Ka Nupepa Kuokoa, Volume LVI, Number 20, 17 May 1918 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

HE MO'OLELO KA'AO NO KE KEIKIALI'I AMEDA AME KA WAHINE KUPUA PARI-BANAU

            No keia lohe ole ia mai o kekahi mea e pili ana no ke Keikiali`i Ameda ma kahi o ka ho`oma`alili ia mai o kona aloha ua ho`omahuahua mau i aku i kela ame keia la a ua lilo no hoi ia i kumuhana nui nana e kamailio mau aku ai i kona kuhina nui.

            Ma kekahi la a laua o ka u kamailio ana i aku la oia i kona kuhina nui: "Ua maopopo no ia oe mawaena o na Keikiali`i apau ekolu a`u o ke Keikiali`i Ameda ka`u i oi aku ke aloha ma ike oe i ko`u ho`oikaika ana ma na ano apau e huli ia`ia a hoihoi mai imua o`u; ua kauoha aku au i na kia`aina apau e huli iaia ua ho`ouna aku i na elele i kela ame keia okana no ka ninaninau ana nona aohe nae he wahi lono i hoikeia mai ia`u nona.

            "Ke ike nei au no`u iho i ka ikaika loa o keia aloha iloko o`u nona a ina aole oe e kokua mai ana ia'u oia hoi in a aole oe e ho'oikaika pu ana i mea e lo'a'ai oia e ho'opokole kokeia ana ko'u mau la o ke ola ana a e lilo ana au i luahi na ke aloha a e iho kokeaku ana i ka lua kupapau.

`'Ina he aloha kekahi iloko ou no'u a i ho'oioihi'ia aku ai hoi ko'u mau la e ola ai ke noi aku nei au ia oe e ha'awi mai i kau kokua ma o kau mau oleloa'o maikai la."

            Ua lilo keia mau olelo a ka moi i mea no'ono'o nui na he kuhina nui in a ole oia e hana ana i kahi mea nona e ola ai e make i'o ana oia no ka nui o kona aloha: nolaila, hoauau ae la olia i kona no'ono'o no kekahi hana i mea e ho'opakele ia ai kona ola.

            Mahope o kona no'ono'o ana me ke koikoi loa no kekahi manawa ho'omanao ae la oia no kana mea i lohe ai no kekahi wahine kahuna ikaulana i ka mana alaila hoakaka aku la oia imua o ka moi he wahine kahuna malama unihipili kana o ka lohe mahu'i ana mai, he uhane ike aia iloko on a, a he hiki ia'ia ke ho'ola i na ano ma'i apau, a he hiki no hoi ia'ia ke ike i na mea pohihihi apau, a noi aku la i ka moi i ka i ana aku:

            "o oe no ka waha mana he leo ho'oleheia kou, no laila, e kena aku oe i kekahi o kou mau kanaka e ki"i i ua wahine kahuna la a lawe mai ia'ia imua o kaua, o oke kukakuka pu ana me ia, in a he hiki ia'ia ke hoike mai i kahi e noho mai nei o ka keikiali'i Ameda," wahi a ke kuhina nui.

            "Ua pono kena manao ou i ko'u manao, e ho'au i'o kaua e kuka me ia k hiki mai." i pane aku ai ka moi. "O oe no ka mea kupono nana e ki'i i ua wahine kahuna la."

            O ka oili aku la no ia o ke kuhina nui, a mahope o kona ninau ana no kekani manawa no kahi o ua wahine kahuna la e noho ana, a i ka hoikeia ana mai ia'ia, hele aku la a hui me'ia a noi aku la e ha'ele pu mai laua no kahi o ka moi.

            La ho'ea ana mai a ua, wahine kahuna la imua o ka moi i aku la ka moi: "Ua nui ku'u eha'eha mai ka manawa mai no o ka mane ana o ke Keikiali'i Ali me ke Kamali'iwahine Nounouniha; ua kuhalahala na Keikiali'i Hasana ame Ameola no ka nele ana o laua a lilo hoi ke kamali'iwahine i ke Keiki ali'i Ali. a no ko laua piha ana i ka huhu ua ku aku laua a hele i ka aina mamao me ka maopopo ole o ko laua wahi e noho mai nei.

            "No ke Keikiali'i Ameda ua nui ko'u aloha nona. no ka mea, ua helo aku oia me ka maopopo ole o kana wahi i hele aku ai. a ua maopopo ole no hoi kona hopena, a nona au e kaumaha loa nei.

            "No ka maopopo ole o kana wahi e poho mai nei ua make paha oia a aole paha no ia hana oe i kauohaia aku nei e hele mai a e hoike mai, no ke lohe ia ana mai he ike oe i na mea pohihihi ame na mea huna apau.

