Ka Nupepa Kuokoa, Volume LVIII, Number 35, 27 August 1920 — Page 8

Ka Nupepa Kuokoa

KE KILOHANA POOKELA NO KA LAHUI HAWAII.

 

NUPEPA KUOKOA, HONOLULU, T. H., POALIMA, AUGATE 27, 1920.

 

I KA WA OPIOPIO O KE KEIKI HANA OIA I NA HANA OPIOPIO.

 

            O ke ake o na malihini e kipa mai ana i keia mau mokupuni no ke ake e ike i ko kakou noho ana ame na mea hana @  i keia laui mai ko lakou @ mai, o ka mea apiki a ka @  i ike ai he ano poipoi paha @ a i ole he hoowahawaha maoli paha ke ano, ina e hana, alaila e hana @ peepee akua, oia hoi, ma kahi malu loa e hana ai, nana aku oe la a kela ano paani pelepio oia iho la ka mea e hoikeike aku ai: o ka mea apiki @ ke lilo aku o ka lakou ala olelo @ oluolu maoli keia, a o kekahi hoi olelo ana ke mau nei no ka @ uliuli ana, oiai nae, ina i hanaia @ ano kalepa, oia hoi e uku oe i @ and e pana i na mea oiaio @ na mea i kuluma i ka nohe ana @ aole loa he wa e puka hewa ai ka olelo, no ka mea, ma na mea maa mau i keia lahui, ina he hula he maemae maoli ka loina o ke a'o ana. Eia hoi kaawale ke kane a kaawale ka wahine i ko laua ku ana mai a hana i na @ e ike aku ana no kaua @ maemae me ka nani pu i keia ma-@ mai nei i ka lakou la mau hula ana pili ka papalina me ka papalina, pili ka umauma i ka umauma, pili ka opu i ka opu, kahi a na kupuna i hoo-@ e loa ai ame ua makua, aole kupono nana e hoopapa i ka mea punahele a na makua i mailani ai, aka, ma keia ano hula papalina e ike auauei oe e @ ana kou noho home ana, oiai, he hula maa mau i ka pau ana e lawe ia ana i ka ai hau kalima, apau ia o ka holo kaa olomobile, oia ka panina hope on na hana a unihi iho la i kahi pouliuli @ ka hoku o ka lani ka mea e ike mai ana i keia mau hana a ko kakou @ waiwai e lawe ole nei a kukulu ae @ hale oia ano, ma ke ano helu @ o na mea pili Hawaii i mau wahi @ ai i na hula Hawaii helu ekahi aole o kela meaai Hawaii e hele @ hoopiha i ke kamahele i hele a poniuniu i ka pololi i wahi e hooluana ai, ame ka heluhelu buke ana ame nupepa, no ke ola o na opiopio kane ame wahine, aole loa he mea oia ano na kakou e hana nei, na ba i e hana mai ala-@ neenee aku kaua a i ka hiki ana mai o na maka hanohano loaa na mea e kamailio ia ai na mea pili Hawaii apau, he mau mea e hoohilahila ana i ka malihini, oiai nae, o ke ake ia o na malihini na kakou no i hoohemahema i keia kahua o ka imi waiwai, eia ka lahui Kepani ke noho pu nei me kakou, eia no lakou ke malama nei ka lakou ano hula, nana aku oe he nui na hale kalapu no ka malamaia oia mau mea, me ka @ o na dala e hiki ai ke ike aku i ko lakou haa mai. Aia ma Kapalama he hookahi hale o ia ano, aia ma ke Alanui Liliha e komo ana i Kunawai Lane hookahi, i ke kaona iho he nui loa oia no hale. nana aku oe la ia Haole me ke ake e ike ia mau mea, o kakou aole ano hale o keia ano apuni keia mau mokupuni, oki loa ma na ano apau; o ke kakoo ka hana oia kela ano manuahi wale aku, oia iho la ka hapanui o ko kakou poe waiwai a hanohano oluna o ka aina, a pau pu me na alii o ia mahele hookahi, oia ka hoikeike wale no me na @ nui hewahewa, no ka po hookahi ame ka la hookahi, a i ka pau ana oia mau hana a puka aku la na olelo hema i ka mea hookahi kau hihi ae la maluna o ka lahui Hawaii, oia ka hemahema nui loa ke nana aku, na nui ka manawa o ka mea kakau nei i hooku'iia mai ai no na mea i hoakaka ia ae nei.

