Ka Nupepa Kuokoa, Volume LVII, Number 12, 21 March 1919 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

Ka Haha a ka Ahaolelo Kuloko

Ke senate La Hana 18.

B. S. 128-- E plil ana i ka auhau ana.

--Shingle.

Na hoike komite:

            Na ke komite wae o na senatoa o Maui he hoike maiuna o na B. S. 104 ame 137 e apono ana ia mau bila a hooholoia ma ka heluhel elua.

            B. S. 67, e haawi ana i na wanine i ka mana e hana aelike a e kuai aku i ko lakou mau wai wai ponoi no ka heluhelu ekolu ana, ua ala ae he hoopaapaa, eia nae ma ke koho ana ua holo ia bila, o ke Senatoa Correa ka mea kue.

            B. S. 70, e pili ana i na makahiki e oo ai na kaikamahine ame na keikikane, ma ke koho ana ua holo ma ka heluhelu ekolu ana.

            Na ke komite o na loaa ame na hoolilo he hoike e apono ana i ka waihoia ma ka papa o ka B. S. 2, a o ka bila 54 e waihoia aku ka noonoo ana i ke komite wae o ka Mokupuni o Hawaii. Aponoia.

            Hapaiia ka B. S. 66, e hookaawale ana i $75,000 no ka uku ana aku i ke poho o na Pake poi, Ua hoopaneeia ka helu helu ekolu ana ia bila i hana kuikawa na ke senate a ka la hana 19.

            Na ke komite wae o Oahu he hoike maluna o ka B. S. 43, ua aponoia ka hoike a ke komite maluna o ka bila, komo pu me ka bila panihakahaka a ke senate. helu 43, i waihoia aku ai i ke komite ma ke koho ana a 8 ia 6.

            Na ke komite wae o na senatoa o Hawaii he hoike e apono ana i na B. S. 26 ame 45, a hooholoia ma ke helu helu elua, a o ka B. S. 106 ua waihoia ma ka papa.

            Ua apono pu ke komite wae o na senatoa o Hawaii i ka B. S. 29 me kekahi hoololi.

            Hooholia ma ka heluhelu ekehi is ana ka B. H. 212, e pili ana i ka heluhelu ekahi ia ana ka B.H. 212, e pili ana i ka laikiki ana i na loio ame na olelo hooholo 2 a ka hale.

            H. C. R. 18, e apono ana i ka holo aku o na hoa o ka aha i Molokai, ua waihoia aku i ke komite ola.

            Na Bila i holo ma ka heluhelu elua ia aa: B. H. 24, 30, 137, 45, 62, B. S. 104.

            Na Bila i holo ma ka heluhelu ekoluia ana: B. S. 67, 70, 78

Ka Hale--La Hana 18.

            B. H. 230--E hoolio ana i na rula a na aha hookolokolo kaapuni. --Rawlins.

            B. H. 231--E hookaawale ana i $50,000 no ke kuai ana i na pono wai ma Kiilae, Kona Hema,--Kaaua.

            B. H. 232--E hookaawale ana i $200,00 no kehai uwapo ma Maalaea a i ole ma Lahaina-- Waiaholo.

            B. H. 233--E hookaawale i haawina @ala no ka uku hou ana aku is M. C. @ Meilo-- Kaupiko.

            B.H. 234--E hoakaka ana no ke koho ana ke ao ana i na olilo o na lahui maloko o no kula o Hawaii.-- Andrews.

            B. H. 236-- E kau ana i ukupaa maluna o na hoopii knisi i ka manawa e waihoia ae ai ka waiwao iloko o na lima o na loio.--Andrews.

            B. H. 237-- E hooponopono ana i na ahahui ka lakou mau mama hana, a pela aku.-- Chandler.

            B. H. 238-- E hoololi ana i na kanawai e pili ana i ke komo pu ana o na luna aupuni iloko o na aelike a ka lehulehu.-- Andrews.

            Na olelo hooholo:

            H. R. 58-- E kauoha ana i ka lunahoola no kekahi mau hoike oiaio e pili ana i ka hana a na hope lunaauhau.-- Joseph.

            H. R. 59-- E kauoha ana i ka papa o ka oihana mahiai mae ululaau e haawi mai i kekahi mau mea oiaio e pili ana i na ululaau i hookoeia, ko lakou niu, ka pa ia ana ame ka hooliloia ana i aina hanai holoholona.__ Chandler, H. R. 60-- E hoakaka ana no ka helu hou ana i na baloka no na lunamakaainana maloko o ka apana lunamakaainana ekahi.-- Silva.