            "Nolai`ia. hiki anei ia oe ke hoike mai mamuli o kou ike kahuna a ike kilokilo paha, i kahi a ku`u keiki e noho mai nei? Ke ola mai nei no anei oia a i ole ua make paha? Heaha la kana mea e hana mai la? Aia la oia ihea kahi i noho ai? E ike hou aku ana anei au i kona mau maka a a`ole paha?"

            Halo wale no na maka o ke kahuna wahine kahi i kulou ai iloko o kela manawa apau a ka moi e kamailio aku ana, a i ka pau ana o ka ka moi mau ninau, aea ae la ke po`o o ke kahuna wahine iluna a i aku la:

            "E ka moi e ola mau loa oe! Ma kau mau mea apau i hoakaka mai la i maopopo aku la ia`u ka`u hana o keia ki`i`ia ana ae nei. No ka pane ana aku i kau mau ninau apau. e noi aku ana au ia oe e kali ka`u pane ana aku a ka la apopo; a`ole no ka hiki ole ia`u ke pane aku i keia manawa, aka i loa`a ai ia`u he manawa kupono e ho`oniakaukau ai au ia`u iiho. no ka mea ke ike nei au he hana nui a koikoi keia e kau mai ai ka poino maluna o`u."

            Ua maikai ke noi a ka wahine kahuna i ka manao o ka moi nolaila ua ae mai la oia me ka maikai a kauoha pu mai la nae e ho`oko mai ola i kana olelo. me ka ho`ohiki pu aku o ka moi imua on a e ukuia aku ana oia me kekahi uku nui a maikai loa in a e ho`okoia ana kana mea i makemake ai.

            Ua hoea hou mai la ua wahine kahuna la ma kekahi kakahiaka ae a lawe hou mai la no hoi ke kuhina nui iaia imua o ka moi.

            "E ka moi." wahi ana, "iloko o ko`u ho`oikaika ana ma na ano apau elike me na loina o ka`u oihana kahuna i mea e ho`okoia aku ai kou makemake, eia nae ho`okahi wale no mea a`u i ike ma ka`u hailona ana oia hoi ke ola mai la no ke Keikiali`i Ameda i nei manawa.

            "No keia mea oiaio a`u i hoike aku la e pono oe e ka moi e ho`opau i kou mau manao kaumaha no ko keiki no ka mea eia ua oia ke ola mai nei. Ho`okahi mea i maopopo ole ia`u ma ka`u hailona ana oia keia aohe maopopo iki o kana wahi e noho mai nei i nei manawa"

            Ua akaku`u loa ka manao pilihua o ka moi mamuli o keia hoakaka a ka wahine kahuna aka i mea nae e pio loa ai o kona manao kaumaha e maopopo aku iaia kahi o kana keiki e noho ana la manawa heaha la kana kana a pela aku.

 

MOKUNA VII

            E waiho kakou i ka moi pela a e huli au ka kakou nana ana no ke Keikiali`i Ameda. No ka pinepine loa o kana kamailio ana aku i ka wahine ma na mea e pili ana i ka moi, kona makua kane. me ka olelo ole aku nae i kona makemake e ike iaia ua lilo i mea na ka wahine e ku a uluhua maoli ai a ua ho`opaupopo pu mai la no hoi i ko ke keikiali`i makemake loa e ike aku i ka makuakane aole ma ke ano ua manaka iaia a e makemake ana hoi e ha`alele mai ia`ia.

            I ka ika ana o ka wahine kupua i ka nui o ke aloha o ke keikiali`i ia`ia me ke noi ho`omano ole mai no kona ho`oku`uia aku e hela mahope iho o kona ho`ole mua ana aku a ua ike pu iho no hoi oia i ko ke keikiali`i hoao ana e ho`olohe a e ho`oluolu mai i kona no`o no`o ana no e ike aku ana i ko ke keikiali`i aloha oiaio iaia ho`oholu ilio la oia e ae aku i ke noi a ke keikiali`i no ka mea ua ike aku la oia i ka ikaika loa o ko ke keikiali`i aloha no kona makuakane.

            Nolaila ma kekahi la i aku la i ke keikiali`i: "Ua maupopo ia`u ka nui o kou aloha no kou makuakane mamuli o kou ho`opukapuka mau mai i na mea e pili ana nona. Ua ho`ole aku au i kau noi mamua mamuli o ko`u no`ono`o kuhihewa ana he manao maoli no kou e ha`alele mai ia`u ua manaka iho la oe i ka noho pu ana me a`u, a ua manao oe e ha`alele aka mamuli o ko`uhakilo au ana aku i koa ano ame kau hana ua loa`a ia`u ka ike i ka nui o kou aloha ia`u elike no hoi me ka nui o ko`u aloha nou.

