Ka Nupepa Kuokoa, Volume LVI, Number 20, 17 May 1918 — HE HOOMAIKAI NA KA NUPEPA KUOKOA. [ARTICLE]

HE HOOMAIKAI NA KA NUPEPA KUOKOA.

Aole i hoi nele na uwalo ana aku a keia pepa imua o kona poe heluhelu, no na kokua e pili ana i ka waihona o ke Ke'a Ūlaula, no ka mea ua hoouna pololei niai no kekahi f poe i ka lakou mau kokua i keia pepa, a ua hoihoiia aku i ke keena poo o ke Ke'a Ulaula ma Honolulu nei, a ua hoounaia aku hoi na likiki hookaa, i ka poe na lakou ia mau dala i hoouna mai. Eia ma nā wahi like ole o keiaTeritore, ka poe i kohoia no ka hoeueu ana, a no ka hooikaika ana e loaa mai na kokua no ke Ke'a Ulaula, nolaila ua manao keia pepa, he'hana maalahi loa, a he hana kupono no hoi ka haawi ana aku i na kokua, i ka poe e hana ana 110 ke Ke'a Ulaula ma kela ame keia wahi, aole hoi e hoouna mai i keia pepa; aka no na wahi i nele maoli ka loaa ana he poe hooikaika, ua hamama mau keia- pepa, no ka lawe ana mai i na kokua apau e hoounaia mai ana no keia waihona. I keia pule iho la i hoounaia rtiai ai he eono dala no ke Ke'a Ulaula, e kekahi poe ekolu, a keia pepa e haawi aku nei i na hoomaikai ana ia lakou, ua hoike moli mai no kakou na Hawaii i na manao makee no keia hana; a e pono e hoomauia aku keia hana maikai, elike me ka loihi o keia kaua, no ka mea aia maluna o na Amenka oiaio apau, ke kau ana mai o na manaolana no ka pono o na koa i loaa i na poino ame na palapu ma na kahua kaua.