            H. R. 61-- E hookaawale ana i $2000 no ke alaui holopuni ma Hamakua, Hawaii, msi Honokaa ajiki i Waipio.-- Lyman.

            H. R. 62-- E hookaawale ana i $50,000 no ke alanui holopuni.-- Lyman.

            H. R. 63-- E hookaawale ana i $4000 no ka hoonee ana i ka halekula o Kalihi, Honolulu.-- Fernandez.

            H. R. 64-- E hookaawale ana i $100,000 no ke alanui Keaumoku, Hawaii.-- Kaupiko.

            H. R. 65-- E hookaawale ana i $5000 no kekahi halehana niho ma Kalaupapa.--Pas@hoal.

            H. C. R. 30-- E noi ana i ka ahaolelo lahui e hooloihi aku i ka hoopaneeia ana o ke kanawai e pili ana i na moku.-- Andrews.

Ke Senate-- la Hana 19.

            Na ka lunahoomalu o ke komite hookolokolo he hoike maluna o ka olelo hui a ka hale, e noi ana e hoopaneeia ka uku ana i ka uku liilii mua o ke kumukuai o na aina hookuonoono o Waiakea a hiki i ka la @ o I lulai; ma ke koho ana a 9 ia 6 ua haule.

            Wahio hou ia mai he noi e hooholo koke ia ka olelo hui ma ka heluhelu ekolu ana Ma ke koho a 6 ia 9 ua waihoia ma ka papa.

            Na ka lunahoomalu o ke komite aina aupuni he hoike maluna o na B. S. 9, 43, 109, 115, B. H. 49, ame ka olelo hooholo 8 a ke Senate. Aponoia.

            He palapala hoopii mai ka poe mai e noho ana maluna o na aina hookuonoono e hoemiia mai ka waiwaiio o na apana aina hookuonoona i kauia ai he $100 o ka eka a i ka $25 o ka eka. Ma ka hoike a ke komite ua pii loa ke kumukuai i kauia maluna o kekahi mau apana a ua kupono ma kekahi, a ua noiia aku ka waiwaii'o o ia mau apana aina. Aponoia ka hoike a waihoia aku i ke komisina aina.

Ka Hale--La Hana 19.

            B. H. 239-- E hookaawale ana i $10,000 no ka hoopau pono ana i ka eli ana i ke awa o Lahaina.-- Waiaholo.

            B. H. 240--  E hookaawale ana i kekahi apana aina ma Lahaina, Maui, a i ikeia "Pa Pelekane" i paka no ka lehulehu.-- Waiaholo.

            B. H. 241-- E haawi ana i ka mana i ke kiaaina e huli, ninaninau, hooponopono kau a i ole hoomalu i na lako meaai o ke Teritore.-- Kaupiko.

            B. H. 242-- E hookaawale ana i haawina @ala no ka uka ana aku i na koi a ka hui hana uwila waiahi $6.50.-- Aguiar.

            B. H. 243-- E hookaawale ana i $9.50 no ka hoihoi hou ana aku i ka Haw. Canneries Co. no ke kaki hewaia ana.-- Kaupiko.

            B. H. 245-- E hoolaa ana i ka aina ma Waiakea, Hilo, i paka no ka lehulehu.-- Rose.

            B. H. 246--E hoopau loa ana i na kanawai e hooponopono ana i ke kuai ana i na waiona.-- Silva.

            B. H. 247-- E hoololi ana i na kanawai e pili ana i ka hoah@ ana i ka pauda a mau mea pa hu e ae.-- Silva.

            B. H. 248 No @a uku hoomau ana aku ia Julita Nani Alapai.-- Andrews.

            H. R. 66-- No kekahi haawina dala o $4000 no ke alanui o ka apana o Kola, Kauai.-- Chandler.

Ke Senate-- La Hana 20.

            Noonooia he palapala mai ka oihana kalepa mai e hoakaka ana no ka hana a ke komite wae a ia papa e pil ana i ka mai lepera a e waiho mai ana i ka oike hui hanaia e ke komite ola.

            Mai na Kepani ae he mau olelo hooholo e ku-e ana i ka hoihoiia aw o ka hoopohopono a@a i na kula Kepani malalo o ke alakai a hooponopono ana a pa papa hoonaauao. Ua komo ae keia iloko o na lima o ke komite hoonaauao.

            He mau bila lehulehu na ka hale ka i heluheluia a wai hoia ae i na komite like ole: H. B. 22, komite hoonaauao; B. H. 134, hoonaauao; B. H. 186, loaa ame hoolilo; B. H. 202, ola; B. H. 238, loaa ame hoolilo.

            N B. S. i holo ma ka heluhelu ekoluia ana a i hoonaia ae i ka hale: 31, 50.

