Ka Nupepa Kuokoa, Volume LVIII, Number 3, 16 January 1920 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

Mrs. Kealalaina Naiwi

 

Ua hala keia la.

Ua uhi mai ka po.

Pola e malu koke mai.

Ka make o kaki

Ma i makaukau.

E mapa me Iesu.

He oli nui ko ʻ u

Ka nalo keia ao.

E ka Nupepa Kuokoa e, Aloha oe a nui loa:- E ʻ olu ʻ olu mai oe ia ʻ u no ʻ u hoi Lawhai keena kaawale o kou mau kolamu. No kela mau hua palapala e kau ae la maluna. No ka mea, ua ili iho maluna o ʻ a ka haawe kaumaha a luuluu a ke aloha: a nau hoi ia ma ke ano he kukini mama no na kai wealu o k kaua mau mokupuni, mai Hawaii nui o Keewe, o ka la hiki ma Kumukahi, a kawelona a ka la i ka ilikai o Lehua, i ike mai ai na kini makamaka, na hoaloha o kuu mea aloha he wahine i niau palanehe, palamimo iho nei, ma ke ala ko ʻ ikua a Kane, e hooipo ana me Hiku i ka nahele.

Ma ke ano liula o ke ahiahi o ka Poaono. la 3 o Ianuari nei, i ka manamana kahi hora i hiki ae ai i ka hora 7, o ua ahiahi poina ole ia ia ʻ u, i kolokolo palanehe mai ai me he aihue la i ka po, na lima aloha ole o ka make, a lawe ae la i ka hanu ola mai ke kino aku. o ka ʻ u wahine alohe, Mrs. Kealalaina, Naiwi, a waiho iho la i ke kino lepo puanuanu, ke ʻ eko ʻ e, kou na ʻ u na keiki a maua ame na moopuna, e uwe pauauma aku ma keika aoao o ka muliwai eleele o ka make. Luuluu wale! Ae, luuluu, luuluu wale au i ko aloha, ke hapapa ae nei aole oe, hopu hewa au i ko aka kino wailua.

Ua hanauia kuu wahine aloha mai ka puhaka mai o kona mama Rebecca Likaua ame kona papa alohe George Likauama Kanewai, Kohala Hena, i ka mahiki 1839, i ka malama o Ianuari, la 2, nolaila ua piha iaia na makahiki he 62 o ke ola ana ma keika ola honua ana, i piha i na ehaeha a me na luuluu.

He ewalu keiki ko lakou nui, ua make aku he elima a koe lakou ekolu e ola nei. a mailoko aku o kuu wahine aloha me kana mau kane mua elua a owau no hoi ke kolu o ke kaue, i loaa mai ai na keiki ewalu a mailoko o keia ewalu keiki he elua e ola nei, a ua loaa iaia na moopuna he 25, eia nae ka mea apiki aohe iho la he titi, ua hala, ua nalo, ua pio kukui o ka hale, a hoopuka hewa paha auanei ia hai he tut.

Ea, e Mr. Lunahooponopono e, hoomanawanui mai iau no ka nui loa o keia hooluhi ana ia oe, aku hoi pehua hoi e hiki ke alo ae i ka mea e hana nei iloko ou.

Ua pililia e naua me kuu aloha na makahiki he 35 ka loihi, me ke aloha, aole i loko o ka huhu, aole i loko o ka inaiua aka, i loko o ka inaiua aka, i loko o ka hamumu o ka aheahe nialie o ka noho aua me ke aloha e hiipoi ana i ka laahia o ka noho ana i loko o ke apo gula o ka mare.

O kuu wahine aloha i haalele mai la iau ame na keiki ame na moopuna a maua, he oluolu, he akahai, he heahea i na makamaka a me na hoaloha, ke hiki mai ma ko maua home, a o ka mea oi loa aku iaia o ke aloha, o kaua mau moopuna lehulehu.

No laila, ua nui kou aloha nona no ua mea apau ana i hana mai ai uou i kona wa e eola ana. Ua piliia e maua na wahi like ole o ke kaona, e huikai ana me ka lehulehua ma ka makeke ame ua wahi like ole ahiki aku i kona ainahanau i Kohala ua pili wale ia no e maua me kuu aloha o Pili, me Kalahikiola, ua puu haelelua, o ke kauaka no ke hele nolaila ua pau kona maalo hou, ua pau kona maalo hou ana iho ma ko oukou mau kaiaulu.

E Kailua, Kealakekua, kahi a maua i pili ai me kuu aloha, ua pau ko oukou ike ana i na papalina o kou mea aloha, ua nalo no ka wa mau loa, e kali ana no ka hoalaia o ko na ilina, a ko iho la ka mea i haila mai e ka Puke e na Puke: "He mahu ke ola o ke kanaka i pua ae a uala aku. O ke keiki i hanau ia e ke kauaka he pokole kona mau ia a ua piha na popilikia. E mahaloia ka inoa o Iehova o na Kaua he malu Kona a he aloha i kanaka.

I kou hoopau ana i keia ke haawi aku nei au i ka hoomaikai nui i ka poe apau i hele mai e kumukena pu me au i loko o kou wa o ke kauniaha a pela me ka poe he mau makana pua ka lakou i lu iho ai maluna o ke kino wailua o kou aloha, no oukou kou hoomaikai nui iloko o ka inoa i ka Makua, ke Keiki a me ka Uhane Heinolele, a Nanane auanei, iloko o Kona aloha oiaio e hoomama mai i kou mau kaumaha.

Aloha nui e Mr. Lunahooponopono e ke Kilohana Pookela o ke Lahui Hawaii, a me na keiki o kou keena

Owau iho no, JACK NAIWI

Palolo, Ian. 12, 1920.

 

MEKIKO, JAN, 7- He mau haneri ame he mea ia he mau kaikahi no paha mauole i poino i ke olai i hooaueue ae ai ma ka Poaono i hala ma ka Maokuaina o Vera Cruz/

No ka laula loa o na wahi i hoopoinoia e ke olai me he mea la aole e maopopo iki ana ka nui o ka poe i poino. Ma na Pono i lona mai ke kahi poe mai 1000 poe i make ma Coutzlan, he kulanakauhale i hoohio loie e  ke olai.