            "no ia kumu ua hoololi au i ko`u manao, a ua hooholo au e ae aku i kau noi mamua e hele aku e ike i ka moi ko makuakane, malalo nae o keia kumu, e hoohiki mua mai oe imua o`u i manawa pokole wale no kou e kaawale aku ai a hoi koke mai no, a mai hoolalau aku oe, e malama mau oe i ka maluhia ahiki i kou hoi ana mai. Uhu!

            No ka piha hauoli loa o ke Keikialii Ameda no keia hookuuia ana mai la on a e hele e anehe iho ana oia e kukuli no ka hoomaikai ana aku i ka wahine kupua, papa e mai la nae oia me ka i pu ana mai:

            "Ua ike au i kou manao, nolaila, mai kukuli mai oe imua @ aku nei au ia oe e hele elike me kau noi."

            "E kuu moiwahine, ua ike au i ka waiwai ame ka manao o kou haawi ana mai i kou ae, aka he makemake au e hoike aku ia oe i ko`u mahalo no ia manao maikai ou.

            "Aoie e lilo ana kau hoohiki i koi mai nei ia`u i mea no`u e ehaeha ai, O, aole! Ua haawiia aku ia hoohiki au i koi mai ai i mea hoike aku ia oe aole kekahi manao hewa iloko o`u a e ha`i hou aku no au ia oe i keia, aole hiki ia`u ke ola ke ole oe imua o kuu alo.

            "Nani ia ua ae laelae mai la oia ia`u e hele nolai`a, e hele i`o aku ana au a e hookuu mai oe e hele ae au e hoomakaukau ia`u a ke hoi koke mai au aole ia mamuli o ke kumu e ae aka mamuli wale no ia o ko`u aloha ia oe e lilo ole ai au i mea hoike hoopunipuni a e ike pu iho ana no oe i ko`u hooko i ka`u hoohiki.

            "Ma nei mua aku in a no kou ae maikai @ mai ia`u e hele e hoao mau ana au ma na ano apau e hoi koke mai i. lilo ole ai i mea hoehaeha aku ia oe kou kaawale loihi aku, a e lilo ai paha hoi ia hoi koke ole mai o`u i kumu nou e ae hou oe mai ai ia`u e hele no kekani manawa hou aku."

            Ua olu loa iho la ka noonoo o ke wahine kupua no keia mau olelo a ke keikialii, he mau huaolelo e hoopau loa ia ae ai na manao hoohuoi iloko on a no ko ke keikialii hele loa a haalele mai iaia a o ka makemake la o ke keiki alii ana i koho wale ai e ike i kona makuakane he hoopunipuni wale i kumu wale no ia nona e kaawale aku ai.

            "O hele hoi paha" i pane mai ai ke kupua wahine, a mai lilo i mea nou e ehaeha ai na olelo hoola a`u o ka hoike moa ana aku nei ia oe. Hele me ka manao maikai me he mea la aohe mau mea hoopoluluhi i kou noonoo

            "Eia hou, manao au aole ia he mea maikai nau ka hoike ana aku i ka moi ko makuakane no kou mane ana i ka wahine in a e oluolu mai ana oe eia ka`u noi ia oe mai hoike aku oe i ka moi i kekahi mea e pili ana i kou mane ana a pela hoi kekahi mea e pili ana no`u ame kahi au e noho nei.

             "O kau wale no e hoike aku ai iaia in a no kona ninau mau ia oe he oia mau kou hauoli ua lako oe i na mea apau e pono ai oe a e hoike pu aku oe iaia mai hookaumaha i kona noonoonou; o ke kumu o kou hoea ana aku imua on a no ka hoomama ana aku no ia i kona noonoo no nou nalowale loihi ana me ka maopopo ole iaia o kou hopena.

            "Ina e aua mai oia ia oe e noho aku, i aku oe he hana no kau ma kau wahi e noho ana a e hoolana pu aku oe i kona manao e hoea mau aku ana oe e ike iaia i kela ame keia mahina."

            I ka holopono ana o keia mea mawaena iho o laua, kauoha aku la ka moiwahine kupua i na kauwa e hoomaukaukau :nai i ho no ke Keikialii Ameda e kau aku ai a e hoomakaukau pu kekahi poe he iwakalua ka nui ia lakou iho i mau ukali no ke keikialii.

            I ka makaukau ana mai o ka lio o ke Keikialii Ameda, a laweia mai la a mamua o ke alapii o ka hale ee ae la oia, a mahope o ka haawi ana i na aloha hope, hoomaka aku la ke ka`i ana o ka huaka`i no ka halealii o ka Moi o Inia ka pahuhopu.

            Aohe mamao loa o ke kapitala o ka moi mai ka halealii aku o ke kupua wahine Pari-Banou, nolaila, aole i hala ia lakou kekahi manawa loihi ma ke alanui mamua o ko lakou hoea ana aku no ka halealii.