            Hoopaneeia ka noonoo ana i ka B. S. 86, e pili ana i ke kau ana i ka hoopai no ke komohewa maluna o na aina ululaau o ke Teritore ame oki ana a kahi wa aku.

            Apono ole ke komite hookolokolo i na B. S. 82, 83 ame 84, e pili ana i ka hana a na limahana makaainana o ke teritore malalo o ha aelike, a pela aku. Aponoia ka hoike.

            Holo ma ka heluheluia ana ka. B. S. 10, e hoomahuahua hou ae ana i na ukuhana o na kumukula o ke Teritore a hoihoi ou ia aku i ke komite pai uo ke pai hou ana.

            Holo ma ka heluhelu elua ia ana ka bila hoaie dala i ka poe mahiai i hookomoia ae ai e senatoa Wise, a pai no ke pai hou ana, pela ma ka B. S. 120.

            Ua hahana na paio ana a na hoa maluna o ka B. S. 3 e haawi ana i na lunakiai o ke Kalana o Honolulu e kau i na uku auhau a e hoomahuahua mau ia ae i kela ame keia makhiki. O ke noi e hoopanee ua haule a ua holo ma ka heluhelu elua ia ana, a waiho ia aku i ke komite pai.

            Mai ka Ad Club aku he olelo hooholo e kue ana i ka hooliloia o na apana aina o ka Paka Kapiolani a waihoia aku i ke komite aina.

            Ua hoikeia ae ka lohe ia hale no ko ke Kiaaina kakauinoa ana i na bila 5, 30 ame 137 a ka hale ame ka B. S. 25.

            Na Chillingworth he bila e hoakaka ana no kekahi auhau pakui hou no Kauai no ke kukulu ana i halemai malaila.

            Na Paeheco he nila e noi ana e uka mau ia o Manuel Marquex i $30 no ka mahina, oia kekahi o na limahana kahiko loa o ke kahua kapitala.

            Na Wise i hookomo ae he bila e hoakaka ana no ka hoohanaia ana o na hale pahupahu ame maika huipu me na haleaina ame na hale hookipa.

            Na Desha he olelo hooholo e noi ana i haawina dala o $1500 no ka malana ana i na heiau.

            Na B. S. i holo ma ka heluhelu elua ia ana: 10, 36 ame 120.

            Na B. S. i holo ma ka heluhelu ekolu ia ana a i hoounaia ae i ka hale: 31 ame 50. Na bila i more ma ka papa:82, 83 ame 84.

Ka Hale-- La Hana 20.

            B. H. 249-- E hoamana ana i ke Kalana o Hawaii e uku aku i na koi a ka Hui Kaa o Schuman no na kaa otomobile.-- Kawewehi.

            B. H. 250-- E hookaawale ana i $5500 no kekahi hale e malama ia ai na wahine makapo ma ka Home Bihopa ma Kalaupapa.-- Taveres.

            H. R. 67-- E kauoha ana i ka luna nui o na hana hou o ke aupuni e hana hou ae a maemae i ke kahua o ka awai kahi i poniia ai o Kalakaua i moi.-- Fernandez.

            H. R. 68-- E koi ana i na komite kumau a ka hale e waiho mai i hoike no ka lakou hana maloko o na la elima maluna o na bila i waihoia aku ai ia lakou koe wale no a hoolo ka hale e hookaulau iki i aku,-- Kumalae.

            H. O. R. 31-- E hoamana ana i ka hookaawaleia o kekahi mau aina aupuni no ka Home o ke Kahunapule Katolika Louis maloko o Hawaii.-- Silva.

Ke Senate-- La Hana 21.

            B. S. 132-- E hoakaka ana no kekahi haawina dala ma ke ano haawi mua mailoko ae o na loaa laula o ke Teritore o Hawaii no ka hana ana i na alanui mawaena aku o na aina hookuonoono o Wailua, Kauai,-- Coney.

            B. S. 133-- E hoakaka ana a e hookaawale ana i kekahi apana aina aupuni ma piihonua, Hilo Hema, i kahua no na paahao kalana @ hoohanaia ai.-- Desha.

Ka Hale-- La Hana 21.

            B. H. 251- E hoakaka ana no ka hookumu ana i komisina na ke Aupuni Hawaii o kekahi buro no na malihini kaahele, a e hookaawale i $100,000 no kona malama mau ia ana.-- Andrews.

            B. H. 252-- E hoakaka ana no na akena haawi palapala ae mare.-- Andrews.

            B.  H. 235-- E hoakaka ana no ka ninaninauia o na loio o na aha apana mamua o ko lakou aeia ana e hoomaamaa kanawai mamua o kekahi ana kakau.-- Andrews.

