Ka Nupepa Kuokoa, Volume LVI, Number 20, 17 May 1918 — Page 8
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
MA KE KAUOHA
Teritore o Hawaii
Keena o ka Puuku, Honolulu, Oahu.
Ma ka hana e hoopau ana i ka THE HAWAII PRESERVING COMPANY, LIMITED.
OIAI, THE HAWAII PRESERVING COMPANY, LIMITED. he hui ia i kukueia a @ @@ ana malalo a ma ka wana o ka kalawai o ke Teritore @ Hawaii i kulike ai me ke kanawai i hoomakaukau a me na ha@@ o keia ano, na waiho ia mai i loko o keia keena he palapala noi no ka hoopau ana i ka @@@ i oleloia hui pu me @@kahi palapala i hooiaioia i hoohui pu ia me ia elike me ia i koiia ai ma ke kanawai.
NOI AHA. ma keia ke haawiia aku nei ka hoolaha i kekahi mea, a i na kanaka apa@@ he mau kulana mamua a e kuleana nei paha i keia manawa ma kekahi ano i loko o ka hui i oleloia, e pono e waiho mai i na kue ana no ka ae ia aku o ka palapala noi i oleloia ma loko o keia keena, mamua ae a ma ka hola 12 awakea o ka la 21 o Iune, 1918, a o kela a@@ keia mea e makemake ana e hooloheia aku ma luna o ia mea he pono e hoea kino ae ma ke keena a ka mea nona ka inoa mai @@ iho maloko o ka Hale Mano Hooko, Honolulu, ma ka hora 12 awakea o ka la i oleloia a e hoike mai i ke ku m™ in a he kumu kekahi, i wahi a ae ole la aku ai ka palapala noi i oleloia.
C.J. McCarthy
Puuku, Teritore o Hawaii
Honolulu, Aperila 3, 1918
@@@ - Apr. 5, 12, 19, 26; Mei 3, 10, 17, 24, 31; Iune 7,
TERITORE O HAWAII
Keena o ka Puuku, Honolulu, Oahu
Ma ka hana e hoopau ana i ka THE SCHUMAN BUILDING, LIMITED.
OIAI. o ka THE SCHUMAN BUILDING, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kauawai i hoomakaukauia ma na laua o keia ano, ua waiho ia mai i kolo o keia keena he papapala noi no ka hoopau ana i ka hui i oleloia, hui pu @@ kekahi palapala i hooiaioia i hoohui pu ia me ia, elike me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka no apau he mau kuleana ma@@@ a e kuleana nei paha i keia manawa ma kekabi ano i loko o ka hui i eleloia, e pono e waiho mai i na kue ana no ka ae ia aku o ka palapala noi i oleloia maloko o keia keena, mamua ae a ma ka hora 12 awakea o ka la 31 o Mei, 1918, a o kela a me keia mea noa ka inoa maklaio iho maloko o ka Hale Mana Hooko. Honolulu, ma ka hora 12 awakeo o ka ia i oleloia, a e hoike mai ki ke kumu, in a he kumu kekahi. i wahi e ae ole ia aku ai ka palapala uoi i oleloia
C.J. McCarthy
Puuku, Teritore o Hawaii
Honolulu, Maraki 12, 1918
6286 - Mar. 15,22,29, Apr. 5, 12, 19, 26; May 2, 10, 17.
TERITORE O HAWAII
Keena o ka Puuku, Honolulu, Oahu
Ma ka hana e hoopau ana i ka HAWAII PRODUCE COMPANY; LIMITED.
OIAI, o ka HAWAII PRODUCE COMPANY LIMITED, he hui ia i kukuluia a e ku aua malalo a ma ka mana o na kanawai o ke Teritore o Hawai, i kuike ai me kauawai i hoomakaukauia ma na haua o keia @no, ua waiho ia mai iloko o keia keena he palapala noi no ka hoopau ana ika hui oleloia, hui pu me kekahi palapala i hooiaioia i hoohui pa ia me ia, elike me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka no apau he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na kue ana no ka ae ia aku o ka palapala noi i oleloia maloko o keia keena, mamua ae a ma hora 12 awakea o ka la 5 o Iulai, 1918, a o kela a me keia kanaka e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho @naloko o ka Hale Mana Hooko, Honolulu, ma ka hora 12 awakea o ka la i ele@oia, a e hoike mai i ke kumu, in a he kumu kekahi i wahi a ae ole ia aku ai ka palapala noi i oleloia.