            Iaia i komo aku ai me kona mau ukali, he poe kino eepa wale no apau iloko o ke kulanakauhale. ua hauoli no kanaka i ka ike hou ana mai iala, ka mea a lakou i manao ai aole e hoi hou mai ana, a i ole ua make paha, eia no kake ola nei, nolaila ua haawi mai la lakou i na leo huro me ke kahea ana "ua hoi hou mai ke Keikialii Ameda i nalowale ai!"

            Ua haalele ka hapanui o na kanaka i ka lakou mau halekuai ame na hana e ae, a hookahi ka hui pu ana mai me ka huaka`i a ke keikialii ahiki i ka hoea ana aku i ka halealii.

            I ka huaka`i e hookokoke aku ana i ka halealii ua hoike mua ia aku la i ka moi o kekahi o kana mau keiki, oia ke Keikialii Ameda, ka`i hoi mai`e ike iaia, nolaila, ua hoomaukaukau mua ka moi iaia iho no ka hookipa ana aku iaia.

            I ke komo ana aku o ke Keikialii Ameda hele mai la ka moi a apo aku la iaia i kona umauma me na waimaka nunui e lilolo ana ma kona mau papalina, a na ka makuakane ka uwe hookahi ka hookahe like ana aku o ke keiki i kona mau waimaka oia no hoi ke kumu o kona hoea ana aku no ke aloha no iaia.

            "O, e kuu keiki, i nalowale a ua hoi hou mai nei! Ua koho wale iho au ua poino paha oe, a aole la au e ike hou aku ana ia oe, eia no ka oe ke ola nei! O, hauoli loa au i kou hoi hou ana mai la a ike hou aku au i kou mau maka!

            "Ua lilo kou nalowale ana mai ia`u aku i kumu hoehaeha mau i ko`u noonoo; ua maka`u nui au e lilo ana paha kou hooneleia ana i ke kamaliiwahine i mea hoehaeha loa i kou noonoo no ka nele ana o kou manaolana, a ua haua la oe i kekahi hana e hoopoino ai oe i kou ola."

            "E ka moi," i pane aku ai ke keikialii, "he oiaio, ua hoehaehaia no kuu noonoo no ka lilo ana o ke Kamaliiwahine Nourouniha i ke Keikialii Ali, aka, aole nae ia o ke kumu i ikaika loa ai ko`u noonoo no ka hele, aka, no ka huli ana no ia i ka`u pua i ki aina i huliia ai a aole i loaa.

            "Ua makemake loa au e maopopo ia`u ke kumu o ka nalowale ana, a in a no ka laweia e huna, ua makemake au e maopopo ke mea nana i hana kolohe.

            "He oiaio, ua, nui kuu aloa i ke Kamaliiwahine Nourouniha, a i mea e maopopo ai ia`u ka mea e lilo ai oia i kekahi o makou pela au i hele ai e huli.

            "O ke kumu nui nana i hooko loa ia`u e hele oia no ka maikai ole o ko`u noho aku a ike aku i ka noho pu mai o ke Keikialii Ali me ka mea a`u i aloha ai, eia nae, ma ia hele ana a`u i loaa ai ia`u ka pomaikai ame ka hanohano i oi loa ae in a nei no ko`u noho mau iho imua o kou alo.

            "E hoomanao oe e kuu makuakane, ma kela ki ana a`u i ka`u pua i halawai ai au me kekahi mea kamahao loa `i ke ole ia e a`u mamua. no ka mea, iloko o ka laula o kela kula heihei lio, kahi a makou i hookuku ai i ka mea ikaika a oi aku hoi o ka mamao o ka pua o ka lele ana aohe nae i loaa ka`u pua mahope o ka huli la ana o na wahi apau e hiki ole ai ke nalowale i ka ike a ka maka.

            "No ka loaa ole ana o kela pua, aole au i noho wale me ke kanikau mau no kona nalowale ana a no ka lilo ana aku hoi o ke kamaliiwahine, aka, i loaa ai ia`u ka mea nana e hoomama mai i ko`u noonoo kaumaha, ua hele aku la au a mamao loa mai kuu mau kauwa aku me ko lakou ike ole mai ia`u a hoi hou aku la no ke kahua heihei lio no ka huli ana i kuu pua i nalo wale.

            "Ua huli au nona ma na wahi apau a`u e noonoo ae ai aia paha ia malaila la kahi i waiho ai, aohe no nae i loaa. Ua huli au ma kahi i loaa ai o na pua a na Keikialii Hasana ame ka Ali me kuu manao aia ka`u pua ma kekahi wahi kokoke mai malaila eia nae, he neo ka mea i loaa ia`u, a na lilo i hana luhi waiwai ole ko`u hooikaika ana i ka huli.

            "Eia nae, iloko o ia nele o ka`u huli ana aole no au i hoopau wale i ka huli ana, aole au i haawipio wale i ko`u manao, aka. ua hoomau aku la au i ka hele ana imua mai kahi aku i loaa ai o na pua a na kekialii in a ka laina pololei a`u i manao ai aia paha mamua aku kahi i waiho ai.

