Ka Nupepa Kuokoa, Volume LVIII, Number 37, 10 September 1920 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

 

He Moolelo no

TAZANA

A I OLE

Ka Hiena o na Ululaau Anoano o na Kapakai o Aferika.

Mahele II.

 

            Eia ua papahaua nei a'u i hoolala ai, o ia no kou hooha@e ana ia oe, me he mea la ua make, a ma ia ano au e ka'i@'i aku ai ia oe noloko o ke ululaau. I ka wa e ninau mai @ kekahi koa kiai ia'u, e pane aku ana au iaia, o Mahomeda a mea nana i kauoha mai ia'u e hookaawale loa aku i kou @o make i kahi e. E kamailio pu aku ana au i ke kiai @amuli o kou hoole paakiki ana aku i kona mau manao @puwalo, pela oia i ki mai ai ia oe i ka pu panapana a make, he mea maikai ole nona, ka ike mai i kou kino make, i ka @aiho maloko o ka ululaau."

            Kauokoa mai la na lima o Jene Kelekona iluna, no ka @@a ana mai ia Alabaki Wepa, aole e kamailio hou aku @ia me ka i okoa ana mai:

            "Ua hehenaia anei oe, i kamailio mai ai i kekahi mea o @@na ano. Manao no anei oe, e hiki ana i kekahi koa kia @ manaoio mai i kena moolele?"

            "Aole i maopopo ia oe e Jene Kelekona ke ano ame ke @alana oiaio o keia poe kanaka. He oiaio, he poe lakou i @@olaaia no na hana powa me ka lukuwale, aka i ka hoea @aa mai ma kahi o na wahine, aia iloko o lakou ka manao aloha he haawina kamaaina loa keia i waena o na kanaka apau ke aloha kupouli no na wahine, na ia aloha i alaaku i kekahi heluna nui o na kanaka, e lilo i poe hakihaki kanawai a i poe hana karaima. Mai kanalua iki oe, no ka holo@@no o keia mea a'u i hoolala ai, no kamea o ke alahele wale @@ ia e pakele ai kaua mailoko aku o keia wahi."

            "Heaha la hoi, in a ua manao oe, o ke alahele iho la ia no @aua e palekana ai ,aole no he hewa o ka hoao. Heaha hou aku ia mea ua i manao ia e hana?"

            "E lawe aku ana au ia oe, a waiho iloko o kekai wah@ Kupono iloko o ka ululaau, malaila oe e kakali ai, ahiki i kuu hoea hou anan aku me na lio elua no kaua i ke kakahiaka o ka la apopo, o ko kau holo no ia, ma ke alahele e @aa ole mai ai i kela poe kanaka."

            "Maila, pehea iho la e hiki ai ia oe ke hoakaka aku imua @ kela poe kanaka no ke kumu o ka make ana o Mahomeda?"

            "Aohe a'u hoakaka ana aku imua o kela poe kanaka, aka na Mahomeda ponoi no e hoike ae i na mea apau. Ua makaukau anei oe no keia hana nui?"

            Ae, ua makaukau au, i hakalia wale mai no ia oe," wahi a lene Kelekona, me ke kanalua no nae iloko on a, no ka holopono o na mea a kona hoopakele i hoolala ai no kona palekana."

            "E hoomanawanui iki iho oe pela, e lako oe me kekahi meakaua e pono ai, pela wale no e hiki ai ia oe ke kupale@ou iho, iloko o ka wa o ka poino." o ka oili aku la no ia o Wepa iwaho mahope o ka halelole me ka hoi pololei ana aku no kona halelole, a lawe mai la i hookahi pu panapana hou, me ke kaei poka, a ke hui pu ia me kela pu panapana mua, ua like me elua ana mau pu panapana, me ka hele hoi o kona mau pakeke, a piha me ka poka.

            "Ua makaukau anei oe?" wahi ana o ka ninau ana aku ia Jene Kelekona, iaia i komo hou aku ai iloko o ka halelole.

            "Ae, ua makaukau au, i hakalia wale mai no ia oe."

            "Ina pela e moe mai oe iluna o kuu poohiwi, me ka hoololo ana i kou kino, elki me ka mea i make. E waiho malie kou mau lima me na wawae me ka onioni ole," alaila kukuli iho la o Alabaki Wepa ilalo, me ka moe ana mai no hoi o Jene Kelekona iluna o kona poohiwi, a iloko o ka manawa pokole loa, ua ku ae la o Wepa iluna, a oili aku la mailoko aku o ka halelole, me ka ukana maluna o kona kua.