 

KE KULA KUMU MA KILAUEA CAMP.

(Hoomauia)

He elua pule mamua o ka pau ana o ke kulakumu, ua holo aku ko makou kahukula nei no Honolulu, no ka noho ana i ka halawai me na komisina. Iaia ma Honolulu ua malama ia ae ka hoike no na kumu i makemake e loaa ko lakou mau pepa hookaikai me ka ae a ao ma na kula like ole i loko o keia teritore.

He nui na kumu i hoikeia a he ka kaikahi na kumu i puka ma keia hoikeia ana, aka ua loaa nae ko lakou hookohu hou ia ana i kumukula, a no ka mea, ua hele mai lakou i ke kula kumu elike me ke kauoha i hoounaia ia lakou, a na hoike no hoi lakou i ko lakou hoomanawanui i ka imi ana i na haawina.

Ma hope o ka hoopla ana o ke kahukulu no hookahi pule ma Honolulu ua hoi mai oia no kona home, "Halehoomaha" ma Olaa, a hui me kona ohana a mahope o ka hui ana me kona ohana, ma holo mai oia ma kona kaa oto a hui hou me na kumukula me ka hauoli.

I ko makou ninau ana, pehea oe? Ua pake mai oia, maikai no; a ua hauoli loa oia i kona hoi ana mai i Kilauea oia he uni no ka wela ma Honolulu.

I ko mR. MacCaughey kaawale ana ma Honolulu, ua noho  iho la kekahi mau kumu a kuka e lulu like ua kumu apau no ku haawi ana i makaua na ke kahukula aina ka lunanui o ke Camp.

Ua ao like na kumukula i keia manao, a ua loaa keia mau makana mai ke keana hau o Mrs. Levi Lyman o ke Kula Hanai o Hilo. He mau pono koa i hana maiauia e ka lima o na keiki Hawaii. O ka makana a ke kahukula he mau pono koa no kona pakaukau me kakahi umeke koa nui no kona home, me ua pono o ka rumi aina, a o ka makana a ka lunanui, he smoker's set, me ka pahu koa no ka waiho ana i ka aikala.

I kekahi kahahiaka i na kumukula apau e ai ana, ua koe iho kekahi mau kumukulu maloko o ka assembly hall no ka hoomakaukau ana e hoowehiwehi ia loko o ka rumi, me ka waiho ana i ka makana a ke Kahukula maluna o ke pakaukau, a i uhiia me kakahi uhi keokeo.

I ka pau ana o ka ai ana a mahope iho ua moea mai ke kahukula, a ua lawe loa ia oia i ke hale o ka lunanui, a ka hiki ana mai i ka hora 8, ua hoea aku la na kumu apau ma ka hall, a kono hopo ke kahukula. Ua nonoi aku la o Mr. Win. Meineeke, he keiki hapa haole he kumukula hoi no ka Normal School o Honolulu i keia kau, e haawila iaia kekahi manawa e kaunailio ai mahope o ua haua mua o ia kahahiaka. Ua ae maikai mai ke kahukula. Mahope o na hana mua oia kakahiaka. Ua ae maikai mai ke kahukula. Ma hope o na hana elike me ka maa mau ua kanou mai ke kahukula ia Mrs. Meneieke mamua o ke kahukula a olelo aku la:

"E Mr. MacCaughey, ua hiki mai ka manawa a makou i manao ai o ka manawa keia e haawi aku ai makou i ko makou hoomaikai ana ia oe uo kau i hana mai ai no makou na kumukula ma keia kahua au i hoolala ai no keia hana nui. Ua hoohalike oe ia oe me he makuakane la no makou. O oe pu me makou i na la apau, i na la wela o ka la, i na la ua i na la o ka ohu e halii ana ma Kilauea nei, i na ahiahi no hui apau, o oe pu me makou ma hai o ke kapuahi hoomahana, i na ahiahi huihui o ka ea o na mauna, aia no oe me makou i na po mahina o oe pu no me makou, e hui ana, e launa ana, e kamailio ana, e hoolailea ana, e hana pu ana me makou me he makua la no na keiki.

"Ua hana mei oe i na hana i ku i ke aloha ia makou, a i ku pu i ka maikai a elike me kau maikai i hana mai ai ia makou, pela makou e noonoo ai e pauai aku ia oe me na mea kaikai, a i mea nau e hoomanao ai ia maou ume keia Kilauea Camp, o keia kau o 1919, ke haawi aku nei makou ia oe i keia mau makana me ke aloha," a wehe ae la oia i ka uhi o ka makana, a ia wa i ku ae ai ua kumukula a himeni ae "Aloha oe." Ia wa hiki ole ke paa na wamaka o ke kahukula ame ka poe no apau ma ia rumi.

Pau ka makou himeni ana, ua ku malie ke kahukula no kekahi manawa loihi me ka hiolo o kona waimaka ahiki ole ke kaunailio; mahope, ua haawi mai oia i ka hoomaikai ana a nui. Ma hope o keikia anaina ua hele ae kela ame keia Kumu e makaikai a ka makaua.

He meu la iho mahope, ua haawila ka makana a ka lunanui me ka maopopo mua ole iaia ua kii ia oia ma kona office a oleloia aku oia ua makemake ia oia ma ka assembly hall no kekahi hana ano nui e kekahi haole. Ua haalele oia i kana hana a i ka hiki ana ma ka assembly hall ua ku mi o Mr. Meneieko a kamailio mai he mau oleleo ku no i ke aloha a haawi aku oia i ka makana ia Mr. Norton mai na kumukula mai i noho ma ke camp.

Ua nui ka pahaohao o keia haole ame ua waimaka i halo ʻ ilo ʻ i ma kona mau maka ku malie oia me ka luli o kona poo a mahope hoomaikoi mai oia no kela hoomanao ana a na kumukula, a wahi ana, i kona ae anana e lawelawe oia i ka hana o ka malama ana i ka maluhia o na kumukula, ua olelo iā oia e kakahi o kona mau hoaloha, mamua o ka pau ana o ke kula kumu, e loaa ana oia i ka ma…i a e hoouluhuaia ana oia e na kumukula o kana nae i ike ai, aole loa ia ano i loaa iaia ua nui ka hana maikai o na kumukula apau me ko lakou ka hea pu ana iaia "Daddy Norton" me ko lakou noho maluhia ana i na la apalu, a wahi ana, mai noho a hoopoina na kumu iaia ame ke Kilauea Camp, ia wa ua himeni ae makou "Mai poina oe ia ʻ u" a ua smile iho na mea apau. (No kahi wa hou aku me.)