C.J. McCarthy
Puuku, Teritore o Hawaii
Honolulu, Aperila 16, 1918
62@@ - Apr 19, 26; Mei 3, 10, 17, 24;
Iune 7, 14, 21, 28
TERITORE O HAWAII
Keena o ka Puuku, Honolulu, Oahu
Ma ka hana e ho'opau ana i ke KONA COFFEE COMPANY, LIMITED.
OIAI, o ke KONA COFFEE COMPANY LIMITED. he hui ia i kukuluia a e ka ana malalo a ma ka mana o na kanawai o ke Teriaore o Hawaii, i kulike ai me ke kanawai i hoomakakauia ma na hana o keia ana. ua waiho ia mai iloko o keia keena he palapala noi no ka hoopau ana i ka hui i oleloia, h@hui pu ia me ia, elike me ia i koiia ai @na ke kanawai.
NOLAILA, ma keia ke haawiia aku nei ka hoolaha i kekahi mea a i na kanaka apau he mau kuleana mamua a e kuleana nei paha i keia manawa ma kekahi ano iloko o ka hui i oleloia, e ponoe waiho mai i na kue ana no ka ae ia aku o ka palapala noi i oleloia maloko o keia keena, mamua ae a ma ka hora 12 awakea o ka la 12 o Iulai, 1918, a o kela ame keia ma e makemake ana e hooloheia aku ma luna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hoooko, Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi i wahi e ae ole ia aku ai ka palapala noi i oleloia.
C.J. McCarthy
Puuku, Teritore o Hawaii
Honolulu, Mei 2, 1918.
6293 - Mei 10, 17, 24;
Iune 7, 14, 21, 28
Iulai 5, 12
HOOLAHA
I na On a Kuleana o Honuaula, Maui.
O ka põe apau he mau kuleana ko lakou a i kuleana paha iloko olaila, maloko o ka Apana o Honuaula, Maui, ke noiia aku nei e hele mai e ike, a i ole e kakau mai ia
J.M. MONSARRAT,
Loio ma ke Kanawai. 501 Hale Stange@wald, Honolulu. Kelepona 5889.@275
NA ANOAI MA WAIANAE
I kuu koa kawalia Solomon Hanohano, ka mea nana e paa ana na kaula kila ewalu o ke aupuni pahaohao, ka Nupepe Kuokoa, Aloha nui me ka hauoli: E oluolu mai kou ahonui in a e loaa ana he wahi rumi kaawale ma ke kino lahilahi o ka kaua hoku alohilohi no kela mau wahi lalani olelo e kau ae la maluna, na anoai ma Waianae, o ia iho keia mau mea hauoli:
Ma ka la ehiku o keia mahina o Mei nei, ua haawi mai ke aloha o na Manu Lani kiekie loa, he opuu pua nani mai ka puhaka mai o Mrs. Annie D. Kahuhu ame David Kahuhu, he opio kane keia kama a Waianae nei e hii nei, ke inu nei i ka wai o ka @@ haohao; ua ike a kamaaina kou kiu nei i keia mau makua na laua keia opio hanau hou, o ka umi keia o ka laua ohana keiki, eha i hala aku ma kela ao nani ma o; eono eia ke ola nei imua o ko laua alo; o ke Akua mana loa ka mea Nana e kiai ia olua e na makua me ka olua ohana ke iki ame ka poe apau o Waianae nei e hoopulapula hou nei ia Hawaii lahui. Nui uo hoi ka poe hanau o Waianae nei o Meyer, ka lunanui o ka mahiko o Waianae nei i ka uala Hawaii, kulina ame ka palaai, ua hiki aku ma kahi o ke kanaha eka i paa i ke kanuia i keia mau mea kanu, pela no hoi me ka poe home hookuonoono, ke kanu nei no hoi lakou i ko lakou mau home me ka pau aho ole; oiai he wa wi keia o ka aina; ola no ka mahiai i kahi ku oo.
Eia hou iho no: Nui ka holomua o ke Ke'a Ulaula, nui ka poe kokua o na lahui like ole, o ia hoi, Hawaii, na i i puakea, Pukiki, Kepani, Pake, Pilipino ame na keiki e hele nei i ke kula.