            Aia hoi kekahi poe kiai nia kahi o kekahi ahi nui i ho-aia, kahi i holoholo ai, he hookahi nae o kela poe kanaka i ike mai i ko Wepa hele aku, me e kino o ka wahine opio maluna o kona kua, a o ia ka ke kiai o ka ninau ana mai:

            "Owai keia, a heaha kena mea nui au e hapai mai nei?"

            Wehe ae la o Wepa i ka pulo'ulo'u maluna o konna poo, i wahi e ike mai ai ke kiai i kona helehelena alaila i aku la:

            "O ke Kino keia o ka wahine opio, a Mahomeda i ki ai i ka pu a make, a nana ponoi no i kauoha mai ne ia'u e lawe a waiho i loko o ka ululaau, no ka mea aole e hiki iaia ke nana mai maluna o ke kino make, o ka wahine ana i aloha ai, a no ka hooko ole ia o kona iini, i konoia mai ai oia, e lawe ae i ke ola o keia wahine, iloko o kona manao hehena o ke aloha; a i hoike aku au ia oe ea, ua hele maoli o Mahomeda a hehena, a no ia kulana on a, ua hiki ole ia'u ke kaohi aku iaia. mai ka hookau pu ana iho i ka make maluna o kona kino."

            Aia o Jene Kelekona ke hoolohe la i na olelo hoopunipuni a Wepa e kamailio aku nei i ke kiai, a ke hopohopo loa la oia, no ka manaoio mai o kela kiai i na olelo a Wepa, me kona hoolala ana iho nae, in a nei no ka hele mai o kela mau kiai e nana, in a paha ua make i'o ua o Jene Kelekona, alaila e komo pu aku ana oia me Wepa ma ka hakaka ana, aia ka pono o ko laua pakele.

            Oiai no nae oia e moe malie la, lohe mai la oia i ka pane ana ae o ke kiai: "Ua makemake anei oe, e hele ae au e hoala i kekahi kanaka. no ke kokua ana ia oe."alaila hoomaopopo aku la ua o Jene Kelekona, aole loa he wahi manao hoohuoi iki iloko o kela kiai, he hoopunipuni wale no na mea apau a Wepa i kamailio aku ai.

            "Ua hiki no owau hookahi ke hele, aole he nui o keia hana." wahi a Wepa me kona hoomau ana aku i ka hele imua. me kekahi wahi ololi, i hookaawaleia i alanui no lakou e uka ai iwaho mai kahi aku i hoopuniia me ka pa uo lakou e maluhia ai mai na holoholona ahiu mai o ka po.

            Ia Wepa i komo aku ai iloko o ka ululaau, me ka hiki ole o na kanaka Arabia kiai ke iki aku iaia, o kona hookuu iho la no ia ia Jene Kelekona ilalo, me ke kamailio ole ia o kekahi huaolelo mawaena o lau, alaila hele wawae like aku la o Wepa me Jene no kekahi wahi mamao aku, a i ko laua hoea ana ma kekahi kumulaau ni, ku iho la o Wepa. me ka haawi ana aku he hookahi pu panapana ia ene Kelekona, ame ke kaei poka, alaila kokua aku la ua o Wepa ia Jene ahiki i ke kau pono ana aku iluna o ke kumulaau. haalele aku la i ka wahine opio, me ka pane ana aku.

            "E kakali malie oe ia'u ma keia wahi, ahiki i kuu hoea hou ana mai me na lio o kaua, ia wa auanei kaua e haalele iho ai i keia wahi no ka imi ana aku i ke alahele no ko kaua palekana. E hoi hou ae au iloko o kahi hoomoana o na kanaka Arabia, a i ko'u wa e ike ai. o ka manawa maikai iho la ia e haalele aku no au i na kauhale, me ka hoohuoi ole mai o kela poe kanaka ia'u."

            "Me ka mahalo a nui ia oe, a ke haawi aku nei au i na lioomaikai palena ole, no ka nui o kou koa ame ka maka'u ole." i panai mai ai o Jene Kelekona."

            Me ka pane hou'ole aku o Wepa, o kona kaha mai la no ia hele, ma kela wahi no a laua o ka naku ana aku o ka pouli; aia nae ka hilahila ma ka helehelena o ua kanaka nei, no kona ike maoli iho no, aole maluna @ kekahi mea okoa ae, e kau mai ai na hoahewaia, no kela hopena poino i kau aku maluna o ka wahine opio, aka maluna no ia on a, ke kanaka i piha me na manao lokoino o ke aloha ole.

            Aole i emo kela hoi ana aku a Wepa, komo hou aku la oia iloko o ka pa, me ka ike mai o ke kiai, o ko ia nei hoi pololei ana aku a komo noloko o kona halelole, me ka ike ana mai nae o ua kiai nei, i ke kokolo hele ana aku o Wepa mailoko aku o kona halelole, a komo ana iloko o ka halelole, i hoopaapio ia ai o Jene Kelekona, kahi hoi o ke kino make o Mahomeda e waiho ana.