            O ka'u pane me ka hookamani ole iho mai na alii ame ka poe wai wai ka pilikia o keia mau mea, ua maa i ka haawi @ no ko oukou pono e na malihini, a o kekahi o ua poe nei he hilahila loa @ ke malama ia mau hana ma ke @ e ike ia mai make ano imi waiwai, nolaila, aole he mea oia ano e malamaia nei, a e ike oukou no oukou iho o na Haole kuonono o keia aina he mau hale @ ame na malapua ame na wai e kahe ana ke ano Kepani no ke nana aku, oiai nae ua ike no keia poe i na mea pili Hawaii he nani no ko lakou nana ana aku: o ka mea kupaianaha nae, aole loa lakou make make e hana @ me keia mau hapa Kepani, o ka pa@ mai na malihini mai, oia ko lakou @ me he la he aupuni Kepani keia: o na hana no a ia lahui ma ko lakou aina oia no maluna o keia aupui e noho mana ia nei e ka lahui Amerika.

            E ike ana ko ka honua nei apuni i na @ nani o Hawaii nei, e huki ia mai @ ko lakou noonoo e hele mai e ike na kamaaina pu kekahi o keia au @ e nee nei, oia ka mea a ka meakakau e lohe mau ai, oiai, aole kakou i ha@ i kekahi hana i mea e ikeia mai ai @ wahi e malamaia ai na hula maikai o keia lahui me kahi kupono e @ o na meaai Hawaii ame ka ulana moena.

            O keia kekahi mea maikai loa e hana ia i keia  manawa, aia nae a loaa kela kulana hoopono ame ka makee i ka inoa lahui alaila hiki e lilo mua kau hana i mea opiopio i loaa ke kumu e ku ai, oia @e hoiliili i na mea liili apau e loaa ana ia oe a lawe mai a kau ae mamua ou e loaa ai kou panana elike me ka mea e noonoo ia mai nei e ia hui o na kaikuahine o ka Hale o na Alii. He maikai ka noonoo, e akahele loa nae ma na ano apau o haule ae nei iloko o ka lua, ina o kau mea i lohe mai ai oia ana ke ano e hana ai, auwe ka nani e!

            Ua hoihoi hou ia mai ke ola o keia lahui i ka manawa kupono loa, oiai o kela mau hoolala ana oia no na hoolala a ka mea e kakau nei, o ka pilikia aole o Wilimana me a'u, o keia mau mea e hoolalaia mai nei aia ia mau mea ma ko'u waihona noonoo, o ka pilikia oia ae la no, o ke dala ke kumu e holo ai na mea imua, o ka hoopono oia wale no ke kahua e hiki ai.

            Ina nui na hui i hana. na haulepu na manaolana, aka, e lawe ae i kela poo manao, e hana i ka wa opiopio i na hana o ia manawa, i ke kanaka makua ana hana i na hana kanaka makua.

            I ka hoopau ana ae i keia kalaimanao ana ke lawe mai nei ka mea kakau i na mea kupono ole mluna iho o kona pooiwi, o na mea momona a maikai e lawe aku a malama, oiai, o kekahi alahele maikai keia o lawe ia mai ai o na manao mai na makamaka mai, a i ke komo ana mai i ka nupepa, ka mea nana e hoikeike ana i na kalaimanao ana, e loaa ana kela ike ame ka makaukau ia eo a he mea e alakai ana ia oe o lilo i kanaka kalepa a i ole i kekahi mau mea e ikeia mai ai oe e kou lahui ponoi ame na lahui e i kau mea e hana ana. Maluna ou e kuu kapena opio ahonui ko'u welina pau ole, ame na keiki kikokiko ko'u mahalo. Kou no a mau.

J. K. MOKUMAIA.

 

HE HOOMAIKAI NA KE K. S. AME C. E. O MAUI HIKINA.

 

            Mr. Lunahooponopono o ka Nupepa Kuokoa, Aloha oe: — E oluolu hou ma kou ahonui i kekahi wahi tumi kaawale o ka hiwahiwa a ka lahui, no kela wahi poomanao e kau ae la maluna.

            O makou o na haumana K. S. ame na lala o na Ahahui C. E. o Maui Hikina i akoakoa ae ma ka luakini o Wananalua, Hana, ma o ke komite la i koho pono ia, ke haawi aku nei i na hoomaikai palena ole i na hoahanau, na haumana Kuli Sabati, na lala o ka Ahahui C. E. o ka Ekalesia o Wananalua, ame na hoaloha apau i haawi mai i ko oukou mau home i wahi e hoomoeia ai ko ke Akua po kanaka, me ko oukou haawi pu ana mai i na mea apau e oluolu ai ke kino.

            Nolaila, ke noi nei ka makou pule na ke Akua ka Makua e hoopiha mai i ko oukou mau waihona waiwai a hu.

            Ke haawi pu hou nei i ka makou hoomaikai a nui i na mea hano hano o ke Kalana o Maui, Hon. II. A. Baldwin ame kona kaikaina, Samuel Baldwin, no ka laua mau makana i haawi mai ai, e hookahi bipi nui momona ame hookahi puaa nui, no ka pono o na hana hoike hui o na Kula Sabati.