            "Ua hala ia`u he legue a oi o ia hoomau ana @ a`u i ka hele. me ka nana mau ana ma kela a ma keia aoao me ka kaniuhu ke hoomau la no nae i ka`u hele ana maluna o ke alanui pololei i kekahi wa a hele aku la no hoi ma kela a ma keia aoao i kekahi manawa, a i ka hope loa ike ihe la au ua mamao loa ka ka`u wahi o ka hele ana, a aole kanaka ikaika e hiki ke @ i kekahi pua ahiki ilaila.

            "Ia manawa ua ku iho la au a noonoo in a paha ua pupule au n o ka noonoo ana iho he hiki ia`u ke ki i kekalii pua ahiki i kela wahi mamao loa. `oiai aole hookahi kanaka ikaika mai kinoi i loa mai i kaulana no ke akamai ame ka ikaika i hiki ke ki`i kekahi pua a like me ia ka mamao o kahi e ki ai.

            "Ua aneane loa au e huli mai e hoi a e hoopau i ka hele hou ana aku imua e huli no ia pua, no ka mea, aole e loaa hou ana, eia nae, aohe ikaika loa o ia manao.

            "Ia`u e noonoo ana no ka hoi mai ke mau la no ke au aua o ko`u mau maka ma o a maanei me ka hoomau no i ka hele ana imua me ka ikaika ole nae o ka manao a mahope o ko`u hele ana a hala na legue eha, a o ka pau ana no hoi ia o kahi palahalaha a iliwai o ka aina, ua hiki pono aku la au malalo no o kekahi pali pohaku paa a kiekie, laumania ka hapanui o kona mau aoao, o ko`u ike aku la no ia i ka waiho mai o kekahi pua.

            "O ko`u holokiki aku la no ia a hopu iho la me ka hauoli, a ia`u i nana pono iho ai hoomaopopo iho la au o ka pua no ia a`u o ke ki ana, a i loaa ole ai maloko o na palena kupono no ka pua e lele ai, a maloko hoi o ka manawa kupono nona e lele ai.

            "Ia manawa aole au i ahewa i kau olelo hooholo no kou haawi ana i ka pono ma ka aoao o ke Keikialii Ali, aka, ua hoopihaia au me ke kahaha; aole o`u kanalua ia manawa he hana pohihihi loa kekahi i hanaia i hoea ai kela pua ma kela wahi. O kekahi mea nana e hooiaio mai no ke kumu o ka hiki ana o kela pua ma kela wahi ka`u mea makemake loa e loaa mai ia manawa malia, he hopena pomaikai paha ke loaa ana ia`u.

            "Ma ka mea oiaio, aohe waiwai o ko`u huli ana aku e loaa mai ka mea oiaio, no ka mea, owai auanei ka`u e ninau ake ai i mea e loaa mai ai ia`u ka ike i ka mea nana i lawe kuu pua a waiho malaila.

            "He meahuna keia, a e noi aku ana au i kou oluolu mai hookaumahaia kou noonoo a i ole manaoino iho paha oe ia`u ke hamau loa au aole e hoike aku ia oe; o kau wale no e hauoli iho ai oia na olelo ponoi mai ko`u mau lehelehe ponoi aku ua hauoli au, ua hauoli nui. no ka pomaikai i loaa ia`u.

            "Iloko nae o ka nui o kuu hauoli hookahi mea nana i hoouluhua mau i kuu noonoo, oia keia, o kuu noonoo nui nou no ko`u nalowale loihi au me ka maopopo ole ia oe o ko`u wahi i noho ai e pehea la ko`u hopena.

            "No ia maha ole o ko`u noonoo, oiai kou aloha e ka makuakane e ku mau mai ana imua o`u me he pali nui la i hiki ole i ka ike a ka maka ke ke alo ae, nolaila, noonoo iho la au he hana ia na`u na ke keiki, ka hele ana mai imua ou a hoike aku ia`u iho i mua ou i hoomamaia ae ai kou noonoo kaumaha a pilihua no`u no ko`u kaawale ana mai ko`u alo mai, pela au i hoea mai la imua ou i keia la.

            "O keia ke kumu nui o ko`u hoea ana mai la imua ou, e kuu makuakane; o ka hana maikai hookahi wale no a`u e noi aku nei ia oe e ae mai oe e hele mau mai au e ike ia oe i kela ame keia mahina, no ko`u ike a haawi aku i ka`u hoomaikai ia oe. i lilo ia hana i mea e hoomama mau ia aku ai o kou noonoo a hoihoi hou ia mai ka maikai o kou ola kino elike me ko kakou manawa e noho pu ana.