            Me ka hoohakalia ole iho, kapae ae la ua o Wepa i kekahi opi ohope o ka halelole, o ke poholo aku la no ia, a oiai ua maopopo mua iaia kahi i waiho ai o ke kino make o Mahomeda, o kona lalau aku la no ia ma na lima, a huki mai la no kela wahi ana o ke komo ana mai iloko, a i ka hemo ana aku o ke kino make iwaho o ka halelole, ke alaalawa la kana nana ana ma o a maanei, aole on a ike aku i kekahi mea, no lailo hapai okoa ae la oia i ke kino make o Mahomeda iluno o kona kua, a ka'ika'i aku la no kahi i ku ai o ka halelole o Mahomeda.

            Iaia o ke hoea ana aku ma ke kua o ka halelole, hookuu iho la oi i ke kino make ilalo, me kona hoolono hou ana aku, ina paha he poe kekahi e hele mai ana, a no ka nakeke ole mai o kekahi mea, hoomanao ae la keia, aole oia i ikeia mai, o kono wehe ae la no a iahope o ka halelole, a komo aku la iloko, me ka huki ana aku i ke kino make mahope on a, ahiki i ka waiho ana maluna o kahi e hiamoe ai o Mahomeda.

            I loko o ka poeleele o kela halelole, ua noke aku la oia i ka huli, ma ka haha ana o kona mau lima, ahiki i ka loaa ana aku laia o ka pu panapana a Mahomeda, o kona lawe mai la no ia, me ka paa ana iloko o kano lima aku, alaila hoopili aku la ma ka aoao o Mahomeda, oiai hoi kona lima hema i hoopuupuu mai ai i ka huluhulu a manoanoa, o kona ki aku la no ia i ka pu, me ke kunu pu ana ae ia manawahookahi, a iaia i ike ai i ka uuku loa o ke kani, mamuli o kela paa i ka huluhulu, pahola ae la ke minoaka ma kona papalina, no ka holopono o kana mea i manao ai, me kona unuhi ana mai i kona lima iwaho me ka pu panapana, a waiho aku la i ka p upanapana ma ka lima akau o Mahomeda, me ka hana ana iho i na manamanalima. a like loa me ke ano o ka paa maoli ana a kekahi kanaka i ka pu.

            I wahi e ike ole ia ai aia kekahi hana powa i lawelaweia, hana iho la o Wepa a maikai na mea apau maloko o kela halelole, pela hoi kona hokuu hou ana iho iahope o ka halelole ilalo, o kona oili aku la no ia iwaho, a hoi pololei aku la no ka halelole, i hoonohoia ai o Jene Kelekona, a hoonalowale iho la i ka meheu o kekahi mea o ke komo ana mai mahope o kela halelole, a iaia i ike ai, ua liolopono na mea apau, o kona hoi pololei aku la no ia noloko o kona halelole, a haule aku la hiamoe.

            I le keu aku a ka hoonana o kela hana a Alabaki Wepa eia nae, ua maopopo no laia ka holopono o kana mea e noonoo la, a oiai aia kela i na hora o ke aumoe a hui pu iho no hoi me ka maluhiluhi maoli o kona kino ia kau ana no o ke poo i ka uluna, o ka lilo aku lanoia, me ka noonoo ole ae he pilikia kekahi.

            I loko nae o kona nanea i ka hiamoe, ua hoopuiwaia ae la oia, i ke komo ana aku o ke kauwa Paele a Mohomeda ma kekahi kakahiaka ae, a hoala aku la iaia, me ke kahea ana, me ka leo o ka mea i hele a pihoihoi:

            "E wiki! E wiki! E hele koke mai oe e Wepa, ua make o Mahomeda kuu haku, ua lawe maoli ae no oia i kona ola iho, ma ke ki ana i ka pu panapana, aia kona kino make, ke waiho mai la maloko o kona halelole."

            Ala ino ae la o Wepa a noho iluna, me ke kuwakuwai ana ae i kona mau maka, me ha mea la, o kela ka makamua loa o kona maopopo ana. i kekahi lono kaumaha o kela ano a i ka pau pono ana o na olelo a ke kauwa Paele, i kamailio mai ai, ua olu loa iho la kona noonoo. alaila pane mai la:

            "E hoi mua aku oe e hoea aku ana au i ka wa pokole loa," wahi ana nei ke komo awiwi ana iho i kona mau kamaa buki a i kona makaukau ana, o kona oili aku la no ia iwaho o kona halelole, me ka hoikeike ana aku i ke kaumaha o kona helehelena, no ka lono i laweia mai e hoike iaia.