Eia ka halewili o Waianae nei ke home hala ole nei kona mau niho hao i na punako, he mau tona kopaa ka loaa o ka la, nui ke kani o ka manu pelehu. Eia hou iho no, no ka poi keia, o ka ai kamaaina o ka aina, i kou kiu hanu meahou i hiki malihini mai ai i keia aina, he nui ka poi, o ia ka makahiki 1884 ahiki mai la @ae i keia mau makahiki e nee mua nei, laki oe ke ike aku i kahi lau kalo i ka ulu mai, eia ka ninau: He aha mai ke kumu? Eia no ke kumu: Ua pau loa ka aina i ka mahiko, lilo ka aina lilo pu me ke kuleana wai, loaa iki nae hoi kahi pono i na wahi home hookuonoono aole no nae he wahi @au kalo au e ike aku ai a no ka mea, ua pau loa ka wai i ka mahiko.
Me neia mau anoai, na ke Akua mana loa e kiai mai ia kakou apau. Me oe e ka Lunahooponopono ko'u aloha a@e kou mau keiki. Owau iho no me ka haahaa,
D.K. Limahana
Waianae, Oahu. Mei 7, 1918
HAINA NAME
Mr. Lunahooponopono o ke Kuokoa, Aloha oe: --E oluolu oe e hookomo iho i ka'u haina o ka nane a Kawelowai ma kahi kaawale o kau nupupa. Penei iho ka hooheno ana:
He inoa ko'u ua kaula@@ apuni ke ao nei, a he wahi makaikai nui ia e na malihini. Mahele ekahi. Haina: John. Aole keia o John Kanaka, o John keia oloko o ke kai, oia hoi ka mano, kona wa e ikeia ae e na kanaka, e hea ia an@ oia o John Mano, a i kona wa e pae ai iuka o ka aina, e makaikai uui ia ana oia e na malihi@i.
Mahele elua: Haina: Keala: Aole keia o na wai ala a na lahui like ole o ke o nei e hana mai nei, aka, o ke ala keia a ke Akua i hana ai i luna o na launahele Ana i hana ai i kinohi, o ia hoi, maile, e hoekepue mai la i na pali hauliuli o ke Koolau. O ke ala o ka maile ka mea i makemake ai e ka poe kalewa lei o Honolulu, a nona keia wahi hooheuo: He ala ka maile, Lauliilii o Koiahi, Ua ahi ua wela ke Kaiauhu.
Mahele ekolu: Ina e hohuiia ka mahele 1, 2, 3, e loaa no ka inoa piha o kuu kama, he mea i revi ia. Haina: John Keala. Kahunapule o ka Ekalasia o Pukaaua, Hookena.
Me ka Lunahooponopono koʻu welina, a me ua keiki oniu hua koʻu welina, a me na keiki oniu hua koʻu aloha nui.
W.N. NA HALA O NAUE
Hookena, S. Kona, Mei 4, 1918.
O ka pauku mua ka i hele mai la a holu pono ke o i ka pihi nui, ke hele la a papani i ka pili mahamaha; i ka elua nae o ka pauka, paewa loa mai la ka pilina i ka nihoniho, ua hapaku e ka nome ana a ka huila o ke Kilauea. Hoomanoia ke kolohe, eia iho no ke pili wale ae la. Huli hou ia mai! L.H.
MOOLELO O KA AHA EUANELIA AHAHUINA O KA MOKUPUNI O KAUAI, KAU O APERILA, 1918
La Hana Mua, Aperila 19, 1918.
Malamaia ka hapalua hora haipule e ka lunahoomalu, Rev J. K. Kaauwai, ma ka himeni 41, L.A. Pule mai ka lunahoomalu. Himeni hou, 207 L.H., a heluhelu mai oia ma Mareko 7:31, a pau ma ka pauku 37. Ka pauku alakai 32 a penei ka heluhelu ana: Lawe aku la lakou i kekahi mea kuli i on a la, ua uu no hoi kona leo, nonoi aku la lakou iaia; e kau i kona lima iluna iho on a. Wahi a ka haiolelo, he kanaka keia elua on a ano maʻi, he kuli ma ka pepeiao, a he uu hoi kana olelo, ma kona waha. Eia uae, ua lohe ka pepeiao, a ua hiki i kona waha ke kamailo, mamuli o ko Iesu hoola ana.
Wahi a ka haiolelo, elua mahele o keia manao alakai, a ke ku nei ka olelo ia kakou na Kahu Ekalesia, na Luna Ekalasia, na Haiolelo, na Kula Sabati ame na Ahahui C.E. apuni keia Teritore, a hoohalike mai ka haiolelo ma kona manao alaka, aia iloko o na ekalesia elua ano hua-kukui, he kukui io kekahi, a he kukui io kekahi, o ia hoi he hua kukui pilau (wahi a kahiko). Ua nonoi mai oia i na elele o na aha ekolu i hiki kiao mai e lilo lakou i mau hua kukui iʻo. aole hua kukui iʻo ole oloko.