            "E kuu keiki," i pane mai ai ka moi. "aole aue hoole aku ana i kau noi, eia nae o ka`u i makemake ai e hoi mai oe e @ka ma kahi kokoke mai ia`u, i ike mau aku no au ia oe a pela hoi oe ia`u.

            Pehea ana la e hiki ai ia`u ke ike `aku i ke kumu o kou hoea hou ole ana mai imua o`u in a aole oe e hiki mai ana? Ina e makemake ae au ia oe ma ke ano hea la e loaa mai ai ia`u ka ike nou, a ihea la au e huli aku ai ia oe?"

            "No kena manao ou au i hoike mai la la ea o kekahi hapa ia o ka`u meahuna i hoike mua aku nei ia oe. Aole hiki ia`u ke hoi mai a noho aku ma kahi kokoke ia oe. no ia luki ole ke noi aku nei au ia oe e ae mai ia`u e hamau me ka hoakaka ole aku ia oe i ke kumu.

            "eia wale no ka me hiki ia`u ke hana oia ko`u hele mau mai e ike ia oe i kela ame keia manawa e hiki aua ia`u ke hele mai, elike no hoi me keia a`u i hele mai la e ike no ke aloha no hoi ia oe e ka makua."

            Aohe i koikoi wale mai ka moi no ka hoi aku o ke keikialii e noho pu a i mai la nae: "E kuu keiki aole au e koikoi wale aku ana no ia oe i mea e ahuwale ai kau meahuna ia`u e waiho aku ana no au ia mea me oe, aka he mea hoohauoli a kokua nui mai no nae kou hoi mai a noho pu me a`u.

            "No kekahi manawa loihi i hala ae nei aole i loaa iki ia`u ka hauoli elike me ia au e haawi mai nei ia`u i nei manawa, a in a no kou hoi mai e hookipaia mai ana no oe me ka hauoli."

            Aohe i haawi aku ke keikialii i kona ae no ka manao o ka makuakane, ua ike oia i ka hanohano ame ka oi aku o kona pomaikai ma kahi ana e noho ana me ka Moiwahine Pari Banou ua lako oia i na mea apau, aohe hemahema no kekahi mea.

            Ekolu la kona noho ana me ka makuakane. Ma ka ha ae o na la ua ala kakahiaka nui loa ae la oia me ka ike ole ia mai e na kanaka, a hoi aku la no kona kakela malalo o ka honua, a i ka ike ana mai o Pari-Banou ia hoi ana aku ana, ua piha ae la oia i ka hauoli, no ka mea aole oia i manao e hoi koke aku ana ke Keikialii Ameda.

            No keia hoi koke ana aku o ke keikialii ua hoahewa loa iho la ke kupua wahine iaia iho no kona koho hewa ana e haalele loa mai ana ke Keikialii Ameda iaia a ua manaka la ke keikialii iaia.

           Aole oia i huna iho i kona manao loohuoi aka ua huai aku la no apau iua o ke keikialii no kona koho hewa ana, no ia hemahema nae on a ua noi mai la oia e huikal@a aku, a ua hookoia aku ia manao on a me ka hauoli.

            Ma ia hope mai no ka pipili loa o ke aloha. ka hilinai no hoi o kekahi i kekahi ka hooko mau o kekahi i ka makemake o kekahi ma na mea apau, ua maikai ko laula noho ana ma ia hope mai e ike i ka makuakane. a no ka lohe ana o ke kupua wahine i ka Ameda mau olelo apau o ke kamailio ana aku me ka makuakane, oia hoi kona hele mau aku e ike iaia i kela ame keia manawa ana e makemake ai, i aku la i ke keikialii i kekahi la:

            "Ea, e oluolu oe e ha`i mei ua poina loa anei oe i ko makuakane? Aohe hoi ou kamailio hou mai ia`u nona i nei mau la aohe elike me mamua he hoouluhua mau mai oe ia`u no kou aloha iaia a he makemake oe e hele aku e ike iaia.

            "Aole o`u makemake e paa ia oe a loihi loa no ka mea ua piha ae nei ka mahina i nei manawa mai kela manawa mai au i ike ai i ko makuakane.

            "E pono oe e hele hou e ike iaia i ka la apopo a ma keia hope aku e hele mau aku oe e ike iaia i kela ame keia mahina me kou noi ole mai a i ole kamailio mai paha ia`u no ia hele aku ou a i ole kali paha aia no au a olelo okoa aku ia oe:

            "Ua ike au i ko`u kuhihewa mamua, no ka mea ua hoi koke mai oe mamua ae o ka manawa a`u i koho ai e hoi mai ai oe nolaila mai keia manawa aku ke ae aku nei au ia oe e hele ma ka la inua o kela ame keia mahina a nao ia e hoomanao no kou manawa e hele ai.

            "Lokomaikai wale ka hoi oe! Me ka mahalo nui i kou loko maikai. Aole au i manao e hookuu koke mai ana la oe. @ aku ai ke Keikialii Ameda.