ANAINA HOOMANAO MA KALAUPAPA

Ma Kalaupapa, Molokai, makolo o ka Luakini Hoole Pope o ka Ekalesia o Kananaana Hou, i hoomanaoia ai no ka malama ana i kekahi analua haipule no ka hoalohaloha ana me na leo noi imua o ke Akua mana loa, Nona ka lani ame ka honua, i piha ai no kona malama piha ana ia makou iloko o ka makahiki i hala aku, a hoea hou mai keia makahiki hou.

Ua malamaia keia anaina haipule me ke eehia loa, ahiki i ka hookuuia ana o ua hana me ka maikai.

No ka Makua D. P. Mahihila ame na luna ekalasia i huiia i malama keia halawai me ua leo pule ame, na manao paipai maikolo mai o kana olelo ma Ioane,Euanelio, mokuua 3, pauku 6-7.

Owau no me ka aloha ia kaua D.P. Mahihila

O MRS. KEAHI ILI WAALANI UA HALA

Mrs. Keahi Ili Waalani

I ka Lauahooponopono o ke Kuokoa Mr. Solomon Hanohano, Aloha: E oluolu mai no ʻ u kauwahi rumi o ka hiwahiwa a ka lahui, i ike mai ai ka ohana e noho ana mai Maui a hiki loa aku ia Kauai o Manokalanipo, o kuu wahine aloha, Mrs. Keahi Ili Waalani, ua haalele mai ia ʻ u ame ua keiki a maua ma keia ola ame.

He mea oiaio ma ke kakahiaka o ka Poakahi Lauari 5, 1920 hora 8 a.m. i pauaho mai ai ma keia ola ana, ka ʻ u wahine i aloha nui ia, a niau hele aku la i ke ala hoi hou ole mai.

Ua hanauia o Mrs. Keahi Ili Waalani mai ka puhaka mai o Keukahi (w) ame G.P. Wailehua, i ka makahiki 1884, i ka aina i kaulana: "Noenoe uakea o Hana," a ua piha iaia ua makahiki i ke 36.

Ua hoonaauaoia o Mrs. Keahi Ili Waalani i ke kula o Maunaolu Maui, a ua puka pono mai oia mai ke kula mai a mare oia me Ili waalani no Kauai i Iune 21, 1910.

He wahine hoopono a oluolu kona anohe, lokomaikai a he hookipa i na malihini apau e maalo ana i ko laua ipuka hale, a malama ae o na mea apu, ke haawi aku nei au i ka…u mau hoomaika ʻ i ana i ka poe apau i lawe mai i na nia kana boke pua ame ka poe apau i uka li pu i ke anaina hoolewa o ka ʻ u wahine i aloha nui ia.

Honolulu, Ianuari 3, 1920

APONO KA HOPE KEAAINA E HOOKAAWALE I PULE HOOMAKAULII

O ka Hope Kianina Col. Cutris P. Iakea kekahi mea kokua nui i ka hoomaamaaia o ka haua hoomakaelii mawaena o na kanaka apau elike me ia i hoikeia ae maloko o ke kapitala ma ka mauawa o ke  kakauinoaia aua o ke kuahaua no ka Pule Hoomakaelii ma ka Poaono aku la i hala. Ua pono loa oia i ka malamaia o ka pule hoomakaulii lahui maloko o ke Teiritore ma keia manawa.

"He makahiki nui o ka pomaikai ke hoea mai ana i na mokupuni Hawaii in a e hookoia ana na hana e hoolalaia nei i nei manawa. Ina ka poe e hoopomaikai ana ma o ka lakou mau loaa makahiki nui a me ka poe i hoopiiia ae na ukuhana e a ʻ o iho ana i ka hoomakaulii ma keia manawa e oi loa aku ana ko lakou pomaikai mamuli o ka pomaikai laula.

"E lilo pu ana ka pule hoomakaulii i mea kokua i ke kaohi mai i ka uhaaiwale ana a ka poe i oi aku ka loaa ma mua o ka poe uuku o kahi loaa, e a ʻ oia aku ana lakou e malama mamua o ka uhani wale ana aku i ka waiwai. E lilo ana ia i mea kokua e kaohi i na makemake o ka uhaai wale ana aku mawaena o ka poe hiki ole ke alo ae, a ma ia ano e kokua aku ana i na mea apau.

"O ka põe ilihune ke oi aku ana ka hoopomaikaiia mamuli o ka hoomaikailii ana. Oia ka poe i makemakeia e hookaawale i mau hoolilo no ka ohana ae hoahu dala no ka hooliloia aku i ka manawa e loaa ai i ka ma ʻ i a i ole ulia paha a i ole, hoahu aku maloko o na banako me ka loaa pu o ka puka no ia mau dala. Oloko o na kalapu hoahu dala na wahi kupono loa e hoahu ae ai, ua hoohauoli pu ia mai au i ka ike ana i ka lehulehu loa o na Hawaii i kono ae i na hui hoahu dala mai ka manawa Karisimaka mai. Ua lehulehu na manawa i kapaia aku ai na Hawaii i ka malama ole ame ka uhaai wale a ke hauoli nei au i ko lakou hoololu ana ae ia lakou i poe hou ma ka hana a ma ka manao a ike iho la i ka waiwai o ka hoahu ana i ke dala," wahi a ka Hope Kiaaina Iauken.

E HOONUI IA ANA KA HALEKULA VIRIKINA MA KAIMUKI.

He hale pakui ke hookuiia iho ana maluna iho o ka eheu hou o ka halekula Virikina ma Kaimuki. Ua hooholoia keia hana ma ka manawa a ka Makuahine o ia Home Miso Louise Henrietta i hoi mai nei ma Parisamai he mau pule kakaikahi i hala aku nei. Ma ka manawa i ihookaia ai e hana ka halelua ame ka papahelo akahi o ka eheu akau o ka hale ua manaoia e hana a paa a e kau iho i kaupaku maluna, me keia manao e hoopanee loa ka manao ana e hana ae i papahele hou maluna ae. I loko o ka manawa i kaewale aku ai o Miss Louise Henritta ua hoopauia ka haa hou ana aku.