            Noalaila, ke noi nei i ka Makua Lani ka makou leo pule, e hoomau mai i Kona aloha, kona lokomaikai maluna o olua pakahi, a nana no e hoopaa mau mai a e kau mau mai i ka mana o kona uhane mai keia wa aku a i ka mau loa.

            O Iehova no ke kiai mai mawaena o kakou, oiai kakou e noho kaawale ana.            Me ka haahaa,

L.A. KANAE,

Komite.

Kaupo, Maui, Aug. 9, 1920.

 

KO KA AINA LEWA I KE KAI MAU ITAMU HOONANEA

 

            Ua kakauia ae, maluna o na apahu hoolele leo o ka Mareoni, na huaolelo maopopo hiki ole i ke akamai o na keiki a kanaka ke huki, a kalena pono ae  i na huaolelo hiki ke heluheluia.   

            Mr. Lunahooponopono, me ke kanalua ole i kou lokomaikai hooneenee, o kou papapa'i e hoopulelo aku mamua o ke alo o na pipi hulu huhu o ka mauna ahiu o Maunakea, i kekahi welu ulaula. e olelo ana i ka ikaika hoonee o ka poe heluhelu no na pomaikai o ka poe e lawe mau ana i ka Nupepa Kuokoa o ka M. H. e pau ana ahiki hou mai ana i ka 1921.

            Penei, ke olelo nui nei ka poe akeakamai, i ka olelo maopopo, aole malalo iho o na lani, aole malalo iho o keia honua, i ke ahuwale i ka ikeia e ka la kou mau mea ike, ka la, mahina, na hoku, a olelo poonui ae a i ka oiaio (ka mea ike a ka Haole), ke kaa nei ka honua maluna o kona iho.

            Maanei i manao ai ka elepani e hookomokomo aku i kona ihu loihi a uneune ae i na loea huli Balibala, Kula Sabati o na apana apuni o Kakuhihewa.

            Ninau: Owai ka mea oiaio, o ka honua anei, ka mea kaa nei ma kona alahele, a i ole, o ka la paha?

            Elua aoao e ku mai ana, me na manao wehewehe naauao huli Baibala, o ka poe ma ka aoao e olelo ana, o ka la ka mea e hele nei, o ka aoao e olelo ana, o ka honua ka mea e kaa nei, a auhea na hooiaio?

            Ke huli hoi nei ke kaikamahine kuipalu wawae ohiki aumoana o ke Koolauwahine, o na pali ahiuahina kuemakahiehie o Kawela Bay, noho no a manao ae.

            MRS. HULIHULIOOPUPAOOLEKEI.

            Kapukaulua Home.

 

            DENVER, Aug. 17. —Ehiku mau luna o ka hui uniona a na kanaka oluna o na kaa uwila, ka poe na lakou i kalahea ae he olohani ma kekahi manawa i hala koke aku nei o na kanaka no na kaaahi o nei, a i lilo ai ia olohani i kumu e holo ole ai na kaa ame ke ala ana ae o ka haunaele maloko o na mahele maloko o ke kulanakauhale, ua hoopaiia lakou he 90 la e noho ai maloko o ka hale paahao no ka hoowahawaha i ka aha, mamuli o ko lakou ku e ana i ke kauoha a ka aha aole e hoala hou i ke olohani.

           

NA ANOAI O KOLOA.

 

            Mr. Sol. Hanohano, Aloha kaua: —E oluolu mai kou ahonui, i kau wahi rumi kaawale o ka kaua hiwahiwa, ke pookela a ka lahui nana hoi ia e uwila aku ma na kihi eha o ka houna, mai Hawaii nui o Keawe, a Kauai o Manokalanipo, oia iho keia:

            Ma ka hiki kino ana mai o B. N. Kahalepuna mai Honolulu mai i Koloa nei, na ke kakahiaka Poalua o ka la 3 o Augate iho nei, i lawe pu mai ai oia i ka pohaku kiahoomanao o Mary K. Paele, ame William Keaumaikai Paele, he mau makua maikai no ko makou apana.

            Ke kiahoomanao keia i hana ia me ka maiau, e Mr. Zimmerman, he haole hana kiapohaku no Honolulu, he elua apana, nona ke kaumaha i kohola he 18 haneri paona. Me ka hana nui keia kia pohaku i hana ia ai ahiki i koan wa i laweia aku ai no Poipu, aneane hapelua mile ka mamao, mai ke awa kumoku mai o koloa, a i ke kakahiaka Poakolu ae i hoponopono ia ai ua kia pohaku la, ma kahi i makemake ia.