            "O aole au i poina i kau mea i olelo mai ai ia`u ma kela h mua ana mai @ a hoike mai ai oe no kau mea i hoohiki a`u i ko makuakane e hele pinepine ku ana oe e ike iaia.

            "No ia poina ole o ia olelo au ia`u i hoomanao aku la ia oe. i mea nou e noonoo ai, i ole au ia`u i hoomanao aku la ia oe i mea nou e noonoo ai, i ole e kali a loihi loa ka manawa mamua o kou hookoana aku i kau hoohiki no ka manaomua.

            "O, me ka mahalo nui!" i pane aku ai ke Keikialii Ameda me ka hauoli. "Aole au i poina ia mea, aka, he kali ko`u loaa ka manawa kupono e noi hou aku ai ia oe no ia hele hooaku ou aka nani hoi ia nau no i hapai mei la i kena manao me ka hemo laelae mai la o kou ae."

            No ka holopono ana o nei manao mawaena iho o na @ aloha elua ua hele hou aku la ke Keikialii Ameda me na uka mua no on a he iwakalua no ka halealii o ka makuakane.

            Ma keia hele ana ua oi loa ae la ka nani o ko lakou mau @ he oi pu ae no hoi ka nani o na mea kahiko o ko lakou mau i ame na pono o ka lio i ko ka manawa mua a elike no me ohaoha o ka moi i ka manawa mua o ka hoea ana aku po no i keia manawa elua.

            No kekahi mau mahiina lehulehu ko ke keikialii hoomao ana i keia ano o ka hele ana aku e ike i kona makuakane a loli mau ana no hoi ke `ano o kona mau kahiko me ka oi mae ae o ka nani ke nana aku i kela ame keia manawa.

            Mahope mai o keia no ka ike mau aku o na punahele a loi moi i ka nani launa ole mai o na kahiko o ko Keikialii Ameda i na manawa apau ana e hele mai ai e ike i ka makuakane, a ma ka lakou hoopaopopo aku he kanaka kiekie a mana maoli ke Keikialii Ameda o kona mau kahiko ame kona ku lana hanohano me @e alii nui la na mea hooiaio mai ia manao o lakou no laila ua komo ka manao lili iloko o lakou a hoike aku la i ka moi i kekahi la i ka olelo ana aku.

            "E ke alii aohe kipi e ae o ko aupuni o ko Keikialii Ameda no e hoea mai ana. he la e huli mai ai oia a kipa ia oe a hoolele ae ia oe mai ka nohoalii aku.

            "He mea makehewa nau ka uli ana aku e maopopo kona wahi e noho mai nei; mai hea mai la i loaa nui mai ai kona waiwai. no ka mea. ke nana aku i kona mau kahiko me na dala nui wale no e hiki ai e ukuia aku no hoolilo no ia mau mea, o kekahi no hoi aole maopopo iki o kana hana nui e loaa nui ai kona mau waiwai a o keia hele mau mai ana e ike ia oe me kona mau aahu nani kona lio nana i kahikoia me na mea gula wale no a pela me kona mau uakali aole anei oe e manao iho he mau hana hooioi wale no mai no ia ana i mea nau e mahalo aku ai?

            "E noonoo akahele loa oe, e ka moi, no kau mea e hana aku ai maluna on a, mamua o kona hoao ana mai e hana i kahi aku ai maluna on a mamua o kona hoao ana mai e hana i kahi mea e poina ai oe e pono e hoopaa mua aku iaia iloko o kekahi wahi paaloa a mai hoao oe e kamailio aku iaia me ka oluolu aka e hana koke aku i ka mea e hoonalo kokeia aku ai kona mau maka.

            He hana keia a na kuhina na kakaolelo ame na kuhikuhi puuone i mea e hoalaia aku ai ka inaina i loko o ka moi no ke Keikialii Ameda, eia nae aohe hoolohe aku o ka moi i ka lakou mau hana imihala a huahua ua maopopo i ka moi no ka nana o na aahu ka hiehie ame ke kulana hanohano wale no o ke keikialii ke kumu o ko lakou lili ana.

            Ua maopopo loa i ka moi ma kona manao iho aole e hoao mai ana ke keikialii e kipi iaia i mea nona e kau ae ai maluna o ka nohoalii a ka poe punahele ana o ka hoao ana mai e hoohulihuli i kona manao i mea nona e hoahewa aku ai i kana keiki.

            "Auhea okou," wahi a ka moi o ka pane ana aku imua o na poe punahele la ana i kekahi la. "he alohano ko kuu keiki ia`u a no ia aloha on a pela oia i hele mau mai ai e ike ia`u; aole oia i hele mai me ka manaoino e kaili aku i ke aupuni mai a`u aku aka no ke aloha wale no.