O ka eheu hou i hoonui ia aku e like ana ke kiekie me ka hale mua e oi aku ana ka loihi o ka eheu hou i ko ka eheu mahope o ka hale a o moe kau like ana me ka alo o ka wale. He ekolu mau rumi moe no na kumu wahine me elua mau rumi auau nunui maloko o ka hale hou e hookui ʻ ia iho ana. E hoomaka kokeia aku ana ka hana ana ma kekahi ehen. He konakalika ka materia e hana ia aku ai. O Newcomb ka mea nana e kaha ke kii.

 

 

NA MEAHOU MA KA EKALASIA O

PAIA, MAUI

Solomon Hanohano Esq. Aloha Happy New Year Kaua:- E oluolu oe e hookono iho i ua meahou o ka Eklalasia o Paia o ka la Happy New Year o keia makahiki.

Ma ke ahiahi o ka po Poakolu ka la 31, o Dec. 1919, a ao ae makahiki hou i malamaia ae ai ka hoike apana hoeueu o ka Kula Sabati Home o keia Ekalasia.

Hoomaikaia na hana me ka himeni ame ka Pule a ke Kahi. Ka nui o na Papa Hoike hana Kula Sabati Home he 13. He ku i ka nani na himeni ame na haawina, a pela pu me na haawina a ʻ o i na keiki liilii. Ua nui ua na makamaka i hiki mai e ike i na hana o kela po.

Ua malamaia ua hana me ka maluhia. Ua hiki pu mai ko Pahiihi Kula Sabati Home ma keia po. Ka heluna nui o na haumana i hiki ne he 73. i ka pau ana o na hana hoike, i kukala mai ai ke Kahu Kalaaupa, he wa Luiu dala keika, ia wa i lulu ia mai, a loaa ka huina o $27.oo no keia hana o kela po.

Ua malamaia na hana o kela po mai ka hora 7:30 p.m. a pau i ka hora 10:30 p.m. He mau manao paipai mai na hoapauhana, no ke kulana hoonee mua o keia makahiki ae, a hookuuia ae la ua hana me ka pule.

I ka pau ana o keia hana i maama ia ae ai ka halawai kaupule o kela po e Rev. Moses Kahiapo, Edward M. Kepoo, ame J.M.I. Kealoha na haiolelo. He maikai na hana i lawelaweia a hookuu ia ae la na hana i ka hora 12 o kela po me ka piha i ka hauoli makahiki hou o na mea apau loa.

Ua makanaia mai i ke Kahu Rev. Moses Kahiapo he paa pihi pulima guia mai ia Mr. a me Mrs. Eddie Alu; a mai ka Paia Ladies Aid mai o na Makuahine Hawaii, ke kahi makana hou. He may makana keia e hoike ana no ka piha ana he 41 mahahiki o ke Kahu Rev. Moses Kahiapo ma kela po.

Ua hanauia i Jan. 1, 1878; a ua makanu: pu ia mai ia Mr. ame Mrs. Tommy Kekua mai he $7.50 no na meaono 3 mai ke komite koeueu Ekalesia oia o Joseph Kaholokula Sr. Ua haawi mai la ke kahu i na olelo hoolana o keia makahiki hou me ka piha o na mea apau i ka hauoli. He oia mau ka malamalama o ke kukui uwila ma kela po. Alaila hoi ae la na mea apau e paina i kekahi paina mama, ma ka haleaina, na mea apau i hoomakaukaia.

I ka pau o ka paina ana, i hoi hou ae ai na mea apau loa ma ka Luakini a noho hou he halawai. Hoeueu maluna o kekahi mau kumuhana ano nui no na haua kokua i ka poe ma ʻ i ma Kalaupapa.

Kekahi mau kumuhana hooulu i na mea holomua ai kakou. Ua kamailio na mea apau loa me ka hauoli me ka maikai o kela anaina.

Ma ko kakahiaka nui Poaha oia ka la 1 o Ianuari, 1920, i malama ia ae ai ka Halawai Haipule Makahiki Hoi e ka haiolelo J. M.L. Kealoha o keia kekahi halawai haupule ano nui i loaa ia makou na mea maikai, maluna o ke kumuhana ka kakaou hana hou o keia makahiki.

Ua malamala ka halawai mai ka hora ^:00a.m. a pau i ka hora 7:00 a.m. a hookuuia ae la na mea apau loa me ka maikai.

Eia hou ma keia Sabati iho la malama ae ai o rev. Moses Kahiapo i ke Sabati mua o keia makahiki ma kona Ekalesia ma Paia, Maui, i ka halawai haipule hoeueu i kona mau hoahanau apau. les; maluna o kana kumuhana aia ma Mataio 25:10. Ma ka hapa hope, oia keiaL O ka poe i makaukau, kono pu aku la lakou me ia i ka mare ana, a papaniia ae la ka puka.

O kekahi halawai maikai loa keia e a ʻ o ana i kona mau hoahanau e a ʻ o i ka hoomakaulii, ka hooli, e ano hou kakou e hoomakaumau ana i na mea e pomaiai ai kakou mai uhauhawale i ka manawa. E nana aku i na mea omua e hiki mai ana.

Ke heluna o ke anaina i hiki mai 79. I ka pau ana o ka manawa haiolelo o ke Kahi. I malamaia ae ai i ka Lulu Papa Amerika ame ka Lulu Papa Bosetona, a hookuuia ae la ka halawai me ka maikai.

Ma hope o keia manawa i malamaia mai ai ka halawai hana o ka Ekalesia. No na mea e pili ana i ka kakou kokua o keia makahiki hou no ka hoopiha pono i na koena i koe, o ke kulu Luakini hou o Paia. Is wa i kukala mai ai ke Komite Hoeueu Ekalesia oia o Jos. Kaholokula Sr. ua kokua mai na lala mai o ka Ahahui Makuakane o Paia, ia wa pokole ua lulu ia mai elike me ke alakai ana o ka Uhane o ke Akua i piha i ke aloha ia kakou, no loaa he $100.00 no ke kukulu Luakini Hou, ma ka aoao o na Makuakane ma keia Sabati iho la o Jan. 4, 1920, hoike a ka Puuku Ekalesia huina nui o keia waihoua i keia wa $1057.26. Me ka aloha. J.H.I KEALOHA, K.K.O.P.M.U.I.S.

