau hou ia na papaolelo ana mawaena o laua. ma ka pane ana aku o ke Keikialii Marino :

            "Ua lohe au no kou hokauia ana maluna o ke kua o kekahi lip ahiu a hookuuia o kela lio. ka elele aloha ole a ka lokoino maloko o na ululaau. kahi i manaoia. o kou luakupapa‘u ia. aka pehea kaua i halawai ai ma keia ano kamahao loa. ka mea a‘u i moeuhane mua ole ai. e loaa ana keia pomaikai nui ia‘u."

            "ile oiaio na mea apau au e kuu keikialii i lohe ai. no ko‘u hoopaaia ana me na kaulahao o ka lokoino maluna o ke kua o kekahi lio ahiu, ka halepaahao i manaoia ai no‘u iluna o ka lewa : aka nae o ko‘u hoopakeleia ana mai ka make mai. a mai na hana ku hoi i ka lokoino ame ke aloha ole o ka hoomaewaewa a ko‘u mau enemi, o ka‘u wale no e hoike aku nei me ka oiaio loa. mamuli wale mai no ia o ka lokomaikai o na lani. ka mea a ka Buke Nui i olelo. mai ai : "O ka mea hiki ole i ke kanaka ke hana. he hana hiki wale no ia i ke akua."

            "He mea oiaio hoi ka‘u i kamailio mai la. a e ae mai oe e ninau hou aku au. ke ole nae ia e lilo i mea hookiekie aku maluna o kou hanohano e Sa Naito Hawila. o ia keia : Pehea la ka loihi o na la au o ka hoohala ana maloko nei o na ululaau o keia aina malihini?"

 

MOKUNA XXXII.

 

            "Ma ka‘u hoomanao. o keia ka piha ana o na la he umikumamawalu ia‘u maloko nei o na ululaau : a oiai au e kuewa hele ana ma na ululaau o Hiela. ua halawai mau au me kou mau makaainana. a e kamailio nui ana lakou nou i na manawa apau. He elua a ekolu paha la i hala ae nei. hoike mai lakou ia‘u. no kou pii ana mai iloko nei o ka ululaau. e uhai ai mahope o kekahi wahine lapu o ka po. nolaila ua paa loa ko‘u manao. eia oe maloko o na ululaau, a ua hooiaioia mai hoi ia manao mamuli o keia halawai pu ana iho la o kaua. he alo a he alo.

            "Mamuli o kela lohe ana mai o‘u i kou mau makaainana no kela kino wahine hoopahaohao o ka po. ka mea hoi nana i kono okoa aku ia oe e hookolo aku maohpe on a ahiki i ka loaa pono ana. ua lele mai la ka hauoli iloko o‘u. malia o ke kino pahaohao hookahi no ia a‘u i uhai hele ai i kekahi po mamua aku nei. nolaila ua haalele aku la au i ka auwana ana ma na ululaau o Hiela. a kamoe pololei mai la ko‘u alahele no keia wahi. pela iho la kaua i halawai pu ai i keia kakahiaka, ma ke ano ulia."

            "Owau o kaua ka i hoopomaikai nui ia mai ma keia loaa ana ou e Hawila ia‘u. no ka mea pela iho la i hoea mai ai i ka hoopauia ana ae o kekahi mea pohihihi iloko o ka‘u noonoo. aka nae aole keia he manawa no ke kamailio ana no ia mea. aka o ka‘u wale no e kono aku nei ia oe. e ukali mai oe mahope o‘u a e hele aku hoi kaua no ka huli ana i ko‘u mau naita aia paha lakou maloko o kekahi wahi o ka ululaau nei. a mai keia manawa aku. e lilo kaua i mau hoaloha pilipaa. a i makemake oe i kekahi mau kokua ana mai ia‘u aku. ua makaukau au e hana aku i na manawa apau. i hakalia wale no ia oe i ka hoike mai."

            Ua haawi aku la o Hawila i kona ae ame ke apono i na mea apau a ke Keikialii Marino i kamailio mai ai iaia. me ka haawi hou ana aku i kona lima akau. i hoike no kona lawe ana mai i ke Keikialii Marino i hoaloha pilipaa nona, a o ka make wale no ka mea e mawehe ae ia pili aloha ana." a mahope iho o ko laua haawi hou ana ae i na hoomaikai no ko laua lilo aku i mau hoaloha haalele iho la ua mau kanaka nei i kela wahi. a hele huli aku la i na kanaka o ke Keikialii Morina.