He manao alakai uaauao loa kea a ka haiolelo, ua kuhikuhina mai no i kau ame aʻu e ike maka nei i na wa apau. He oiaio loa na mea apau i a ʻoia mai, o ka hopu aku a moni mai i na mea maikai e lilo ana oe i huakukui iʻo, o kou lohe wale no ma ka pepeiao, a hala mawaho, ea; e lilo ana oe i hua kukui iʻo ole.
He waiwai na olelo aʻo a na kahu ke ku aku kakou a kakoo, me he mau hua kukui iʻo la. He nui aku na mea maikai, ua pau pono ole mai i ke kakau olelo ʻ a hoopauia ka hapalua hora haipule me ka himeni 215, L.H., me ka pule mai ke Kahu S.K. Kaulili.
Na ka Hon. W.H. Rice, ma ka aoao o ka Ekalasia Hawaii o Lihue, he mau olelo hookipa, i na lala o ka ahaolelo a ke Akua i akoakoa mai, me na manaokuliu a puuwai hamama, o ke ano hai pule oiaio, a na ka @unahoomalu i pane mai ma ka aoao o na aha ekolu i akoakoa mai.
Hoolaha mai ka luaahooalu i na Ahahui Aloma ame Kaahumanu e waiho ae i ka lakou mau hoike pakahi iloko o ka lima o na peresidena, a mai ia laua mai i keia aha.
Weheia na hana a ka Aha Makua ma ka hoomaopopo i na lala o ka aha i hiki mai a penei:
Waioli, J.E. Kuapuhi, lunahoomalu W.K. Samuela, elele; Koolau, Rev. R. Puuki, kahu ekalesia, Jimmie Wa@a, elele; Kapaa, Rev. I.K. Kaauwai, kahu ekalesia, @.J. Mundou, elele; Lihue Hawaii, Hon. W.H. Rice, haiolelo a luna hoomalu, J.H.K. Kaiwi, elele; Lihue Union, Rev. J.M. Lydgate, kahu ekalesia, Judge L.A. Dickey, elele; Koloa Hawaii, Rev. S.K. Kaulili, kahu ekalesia, John Olopua, elele; Hanapepe, Mrs. Fanny Sabo, elele,; Waimea, Rev. S.K. Kaulili, komite Judge J.K. Kapuniai, elel; Kilauea, Rev. Jose Alba, kahu ekalesia, Maximo Petralba, elele; Lihue Iapana, Mr. K. Okamoto, haiole Io; Koloa Iapana, Rev. Kuboki, kahu ekalesia; Kekaha Iapana, K. Shiraishi, haiololo; Hanapepe Iapana, K. Mamya, haiolelo; Lihue Korea, Mr. Ahns.
Na lala mau o ka aha: Rev. J.P. Erlman, Rev. Akaiko Akaua, Rev. H. P. Judd, HOn. W.H. Rice, Rev. F.S. Sendder, Judge D.K. Kapahee, Judge J.K. Kapuniai, Wm. Wana, A.G. Kaulukou, J.M. Kaneakua ame J.H.K. Kaiwi
Na Mr. J.K. Kaneakua i heluhelu mai i ka lakou hoike papa kuhikuhi hana no na la hana ekolu i manaoia e pau ana na hana a na aha iloko o na la ekolu, eia nae, ua pau iho la ka hana a na aha iloko o na la elua. Eia iho ka papakuhikuhi hana, penei:
Hora 6-7 a.m., halawai haipule C.E., kumuhana: Kau waiwaii'o. Ka mea helu ekahi iloko ou, e hoike ana ia, ma kekahi ano, i ke ano o ke Akua. Mataio 10: 1-42. Alakai, Hon. A.G. Kaulukou me ko Lihue C.E.
10-10:30 a.m., halawai haipule o ka Aha Makua; 10:20-12 m., hoookipa a Lihue i ka aha. Ko ka aha apo i ka hookipa ma o ka lunahoomalu la. Halawai hana o ka Aha Makua.
7:30 p.m., halawai hoeueu ma ke Tiptop. Haiolelo, Rev. A.W. Palmer,. 1-2:30 p.n., halawai hana Kula Sabati. 2:30-4:30 p.m., halawai Ahahui C.E.
Poaono--6:15-7:15 a.m., halawai haipule C.E., kumuhana: Kou waiwaiio. He mana (Alakai) oe iloko o keia ola aa. Mat. 10:31. Peresidena Nui Akana ke alakai me Waimea ame Koloa.