            Ua lilo keia kiapohaku i mea na na kamaaina o keia apana e nune a e kamailio ai, a no ka mea, eia no o William Keaumaikai Paele ke ola nei, aka, a manawa like no, ke hoomakaukau e nei no oia i kona home e hoi aku ai ka uhane i keia home nani mau ma o, ka ilina hope loa o ke ola honua ana o ke kanaka.

            O kekahi paha keia o na hana pookela loa, i hanaia iloko o ke ola ana o keia kanaka, ka hiki iaia ke ike, a ke koho iho, eia kona hopena hope ke hookokoke a inei, a he mea poho i'o no iaia e ike mua i ka lawelawe aua o kona home i ku i kona makemake.

            He nui wale na makamaka ame na hoaloha i akoakoa mai ma ka laulima pu ana i keia pohaku kiahoomanao, a no ia kumu i hoopokole ia mai ai ka manawa no ka hooponopono ana i keia kia pohaku.

            Mamuli o ka manao aloha a puuwai hamama iloko o William Keaumaikai Paele, kekahi o ua Hawaii i hoomaopopo ia he lani iluna, a he honua ilalo, o kela apana o Koloa nei, ua haawi aku oia ma ka manawalea ana, i na poe i hana a i luhi ma ke kukulu ana i keia pohaku kiahoomano, o kana mea aloha he wahine i hala mua aku mamua, ame ia pu hoi, ma ka haawi ana aku ia lakou i kekahi mau apana aina pakahi, e waiho kokoke nei ma kahakai o Poipu, a ua lilo keia hana lokomaikai a puuwai hamama i hanaia aku eia, i kia hoomanao poina ole, na makou e hoomanao ai nona.

            Oiai o ka hooponopono ame ka hooholo pono ana i keia kumuhana, ua waiho ia aku no ia me B. N. Kahaleppuna, kona akena a hope, ke hauoli nui nei au, a o makou pu iloko o keia haawina pomaikai, a'u e puana ae nei, he aie nui keia i ili iho maluna o ka poe i loaa na apana aina me ka manawalea.

            Ke manao nei au, aole e hiki ke ili na ahewa ana maluna o ko makou makua maikai ame kona hope, no ka mea, ua haawi ia keia mau apana ma ke koho ana o ka mea i koho a loaa ka helu o ka apana maikai, ua maopopo loa, e loaa ana iaia ka apana maikai, a o ka mea no hoi i koho a loaa ka helu o ka apana aina pohaku alaila na ka mea no i koho e auamo i ke ko'iko'i ame kona poho mamuli no o ka hana ana a kona lima. Nolaila, ua holopono na mea apau i lawelawe ia, ma keia koho ana, aole loa i ili hookahi iniha o ke ahewa ia ana maluna o ka mea i haawi mai me ka lokomaikai. He 14 Hawaii ponoi, a he hookahi Pukiki, he hoaloha pilipaa keia, no ka mea nona ka waiwai, no kekahi mau makahiki lehulehu.

            Ma ka auwina la Sabati iho nei, Augate la 8, i malama ia ae ai kekahi anaina hoomanao, no ka wehe ana i keia kiapohaku, ma ka ilina o Poipu, imua o ka lehua i akoakoa mai malala, a iwaena oia lehulehu, ua ike aku kou meakakau ia Mr. ame Mrs. Henry Blake, Mr. B. N. Kahalepuna, hope kakauolelo o ke keena hookolokolo ma Honolulu, Mr. Geo. Beka, Mr. ame Mrs. S. K. Kaulili, Mr. ame Mrs. Kanani, Mrs. ame Mrs. Kolomona, Mrs. J. S. Chandler, Mr. Akana, Mr. D. K. Paele, Miss Mary Bella Paele, Master William Pua Oliwa Paele, kou kiu hanu meahou no hoi, ame kekahi poe he nui wale i akoakoa mai.

            Ua hoomaka ia na hana o keia anaina maluia me kekahi haiolelo e alakaiia ana e ka Rev. S. K. Kaulili o keia apana, ua hoike mai oia i ka moolelo o Mary Kealiiwaiwaiole Paele, kona hanau ana, kona lilo ana i makuahine e alakai ana i ua hana imi pono Kristiano, kana mau hana kokua, a ua lilo oia i kona wa e ola ana, he paepae, a o kekahi o na pohaku kihi iloko o ka Ekalesia o Koloa nei, ma ka noho home ana, ua hoike ia mai, he makuakane heahea, he puuwai hamama, he akahai a he hopono.

