Ka Nupepa Kuokoa, Volume LVIII, Number 3, 16 January 1920 — HE PO NUI MA KAUMAKAPILI. [ARTICLE]

HE PO NUI MA KAUMAKAPILI.

Ma ka Luakini o Kaumakapili i keia Sabati ae, la 11, hora 630 a 8:30 o ke ahiahi. E malamaia ana he halawai haipule hoeueu o na C. E. Makua ame na Opio Kuwaena mai ka hora 6:30 a 7:30, a mai ka hora 7:30 a 8:30 he anaina haipnle hoeueu nui i pili loa aku i ka pae mua ana mai o na miaionan ma Hawaii hei, aneane hookahi haneri makahiki. Oiai e piha pono ana ke keneturia i Aperila ae nei, elike me ka papa kuhikuhi hana a ka Papa Hawaii i hoomakaukau ai, nolaila o Rev. J. P. Erdinan ana ka haiolelo o ia po, nana hoi e hoike piha mai na mea apau e pili ana ia papahana. E hiki pu mai ana na keikikane ame na kaikamahine o na Kula o Kamehameha ia po, ame na kaikamahine o Lanakila Home. He nui na himeni nani i hoomakaukauia e ka papa himeni o ka Ekaleaia, a mai na kula mai. Ua kono aloha ia ka lehulehu e hele mai, a he niii kahi kaawale no na niea apau e hiki mai ana. He-ma i!