E KUKULU ANA KA WAIWAI O ATHERTON I MAU HALENOHO

O ka hana a ka Waiwai o Atherten ma o na kahu waiwai la e hoolala mai nei, a e hookoia mai ana ia hana iloko o kekahi mau pule kekaikahi ma keia mua koke iho oia no ke kukulu ana i mau kauhale noho liilii maluna o keia apana nina i lilo ia, waiwai ma ke Alanui Moiwahine, mauka iho o ka halepuhi bia o Kakaako, i hakalia wale no ke kukuluia mai oia mau kauhale hou i ka pau ole o ka hana a ka mea kahakii Ripley ame Davis.

O ka iliaina holookoa o kela apana kahi e kukuluia mai ana o na hale he 47,000 kapuai kuea, aka e emi iho ana nae keia huina iliaina oiai i ka maua wa e hanaia mai ai o ke Alanui Moiwahine e lilo ana ma kahi o ka iwakalua kapuai no ke alanui aole ma ia aoao wale no, e lawe pu ia ana he mau ha puai ma ka aoao e pili ana i ke alanui Misiona i ka manawa e hoakeala mai ai ia alanui no laila e maopopo ole ana ka nui o ka ili e koe iho ana.

Maluna o ke kahi hapa o keia apana alua he mau hale kahiko ke ku nei a ma kekahi hapa he pa hoahu papa na Allen & Robinson. No ka pa papa nae e nee ana ia mailaila aku i ka pau ana o keia mahina.

E KUAI ANA KE KALANA I KE KAHUA PAANI.

Ma ka halawai a ka papa lunakini o ke aupuni kulauakauhale o ka noho ana ma ka po Poalua nei i hookonoia ae ai e ka Lunakiai Petrie he olelo hooholo e hoakaka ana no ke kuai ana i ke kahua paani ma ke alanui Beritania mai ka Waiwai mai Bihopa. E lawe puana maloko oia olelo hooliolo he haawina dala o $55,000 no na lilo o ke kuai ana ia kahua, huipu me na lilo no na hana hou no ia kahua me ke alanui e pili ana malaila: ua hooholo ia keia ma ka heliheli ekahi ana a kauohaia e pa ʻ i.

Aohe mea kue i ka olelo hooholo mawaena o na hoa, o Paeheoo wale no ka hoa i hiki ole ae, a no Lunakiai Low hoi he ano kunana iki no kona aka oiai he manawa wale no kea no ka heluhelu ekahi ana i ka olelo hohol ua apono aku la oia.

"O ko kakou pono koho maluna o ka apana aina ua pau ma kekahi manawa i hala, aka he like nae ka i kuai," wahi a Petria. "O kekoho he $52,000, a he hui iho me na hoolilo no ka hana hou ana i ke alanui e hiki aku ana ka huina piha i ke $55,000. He ninau keia i ala mai i kela ame keia makahiki, a e keia ka manawa no ka hana ae hanaia kekahi mea ikemakaia.

"He manaoio ko ʻ i aia no he manao makemake iloko o ka lehulehu o lilo mai kela kahua paani no ke kumukuai i haawiia aku. He apana aina waiwai loa kela ae lolo ana ia waiwapaa no ka lehulehu. "Aole e hana ana ke aupuni kulanakauhale i kekahi ahana kuhihewa ke hooliloia ke dala o ka lehulehu ma keia ano.  He waiwai ikemakaia aku ia o ke ano kupono a he wahi hoi no ka lehulehu e hoohana aku ai ma ke ano i kahua paani." Ua waihoia aku he kope oia oleloi hooholo i ke komite o na paka.

LEHULEHU NA LIO WAWAE EHA I HOIKE IA AE.

Ua oi aku ka heluna o na lio wawae eha i ikeia iloko o ka mahina o Dekemaba i hala aku la mamua o na mauawa e ae loko o na makahiki i hala. elike me ia i keia ma ka hoike a Lucy Ward ka lunanana o ka koikoi ana ae no ka mahina o Dekemaba. Ma kana hoike he kanakolukumalua mau lio i ikeia ka oi me ka hiki ole ke hoomauia akue wehe mai ke kaa aku a e hoihoiia aku no ka hale, mamuli o ka maikai ole paha o ke kakiaia ana o ke kapuni hao a i ole mamuli paha o a hanaino maoli ia no.

He kamalimakumaono ka nui i ua keiki pepehi hoomainoinoia e na makua iloko o ka mahine o Dekemaba i ninaninaia, a he kanaiwakumawalu ka huina o na keiki oia ano i ninaninaia i hoikeiaia ae i na ahahui lehulehu like ole.

He iwakalua kumaiwa mau ilio he iwakaluakumaono mau popoki ame eha lio i pepehiia a make ma ke ano hoomainoino loa.

HAINA NANE

I kuu koa kawalin, Solomon Hanhao, Aloha nui me ka ulumahiehie. Ina he mea hiki i kou oluoli he hookomo iho ma kahi keena kaawale o ka kaua manu nunu lawe leka hooko kauoha me ka pololeo, oia hoi ka Nupepa Kuokoa, no ka ʻ u haina o ka nane a ke Keiki o na kona. Eia iho ke kukulu ana o ua nane nei.

He kama ka ʻ u ua maheleia iloko o ekolu mahele; ka mahele ekahi, he keiki au na ka la i hanau mai; mahele elua, piliwale la piliwale, piliwale ka i ʻ a o Piliwale; mahle ekolu, he kahiko no nae hoi oe, aole nae i nui ae, eia ka ninau. Owai ka inoa o kuu kaina? Haina: Haleakala.

Mahele ekahi, Hale; mahele elua, Ako: mahele ekolu, La.