9-9:30 a.m., Halawai haipule, Aha Makua: 930-11 a.m., halawai hana Aha Makua; 11-12 m., na manao no ke kumuhana: Na hana Kula Sabati ma na pa Kumakahiki, Rev. J.M. Lydgate ke alakai.
1-2:30 p.m., halawai hana Kula Sabati. 2:30-4:30 p.m., halawai hana Ahahui C. E. 7:30 p.m., halawai haipule hoeueu, luakini Ekalesia Lihue Union. Rev. A.W. Palmer, alakai.
Sabati 6:15-7:15 a.m., halawai haipule C.E. kumuhana: Kou waiwai @@ O kou ola maemae, he maua hoomaemae ia iloko o keia ola ana. Mat. 10:31. Alakai, Hanapepe ame Koloa C.E.
10-12 m., Hoike Kula Sabati Nui o ka Mokupuni. Alakai, K.K.S. Nui ame Peresidena W.H. Rice. 3 p.m., halawai Aloha Aina ma ka Halekoa ma Lihue. Haiolelo, Rev. A.W. Palmer. 7:30 p.m., anaina hookaui ogana (recital), luakini Lihue Union.
Paina ana, ma ke kahua luakini no. Kakahiaka, 7:30-8:30. Awakea, 12m. Ahiahi, 5-6 p.m.
J.M. Lydgate, J.M. Kaheakua, Wm. Werner, komite papa kuhikuhi hana.
Lihue, Aperila 18, 1918.
Na ke Kahu Kaulili he noi e hoololiaiia ka manawa e noho ai ka Aha Kula Sabati, hora 2:30 p.m., a ka hora 3 p.m. i hiki ai e komo mai ka hoike a ke Kula Sabati Apana mai Koloa mai, Mrs. Maggie Blake, aponoia ka hoololi a ninau ia ka papa kuhikuhi hana, ka hoololi ame ka hoike a ke komite, aponoia.
Koho ka lunahoomalu i ke komite imi kumuhana, J.M. Lydgate, S.K. Kaulili ame @immie Werner.
Oiai e kakali ana ka aha i ka makaukau mai o ke komite imi kumuhana ua kamailio pokole mai ka Makua W.H. Rice e pili ana i na meahou o ke kaua, ka hana maikai a ke Keʻa Ulaula, ma o na kahumaʻi, e kokua mai la i ka poe pilika iloko o ke kaua, ame na hana ku ole i ke ana Kristiano, a na Geremania. Ua kamailio pu mai ka agena Rev. J.P. Erdmau e pili ana i ka pilikia ma ka Ekalesia Makua ma Kawaiahao, wahi ana; ua lokahi ka hapanui o na hoahanau e hooponopono ia na hana me ka maikai, a e hiki mai ana i ka wa e pau ai ka pilikia, a ua hooholo na Ahuhui C.E. e hoohui ma keia ahiahi Sabati iho, me ke komite ekalesia, oia hoi owau, H.P. Judd, Schanek ame S.L. Desha, a na ke kahu o ka ekalesia o Haili e malama ana ke anaina pule ma keia Sabati iho, ke manaoio nei au in a e launa mai ka Haku o Iesu Kristo e pau no keia pilikia.
Na ke komite S.K. Kaulili i heluhelu mai i ka lakou hoike komite imi kumuuhaua a penei: I hapalua hora haipule; 2. hoike papahelu a ua kahu; 3, hoike kihapai a na elele; 4, palapala hoopii; 5, hoike komite mau; 6, hoike komite wae; 7, ka inoa lala mau; 8, na kahua luakini; 9, ke ola o na kahu; 10 kokua i na papa ekolu--kokua i na Papa Hawaii, Papa Amerika, Papa Misiona Amerika; 11, na ekalesia kahu ole; 12, luiu o na wahine kane make; 13, na ole lo hoalohaloha; 14, ka Aha Paeaina; 15, Ke Kulu Kahunapule: 16, na meaai ame ke Ke'a Ulaula; 17, koho ana i na lunanui o keia HA; 18, kahi ame ka manawa e noho ai keia aha.
Wahi a ke Komite Kaulili, o ka lakou hoike hapa keia, ninauia ka hoike a me komite a hooholoia. J.M. Lydgate, S. K. Kaulili ame Jimmie Werner.