            B. H. 254-- No ka hoihoi hou ana aku i ka huina o $2786.80 i ke aupuni federala no ke pai ame ka humu ia ana o na kana wai o na kau o 1915-1917.-- Lewis.

            H. R. 255-- E hookaawale ana i haawina dala pakui o $10,000 no ka hoohuihui ana i kekahi buke wehewehe huaolelo Hawaii.-- Lewis.

            B. H. 256-- No ka hoomoe ana i laina paipuwai maluna aku o ka aina hookuonoono o Lualualei, Oahu, a e hookaa wale ana i $25,00.-- Fernanez.

            B. H. 257-- E hookaawale ana i na aia ma Waiakea, Hilo, Hawaii, i mau aina lua pohaku no ke Kalana o Hawaii.-- Kai.

            B. H. 258-- E aeia na hale kahi umiumi e wehe hamamaia ae ma ka la Sabati ma ka hooloi ana i ka pauku 4191 o na kanawai i hooponopono hou ia o Hawaii o 1915.-- Werner.

            Palapala Hoopii 21-- He noi mai na makaainana mai o Koolaupoko no ka hanaia o kekahi mau alanui.-- Rawlins.

            P. H. 22-- He noi mai na wahine ai aole e hooholo i ka bila koho baloka o na wahine ahiki i ka hoololiia ana a waihoia aku no ke koho ana a ka lehulehu.-- Kupihea.

            P H. 23-- He noi no ka hooloihiia aku o ke alanui o Kahakuloa, ma Maui.-- Kupihea.

            H. R. 69-- E hookaawaleia i $45,000 no kekahi hale aupuni hou ma Lahai@a.-- Waiaholo.

            H. R. 70-- E hookaawale ana i $20,000 no kekahi alanui hou ma Hanalei no ka oihana wai o Hanalei ame koloa.-- Chandler.

Ke Senate-- La Hana 22.

            B. S. 134-- E pili ana i ka hui panai ola, a e kau ana i rula no ka hooponopono ana i na hui panai ola o na aina e ma Hawaii nei, a e kau pu ana i ke ano o na uku laikini no na palapala e waihoia mai ana ame na hoike e ia mau hui.-- Pacheco.

            O ka Elele Kalanianaole pu kekahi maloko o ke senate m@ keia la.

            O kekahi i na hana i noonoo mua ia oia ka mea e pili ana i ka H. C. R. e noi ana i ka ahaolelo lahui e pahola mai i na manao o ke kanawai hoaie dala i ka oihana mahiai o Hawaii nei.

            Na ke kiure kieki o ke Teritore he hoike e pili ana i ke Kula o Waialee, a waihoia aku i ke komite hoonaauao.

            O ke noi a ka oihana kalepa no ka huina o $50,000 no na hana hooholomua ua waihoia aku i ke komite o na loaa ame na hoolilo.

            He hoike ka i loaa ae mai na kumukula Kepani mai ma Hawaii nei e hoakaka ana o na loina Amerika apau ka lakou e ao mai nai maloko na kula Kepani. Waihoia aku i ke komite hoonaauao, a o ka B. S. 117, ua waihoia aku i ke komite o na loaa ame hoolilo.

            Ua holo ma ka heluhelu ekolu ia ana ka B. S. 10, e pili ana i ka hoomahuahua hou ana ae i na ukuhana o na kumukula me ke kue ola ia, a pela me ka bila e hookumu ana i kula kiekie loa no Hawaii.

            Holo ma ka heluhelu ekahiia ana ma ke poo ka B. H. 99.

            Holo ma ka heluhelu ekoluia ana na B. S. 3 ame 36.

            Kakauinoa ia ka B. S. 75 e ke Kiaaina.

            Hooholo ia ma ke heluhelu ekahiia ana ka B. H. 203, e hoemi mai ai i na mea ino wale.

            Noi o Wide e noonoo hou i ka B. S. 119 i waihoia ai ma ka papa, a pela pu me ka B. H. 127. Ua waihoia aku ia mau bila elua i ke komite wae o ka Mokupuni O Hawaii.

            Palapala hoopii:

            Ma o ke Senatoa Baldwin la he palapala hoopii ka i heluheluia dala no ka wehe ame ka hooloihidala no ka wehe ame ka hooloihi ana aku i ke alanui o Kahakuloa. Waihoia aku i ke komite i naloaa ame na hoolilo.

            Na bila i holo ma k heluhelu ekolua ia ana a hoounaia aku i ka hale: B. S. 3, 10, 36 ame 76.