Eia na wehewehe ana no ka mahele ekahi, ka olelo nei ka nane he keiki au na ka la i hanau mai, he oiaio e kamana ana oe i hou hale i ka wa e kuu ana ka la, aole hoi i ka wa poeleele.

Mahele elua, ke olelo nei no ka nane piliwale la piliwale, piliwale ka i ʻ a o Piliwale; he oiaia hoi kau ia oe e hele a uaua ma kau wahi e hele ana, e pili ana kou aka ma kekahi wahi.

Mahele ekolu, ke olelo nei ka nane he kahiko no nae oe, alohe uae i nui ae; he oiaio ua hana ke Akua i na mea apau loa aole mea i hana ole ia eia o ia hoi, ua kau oia i ka la ma kona wahi oia hoi ma ka lani oia mau no koua nui. alohe i nui hou ae.

I ka hoohui ana i na mahele apau loa, loaa ai ka ʻ u haiua e kau ae la maluna oia hoi keia, Haleakala.

Eha aku la oe i ke kiu hanu mehei pohihihi. Pilipo Kekoa. Me nei mau haina ame na wehewehe ana, me oe e ka Lunahooponopono ko ʻ u aloha nui ame kau mau keiki hoonoho hua o ka papapa ʻ i

Owau iho no me ka haahaa. PILIPO KEKOA. Waianae, Oahu

Oki loa mai la no ka pahuna laau ihe laumeki a ke keiki o ka Uluniu o Pokai, aohe i iimo iho ua maka o ka eueu o ka pali kapu o Keoua; hoonahoa hou ia aku imua o ka hoa paio. L.H.

HE NANE.

Mr. Lunahoponopono o ka Nupepa Kuokoa. Aloha Hapenuia kaua. E oluolu mai oe ia ʻ u in a he rumi kaawale kekahi o kou moku, no ʻ u hoi ia rumi no kela mau hua e kau ae la maluna i ike mai ai o ʻ u mau hoa uhaiaholo i nei mau la i nei mea he nane, a he mea no hoi e hoonaauao ai a kakou. peni.

He inoa ko ʻ u ua kaulana apuni. ke ao nei, ua maheleia kuu inoa elua mahele. Ka mua o ka mahele, e loaa no au ma na pali Koolau o Oahu nei. o ka lua e loaa no au i ka wai hii o Kaaiea, in a htiia ka mahele mua me ka mahele hope, alaila ua lona kuu inoa, ua kauhana anui ke ao.

Eia ka ninau. O wai ka mahele mua o kuu in a e loaa i na pali Koolau, Oahu nei?

Owai hoi ka mahele elua o kuu inoa e hiiia mai la e ka wai o Kaaiea?

O ka mea hiki mua i ka Lunahooponopono me ka haina pololei me ka wehewehe ana e loaa uo ka uku makana o ekolu mahina lawe wale i ka Nupepa Kuokoa.

Me na keiki o ka papapa i ko ʻ u aloha. O wai no me ka oiaio. J.H. KAWLOWAI. Waialua, Oahu, Jan. 5 1920.

KUU KAIKAINA ALOHA, WILLIAM OPUNUI KAHAI, UA HALA

Mr. Lunahooponopono o ka Nupepa Kuokoa, Aloha oe. Oluolu mai ia ʻ u e hoolauna aku au me oie, a nau hoi ia e hookiene pono iho ma na ikihi eha o ka hiwahiwa a ka lahui, i ike mai ai na kini makamaka o maua e noho ana mai ka la puka ma Haehae a ka welona a ka la i Lehua, i kela puolo waimaka a ka ehaeha e kau ae la maluna, oia hoi, kuu kaikuaana aloha, William Opunui Kahai, ua hala ua nalo ua haalele mai la ka oia i keia ola ana ma ka la ehiku o Dekemaba a nalo aku la ma ka la ewalu, o ia pule no, a waiho iho la ia ʻ u ame ka ohana e u aku nona ma keia aono no ka wa pau ole.

Ua haalele pu iho la no joi ia ʻ u kona poki ʻ i e auamo aku i na ehaeha, na, kaumaka ame ua luuluu mahope nei, a niau hookahi aku la kuu kaikuaana aloha, e hooipo me Papalauahi i na kau a kau, a Hilo iho la i kiahoomanao na ʻ u e poina ole ai no ka manawa pau ole, ka hoomano aa ae he kaikuaana.

Aole, ua nele ua hala aku la ma keia aoao, a waiho iho la ia ʻ u e noho hoaa aohe kaikuaana. Hala aku la oe nia kela ao, pau ka luhi pau ka ike ana, i na ehaeha, ua luuluu na kaumaha ame ka inoa o keia noho ana, a na ʻ i hookahi e auamo i ua ehaeha apau o keia ola ana a uo ka mea he ao luhi a he ao ehaeha he ao inoa aka, o ke kanawai paa a ke Akua i kai ai maluna o kela ame keia oia hoi me ka hou o kou lae e ai ai oe, a hala ua la o kae ola ana.

Ma ka Nupepa Kuokoa o ke kakahiaka o ka Poalima Dekemaba 26, 1919, i ike iho ai au i ka hoolaha a ka maua kaikamahine aloha, Mrs. Ululani Alive Kamae, o ka ʻ e ae ana i ka lono kaumha o kona papa alohan. Wm. Opunyi Kahai ua hala, ma Lahaina, Maui aole no hoi i ha ʻ iia mai ia ʻ u eia kuu kaikuaana i ka nawaliwali loa a i ole hoi ia ua haalele mai oia i keia ola ana he ola loa no, a ma ka Nupepe Kuokoa ko ʻ u ike ana iho o kuu haku kaikuaana ua hala ua nalo loa aku la oia no ka wa mau loa a oia iho la ka wa i hoohaniniia mai ai ko ʻ u mau waimaka ka ehaeha a me ka mokumokuahua o ka naau, no kuu kaikuaana hele loa, a o ia iho la no hoi ka hopena o na mea apau, oia hoi he lepo oe, a e hoi no ka lepo i ka lepo ao ka uhene e hoi aku no ia me ka mea nana i hana mai ka uhane.