Hapaiia ke kumuhana 2. Hoike papahelu a na kahu. Na ka Lunahoomalu J.E. Kuapuhi i heluhelu mai i kana hoike papahelu mai ka Ekalesia mai o Waioli Hanalei, a komo iloko o ka lim o ke komite. Na W.K. Samuela i heluhelu mai i kana hoike elele, mai Waioli, Hanalei me ke dala hookahi, $1: komo i ke komite.
Na Rev. R. Puuki, kahu ekalesia o Koolau Huiia, i kana hoike papahelu, mai Koolau Huiia, komo i ka lima o ke komite. Na Jimmie Werner i heluhelu mai i kana hoike elele, mai Koolau Huiia, me $1, komo i ke komite.
Na ke Kahu I.K. Kaauwai i heluhelu mai i kaua hoike papahelu mai Kapaa mai, komo i ke komite. Na L.J. Mundon i heluhelu mai i kana hoike elele, mai Kapaa mai, me $1, komo i ke komite.
Na Hon. W.H. Rice i heluhelu mai i kana papa hoike helu mai ka Ekalesia Hawaii o Lihue, komo i ke komite. Na J.H.K Kaiwi i heluhelu mai i kana hoike elele, mai Lihue Hawaii, me $1, komo i ke komite.
Na ke Kahu J.M. Lydgate i heluhelu mai i kana hoike papahelu mai Lihue Union, komo i ke komite. Na Judge L.A. Dickey @ heluhelu mai i kana hoike elele me ke $1, komo i ke komite.
Iloko o ka hoike a ka elele mai Lihue Hawaii mai, e nonoi ana i mau leo pule i ke Akua, e haawi mai i kahu kupono loa, ua kauoha ka lunahoomalu i ke Kahu Kaulili, e haawi mai i leo pule elike me ke noi. Na ka Agena F. Scudeder i heluhelu mai i ka hoike papahelu a ka hoiolelo Mr. Okamoto, o na hoa hanau Iapana mai Lihue mai, komo i ka lima o ke komite.
Na ka agena Frank Scudder i heluhelu mai i ka hoike papahelu a Rev. Kaboki, mai ka Ekalesia Iapana mai o Koloa, komo i ke komite.
Na ke Kahu S.K. Kaulili i heluhelu mai i kana hoike papahelu, mai ka Ekalesia Hawaii mai o Koloa, komo i ke komite. Na John Olopua i heluhelu mai i kana hoike elele ekalesia mai Koloa mai, me $1, komo i ke komite.
Na Mrs. Fanny Sabo i heluhelu mai i kana hoike elele, mai ka Ekalesia ma o Hanapepe, komo i ke komite. Na J.K. Kapunini i heluhelu mai i ka papa hoike kani mai Waimea mai a komo i ke komite. Na J.K. Kapuniai i heluhelu mai i kana hoike elele mai Waimea mai, me $1, komo i ke komite.
Na ka Agena F. Scudder i eluhelu mai i ka hoike papahelu a Rev. Kirinshi Dhiraishi, mai Waimea a Kekaha, komo i ke komite.
O ka hoike papahelu a Rev. Jose Alba, mai ka Ekalesia Pilipino mai o Kilauea, ma o Maximo J. Petralba, kana elle nana i heluhelu mai me $1. komo i ke komite.
Na ke kakauleta o ka Papa Hawaii, Rev. H.P. Judd, i waiho mai i ka hoike papahelu, a ke kahu Pake o Hanapepe, To Dart Tong, ame ke kahu Pake mai Waimea mai, Rev. C. How Fo.
UA HAALELE MAI I KEIA OLA ANA KA'U MEA ALOHA HE WAHINE.
Ia oe e Mr. Sol. Hanohano:---E oluolu oe e hookomo iho ma kekahi wahi kaawale o ka Nupepa Kuokoa, ka hiwahiwa hoi a ka lahui Hawaii, i ka'u wahi ukana luuluu, o ia hoi, he waimaka, a nana hoi ia e hoike aku i ka ohana, ua makamaka ame na hoaloha, o ia hoi, ua haalele mai i keia ola ana ka'u mea aloha he wahine, o ia hoi Mrs. Nahau Kauhane Kanekoa, ma ko maua home ma Honohononui, Keaukaha, Hilo, ma ke ahiahi Poaha, la 25 o Aperila, 1918
Ua loihi no ka hoomailo ana a ka ma'i maluna o kona kino a ua imiia no hoi ke ola imua o ua kauka, aole uae i loaa ke ola, he wahi maha liilii wale no, pela mau oia i waiho ai iloko o ka uawaliwali a hala wale aku la no. O kona wahi moolelo pokole oia keia:
Ua hanauia oia ma Kohala mai ka Puhaka mai o Mrs. Nahau (w) ame Mr. Kuahine. He Kohala kona mama a he Kaupo, Maui, hoi kona papa. O kona la i hanauia ai ame ka makahiki aole i maupopo iaia, ua make koke no kona mama i kona wahi wa bebe no, a hui pu laua me kona papa i Kaupo, Maui, a malaila oia i hanaiia ai ahiki i kona nui ana, a ua noho no hoi ma Makawao, ma home mai, ahiki i kona hoi ana i Oahu, a noho ma Pauoa me kekahi o kona ohana malaila, ilaila oia i halawai ai me ka moopuna a Kaina o Hilo nei, a hooaikane laua, o ia kona kumu i hoea ai i Hilo nei a loaa no hoi ia'u, a ua hoohuiia maua ma ka berita maemae o ka mare.