            Nolaila e ka makamaka heluhelu, ua hoea hou mai la kaua i ke kakele ana i ka mea nona keia moolelo. ka kaua koa opio hoi i alo iloko o na hana hoomaewaewa he nui. nolaila e hoomau aku kaua i ka nee ana imua. ma ka meheu a Hawila ame kona aloha hou e hele la noloko o ka ululaau.

            I ua mau kanaka opio e nanea la i ka hele. ke hoohala la laua i ko laua manawa ma ke kamailio ana aku o ke Keikialii Morina i ka moolelo piha o kana mau huakai elua noloko o ka ululaau. e alualu ai i ka wahine hololio pahaohao.

            Ua hoike piha aku oia i ke ano o kana huakai mua ame ka nalowale honua ana o kela wahine mai iaia aku. a pela hoi kona alualu hou ana no ka lua o ka manawa. ahiki i kona ku ana i kahi o ka hoka. a o ia kana o ka i okoa ana mai ia Hawila :

            "O ka wa kupono paha keia a‘u e hoike aku ai ia oe. i ka mea nana i hoomama loa mai i kekahi noonoo nui iloko o‘u, elike me ia a‘u i kamailio mua aku nei. e ka-ua a he wa okoa aku. o ia keia : O kela wahine hololio hoopahaohao o ke kuluaumoe. a na kanaka apau i manao kuhihewa ai. he akua lapu hookalakupua. aole he mea kino uhane. aka he kino wahine maoli no kona. he i‘o. he koko a he iwi elike me ko kaua.

            "Ma keia kakahiaka nui iho nei. oiai au e ku ana me ko‘u lio, a e noonoo ana hoi i ka‘u wahi e hookolo aku ai mahope @ ke kino pahaohao. aia hoi ua hoopuiwa loa ia mai au i ka wa i lohe aku ai i ke mela ia ana amai o kekahi himeni i ku i ke aloha me ka walohia. e kekahi leo wahine o ka nani ame ka nahenahe loa. a‘u i ike ole ai i ka nani mamua.

            "Ua hoopiha loa ia au me ka ilihia, oiai na huaolelo o keia himeni e pa pono mai ana ma kuu mau pepeiao. a ia manawa i ala mai ai ka manao iloko o‘u. aole he mea e ae nona kela mele i alanaia. aka nou no ia, ka mea i maewaewa maluna o ke kua o ka lio ahiu. a e huli hele ana hoi ka mea nona kela leo ia oe maloko o na ululaau.

            "No ko‘u piha loa i ka eehia ame ka walohia hoi. ua kulu okoa iho la ko‘u mau waimaka. no ke aloha i na haawina o ke kaumaha ame ka mokumokuahua i kau aku maluna o ka mea nana e mele mai ana ; a mahope koke ihp nae o ka pau ana o kela leo himeni, lohe okoa aku la no au i kekahi leo uwe, a‘u i koho iho ai. no kela kino hookahi no ia.

            "Ua hooikaika aku la au e komo kino maloko o ka ululaau. no ka ike ana i ka mea nona ua leo himeni nei. o ka mea apiki nae. aole he ae iki o kuu lio. e hooko i ko‘u makemake, a oiai no au e hookikina ana i ko‘u lio e hele aku imua. ia wa i oili mai ai kela wahine hoiolio hoopahaohao mailoko mai o ka ululaau ma kekahi aoao okoa mai, a nalowale aku la mai ka ike ana a ko‘u mau maka.

            "O ke lualu aku hoi mahope o kela hololio hoopahaohao, a o ka hele aku noloko o ka ululaau e ike pono ai, malia he wahine okoa no paha ka mea nona ka leo himeni i piha me ka ehaeha a‘u i lohe aku ai : hooholo iho la ko‘u manao, e hele aku noloko o ka uluulaau. ia wa i peku ae ai ko‘u mau wawae i na ke-pa me ka ikaika ma ka aoao o kuu ho. o ka mea nae nana i hookahaha loa mai i ko‘u manao o ia no ka huli hope ana ae o ka lio. a hoomaka mai la e holo me he makani puahiohio la. e aha‘i ana hoi me kona mama apau, ua like ka ikaika kaohi o ko‘u mau lima me he mea ole loa la i ka aha‘i a ko‘u lio. he oiaio nae, ia‘u i hoea mai ai noluna o kahi malaelae. ike koli‘uli‘u aku la au i ka wahine hololio kamahao i ke komo ana aku iloko o ka ululaau, a nalowale aku la mai la‘u aku, me ko‘u ku ana iho hoi i kahi o ka hoka ame ka hoaa.

 

(Aole i pau).