            E pili ana no William Keaumaikai Paele, ua hoike mai oia, ma na hana kokua apau no ka Ekalesia, aole i nele kana mau kokua ana ma keia mahele, he makua piha i ka haipule, a na ka nawaliwali ma kona kino, i ike ole ia ai kona mau maka ma ka luakini, ma ka noho ana ma ka home; hoike hou mai ke kahh, he makua heahea, he lokomaikai, elike me ia i ikemakaia, ma kana mau hana haawi aina ana, a na ka wili mau o ka ma'i maluna o kona kino, i hiki oe ai iaia ke hele ma o a maanei, a he nui a lehulehu wale na mea maikai i hoikeia mai no keia mau makua, mai ke Kahu S. K. Kaulili mai.

            I ka hooki ana o na hana, ua hoolauna ia mai o B. N. Kahalepuna a nana i wehe i ka uhi o ke kia pohaku, a o ka hoomaka ana o ka makaikai ana o na poe apau i akoakoa ae malaila, no keia pohaku kiahooomanao. Ua loheia aku ka leo o ka poe i hiki ole e haawi ana i ko lakou mau hoomaikai, mamuli o ka u'i ame ka nani o ke ka pohaku i hanaia.

            A mahope o keia, ua meleia mai kekahi mau leo mele, mai ka papa himeni mai a o ka panina o na hana, oia no ka leo pule mai ka Makua S. K. Kaulili mai.

            Mamuli o ka makmake ame ka iini o B. N. Kahalepuna e pa'i kii ia eia anaina, ua hana koke ia iho la keia hana e kakahi Kepani pa 'ikii o Koloa, a ua paa ka hapanui o keia anaina i ke kii a e lilo keia i hoike oiaio, no keia anaina ma keia mua aku.

            Mahope o ka hookuu ana o na hana, ua piha hauoli na mea apau, iloko o ka ulumahiehie, a ua ke kaa kalaka o ka luna alanui o Koloa nei i hoihoi aka i keia anaina, no ko lakou mau home ponoi, a ua hoi no hoi kekahi ma ko lakou mau otomobile iho, me ke koe iho o ke keiki puhi kukui o ka lae o Makahuena.

            I aloha ia no Makahuena,

            Hoopulu mau ia e ka ehukai,

            Elua wale iho no maua,

            Me ke kihei pili o ke aumoe.

Eia hou keia: Oiai au e hiolani malie ana, ma ko'u home kau e ka lewa, a i ko'u mau maka hoi e haawi ana, i na kilohi malie ana i na hoku e alohilohi mai ana, iloko o na ao kaalelewa o ka lewalani, e au ana hoi ma na paia lani, a i ka hoohiki pono loa ana ae a ko'u onohi maka ma ke komohana, e hiki aku ai i ka akau, aia hoi, me ka weliweli ame ke pihoihoi pu, i halawai aku ai ko'u onohi maka, ma ka ike ana aku i kekahi ahi kao kupunaha, nui o mua a uuku o hope, i ka puoho ana ae, ma kekahi wahi kokoke ma Poipu.

            A moe kololio aku la kona lele ana, ma ka laina pololei e hiki aku ai, i ka halepule Kakolika o Koloa nei, a mai laila aku, ua kaalo iho la ua poka ahi helena la ma ke alo o ka Pae'e Home, a aole i liuliu mahope iho, ua poha ae la kona kino iloko o ka weliweli nui, me ka ike pono ia ana aku o kona mau onohi maka nunui launa ole, e nana pono iho ana i ka honua, ame ka nui pu o ka poe i ikemaka i keia mea kino hookalakupua.

            Hoomanao ae la kou kiu hanu meahou, he ewe paha keia i koe iho a kahiko, e hoao ana e kinai i ke ola makamae a ke Akua i hana mai ai, e hoike maoli ana i ka lokoino, i ulu a i kawowo aku iloko ona.

            Ke ao aku nei keia maka peni, e opu alii, a mai hana hou aku, e hoopau loa i na hana o ke au poeleele, oiai he au malamalama keia, e hoopau loa i na hana ino o keia ano.

            Me ka Lunahooponopono ka mahalo nui ame na keiki oniu hua metala ko'u welina pau ole.

            Oia mau no,

PETER KAMANO.

 

            NA ANOAI O KONA.

 

            E Mr. Lunahooponopono, Aloha kaua: —E oluolu oe e hookipa aku i kekahi mau anoai o Kona kaiopua i ka la'i, penei:

            Ma ka la 18 o Iulai i hala koke iho la, a ma ka luakini kaulana o Mokuaikaua, ua nui ka poe i hiki mai, no ke ake ana e ike i na hana ma ia la Sabati. Ma ke koho aku a kou meakakau ua piha ka ekolu haneri a oi.

            O ka mua, o ia na hana hoike Kula Sabati, ame hookuku himeni, Owai ke Kula Sabati u'i ma na himeni? E loaa no ka umi dala i ke kula Sabati u'i o ka himeni mai ka Lunakanawai Kaapuni mai o Hawaii Komohana.