Ua piha na makahiki he 34 o ko maua noho mare ana, ahiki i kona pauaho ana mai la, ua loaa ia maua he 12 keiki iloko o keia mau makahiki o ko maua noho mare ana; a ua pau aku ka nuii ka make a koe ekolu e ola nei, elua kaikamahine, hookahi keikikane.
He makuahine puuwai hamama oia, a he kauwa hoi malalo o ka ke Akua hana. He hoomana Kalawina kona hoomana, he makuahine hana oia, he lawai'a, he mahiai a lie kaulei no hoi, a e imi ana i ka pono o ka noho ana malalo o keia mau hana. Ua kamaaina oia i ka poe apau o Hilo nei, mai ka poe haahaa a i ka poe kiekie. Ua komo oia i a Hui Kaahumanu, ka ohana, na makamaka ame na hoaloha i komo pumai na kana huakai hope loa ma keia ao.
Na Mr. Kaleihoa i malama i ke anaina haipule maluna o kona kino. Auwe ka luuluu o ka manao! Ua like ke aloha o ka wahine me he waipuna la ka pipii ae i kuu houpo, kuu hoa pili hoi o na po anu o ka hooilo. Auwe kuu aloha ia oe e!
E na ehukai o Leleiwi, aole e hoopulu hou ana kou mau hunakai i kona ili; e Kauakanilehua e, aole oe e kilihune hou iho ana maluna on a; e ka wai huihui hoi o Lohoaka, aole oe e hoopulu hou ana i kona ili me kou wai huihui oiai ua nalo hikiwawe iho nei oia no ka wa mau loa.
Nolaila ke nonoi ae nei au i na Lani kiekie loa, Nana no e hoomama mai i ko'u mau manao kaumaha, na keiki ame ka ohana i hookaumahaia, oiai Nana no i haawi mai a Nana no hoi i lawe aku, nolaila e hoomaikaiia Kona inoa.
Noue e Mr. Sol. Hanohano ko'u aloha nui loa. Owau iho no me ka luuluu.
S. KAUHANE KANEKOA.
Honohono nui, Keaukaha, Hawaii.
HOIKE KULA SABATI O MAKAWAO AKAU
E weheia ana ka hoike hui o na Kula Sabati o Makawao Akau ma ka Luakini o Haiku, Maui, ke hiki mai i ke Sabati, la 9 o Iune, 1918, mamuli hoi o ka loli ana o ka manawa e noho mai ai ka Aha Paeaina ma Honolulu.
No laila ke ha'i ia aku nei ka lohe i na Kula Sabati apau e makaukau mai ma keia la i ha'i ia maluna.
E weheia ana hoi he ahamele me hulahula ma ka po o ka Poaono la 8 e nauwe mai e ike i ka meahou.
MRS. ANNIE MITCHELL
Kahu Kula Sabati.
Hapaiia ke kumuhana 4, na palapala hoopii. No keia kumuhana, ua hoakaka nui mai o Mr. Rice, i ke ano o keia kumuhana, o ia hoi e koho mai na ekalesia i elua komite mai kela ame keia ekalesia, a e hui mai keia mau komite ma Lihue nei, me ke komite nui kuwae na a na lakou e kuka a hooholo i ka noonoo ana i kahu kupono loa, a na keia komite hui e noonoo pu i ka uku no keia kahu a e lilo oia i kahu kaahele iwaena o na ekalesia kahu ole, ame na ekalesia kahu, a hui aku, paipai, a hoala a hoeueu i na hoahanau iloko o na Ekalesia. E komo pu mai ana no ka Papa Hawaii, a hooholo pu i keia kumuhana, ame ka lakou haawi, ke hoomaopopo ia ka mea hiki i na ekalesia ke haawi, ua ninauia keia kumuhana, a o ka lunahoomalu mai Hanalei mai ka i ku mai a hooikaika e hooholoia keia kumuhana maikai loa, a ma ka ninau ana a ka noho, ua hooholo lokahiia i elua komite mai kela ame keia ekalesia e koho mai ai.