Ka Hale-- La Hana 22.

            H. R. 71-- E hoakaka ana no ka ninaninau pono ana aku i ka piliwaiwai i hoopiiia mai maloko o ka halemai pupule mawaena o na limahana malaila ame ka poe maloko o ia hale.-- Kupihea.

            H. R. 72-- E kauoha ana i ke komite hoonaauao e noii aku i na mea apau e pili ana i ke Kula Ao Hanalima o na Keikikane a e hoihoi mai i hoike.--Kupihea.

HALAWAI O KA AHA EUANELIO MOKUPUNI O KAUAI.

            Ke hoikeia aku nei ka lohe i na kahu ekalesia, na komire, na lunahoomalu ame na elele ekalesia, e hele mai i ka Ahahui Euanelio Ahahuina o ka Mokupuni o Kauai, e noho ana maloko o ka Halepule Hawaii o Lihue, ma ka Poalima ekolua o Aperila, o ia no ka la 18, a e pau a hana a ka Aha ma ka Poakahi, la 21.

            He hoike makahiki keia mai na kahu ekalesia, na komite ame na lunahoomalu, a pela pu na hoike.

            Ke hoike pu ia aku nai ka lohe i na kahu ekalesia Haole, Pake, Iapana, Korea ame na Pilipino ame na haiolelo, e hele mai me ka makaukau me ka oukou mau oike makahiki pakahi, no na hana a ko kakou Haku aloha maloko o ka oukou mau kihapai.

            I ka hope peresidena nui, na peresidena apana, na elele o na Ahahui Hooikaika Kristiano, e hele mai me ka makaukau me ka oukou mau hoike pakahi, no na hana hooholomua iloko o ko kakou mai Ahahui C E. pakahi.

            I na Kahu Kuila Sabati Nui o Kauai Hikina ame Kauai Komohana, ame na Kahu Kula Sabati Apana, na elele, e hele mai me ka makaukau me ka oukou mau hoike pakahi, ma na mea hoeueu a e hooholomua ai i na Kula Sabati o kakou.

            E malama pu ana kakou he hoike Kula Sabati nui ma ke Sabati, la 20, maloko o ka halepule Hawaii o Lihue, e hele mai na Kula Sabati me ka malaulau me ka oukou mau haawina ame na himeni ma ka eleu, ame ka mikioi ame ka malama pu i ka manawa.

            Mai poina pu hoi i ka makaukau pu mai i ka oukou mau hipuu o ka malama ola, oluolu e hoouna mai i ka lunahoomalu o ka Ekalesia Hawaii o Lihue, a i ke komite malama ola, Hon. Wm. Hyde Rice, a i ole ia, e paa pu mai no me oukou i ka oukou mau malama ola pakahi, a loaa ke kakauolelo o ka aha, me ka la e noho ai ka aha.

            Ma ke kauoha a ka lunahoomalu:

            JAMES H. K. KAIWI,

            Kakauolelo o na Aha Mokupuni o Kaui.

Niumalu, Lihue, Kauai, Mar. 11, 1919.

KA EUANELIO LOLI OLE A IESU KRISTO NO KE ALAHOU ANA.

            Ke hai aku nai Au ia oukou, ia po, e moe no na kanaka elua ma ka moe hookahi; e lawe ia aku kekahi, a e waiho no kekahi. Elua hoi wahine e wili pu ana, e laweia aku kekahi, a e waiho ia no kekahi. Ma ka waena no na kanaka elua, e laweia aku kekahi, a e waiho ia no kekahi. A ninau aku la lakou, i aku la Iaia: Aia ihea, e ka Haku @ I mai la hoi Oia ia lakou: "Aia i kahi e waiho ai o na kino, ilaila na Aigo e akokoa ai." Luk. 17:34-37.

            O ka manao ma keia hopunaolelo mamua ae nei. Aia i kahi e waiho ai o na kino make, o na ano apau, ilaila na ma nu Aigo e akoakoa ai, e ai ai i ua mai kino make la, elike me na manu piheetero, ka muimuia i na heana o na lio ma na kuaaina o kakou iho nei. He ouli keia i pili loa ia Siona, kahi e akoakoa ai o ka poe hoano o na la hope nei i ka hoohiki elua ana mai o Kristo.

            Aole e lilo aku ke kookoo alii mai o ka Iuda aku, aole hoi ka mea wehewehe kanawai maiwaena aku o kona mau wawae, ahiki mai o Silo (Kristo), a Iaia ka akoakoa ana ae o na kanaka. Ki@. 49:10.