He kauaka piha oluolu kuu kaikuaana, he heahea he malama ohana he makuakane malama i kaua poe keiki a he malama no hoi ia ʻ u kona pokiī, aole no hoi he hookahi manawa o maua i hoopaapaa ai, a i ole hoi ia, hakaka paha, he ole loa no ma na ano apau, a hiki wale uo i kona hala ana aku la ma kela aoao, oia ka ʻ u e oleo ae nei aple loa e lona ana ia ʻ u kekahi kaikuaana elike aku me kona ano, ka waipahe, ka oluolu i na ema apau ke kumukumu ole, ka ike ole ia mea he huhu a o ke kanaka paha keia la i hanaia mai ai e ke Akua, he hapa wahine a hapa kane.

He nui makou i loaa mai, mai ko makou mama mai oia o Mrs. Kekaa a ma na makukane ko maou like ole, ua haala aku ka nui me ko makou mama, a koe iho la elua wale no maua me ko ʻ u kaikaina, na kaikamahine, na keikikane na moopuua ame ka ohana a hoi aku ia oia i ka opu o ka honua o kuu kaikuaana aloha ua hala, ua nalo loa oia no mau loa.

Me Lanahooponopono ko ʻ u lululima ame na keiki lawe poahi o ka papapa ʻ u ko ʻ u weline

O wai iho no me ka waimaka luuluu Sam Kealoha. 733 Robello Lane, Honolulu

HE HOALOHALOA NO CECILIA KALAUHIWA KILI

E ka Lunahooponopono, Sol. Hanohano Alohe oe. E oluolu mai oe e hoo komo iho ma kekahi wahie kaawale o ka kakou hiwahiwa aha ilono i keia mau manao hoalohaloha uo Cecilia Kalauhiwa Kiili, ko makou hoahana pu a hoahanau oiaio o ka hoomana Kakoluka o St. Francis, ma kalaupapa, Moloka ʻ i.

Oiai ua oluolu i ka Makua mana loa ke kii ana mai a lawe aku i ka hani ola o ko makou hoahanau Cecilia Kalauhiwa Kiili ma ka in 24. o Dekemaba, 1919, ma hope o kona waiho ana i ka nawaliwali ma ke kino no kekahi manawa loihi, e hoomanawanui ana iloko o ka ehaeha a waiho iho la i kona hoapilu o keia aina ka popilikia i noho ai, me kana leialoha he keiki i hooneleia i ka makuahine, e noho ana me ka luuluu ame ke kaumaha nona ma keia ao mauleule, a ua ili pu iho no hoi maluna o makou kona mau hoahana a hoahanau i loko o ka ke Akua hana, ke kaumaha ame ka minamina nui, no ka mea, o kona hala ana aku la ua lawe pu aku no oia i kaua mau hana maikai apau a waiho iho la i kiahoomanao poina ole na makou apau.

Ma ke ano nui iloko o kona ola ana, he makuahine oluolu no ka home, he akahai he hookipa i ka poe apau e hiki aku ana a he wahine aloha kane a ua huna pu me kona hoapili ma na pili i ko ke Akua aupuni, a pela pu no hoi me na bana ahamele, a hoolaulea  ua hana Ke ʻ a Ulaula no bana kokua no na halepule, a no kekahi mau lulu dala e ae i makomakeia a pela aku.

Ma kekahi mau ano maikai loaa iaia i kona wa ola, oia ka ike hookani i na meakani a o ka oi loa aku o kona makaukau hookani oia ka organa ame piano ehiki ole ai i kekahi mea ke kaohi i na mahalo he nui no ka ano o kaua hookani ana a ua kapaia aku no oia he loca hookani organa, a ua lilo no hoi oia i kumu a ʻ o himeni uo keia papa himeni o St. Francis a na ka nawaliwali i hooki i kona hele anan iloko oia mau hana maikai ahiki i kona haalele ana mai i keia ola ana, a ua mele pu ia mai e ka papa himeni ana i noho kumu ai keia mele kanikai malalo iho nei

Ua hala oe me ka maluhia,

Ua ulamao loa ua pilikia,

Mamao ua eha, he manaolana,

Ua hui la oe me ka Hoola.

E moe maile, e ka mea pono,

A wawa ka pu weliweli kahea.

I ka põe make, ma ka ilima la

E palaho ai no ke ola hou.

He mamo pono, he mea hoola,

Ke pule ae, no ka mea i hala,

E hui kakou, e ka hoaloha,

E pule no ka hoahanau nei.

Me keia mau wahi hoomano no ko makou hoahanu a hoahana pu iloko o Iesu Kristo ke komo pu aku nei makou apau me oe e ko kane i hooueleini ka wahine,a me ke keiki makou ole a me ka ohana o ke mea i make e au ame pu i na kaumaha luuluu o ko keia ola honua ana, a ke nonoi nei i ko ka.

 

KE ALANUI KAHIKO AME KE ALANUI HOU.

Hoomauia mai

E hoomakaukau oe i na menai Hawaii wale no me ka maemae pu no hoi o na mea apau, aole e lawe mai i na meani haole, a e hooalike aky me ka lakou hana ana, aole loa, no ka mea i kou wa e hoololi ai i na mea i manaoia ai e helomua, e like auaunei oe ma kahi o ka neemua, o ka mea apiki, e emi mai ana ihope, a ku iho la ka olelo a ka poe hounaaikola, kela olelo mau, pehea la e hiki ai ia Hawaii ke hana, ame na olelo hoopahala, no ka mea, nau no i haua i na mea e pilikia ai oe.

Hoomanao ne la au i kekahi la a ʻ u i hele aku ai i ka makeke, a hui aku la au me ia mau lede e kuai i ʻ a maino ana, ma ke ano hui i kukuluia e lakou wahine, ua ike aku la au e helu ana hookahi o ia mau lede, he ia ʻ a maloo, he hahalau me ka hoopuupuu ana i kahi hookahi ua like me iwakalua i ʻ a o ka puuhookahi a haupu ae la au e hoao ina he mea hiki o ko ʻ u ninau aku la no ia pehea la he lona no paha i ka hapaumi ke kuai! O ka olelo a ka lede, e helu ana, aole makkou i makemake e kuai i ka hapaumi a pehea ioa he kenikeni aole no e hiki ma ka hapaha wale no ka mea i makemake a ia manawa olelo aku la au in a oe hoolil ana i elua i ʻ a i ka hapaumi, e oi loa ana mamua o ka hapaha, in a oe e hoolilo ana i elima i ʻ a i ke kenkeni i loko o iwakalua i ʻ a ua like me kauaha keneka he umikumalima kepeka ka oi in a ma ka kapaumi e puka ana he hapaha hou ka oi no ka elua i ʻ a i ka hapaumi.