            I kela hemo ana aku a Wepa i waho, ike aku la oia i na kanaka Arabia e holo mai ana mai ko lakou mau halelole mai, me ka pihoihoi, pela no hoi me na kauwa Paele. aka hele pololei aku la no keia, no kahi i ku ai o ka halelole o Mahomeda, a i kona komo ana aku iloko, e noho mai ana kekahi poe kanaka Arabia, o ka hoea mua ana noloko o ka halelole, a e pohai nui ana hoi ma ha'i o ke kino o Mahomeda i hele a puanuanu.

            Me ke koa apau i loaa iaia, komo pololei loa aku la no ua o Wepa a ku iho la ma kahi o ke kinoo Mahomeda, me ka nana ana aku ma ka helehelena, no kekahi mau sekona, alila huli mai la imua o na kanaka Arabia e noho aku ana. a ninau mai la me ka leo kuoo, o ka mea i piha me ke kaumaha:

            "Owai ka mea nana i hana i keia karaima? Nawai i pepehi ia Mahomeda Boe a make?"

            I pane no kela mau ninau, ua olowalu like mai la ka leo o na kanaka Arabia i ka pane ana ae; "Aole i pepehiia o Mahomeda e kekahi mea. aka oia ponoi no ka mea nana i lawe ae i kona ola iho, o Alahe ko makou hoike ma keia mea"

            Kukuli okoa iho, la ua o Wepa ilalo, me ka hoolalau wale ana iho no. me he mea la e huli pono ana oia i ka oiaio o na olelo a kela poe kanaka, oiai no nae, na koua mau lima ponoi i hana i kela karaima pepehikanaka, ame ka hana maalea, e hoohuoi ole ia ai oia, alaila ku ae la oia iluna, a hoike aku la i kona manao, ua pololei na mea a kela poe kanaka i kamailio aku ai iaia.

            I wahi nae e nalowale ai na hoailona no ka pepehi maoli ia ana o Mahomeda a make, owili iho la ua o Wepa i ke kino make me ka huluulu, me ka hana ana, me ke ano, e ike ole ia ai ka puka, o kahi o ka huluhulu ana i ki ai i ka pu panapana, a iaia no ka ike, ua nalo loa no hoailona apau e ikeia mai ai ka epa i hanaia eia. kauoha aku la oia i kekahi poe kanaka eono e hapai i ke kino o ko lakou alakai, o ka haalele nui iho la no ia o ua poe kanaka nei, me ka laweia ana aku o ke kino make o Mahomeda, a waiho ma kekahi wahi malaelae, alaila eliia aku la kekahi lua. a hookomoia aku la ke kino o Mahomeda malaila, me ke kanuia ana aku i ka lepo, a i ka pau ana o kela hana, akahi no a maha ka noonoo o ua kanaka kolohe nei, no ka mea ua oi aku ka holopono o na mea apau mamua o kaua i manao ai.

            Oiai ua make o Amaka Zeka, a ua ukali aku la hoi o Mahomeda Boe mahope o kona meheu, ua nele kela poe kanaka me kekahi alakai, nolaila ua kukakuka nui iho la ua poe kanaka nei, no ka lakou mea e hana aku ai, ma ia kukakuka ana. i hooholo iho ai lakou, e hoomau aku i ka hele ana no ka akau, no ka makaikai ana i na wahi i noho ai o ko lako@@ ohana lehulehu.

            No Wepa hoi. i kona maopopo ana, i ka manao o kela poe kanaka, ua hoike aku la no hoi oia, no kona manao, e hele no ke kukulu hikina ahiki i ka hoea ana i kahi i nohoia e na kanaka ili keokeo, me kona noi pu ana aku i keia poe kanaka e haawi mai i elua mau lio nona. no ka mea he loa ke alahele, a i ka wa e maloeloe ai o kekahi lio. ua hiki iaia ke kau ma ka elua o na lio, oiai nae no Jene Kelekona ka lua o na lio ana i manao ai.

            Aohe no he hoole ana mai a kela poe. no ka me he elua mau lio kanaka ole. o ia kela lio i haawiia mai ai no Jene Kelekona, a pela noi me ka ho o Mahomeda, o ko Jene Kelekona lio nae, ka i haawiia mai no ua o Wepa.

            Oiai nae, aole he hookahi iwaena o kela poe kanaka i maopopo. he mau pohaku momi makamae ka Wepa, nolaila aole o lakou hoopilikia wale mai iaia nei, aka hookuu mai la no lakou iaia, e hele no kana wahi i manao ai, a e hele no hoi lakou, ma ka lakou alahele i hooholo ai.

