Ka Nupepa Kuokoa, Volume LVIII, Number 3, 16 January 1920 — Page 6

This text was transcribed by:	Kamehameha Schools Gift To Dr. Chun
This work is dedicated to:	Dr. Michael J. Chun

Ka Nupepa Kuokoa

KE KILOHANA POOKELA NO KA LAHUI HAWAII.

nui iloko o kona noonoo, o ia no ka nele ana o ka wahine a keia moi i kona kokoolua, a ma kekahi olelo ana ae hoi, ua kulike loa kana mea e noonoo la me ka Keaka, no ka pono e loaa he mau kokoolua no laua pakahi.

Pehea nae o Miriama, he noonoo anei kekahi iloko on a, elike me ia i loaa ia keaka? He kino wahine kona, a ma na kanawai paa o na wahine, he mea pono ia lakou ke aloha. Ua aloha io aku oia ia Keaka, me ke no he kaikunanae nona.Ua hauoli mau oia, no ka noho kokoke mau mai o Keaka me ia, ua haaheo hoi nona, mamuli o kona ikaika ame ke kilakila o kona kulana, a iaia i nana ae ai i na kanaka ame na holoholona, o Keaka hookahi wale no ka mea nui iloko o kona noonoo.

Hookokoke loa mai la o Keaka ia Miriama, aia hoi ka olioli ma kona mau maka, me ka hiki ole nae ia Miriama ke hoomopopo aku i ke kumu o kela olioli, alaila apo ae la kekahi lima o Keaka ma ka poohiwi o ke kaikamahine opio, a kahea iho la ma kona inoa, nana wale ae la no o Miriama Eluna, me ka minoaka ma kona mau papalina, alaila honi iho la o Keaka ma kona mau lehelehe.

Me he mea la, o keia ka makamua loa a Miriama i noonoo ae ai no ka honi ana aku o kekahi mea iaia, a ua lilo no hoi ia i mea maikai i kona manao, o kana nae e noonoo la no kela hana ma ka aoao o Keaka iaia, no ka hoike ana mai no ia i ka nui o kona hauoli, no ka lanakila ole ana o ka hana a ka mapu maluna ona.

He Moolelo no ka

MAKAIKIU MAKENEKI

a i ole

KA OHUA MAI KA PA KAPILIMOKU

MAI O SEKOTIA

He hana hemahema loa ka Binamu i hana ai, aka, oia iho la no nae ka hopena e loaa ana i ka poe kolohe. Ma keia manuwa he kakaikahi loa na kanaka i komo mai iloko o ia hale, no ka mea ma na manawa mamua aku aole ia o ka nmanawa komo nui mai o na kanaka i loko o ia hale

"Mai kamailio iki mai oe ia'u no ka mea e pili ana i ka hooholo like ia ana k ka hana mawaena o na aoao elua!" wahi a ke kokoolua o Binamu o ka lohe ana mai a ka Luna-nana Baida. "Ina he makemake kou i kou mahele i loko o keia hana, e pono oe e hana, e pono oe e hana nou iho me ka nana ole aku i ka hopena e hiki mai ana. Auhea o Batolomaio?"

"O, in a he manawa kekahi no ia hana, ma ka hoopii ana aku paha ma ke kanawai a ma kekahi ano e ae paha, e hana aku paha ma ke kanawai a ma kekahi ano e ae paha, e hana aku ana au." i pane aku ai o Binamio me ka leo maopopo aku ana au." "Ma na hana kuekanawai apau aole owau pu kekahi iloko o ia hana, a i ha'i aku au ia oe, aole owau pu kekahi haawipio aku ana."

"Heaha keia hana, ea; heaha?" i noi mai ai ke Sa Keoni me ka leo ko'iko'i.

"O ko'u poino ia ke hoike aku aiu ia oe," wahi a Binamu, "o ko'u hoike ana aku iua mea ia oe o ko'u hookomo okoa ana aku no ia ia'u iho i loko o ka pilikia, koe wale no kou aloha mai. Hookahi a'u mea e hoike aki ia oe aole loa au e haawipio aku ana ia'u iho! O ke kulana a'u e paa nei i nei manawa maanei ma na hana pili kalepa he hana hanohano loa ia: no ia kumu aole au e ae aku ana i kekahi mea e hokai wale mai i mea e hoohaahaaia ai ia kulana.