            Ke i aku Au ia oukou, he nui ka poe e hele mai ana, mai ka hikina ame ke komohana mai, a e noho pu lakou me Aberahama, ame Isaaka ame Iakoba iloko o ke aupuni o ka Lani. Mat. 8:10.

            Ka hoomalu pu ana o ka poe hoana me Kristo, maluna o ka honua nei; aka o ke aupuni ame ke alii ana, a o ka nani o ke aupuni malalo iho o na lani aupuni, e haawiia mai ia i na kanaka haipule he aupuni mau loa ia; a o na lii apau e hookauwa aku, a e malama aku no hoi Iaia. Dan. 7:27

            No ka mea, ua ike au e ola ana kuu Mea Hoola; a i ka wa mahope o kuu ili, e hoopau na ilo i keia kino; aka, ma kuu io e ike aku au i ke Akua. Oia Kau i ike aku ai nou iho. Iob 19: 25-27.

            No ka mea, e okiia aku ka poe hana hewa, aku o ka poe manaolana ia Iehova, e loaa ia lakou ka honua. A liuliu iki aku, aole ka me lawehala: oiai e hoomanao ikaika oe i kona wahi, aole hoi ia; aka e loaa ka honua i ka poehoohaahaa; he hauoli lakou i na pomaikai he nui wale. Hal. 37: 9-11.

            Pomaikai ka põe akahai, no ka mea, e lilo ka honua. Mat. 5:5.

            Me mele mai lakou i ke mele hou, e olelo ana, "Pono no Oe ke lawe i ka buke, a e akaa i kona mau wepa; no ka mea, ua pepehiia Oe, a ua kuai mai Oe ia makou no ke Akua me Kou koko, mailoko mai o na ohana apau ame na olelo, ame na aina, ame na lahuikanaka apau; a ua hoolilo Oe ia makou i poe alii, a i poe kahuna no ko makou Akua; a ia makou no ke aupuni ma ka honua. Hoik. 5: 9-10

            A ike aku la Au i na nohoalii a noho lakou maluna iho, a ua haawiia na lakou e hoopai; a ike aku laau i na uhane o ka poe i okiia ko lakou poo no ka hoike anan ia Iesu, a no ka olelo a ke Akua, ame ka poe i hoomana ole i ka holoholona ame kona kii, aole hi i loaa Kona hoailona ma ko lakou lae, aole hoi ma ko lakou lima; ola pu lakou me Kristo, a hoomalu pu me Ia i na makahiki hookahi tausani. Aole i ola ke koena o ka poe make apau ia mau makahiki hookahi tausani, oia ke ala mua ana. Pomaikai a hoana hoi ke kanaka ke loaa iaia ke ala mua ana. Aole e lanakila ka make elua maluna o lakou, aka, e lilo no lakou i poe kahuna no ke Akua a no Kristo, a na lakou e hoomalu pu me Ia i na makahili hookahi tausani. Hoik. 20: 4-6.

            Owau no o Ioane, ike aku la au i ka iho ana mai o ke kulanakauhale hoano o Ierusalema hou, mai ke Akua mai ka lani mai; ua makaukau, elike me ka wahine mare i kahikoia no kana kane; a lohe aku la au i ka leo nui mai ka lani mai, i ka i ana: aia ka halelewa o ke Akua me kanaka, a e noho ana Oia me lakou, a e lilo lakou i lanaka i Akua no lakou. A na ke Akua no e holoi i na waimaka apau, mai ko lakou maka aku; aole he make hou aku, aole kauai; no ka mea, ua pau na mea kahiko i maha, aole auwe, aole hoi he mea e eha ka lilo aku. Hoike. 21: 2-4.

            Kristo ko lakou moi e nohoalii iho ai maluna o ka honua holookoa. A e lilo auanei o Iehova i alii maluna o ka honua apau. Ia la hoi, e hookahi auanei o Iehova, hookahi hoi Kona inoa. Zek. 14: 9.

            Aole e pau ka mahuahua ana o Kona aupuni ame ka malu. Ma ka nohoalii o Davida ia, a ma Kona aupuni no hoi. E hoala hou ia mea, a e hookupaa iaia, me ka hooponopono ame ka maikai, mai keia wa aku, a i ke ao pau ole. Na ka ikaika o Iehova o na Kaua e hana i keia. Isa. 9:7.

            Aike aku la no hoi Au ma ka hihio ana i ka po, aia hoi, kekahai ua like ia me ke keiki a ke kanaka e hele mai ana ma na ao o ka lani, a hele mai no Ia i ka makamua o na la, a hookokoe lakou Iaia imua On a, a ua haawiia mai Nona ke alii ana, ame ka nani, ame ke aupuni, i hookauwa Nana na lahui kanaka ame kona aina, ame na olelo e. O kona alii ana ua mai loa ia, aole ia e auhulihia. Dan 7: 13-14.