            I ka makaukau nui ana o na kanaka Arabia ame na kauwa Paele, o ko lakou haalele iho la no ia i ke kahua hoomoana, kau ae la no hoi o Wepa maluna o kona lio, me ke ku malie ana no nae, nana i ka hele o kela poe kanaka no ko lakou alahele.

            Ke ku la keia nana no kekahi manawa loihi, a ia lakou i nalowale aku ai iloko o ka ululaau, o ka hoohuli ae la no ia o u o Wepa i kona lio, a holo aku la no kahi ana i haalelo ai ia Jene Kelekona ma ka po aku mamua. me na huaolelo hoomaikai ma kona waha, no kona pakele ana mai ka make mai i kela poe kanaka okipuu.

            I ka hoea ana aku o ua o Wepa malalo pono o ke kumulaau, ana e hoomaopopo la, malaila oia i waiho aku ai ia Jene Kelekona, kaohi mai la oia i ka holo o kona lio. me ka hoolono ana iho o ka lohe aku i ke pahupahu kapuai wawae lio, aole nae on a lohe aku i kekahi halulu, he meha pu wale no, ia wa oia i kahea aku ai ia Jene Kelekona. me ka haawi pu ana aku i kona aloha kakahiaka, o ka mea apiki nae, aohe he pane mai o Jene Kelekona.

            Ua hookahaha loa ia mai ka manao o ua o Wepa, nolaila nana okoa ae la oia iluna o ke kumulaau me ka hakilo ana ma kahi paapu i ka lau o na laau. aole no on a wahi mea a ike aku i kela wahine opio, nolaila lele okoa iho la oia mailuna mai o kona lio, a pinana aku la iluna o ke kumulaau, e noke ana i ka nana ma o a maanei, aole no he wahi hoailona no kona ike ia Jene, nolaila ua hoopohihihi loa ia mai kona manao. no ke ano o ka nalowale ana o kela wahine mai iaia aku. oiai nae. o ka mea pololei. aole o Jene ma kela kumulaau, aka ua nalowale aku oia iloko o ka ululaau, a na keia mua aku e hoike mai ia kaua e ka makamaka heluhelu i ke kumu o kona nalowale ana.

MOKUNA XXII

            Oiai hoi o Tazana e milimili ana i na iliili o ke kahawai, a Amaka Zeka o ke kiola ana ilalo o ka lepo, ia wa i hoomanao mai ai oia no kela mau puupuu gula, ma kahi o ke kaua hahana i hooukaia ai mawaena o na kanaka Arabia ame na koa Abesinia.

            Ke hookuku la oia iloko o kona noonoo, i ke ano o kela mau puupuu gula, me na pohaku momi alohilohi o ka aihueia ana mai aia aku. me ka hoala okoa ana ae i keia ninau: Heaha la ke ano o kela mea lelo. Maihea mai la i loaa mai ai? No kekahi manawa loihi kona noonoo ana. uwiuwiki mai la kekahi wahi malamalama o ka hoomaopopo, oia ka on a nona kela waiwai. a no ka makemake o kela poe kanaka e lilo aku no lakou ia waiwai. o ke kumu ia o ko lakou kaua ana me ka nui o ka poe o lakou i make ma na aoao a elua.

            Ala keia wahi o kona noonoo ana. luliluli ae la kona poo, a me ke anapu ana la na ka uwila, aia hoi, ike iho la oia, i ke uhee ana aku o ka noonoo holoholona mai iaia aku, a oiliili mai la kana mau hoomanao ana, no kekahi mau hiona ame na helehelena o kekahi poe, pela hoi me kekahi mau hana, me hemea la, aole oia he holoholona, a he noonoo hoi no ka mapu, aka he kino kanaka maoli kona, me ka noonoo o ke kanaka.

            O ka mea pololei loa, ua hoi hou mai ko Tazana noonoo maikai, no ka mea mamuli o ke ola ana ae o keia wahi i eha ai o kona poo, pela iho la i hoi hou mai ai ka noonoo maikai iloko on a, a iloko o na helehelena e oiliili mai la iloko o kana mau hoomanao ana, o ka helehelena o Jene ka mea nalowale ole, me he mea la, e ike okoa aku ana oia i ke ku ku mai o ua wahine opio la ma kela wahi o ka paila o na puupuu gula i hoahuia ai, eia nae, he hiona kela i kaokoa loa, mai ka hiona i kamaaina i kona mau maka, i na la aku i hala.