"Ei ka'u ia oe, ke papa loa aku nei au mai kipa jou ae oe i ko'u keena hana, a ke ike ole nei no hoi au i ke kumu o kou jele ana ae e ike ai'u, elua no kou joea, hou ae, e hoomanao oe i keia olelo a'u, e huaiia ae ana e a'u na mea apau a'u i ke au, a e kauohaia aku ana e a'u na mea apau a'u i ike ai, a e kauohaia aku ana e a'u na makai o P{arisa nei ike ai, e hapu ia oe No ka mea e pili ana i kau i olelo mai nei no na mahele, ke maopopo ole nei ia'u kou manao e Sa Keoni; e loaa ana ia'u keia manao ua punihei oe i ke alakai hewaiwa mau e kekahi mea"

"Ea, e Baia, e akahele oe i kau jamailio ana mai me kela! Owai kau e noonoo la i ka mea au e kamailio mai nei i nei manawa? Aole anei oe i hoomaopopo mai la ia'u?

Ua maopopo au, I lawe mai nei au ia oe iloko nei no kekahi manawa no ke kamailio pu ana me oe, no ka mea, o kahi mehameha keia e lohe ole ia mai ai ka kaua kamailio ana. Oiai kaua maanei ua hiki ia kaua ke kamailio i keia hana me ka ma-lu loa, a maanei n ohoi kaua e kamailio ai no na mea e pili ana i keia hana no ka manawa hope loa.

"Oia ka'u i olelo aku nei, i pane mai ai ekahi, me ka hunahuna ole iho i kona manao. "O ka'u olelo paa mau e lawelawe me ke akahele, aka, i nei manawa no ka hili ole ia'u ke hoomanawanui iho ke hoololi nei au ia olelopaa a'u no ka hiki ole iau ke hoomau aku i ke kakaolelo ana me oe. Eia ka'u e kauleo mua aku nei ia oe, mai hoao iki oe e apuhi ia'u no ka me, ia oe e hoao ai e hooneleia'u e hooikaika aku ana no au ma kekahi ano i mea e loaa mai ai na pomaikai ia'u."

"Alaila, e Keoni, he hihia maikai ma ke ano hoohuoi je huli ku-e aku nei ia oe. Ina no kou haawi aku ia oe i na makai Palani mamua o kou haalele ana iho i ke alanui a kakou e hele nei, mahea iho la ja hiki ia oe? Eia ke ku nei i nei namawa he hihia pepehikanaka hiki loa je hooiaioia e kupe ana ia oe, e Keoni. Aole owau wale no ka i loaa ia manaoio, aka, he poe haawiia aku i na makai, pehea ana kou manao?"

"alaila ua loli loa ae nei ka paha jou manao? Pehea kela manao ou e Kupuna i hoike mai ai i keia kahahiaka o Mr. Nila ka i hawahawa na lima i kela karaima. Ma ka olelo a Kupuna o Mr. Nila ka i komo mua aku iloko o ka rumi, enoho ana o Reminetona, a nana i pepehi mua a make, a o Mr. Nila ka i noi aku ia Kelemenete ame ka hui e uku mai iaia no ia mea ana i hana ai, a i keia manawa hoi ke olelo mai nei oe owau ka mea nana i pepehi, a ke ku nei ka hihia hoohuoi maluna o'u."

"He oiaio ua hoike aku au i ko'u manao ia oe, pela, aole nae ma ke ano he olelo hoike ia e hiki ai ke hooiaioia, aka me-ke ano koho wale aku no. No ia hana i hoike aku no au ia oe ua holoi au i ko'u mau lima a maemae a e hoike hou aku ana i nei manawa in a e hoao ana oe e kaualako aki ia'u iloko o kela hana paumaele loa, a'u no e ike ku nei ua komopoo oe iloko o ia hana, e ukali mai ana he hopen poino mahope ou."