I loko o keia mau hooponopono ana, a ole loa i maliuia mai aole he manao loa i maluia mai aole he manao kolohe ka iloko o ʻ u no ka mea, ua mae loa au i keia ano, i ko ʻ u manawa e kalepa ana me ko ʻ u kahuhanai, ma ke kapaha ka iini, i na manawa apau, i kekahi manawa, ua makemake loa au e kuai liilii aole ona ae iki.

E ike mai e ka lahui aole ma ke ano anuanu a makemake e nui ka loaa, aole pela ka maekmake o ka meakakau a ko ʻ u makemake o ia no ka lilo koke o na meakuai me ka makepono nou no ka meakuai mai, a e ikeia ma keia i kuu manawa e noho ana me ko ʻ u mau kahuhanai oia no hoi ka makeke kahiko ia manawa ma ke alanui Moiwahine ame Maunakea. He nui na ano meakuai ia manawa na puaa kalua paa mae laulau, uala, o na mea like ili meaai Hawaii, na ka oiwi ame kuu koko e hana mai na mea apau me ka maikai me ka on a pu pela me ka meakakau nei o na ano i ʻ a like ole apau a me ka limu pu kekahi e ike ana oe e kuu lahui hookahi no ano e kuaiia ai, mai ka hapaha piiaku.

Nolaila eia ka ʻ u mea e kukulu aku ai n ka limu kohu, ua hanaia no hoi a poepoe maikai, a nunui kupono no hui no ka hapaha, ua mano maolu ka mea kakau nei ua laki maoli nana aku oe la moe pololei ka uwahi o Kule, i ka holo ma ke kuai ana i na e makemake kekahi e kuai i kenikeni aole e loaa no ka mea ma ka hapaha ka nana.

Nolaila e nana mai e kuu lahui ma keika ninau ua makemake mau ka mea kakahu nei e mahelehele, e loaa i eha popoliuu ma ke kenikeni aole e hiki no ka mea ua maa loa ana ka pahalua i na manawa apau, e manao mai ana paha oe e kuu lahi he kaanaka ino maoli keia he hoopiipii i na meakuai, aole ia o ka mea i makemakeia ai e kaupaona oe mai ka kahaumi aku ahiki i ka palena oia mea he hookahi dala paa e ike mai e kuu lahui aia iloko o ʻ u ke kaupaona like oia hoi o kekahi mea he makemake i hapaumi ame kenikeni o ka mea apiki aole iho la e loaa nolaila kaupa onaia ai e loaa mai ka hapaumi pii aku nolaila ua kaupaona like oe mai ka mea ilihune ame ka mea waiwai.

Heaha ka mea i ikeia i keia manawa ke kuaiia nei ma ka mekeke kela aio kuai mai ka kapaumi pii aku, e imi aku oe i ka waiwalo o ka popolumi hapaha ua manao ka mea kakau nei aole e umi iho malalo o kanaha keueka nolaila ua ko elike me ka manao o ka meakakau nei ua loaa no ka lima e lawa ai o na mea elua i ke kenikeni e lawa ai ka ono pela me ke kukui inamona oia huina like no aole elike me ko keia manawa iluna o ka pakini e hoomo ʻ a au aole kohu ono ke ai aku in a e law mai i kela kulana kahiko i luna o ka lehu e kuke ai, e ike auanei oe i ke onoame ka aala pu he hapaha no ko kapopo i keia manawa ua loua ia oe i ka hapaumi ame kenikeni i ke hoohuihui ana, e oi loa aku ana ka mea e loaa i ka mea kalepa, no ka mea, aole e hiki i oe ke nuku aku kolohe oe niea oe, aole e hiki no ka mea ua kaupaona kela i ka mea pololei loa.

Pela no ka me ka po i na na ke kanaka Hawaii ka poi, nolo loa e loaa i ke kenikeni ua ike make i keia manawa loaa ka po paa ame ka poe i hoomaemaeia nolaila e oi loa aku aua na keneka mamua o ka hapaha pela me na ea like ole o na Hawaii e kuai ai mamua eha ame ekolu pu ae popo i ka hapaha iua oe e mea aku i kenikeni inoino mai la ua maka, aole nae i nooioo pono he puka nui loa keia aona.

No laila ua hoao ka meakakau nei i ko ʻ u pokii kaihuahine e lawelawe nei i na mea pili i na meaai Hawaii limu ake, opihi, alamihi, hoe kaiuli, kuolo, o na ano ike ole apau a ka puu e ono ai. a e like mai e kuu lahui i ka ʻ u hana ehia pa ake i ka hapaha. Ekoly, ia ua nawa e haawi mai he i kenikeni alamihi kenikeni hoe, a i hapaumi kukui a i hapaumi limukohu, e nana mai aole oia i hana mai ma ke ano he mua au oia kona mea i hana mai ai no ia mea aole lea aka maluna o ke kalepa oia i hana mai ai a e ike mua ana oia i na mea ana e hana ai a me ka puka oia maumea me ke poho ʻ olu aole hoi au i heluaku ma ke ano e hoopoho laila e hana mai oe i ka mea e lawa ai o ke kenikeni oia iho la ke kahua e holomua ai, e lawe mai i na mea liilii a hoonui aku.

Aole i pau

kou Makua Lani, e lawe aku i na kaumaha luuluu a nana no e holuolu mai ia kapkou apau.

Me oe e ka Lunahooponopono ame kou mau keiki paahana ke aloha anui loa

O makou uho no o na lala o ka puaa himeni o St. Fransic, Kalaupapa, Molokai, ma ʻ o ko makou mokite la,

MR.S JULIA KEAWEAMAHI

MRS. AGNES KIAHA

MRS. MARY KALAMA

MRS. MARY K. NAILIMA

KALEI HOOLAPA

JOSEPH H. NALIMA