            O kana mea i ike ma kela wahi mamua. he mau hale lehulehu, pela me na palaau, me na pua nani e ulu ana, kahi a Jene e hoohala ai i kekahi manawa, a ke hele holoholo ana iloko o ka malapua. No kekahi manawa loihi kela noho ana o Tazana malaila, o kona ku ae la no ia iluna. me ke kiola ana aku i na pohaku iliili o ke kahawai, a hooholo iho la oia i kona manao, he oi loa aku ka pono, o kona hele ana na kahi o na hiona ana e ike la iloko o kona noonoo, malia e loaa aku ana iaia kekahi mau mea nona e pomaikai ai, mamua o ka hele auwana wale iho no iloko o ka ululaau.

            Me ka hoohakalia hou ole aku e hoopau manawa ai, o ka pinana aku la no ia o ua o Tazana iluna o na kumulaau, a hoomaka mai la e hele no kahi ana i ike ai i ka paila o ke gula, a i kona hoea ana aku i ka palena pau o ka ululaau, e waiho mai la ke kula palahalaha o kona aina hanai holoholona, ua ike aku la oia i ke koena aku o na kanaka Arabia, e hele mai ana e huli ia Amaka Zeka, aole no nae oia nei hoike wale aku iaia iho imua o kela poe, aka hookuu aku la no ia lakou e hele, no ka mea ke kau aku la kona noonoo, no kahi i ku ai o kona mau hale, ame ka paila o ke gule.

            I aia nae i haalele aku ai i ka ululaau, a helewawae mai la i ke kula palahalaha, halawai mi la ka ike a kona mau maka me kekahi mau dia opiopio, a oiai ua hele no oia a pololi, nolaila manao ae la ka piha, o kona opu, ua kokoke ka meaai imua o kona alo, o kona kokolo hele mai la no ia, e pee ana iwaena o na laau liilii, a iloko o ka hapalua hora o kela hookolo malie ana mahope o kela mau holoholona, akahi no a make kekahi dia momona iaia, nolaila noke iho la oia i ka ai me ka hoonuu ahiki i ka maona ana, alaila ono mai la ka wai, o kona hele aku la no ia no kahi e waiho mai ana o ke kahawai, i hele no a kamaaina iaia, a oiai ua ahiahi i kela manawa, aole ana noonoo hou ana aku, no ka hele no kahi i waiho ai o na puupuu gula, aka huli aku la oia ahiki i ka loaa ana iaia o kekahi kumulaau nui, o kona pinana ae la no ia iluna, a noho iho la mawaena o kekahi mau lala manamana, o ka haule aku la no ia hiamoe, oiai ua hele a maona, a hui pu iho me ka maluhiluhi maoli, ua poina maoli kona noonoo, i kela haule ana aku hiamoe, o ia no oe o ka hiamoe ana oluna o kekahi pela nolunolu.

            I ka puoho ana ae o ua o Tazana ma kekahi kakahiaka mai, ua hele maoli oia a pololi, me ka makewai pu, nolaila iho mai la oia ilalo, a hele aku la no kahi o ka muliwai, no ka inuwai ana, eia nae, ua hoea e aku he liona i ka muliwai, a e kulou ana ke poo o ua liona la iloko o ka wai. aole no nae ia he mea no Tazana e maka'u ai, ke hoomau aku la no oia i ka hele. a i ka lohe ana mai o ua liona nei i ka nakeke. alawa ino mai la kana nana ana ihope o ka moali alanui. a ike mai la ia Tazana, me ka hoonunulu ana mai i kona leo.

            Ma ka Tazana koho aku, ua maona kela liona, a no kona makewai, pela iho la i hele okoa aku ai i ka muliwai. No kekahi manawa ka nana ana mai a ua liona nei ia Tazana, ua hoomau hou aku la no i ka inu ana i ka wai, me ka hoololi ana ae nae o Tazana i kona alahele, mai kahi mai a ka liona e inuwai ana, a hoea aku la oia ma ka'e o ka muliwai, he mau kapuai helu wale no ke kaawale mai ka liona mai, me k palaha ana iho o kona alo ilalo, a inu aku la ika wai, oiai no nae kona mau maka, ke leha aku la i kahi o ka liona e inuwai mai la.

            O ka liona nae ka mea o laua i pau e kana inuwai ana a leha mai la kona mau maka i kahi a Tazana e inuwai la. No kekahi mau minuke ke k@ @ @lie loa ana o kela liona, me ka oni ole, alaila hoomaka ae la e kuwo, me ka huli ino ana ae o kona kino ihope, alaila hoomaka aku la e holo, ma ka moali alanui e moe ana iloko o ka ululaau.