            He ehiku kula Sabati i hiki mai, a o na papa himeni no hoi ia. Ia lakou pakahi i ku ai ma ke kahua hookuku, ua hui kau ia'u ka ike ana i ka papa himeni u'i, eia nae i ka mea loea himeni, ua lilo ka makana umi dala i ke Kula Sabati o Helani. Nani kela hana a ka lunakanawai kiekie.

            Eia ka elua, o ia ka hana poni kahunapule. He elua keia mau kauwa a ke Akua e lawe ana i keia hana laa. Akahi no kou meakakau a ike i keia hana he poni kahunapule ana. Wahi a Rev. S. L. Desha, iloko o kuu ola ana akahi no au a ike he elua mea e poniia ana i kahunapule iloko o ka manawa hookahi.

            O kekahi mea ano kupanaha ke nana iho, he hookahi mai ka lahui kanaka na lakou i lawe mai ka pono a a'o mai, a he hookahi he keiki hanau no Hawaii aloha, a ke manaoio nei au o keia ka la helu ekahi o ko'u ola ana, wahi a Kiwini.

            I ka poni ana, aia ke ku nei na kahunapule ehiku, oia o Rev. Desha, Kalaiwaa, Keala, Henere Kauka, Erdman, Upchurch ame Lota. E ku ana o Henere Kauka iwaenakonu, a kau kona lima akau iluna o Oliver Kamau, a kau iho ka poe ekolu maluna o ke poo o kuu pokii kaikunane, oia o Kiwini, Kalaiwaa ame Keala; a o ka lima hema hoi o Henere Kauka kau iluna o Mr. Weller ame ekolu kahunapule e ae; a ia Henere kauka a pule poni.

            He hana ihiihi maoli keia. He eha makou kaikuahine o Oliva ame Wile Kamau, Mrs. Kamau, ame ka laua hiapo, i hele mai e ike i kona poniia ana. Ua hoopaia ka uhana o makou apau ka ohana. Na ke Akua e alakai i na kauwa i poniia.

            Me oe e ka Lunahooponopono ko'u aloha.

LAKANA K. KAMAU.

Holualoa, Kona, Aug. 3, 1920.

 

MA KE KAUOHA

 

TERITORE O HAWAII.

 

Keena o ka Puuku, Honolulu, Oahu.

 

            Ma ka hana e hoopau ana i ka MUTUAL INVESTMENT COMPANY OF HAWAII LIMITED.

            OIAI, o ka MUTUAL INVESTMENT COMPANY OF HAWAII, LIMITED, he hui ia i kukulauia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai liko o keia keena he palapa noi no ka hoopau ana i ka hui i oleloia, hui pu me kekahi palapala hooiaioia i hoohui pu ia me ia, elike me ia i koiia ai ma ke kanawai.

            NOLAILA, ma keia ke haawiia aku nei ka hoolaha i kekahi mea, a i na kanaka apau he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na ku-e ana no ka aeia aku o ka palapala noi i oleloia maloko o keia keena, mamua ae o ka hora 12 awakea o ka la 27 o Sepatemaba, 1920, a o kela ame keia mea e makemake ana e hooloheia aku maluna o ia me, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, ina he kumu kekahi i wahi e ae ole ia aku ai ka palapala noi i oleloia.

DELBERT E. METZGER.

Puuku, Teritore o Hawaii.

Honolulu, Iulai 20, 1920.

6410—Julai 23, 30; Aug. 6, 13, 20, 27; Sept. 3, 10 , 17, 24

 

TERITORE O HAWAII.

 

Keena o ka Puuku, Honolulu, Oahu.

 

            Ma ka hana e hoopau ana i ka HONOLULU AUTOMOBILE GARAGE COMPANY, LIMITED.

            OIAI, o ka HONOLULU AUTOMOBILE GARAGE COMPANY, LIMITED, he hui ia i kukuluia a e ku ana malalo a ma ka mana o na kanwai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.

            NOLAILA, ma keia ke haawiia aku nei ka hoolaha i kekahi mea, a i na kanaka apau he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na ku-e ana no ka aeia aku o ka palapala noi i oleloia maloko o keia keena, mamua ae o ka hora 12 awakea o ka la 14 o Sepatemaba, 1920, a o kela ame keia mea e makemake ana e hooloheia aku maluna o ia me, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, ina he kumu kekahi i wahi e ae ole ia aku ai ka palapala noi i oleloia.

DELBERT E. METZGER.

Puuku, Teritore o Hawaii.

Honolulu, Iulai 7, 1920.

6408—Iulai 9, 16, 23, 30; Aug. 6, 13, 20, 27; Sept. 3, 10.

 

TERITORE O HAWAII.