            E noi mai oe Iau a e haawi aku Au ia Oe, i na lahui kanaka i hooilina nou. a i waiwai hoi Noua na welelau o ka honua. Hal. 2: 8.

            E hoolea aku na kanaka ia Oe, e ke Akua; e pau hoi na kanaka i ke hoolea aku ia Oe; e hauoli na lahui kanaka a e oli no ka olioli; no ka mea, e hooponopono Oe i na kanaka ma ka pololei, a ma ka honua, e alakai ai Oe ia lakou. Hal 67: 3-4.

            E mohala ae ka pomaikai nui elike me ka loihi a ka mahina e hoomanawanui mai ai; e hoomalu aupuni Aia mai ke kai a i ke kai, a mai ka muliwai hoi a i na welelau o ka honua. Hal. 72: 7-8.

            Aia hiki mai ke keiki a ke kanaka me Kona nani, a o na Anela apau pu me Ia, alaila e noho iho Ia maluna i Kona nohoalii nani. Mat. 25: 31.

            E nui auanei Aia, a e kapaia aku o ke keiki a ka Mea Kiekie Loa, a e haawi hoi Nona i Iehova ke Akua i ka nohoalii o Davida o Kona makuakane. E mau loa no hoi Kona alii ana maluna o ka ohana a Iakoba, a o Kona aupuni aole ia e pau. Luk. 1: 32- 33.

            No ia hoi, @inau aku la o Pilato Iaia: He Alii no anei Oe @ I mai la o Iesu: Ke olelo mai nei oe, he alii au. No keia mea i hanauia mai ai Au i ke ao hei, i hoike aku au Au i ka oiaio, oia ke hoolohe i Kou leo.

                        JOHN M. MAHUKA.

OHO NA WAHINE E LOAA KA MA NA KOHO BALOKO.

            Ma ka halawai a na wahine i malamaia ma ke kakahika a ma ka auwina la o ka Poalu aku la i hala, ma Kakako, aa maloko o ka Memorial Hall, i hoike ae ai lakou i na manao ohohia, e haawiia aku ia lakou ke kuleana e koho baloka maloko nei o keia Teritore, elike me ka bila e waiho mai nei maloko o ka Hale o na Lunamakaainana.

            Ma kela mau halawai i aponoia ae ai kekahi olelo lunamakaainana, e aeia aku ke komite imi pono koho baloka o na wahine, e hoea mai imua o ka hale holookoa, a hoakaka mai i ko lakou manao, no ka pono o ka lakou koi, e loaa ka pono koho baloka o na wahine.

            E ukali aku ana i kela olelo hooholo e noi pu aku na wahine no ka hooholoia o ka bila, e koi ana e hoopaneeia ke koho baloka ahiki iloko o ka mahina o Novemaba.

            Ma ka halawai i malamaia ma Kakaako, ma ke kakahiaka o kela Poalua, ua hoike okoa ae kekahi poe wahine, aole loa lakou i kamailio iki no ko lakou makemake ole i ke koho baloka, a i wahi e loheia ai ko lakou manao maoli, ua makemake lakou e loaa he manawa e kamailo ai i ke akea. Mahope iho o ka halawai o na wahine ma Kakaako, ua malamaia ka halawai maloko o ka Memorial Hall, a ua hoea ae he heluna nui o na wahine mai na wahi like ole mai, ma kela halawai, me ka loheia o na manao kakoo he nui me ka piha ohohia, no ka pono io e haawii ka pono koho baloka i na wahine.

            Oiai nae, ua hele a nui maoli na manao ohohia no kela pono koho i na wahine, ua nui pu na manao hoakaka maluna o ka olelo hooholo, e noi ana i na hoa o ka hale i na lunamakaainana a aeia aku ke komite o ka o na  ka pono koho baloka o na wahine e hoea aku imua o ka hale holookoa, a e hooleia aku hoi ko lakou mau manao hoakaka maluna o ka bila koho naloko o na wahine.

            Ua aponoia ka olelo hooholo me ka lokahi, a ua kaa olelo hooholo me ka lokahi, a ua kaa aku floko o ka lima o ke komite, no ka waihou mai imua o ka Lunahoomalu Holstein o ka hale o ma lumakaaina.

            LONDON, Mat. 19- Mai ka Ma@awa mui mai ka hookumuia ana o ka hoopaa ana in a mare, hanau ame make, uaoi aku na make mamua o na hanau malojo o Enelani ame Wal@ iloko o ka hapaha hope o ka 1918. O ka mai hai hai iwi Paniolo o ke kumu o ka make ana i hoikeia ae o 98,000 poe i loko o ka hapaha hope.