No ka pau o ka manawa, ua kani mai ka hele a ke komite malama ola, a hoopanee ka aha, me ka pule a ke kahu S.K. Kaulili (Aole i pau.) Mr. Lunahooponopono o ke Kuokoa, Aloha oe; --E ae mai kou ahonui i kauwahi kaawale o kau pepa no kela poomanao e kau ae la maluna, a nau hoi ia e lawe hele ae ma ua kihi eha o ka paeaina aloha nei.
I ko makou makuahine, Mrs. george l. kopa, walohia wale:--Elike me ka puka ana mai o ka la ma ka hikina a pahola aku la kona malamalama ma na welau o ka honua, pela iho la no ka lona kaumaha, luuluu me ka welenia o ka naau i hoea a pahola iho la, maluna o na puuwai pakahi o ka olua poe keiki o ka Ahahui C.E. Makua o Kokoiki nei, e pili ana i ka pauaho ana mai i ke ola ana o ka Rev. George LIlikalani Kopa, kau kane i aloha nui ia , a o ko makou makua maikai hoi.
He aloha he hoomanawanui ame ka paupauaho ole hoi i ka hanai ana mai ia makou i ka mane maika'i noluna mai, a nana no hoi i hookahe mai i ka waiu a'ia'i o ke ola iloko o makou i na la apau o kona ola ana.
Eia ka hale halawai o Kokoiki ke ku nei me kona kulana kilakila o ka nani, e kahea ana i ke kamahele e kipa maloko o kona mau keena nani, aka o kona nani ua lilo a i mea ole, i loko o keia mau hora a ehaeha, mokumokuahua o ka naau, oiai o kona alakai ame kona mea hoi nana ia i hooponopono, aia oia ke moe mai la iloko o ka maluhia ma ke kulanakauhale o Honolulu, a ko ae la ka mea i palapalaia ma ka Buke Nui e hoi ka lepo i ka lepo, a o ka uhane e hoi ia i ka mea nana ia i hana, a kuu iho la kona luhi iloko o ka maha mau loa. Pomaikai ka poe make ke make iloko o ka Haku.
Nolaila, e hooholoia, o makou o na lala o ka ahahui C.E. o Kokoiki, ke komo pu aku nei me oe e ka makuahine kne make, e kumakena, a pela pu hoi na keia keiki makua ole, ame ka ohana no apau iloko o na haawina o ke kaumaha, ame ka luuluu, no ka mea aloha i haalele mai ia kukou apau.
Nolaila e hooholoia, ke noi ae nei ka makou mau leo pule i na Mana Lani kiekie loa, e lawe ae i na haawe kokoke i ke kihi o na Alanui Waialae ame Kapahulu. Apana 50x92. Kumukuai $300. $50 uku mua a $10 o ka mabina. Elima wale no Apana i koo.
He wa maikai loa keia e loaa ai kekahi apana aina emi loa i kokoke loa i ke kaa awila/
MAI HONOLULU AKU.
Waianae, @@@@@@@@, kahuku @@@@@@@@@@@@@@@@@@@@@@@@@@@@@@@@@@@@@@@@@@@
O ka Haleiwa LImited, He @@@ o elua hora (o ka poe wale no o ka papa ekahi) e haalele ana ia Honolulu i na sabati apau ma ka hora 8:30 a.m. ho ka Hokele Haleiwa; huli hoi mai hoea i Honolulu ma ka hora 10:10 p.n. Ma pearl City wale no e ku ai ame Waianae.
Ma ka auwina la o ka auwina la o ka Poaono nei i lawe okoa ne ai he Pake nona ka inoa o Yueu Wai i kona ola iho ma ke kaawe ana iaia, me ke kawele maloko o kona rumi, ma kekahi hale hoolimalima ma ke Alanui Beritania.
He pake wili mau no keia o ka mai maluna o kona kino, a ma ke koho wale ia, mamuli o kela mai, a hui pu iho me ka puikaika o kona ola ana, pela iho la oia i lawe ae ai i ke alahele pokole loa, e hoopauia ai na auwe ana. Ma ka manao o Kauka Ayer o ka halema'i, he eha hora o ka Jewalewa ana o ke kino o kela Pake mamua o ka loaa ana aku.