            Aole i lilo kela leo kuwo o ka liona, i kumu no Tazana e maka'u ai, a hopohopo iho paha, aka ke noho malie la no oia, me ka makaukau mau nae i na manawa apau, a k liona e manao ai e lele mai maluna on a, aka nae, i kela holo ana aku la o ua holoholona nei a nalowale, me ka lohe hou ole ia aku o kekahi nakeke, o ka lele aku la no ia o Tazana iloko o ka wai, no ka auau ana, a iaia i hoi hou mai ai iluna o kapa o ka muliwai, loaa mai la iaia kekahi punana hua manu, o ka loaa iho la no ia o kona paina kakahiaka.

            I ka piha iki ana aku o kona opu, o kona kamoe pololei mai la no ia no kahi o ka paila o na puupuu gula i waiho ai, i hoea mai kona hana, aole he gula i koe, aole no hoi he ikeia iho o ka meheu, e maopopo ai iaia, ke ano o ka nalowale ana aku o ke gula, o kana mea nae e ike la, o ia no ka nui o na moali wawae lio, me na moali wawae kanaka.

            Ua lilo kela nalowale ana o na puupuu gula, i mea hookahaha loa mai i ka noonoo o Tazana, me ka maopopo ole o kana wahi e hele aku ai e huli i ka poe na lakou i aihue i kela waiwai. Mahope nae o kona noonoo ana no kekahi manawa loihi, hooholo iho la oia, o ka hana pono wale no, o ia kona hele ana e huli ia Cuka, in a nei no ka loaa o kela mapu iaia, alaila e loaa ana kona kokoolua e hele ai e huli, i ka wahine opio a kona noonoo e hoomanao mau la me ka poina ole.

            Aole he alahele maopopo loa a ua o Tazana o ka hooholo ana iho, malaila oi e hookolo ai mahope o Cuka, aka he pono hele wale aku no kana ahiki i ka hoea ana i kahi o ka ululaau, o kona pinana ae la no ia iluna, a hoomau aku la i ka hele ana iloko o ka hihipe'a o ka ululaau. No na la elua kela kaahele ana a ua o Tazana, e pepehi ana i na holoholona, i mau meaai nana, a e hiamoe ana no hoi ke uhi mai ka po. a me ke kolu o ka la, honi aku la oia i ke ea o kekahi kanaka, maluna o ka lio, a mahope iho o kona kakali ana no kekahi manawa loihi, ua kokoke loa mai la ke ea iaia, e ka maopopo loa, o ka mea nona kela ea hohono, no ke kanaka no ia, nana i aihue i kana ekeili me na pohaku momi makamae iloko.

            Me ka palanehe loa i hoohuli ae ai ua o Tazana i kona alahele, ma kahi a ka makani e lawe mai ai i ke ea hohono o ke kanaka ana i inaina loa ai, me kona holo ana aku a puka iwaho o kahi malaelae i ulu nui ole ia e na kumulaau, ia wa i hiki pono ai iaia ke ike aku i kekahi kanaka e kau ana maluna o kona lio, a e hele pololei mai ana hoi ma kana wahi e kau nei iluna o ke kumulaau.

            Me ka hoohewahewa ole i ike pono ak uai ua o Tazana, o kela no ke kanaka ana i makemake loa ai e ike, a iloko o kona manao inaina, me ka piha ma ke huhu, no ke kanaka nana oia i pulapu mai iho malie iho la oia ilalo a kau maluna o na lala laau haahaa ma kahi e ku pono ana i ka moali alanui a Wepa e hele mai ana.

            Ke kakali malie la oia, a i hakalia no a kaalo ae o Wepa malalo o kahi ana e kau ana, o kona lele iho la no ia a kau ana mahope o ka lio o Wepa, a no kela haule ana iho o ua o Tazana, ua puiwa aku la ka lio o Wepa me ka hoomaka ana aku e holo, aka nae, ua kaualakoia mai la o Wepa a haule ana ilalo, me ka paa ana o kona kania-i i na lima wikani o Tazana, me ke kukuli ana iho hoi o ua keiki nei a ka mapu, maluna o ka umauma o Wepa, e naka ae la me ka haalulu.

            I ka nana ana ae a Wepa a ike me ka maopopo loa, o keia no ke kanaka ana i kau ai o ka weli, na hoao ae la oia e kupaka me ka manao e kaawale ae mai ka puliki ana o ka lima wikani o Tazana i kona a-i, he ole nae ka makili ae, ua like kela lima e paa la me kekahi umii hao kila. Ke hooikaika la oia e kahea ae, me ka uwalo ma iimua o Tazana, e hoopakele kona ola, aole nae he wahi mea a puai mai o ka leo, nolaila he hookahi no hana. o ka nooo malie.