KA HOOPII UKUHANA O NA LIMAHANA.

            Mr. Solomon Hanohano, ke kapena noeau o ke Kuokoa, Aloha oe:-- E oluoly hoi oe e hookomo iho ma ka kaua hiwahiwa i keia whai manao, in a he wahi kaawale kekahi:

            Ua ike iho au ma ka kaua hiwahiwa o ka la 14 iho nei, no ke kokua o Lihue i ka hoopii ukuhana o na limahana o Kauai nei.

            Ihea no hoi e Lihue i ka wa o ka olelo hooholo a ka Lunakiai o Kawaihau i waiho ai i ka la 5 o Feberuaru, 1919 nei.

            No ka hoopii ukuhana, o Kawaihau pu ilaila, i na wa apau. Pololei mai la oe e ka Lunahooponopono. Thank you a nui loa me na sela o ke Kuokoa.

            Kaua no,

                        KAWAIHAU.

Kealia, Kauai, Mar. 15, 1919.

HOOLAHA.

            E malamaia ana e ke Komisina o na Hana Kivila o Honolulu, he hoike hookuku laula a i hoonohonoho papa ia ma ka Halekula Kiekie MsKinley, kihi o na alanui Beritania ame Victoria, Honolulu, ma ka Poalima, Maraki 28, 1919, ma ka hora 7:3 p.m., no na makaainana Amerika e makemake ana i mau kulana oihana maloko o ke keena Kinaiahi o Honolulu ame ke Keena o ka Oihana Makai o ke Aupuni Kulanakauhale a Kalana o Honolulu, o ia hoike i olelia ae la, e malamaia no ia malalo o na rula ame na hooponopono ana a ke Komisina i oleloia, no na kulana oihana malalo nei:

            Oihana Kinaiahi-- Hoike laula no na mea apau.

            Oihana Maka-- Makai Kaulio, Makai Kuhuina, Makai Motokaikala, Makai Kaa, Makaikiu, Kiai Halepaahao, Makai no na Kuaaina ame na Wahine Hooponopono.

            Ua hiki no e loaa na pepa paihakahaka no na palapala noi, ma ka keena oihana o ke kakauolelo o ke Kulanakauhale a Kalana ma ka Hale McTntyre, Honolulu, a e pono e waihoia ae na palapala noi maloko o ke keena i oleloia ae la, aole e liho aku mahope o ka hora 12 awakea o ka Poalua, Maraki 25, 1919.

            O ka mea e noi ana no ke kulana makai kuhuina a i ole makai nana kaa paha, e pono e loaa iaia, a he kaumaha kona i emi ole iho malalo o ka 150 paona, a no ke kanaka kinaiahi hoi he kaumaha kona i emi ole iho malalo o ka 145 paona.

            O ka põe noi no na kulana oihana apau mawaho ae o na wahine hooponopono, e pono e hele ae e hoike ma ka Hale Hooikarka a Baron, kihi o na Alanui Alakea ame Kalepa, Honolulu, ma ka Poaha, Maraki 27, 1919, ma ka hora 12 awakea, no ka hoao ana i kolakou mau aahuki ame ko lakou mau ola kino.

            Ma ke kauoha a ka

HONOLULU CIVIL SERVICE COMMISSION.

            D. KALAUOKALANI

                        Kakauolelo.

3640-- Mar. 21, 28.

CELELAND, Mar, 18.-- Ua hoolahaia ae e na luna nui o ka hui kaa uwila maanei i keia la e hooko ana lakou i ka lakou aelike me na kanaka o ka hui Uniona aole lakou e hoohana hou ana i na wahine ma ke ano he poe ohi dala no na kaa uwila, me ka nana ole i ke kauoha a ka papa kaua o na linahana no ka hoihoi hou ana aku i na wahine i hoopauia ai ma ka ka I o Maraki ma ko lakou mau wahi.

E KUWAKUIWAI IA MEA.

            Nui wale na kanaka i manao, aole e hki ka rumatika ke hoolaia, me ka lawe ole i kekahi laau imu. Ua hiki loa i ka laau hamo Pain Balm a Chaberlain, ke komo iloko o ka ili, a ua hoola aku ia i ka poe mai rumatika a oi aku mamua o kehai laau inu e ikeia nei, me ka haawi pu mai i ka hooluolu ana me ka hikiwawe. Eia ke kuaiia nei @ Benson, Smith & Co., na akena no Hawaii.-- Hoolaha.