Ka Nupepa Kuokoa, Volume LVIII, Number 3, 16 January 1920 — HOOKAPU LOA IA KA WAIONA MA AMERIKA APUNI Ma ka La Apopo e Mana Ai ke Kanawai Hookapu Waiona Lahui a Hoea Ianei IKAIKA LOA KA HOOPA'I NO KA POE KU-E KANAWAI Hiki ke Lilo na Waiwai Apau i ke Aupuni ke Loaa Aku ka Waiona Malaila [ARTICLE]

HOOKAPU LOA IA KA WAIONA MA AMERIKA APUNI

Ma ka La Apopo e Mana Ai ke Kanawai Hookapu Waiona Lahui a Hoea Ianei

IKAIKA LOA KA HOOPA'I NO KA POE KU-E KANAWAI

Hiki ke Lilo na Waiwai Apau i ke Aupuni ke Loaa Aku ka Waiona Malaila

I kulike ai me ka paku 'i i hooholoia maloko o ka ahaolelo lahui, i ke kumukanawai o Amenka Huipuin, nia ka !a apopo, e kapu loa ai ke kuai ame ka hoohanaia o ka waiona ma Amerika holookoa, nie ka oi aku hoi o ka paakiki me ka puikaika ame ke ku-e inaoii ana i ke kanawai. Ua mauao kekahi poe lehulohu o Hawaii nei, o ke kanawai hookapu waiona a Sheppard anie ke kanawai hookapu waiona no ka wa kaua, he mau kanawai ikaika loa kela i hanaia, no ka waiona, eia nae, ua hapa iho ke kakau-ha o ia mau kanawai a elua, imua o ke ka* nawai hookapu waiona lahui, e hoomaka aku ai, ka mana ana ma ka la apo]»o, ka la 17 o ka uiahina nei o lanuari, 1920. Ma keia kanawai hookapu waiona lahui, aole wale ia e hookapu a e papa ana i ka hana, ke kuai, ka halihali, ka hoouna, a hookomo ana inai, me ka malama ana i ka waiona; aka e kau pu ana ia i na hoopa 'i kanono mnhiua o ka poe apau e ku-e ana i ke kauawai. Ma ka olelo a ka poe apau i ike a i kamaaina i na kanawai hookapu waiona lehulehu i hooholoia nta kela ame keia wahi like ole ma Amerika, o keia kanawai hookapu waiona lahui, ka helu ekahi o Jia kanawai oi loa o ka ikaika i hanaia, me ke kau pu ia ana hoi o na hooj>a'i ko'iko'i. O kekahi mea e hana ana a kuai hoolilo aku i ka waiona, ke pili ka hewa iaia, e kauia no ka hoopa'i ma ke dala niaoli, aole e oi aku i ka huina o hookahi kaukani flala, a i ole e hoopaahaoia oia, aole e oi aku i na mahina eono. Ina e loaa aku ana i na kanaka o ke aupuni, ua hanaia ka waiona maloko o kekahi hale, e kaa ana ia hale malalo 0 ke aupuni, a e kuai hooliloia aku ana 1 ka poe makemake mai, koe wale no, a maopopo ole i ka ona nona ia hale, no ka ana o ka waiona maioko olaila. Ina hoi maluna o kekahi kaa otomohile i hopuia ai ka waiona, no ka hnlihaliia ana mai kekahi wahi a i kekahi, e hopu pu ia ana kela kaa otomobile e na kanaka o ke aupuni, a kuaiia aku i ke akea kela kaft, o ka mea wale no e pakele ai o kela kaa, o ia ka hiki ana i ka ona, a i ke kiakaa paha ke hooia mai, aole i maopopo iaia ke ano o ka hoea ana o ka waiona maluna o kona kaa. No ka hooko ana āku i keia kanawai hookapu waiona lahui, ua ili aku ke ko'iko'i maluna o ke keena o ka oihana o na loaa kuloko maanei ne», ka huli ana aku i ka poe hakihaki kanawai apau, a waiho ae i ka loio Amerika, no ka hopu ana i ka poe hakihaki kanawai, a hoopii aku hoi imua o ka ahahookolokolo federala.