            "He hilimai nui ko`u maluna on a no kona aloha ia`u a ke manaoio nei ho au aole loa oia e hoao iki mai ana e hana i kekalii mea o la ano no ka mea ma ka`u nana aku ia@ ua lakou oia nona iho peha auanei e loaa ai iaia kona mau lakou apau in a aole mea ma kona aoao e hiki ai e hoolako mai iaia?"

            No keia pane a ka moi o kekahi o na punahele @ ua moi la ka i aa mai e kamailio i ka i ana mai: "E ka moi ma ka manao o kela ame keia mea noonoo maikai ua apono lakou i kau mea i hana ai ma o kou haawi ana i ke Kamaliiwahine Nourouniha i ke Keiki Ali aka owai ka mea hiki e ike aku i ka manao o ke Keikialii Hasana a pela me ko ke Keikialii Ameda?

            "Aole anei i komo iho iloko o laua na mano inaina nou, no kou haawi ana i ke Kamaliiwahine i kekahi mau keiki a hoonele i kekahi mau keiki? No ia hoomauhala iloko o laua aole anei laua e hana mai ana i ka hana e hooleleia ae ai oe mailua aku o ka nohoalii?"

            "Malia paha e pane mai ana oe aole ke keikialii i hoike mai i kona mamao inaina ma kana hana aka ma ka manao nae au i ike ole aku ai e nu la iloko on a me ka kali a ka manawa kupono alaila hoike mai aole oe i maopopo aku i ka hopena.

            "Malia e i mai ana oe aohe kumu kupono iki o ko makou maka`u honua ana a ua pili ka hewa ia makou ma o ka hoala ana aku i nei manao hoohuoi, aohe no hoi he kahua iki o ko makou kue ana aku i ke keikialii.

            "Aka, e ka moi e e maliu mai i ka makou nei uwalo aku imua ou, no ka makee aku no i kou pono e pono e lilo nei mau manao koho wale a hoohuoi paha o makou i mea nui nau e noonoo iho ai me ke koikoi loa, aole no hoi oe i nele nau e noonoo e lilo ai keia kumuhana i mea nau e noonoo nui ai me ke akahele loa.

            "E pono oe e noonoo iho, malia o nei hele mau mai a ke keikialii e ike ia oe he mau hana hoopalaimaka wale mai no keia e ike aku ai oe he aloha i`o oia ia oe, a ua nele loa oloko o kona noonoo i ka hana mai i kekahi hana hoopaipai maluna `ou no kau hana hoohoka i hana aku ai iaia.

            "Malia paha he mau hana apuhi wale mai no keia ana ia oe i mea nau e paulele aku ai iaia a eia nae o ka poino ana e hana mai ana maluna ou he oi aku ka weliweli, oiai, aole i mamao loa ka ke Keikialii Ameda wahi e noho mai nei mai keia kapitala aku pela i ka nana aku.

            "Ina oe e ka moi, i haawi i kau noonoo nui ana maluna o na mea apau i ikeia elike me makou e ike ana no oe i kela ame keia manawa a ke keikialii e hele mai ai me kona mau uakali me ka hoohewahewa ole i ka loli mau o ko lakou mau aahu a pe@a pu no hoi me na lakou apau o ko lakou mau liohe hulali wale no ka hoi ko lakou mau aahu me na lakou o ko lakou mau ho i na mea gula.

            "Nohea mai kana mau dala nui i loaa ai i hiki ai iaia ke hoolakou iaia iho me kona mau ukali i na mea gula? Aole anei i lilo kona mau aahu a pela me na aahu o kona mau ukali i mea hoohuoi iho nau elike me makou e hoohuoi mau nei nona?

            "O ko lakou mau aahu me he mea la i ka nana aku o ka paa ana ma@nei no ia a kaawiia mai ia lakou e komo mai ka poe kela lole mai, no ka mea, oia mau no ka maikai aohe i minomino a ke nana aku no hoi i ko lakou mau lio aohe wahi hou iki e manaoia aku ai mai kahi mamao loa mai lakou o ka hele ana mai.

            "He mau mea hoike maopopo loa mai keia he wal@ kokoke loa mai ne`i aku ko ke Keikialii Ameda e noho mai nei, a ma ko makou noonoo ana aole makou i makaala pono i ka makou hana ke hoike ole aku makou i keia mau mea imua ou e ka moi, no kou pono a no ka pono hoi e maluhia ai ke aupuni.

            "O ka makou keia e hoakaka aku nei ia oe ma ko makou ano he mau luna aupuni malalo iho ou e makaala ana i na hana o ke aupuni aka nau aku ka hooholo na i na keehinahana kupono elike me kau i manao ai he oi aku ka pono e hanaina."

            I ka hooki ana iho o kekahi o napunahele a ka ino i hana kamailio ana, hoopau mai la ka moi i ka laua kamilio ana i ka i ana aku:

(Aole i pau)