 

Keena o ka Puuku, Honolulu, Oahu.

 

            Ma ka hana e hoopau ana i ka WHITNEY AND MARSH, LIMITED.

            OIAI, o ka WHITNEY & MARSH, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia koiia ai ma ke kanawai.

            NOLAILA, ma keia ke haawiia aku nei ka hoolaha i kekahi mea, a i na kanaka apau he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na ku-e ana no ka aeia aku o ka palapla noi i oleloia maloko o keia keena mamua ae o ka hore 12 awakea o ka la 23 o Oktoba, 1920, a o kela ame keia mea e makemake ana e hooloheia aku maluna o ia me, he pono e hoea kino ae ma ke keena o ka mea nona ka inoa malao iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, ina he kumu kekahi i wahi e ae ole ia aku ai ka palapala noi i oleloia.

HENRY C. HAPAI,

            Kokua Puuku, Teritore o Hawaii.

Honolulu, Augate 16, 1920.

6414—Aug. 20, 27; Sept. 3, 10, 17, 24; Oct. 1, 8, 15, 22.

 

HE HOOMAIKAI NUI.

 

            Mr. Solomon Hanohano, Aloha nui oe: — E oluolu e hookomo i keia mau leo hoomaikai:

            Ke haawi nei ke C. E. o Waikane iaka hoomaikai nui loa i na puali himeni na lakou i kokua mai keia hana nui i weheia ma ka po Poaono, la 14, Augate, 1920, maloko o Lanakila Hall Ekalesia o Imiloa, Waikane, ame ka poe apau i haawi mai ka lakou mau kokua no na keiki makua ole o Polani ame Siberia ma Rusia elike me ke noi a na komite malama ola o Amerika ame e ao nei. E oluolu na mea apau e lawe aku i keia mau hoomaikai a na ka Haku Iesu Kristo e hoomaikai mai ia oukou apau a nana pu no e hoonani mai i na mea apau i kokua i keia hana nui loa i hala aku nei.

            A ke nonoi pu aku nei  i ko oukou mau kii maoli e na kalapu himeni apau mai Hawaii ahiki aku i Kauai, hoouna ia aku i ka peresidena o na komite malama ola o ke ao o Amerika Huipuia, ka Haku pu me oukou apau.

J. K PAELE,

Kakauolelo o ke C. E. o Waikane.

 

TERITORE O HAWAII.

 

Keena o ka Puuku, Honolulu, Oahu.

            Ma ka hana e hoopau ana i ke CHINESE ATHLETIC CLUB LIMITED.

             OIAI o ke CHINESE ATHLETIC CLUB LIMITED, he kui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.

            NOLAILA, ma keia ke haawiia aku nei ka hoolaha i kekahi mea, a i na kanaka apau he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na ku-e ana no ka neia aku o ka palapala noi i oleloia maloko o keia keena, mamua ae o ka hora 12 awakea o ka la 11 o Okatoba 1920, a o kela ame keia mea makmake ana e hooloheia aku maluna o ia mea he pono e hoea kino ae ma ke keena o ka mea nona ka inoa malalo iho maloko o ka Hale Hana Mooko, Hononlulu, ma ka hora 12 awakea o ka la i oleloia, a e hoike mai i ke kumu, ina he kumu kekahi i wahi e ae ole ia aku ai ka alapala noi i oleloia.

HENRY C. HAPAI,

Kokua Puuku, Teritoe o Hawaii, Honolulu Augat 4, 1920.

6412—Aug. 6, 13, 20, 27; Sept. 3, 10, 17, 21; Oct. 1, 8.

 

OLELO HOOLAHA

 

            E malamaia ana ka halawai makahiki o ka Hui Kuai Aina o Wainiha, Halelea, Kauai, ma ko lakou keena oihana ma Wainiha, ke hiki aku i ka la 2 o Sepatemaba, 1920, o ia ka Poaha mua, ma ka hora 10 a. m.

            Ma keia, ke kauohaia aku nei na lala apau o ka hui e hiki kino ae ma kahi a me ka manawa i oleloia maluna ae.

Kou oiaio,

JAMES K. APOLO,

Peresidena Hui Kuai Aina o Wainiha,

Moloaa, Kooau, Kauai, Aug. 3 1920.

6412— Aug. 6, 13, 20, 27.

 

OLELO HOOLAHA

 

            E malamaia ana ka halawai makahiki o ka Hui Kuai Aina o Haena, Halelea, Kauai, ma ka Hall o Haena, ke hiki aku i ka la 3 o Sepatemabe, 1920, hora 10 a. m.

            Ma keia, ke kauohaia aku nei na lala apau o ka hui i hoikeia maluna, e hiki kino ae makahi i kauohaia.