            "Eia ihea kela ekeili a'u me na pohaku momi makamae iloko au o ka aihue ana? Heaha kau mea i hana aku ai no kela mau pohaku makamae?" wahi a Tazana, me ka hookuu ana ae i ka puliki ana o kona lima i ke kania-i o Wepa, i hiki ai i ua kanaka nei ke pane ae.

            Aole nae he hiki ia Alabaki Wepa ke pane koke ae, aka ke noke la oia i ke kunu, me ka hamohamo ana o kona mau lima, ma ka puu, a i ka hala ana o kekahi mau sekona, akahi no a hiki iaia ke pane ae, i ka i ana mai:

            "Aole me a'u kela mau pohaku makamae i keia manawa, aka ua aihueia aku e Amaka Zeka. Ua koi ikaika mai oia e haawi aku au iaia i ke ekeili ame na pohaku momi makamae apau iloko."

            "Ua maopopo ia'u kau mau mea apau e kamailio mai nei e Wepa, no ka mea owau pu kekahi, ma kela manawa a Amaka Zeka, i lawe aku ai i ke ekeili au o ka waiho ana maluna o ko lio make. Ua loaa ia'u kela ekeili, a o na pohaku maloko, he mau iliili no ka muliwai aole o na pohaku momi a Tazana.

            "Aole i lilo kela mau pohaku makamae ia Amaka Zeka, no ka mea ua piha loa oia i ka huhu me ka inaina, i kona wa i maopopo ai, ua apuhi aku oe iaia, a iloko o kona manao inaina, i kiola aku ai oia i kela mau iliili, ame ke ekeili i kahi e. No ka elua o ka manawa, ke nina uaku nei au ia oe e Alabak Wepa, eia ihea kela mau pohaku momi a Tazana?"

            "Aole au i ike i kahi i nalowale ai o kela mau pohaku momi," i wikiwiki mai ai o Wepa i ke kamailio ana, me ka hele o kona mau maka, a kunahihi i kau a mea o ka maka'u i ka make. "Ua haawi aku au i ke ekeili ia Amaka Zeka, no ko'u maka'u o pepehi mai auanei oia ia'u a make. He manawa pokole nae mahope mai o ke kaa ana aku o ke ekeili malalo o kona malu, ua hele mai la oia e huli ia'u, me kela manao no, e hookau mai i ka make maluna o'u, a no kona uhaki ana i kana hoohiki, o ia kona hoopilikia hou ole mai ia'u. ua konoia mai au e ki aku iaia me ka pu a make.

            "No ko'u minamina no i kela mau pohaku makamae, ua noke au i ka huli i kona kino, mahope iho o kona make ana, aole nae i loaa aku ke ekeili ia'u, a pela hoi na pohaku momi makamae."

            "ua loaa ua ekeili nei ia'u. ame na iliili eleele o ke kahawai, elike me ka'u i hoike mua aku nei ia oe; nolaila eia ihea na pohaku momi a Tazana? Ina @a huna oe i kela mau pohaku momi ma kekahi wahi, o keia ka wa au e kuhikuhi mai ai i kahi e loaa aku ai ia'u, o ike auanei oe. i k@pepehiia aku e a'u a make loa," me ka umii hou ana iho o na manamanalima o ua o Tazana, i ke kania-i o Wepa.

            Ma kela wahi i noke okoa ae ai o Wepa i ke kupaka i o a ia nei, a ika makili ana ae o na manamanalima o Tazana, ia wa i pane mai ai ua o Wepa:

            "O, e na lani! E ka Haku Kelekona, e hookau mai anei oe i ka make maluna o'u, no kela mau pohaku momi liilii wale no? E lilo anei kela mau momi i kumu e hapalaia ai kou mau lima. me ke koko o ka hoa-kanaka?"

            "Ua hookuu ae la ka Tazana puliki ana i ke kania-i o Wepa, mamuli o kona lohe ana aku i ka inoa, ka Haku Kelekona, a i aku la: "Owai keia mea o ka Haku Kelekona? I hea la au i lohe ai i kela inoa?" me ka paa ana ae o na lima o ua o Tazana ma kona poo.

            "O oe no hoi ka Haku Kelekona." i pane mai ai o Alabaki Wepa, me ka hooikaiki ana ae ahiki i kona noho nono ana mai iluna. "Ua ike au i ke kumu o ka palaka pu o kou noonoo, mamuli no ia o ka pa ana o kou poo i kekahi apana pohaku, maloko o kekahi keeua pouli, i piha i ke gula. iloko o ka honua kahi au o ka hele ana ame kou poe kanaka Paele. e halihali mai i ke gula no kahi i ku ai o kou home. O oe maoli no o Keoni Kelekona. a o ka Haku Kelekona hoi ma kekahi olelo ana ae, aole anei ou hoomanao?"

(Aole i pau.)