Kou oiaio,

JAMES K. APOLO,

Peresidena Hui Kuai Aina o Haena,

Moloaa, Kooau, Kauai, Aug. 3 1920.

6412— Aug. 6, 13, 20, 27.

 

HOOMAKAUAKAU NO MUA AKU NEI

 

E hoao e Hoomakaulii Ano…E Malama i ke Dala e

wehe i Buke Banako Hoahu me ke

CHINESE AMERICAN BANK

A NANA AKU I KA ULU O KAU DALA

Na Pahu Dala no ka Hoolimalima

$1.00 no ka Wehe Ana i ka Hoahu

Kihi o ke Alanui Moi me Nuuanu

 

LUAU

Na PA, NOHO PAKAUAKAU ame na HALELOLE

na ka Hoolimalima.

PEOPLE'S HARDWARE STORE.

453 Alanui Moi Akau, Kokoke i Palama Settlement.

KELEPONA 2670

6348—8 wks.

 

Kela Laau Kaulana

B.B.C.

            He laau i hoohuiia o na launahele, laau e hana pu ana me ka hana a ke Akua, he hoomaemae a hooikaika ae i na mea paahana holookoa o ke kino, e kipaku ana i ka ma'i kino ame na mai ili wale mai, e haawi ana i ke kino i ka ikaika, ke ola ame ka mana i na aalolo.

            E hoopiha ana ka B.B.C. i ke kino me ka ikaika hao o ke ola ame ka ikaika o na la opio. Ua hoolaia na poe nawaliwali ma na manawa lehulehu mahope o ka inu ana he mau pule wale no. Ua aponoia e na kauka kaulana he nui ame na kanaka iloko o ke ola lahui ana. O ka B.B.C. ka laau kamahao loa ma ke ao.

KUAIIA MA NA WAHI APAU.

Keena Kuai Laau B.B.C., 161 Alanui Moi, Honolulu, Hawaii.

 

Kakela me Kuke

(KAUPALENAIA.)

Poe Kalepa ma ke Komisina

A HE

Poe Agena no na Mahiko Lehulehu

 

NA HAAWINA HOOKANI

Piano ame Vaiolina

$4 no ka Mahina

1389 Alanui Emma, Honolulu.

E loaa no ka Piano kuai maanei.

 

He $10 Anei ka Waiwaiio o Kou Mau Maka?

156-158 Alanui Hotele

Mauka o ka Hokele Young.

            Ua hiki ke loaa ka paa makaaniani no kela mau dala e emi iho, a e hiki ana ke paleia aku ka poino e loaa ana i kou maka, ma o ka nana ana me ka ikaika.

Dr. Lewis Edwin Capps

KAUKA RUSHFORTH, Kokua.

Thompson Optical Institute

156-158 Alanui Hokele.

Mauka o ka Hokele Young.

 

CONSULT

SANFORD OPTICAL CO>

Phone 1740

OPTICIANS

Boston Bldg.  @

 

T. O. Murala Furniture Store

(Ma noho hoolimalima me lako pa maanei.)

Na Lako Hale Hou me Kahiko.

Hoolimalima me Kuai Hoolilo.

715 Alanui Hema, Honolulu, T. H.,

Kelepona 1695.

 

Na Apana Aina Kuai

 

$1006—Na Apana 40x168 ma Lakimau Tract, Waikiki, $50 ukumua, $20 uku mahina, alanui pohaku paepae, wai aupuni; maemae ka aina, aole pohaku.

 

$400—Na Apana 30x137.5 ma Palolo; aina maikai; $25 ukumua, $10 uku mahina.

 

$398—Apana 50x99.5 ma Alanui Notley, Kalihi; aina maikai; $25 ukumua, $40 uku mahina.

 

$150—Na Apana 50x100 ma Kapahulu, kokoke i ke Alanui Campbell; $10 uku mua, $5 uku mahina.

 

$1500—Apana 40x83, Alanui Luso, kokoke me alanui Emma, $25 uku mahina.

 

$1500—Apana 40x83 Alanui Luso, kokoke ma Alanai Emma, $25 uka mahina.

 

PAULA KALAUKA,

(P. E. R. STRAUCH).

Akena Kuai Aina Emi Loa.

Waity Bldyl, Helu 74 Hema, Alanui Moi

 

NUPEPA KUOKOA

 

No ka makahiki (one year)      …..$2.00

No eono mahina         ….1.00

            O na Dala ame na Hoolaha Apau e hoouna pololei mai i ka ADVERTISER PUBLISHING COMPANY, LTD., wale no, P.O. Box 208, Honolulu, T. H.

217 Alanui Moi, ma ke keena o ka Nupepa Advertiser.

            Entered at the Post Office at Honolulu, T. H., as Second Class Matter.

CHARLES S. CRANE….LUNA NUI.